शालेय कर्मचाऱ्यांसाठी समावेशक शिक्षणावरील संवेदीकरण मॉड्यूल! MPSP आदेश 05/10/2026

 दिनांक ७ ऑक्टोबर, २०२६ रोजी शालेय कर्मचाऱ्यांसाठी समावेशक शिक्षणावरील संवेदीकरण मॉड्यूलचे प्रदर्शन - बाबत महाराष्ट्र प्राथमिक शिक्षण परिषदेने दिनांक 5 ऑक्टोबर 2026 रोजी पुढील प्रमाणे आदेश निर्गमित केला आहे.

जा.क्र.मप्राशिप/समग्र शिक्षा

दिनांकः ई स्वाक्षरी.

प्रति,

१) मा.आयुक्त, महानगरपालिका, सर्व.

२) मा. मुख्य कार्यकारी अधिकारी, जिल्हा परिषद, सर्व.

विषय: दिनांक ७ ऑक्टोबर, २०२६ रोजी शालेय कर्मचाऱ्यांसाठी समावेशक शिक्षणावरील संवेदीकरण मॉड्यूलचे प्रदर्शन - बाबत.

संदर्भ: भारत सरकार दिनांक: ३० सप्टेंबर, २०२६.

महोदय/महोदया

उपरोक्त संदर्भीय पत्रान्वये भारत सरकार ने शालेय कर्मचाऱ्यांमध्ये संवेदनशीलता, सहानुभूती आणि सर्वसमावेशक वृत्ती निर्माण करण्यासाठी विशेष गरजा असलेल्या मुलांसाठी (CWSN) सर्वसमावेशक शिक्षणावर ३०-मिनिटांचे एक संवेदीकरण आणि मार्गदर्शन सत्र विकसित करण्यात आले आहे.

२. हे मॉड्यूल सर्व शिक्षक आणि शिक्षकेतर कर्मचाऱ्यांसाठी असून ते १२ भारतीय भाषांमध्ये उपलब्ध असेल. व्यावहारिक उदाहरणे आणि संवादात्मक उपक्रमांच्या माध्यमातून, हे मॉड्यूल शालेय कर्मचाऱ्यांना विशेष गरजा असलेल्या मुलांच्या (CWSN) गरजा आणि आव्हाने अधिक चांगल्या प्रकारे समजून घेण्यास आणि शाळेच्या वातावरणात योग्य, आदरपूर्ण व सर्वसमावेशक पद्धतींना प्रोत्साहन देण्यास सक्षम करेल.

३. सर्वसमावेशक पद्धती आणि सुलभतेच्या नियमांविषयी शालेय कर्मचाऱ्यांमध्ये सार्वत्रिक जागरूकता सुनिश्चित करण्याच्या उद्देशाने, सदर अंदाजे ३० मिनिटांचा व्हिडिओ ओरिएंटेशन मॉड्यूल ७ ऑक्टोबर, २०२६ रोजी सर्व शाळांमध्ये दाखवला जावा. हे मॉड्यूल ७ ऑक्टोबर, २०२६ पासून प्रशस्त पोर्टलवर उपलब्ध होईल आणि ते https://prashast.education.gov.in/ येथे पाहता येईल. ते प्रशस्त पोर्टलवरील मुख्याध्यापक लॉगिनद्वारे व्हिडिओ ट्यूटोरियल पर्यायातून दिसेल. हे मॉड्यूल पाहणाऱ्या शाळांची संख्या राष्ट्रीय/राज्य आणि ब्लॉक लॉगिनवर दिसेल आणि ती तिथेच तपासता येईल.

४. या संदर्भात, आपल्या अधिकारक्षेत्रातील सर्व संबंधित अधिकारी, शाळा आणि संलग्न शैक्षणिक संस्थांना ७ऑक्टोबर, २०२६ रोजी मॉड्यूलचे स्क्रीनिंग सुलभ करण्यासाठी आणि आया, चालक, लिपिक, रिसेप्शनिस्ट, डीन, वॉर्डन, विभागप्रमुख इत्यादींसह सर्व शिक्षक आणि शिक्षकेतर कर्मचाऱ्यांचा जास्तीत जास्त सहभाग सुनिश्चित करण्यासाठी आवश्यक निर्देश जारी करावेत, अशी विनंती आहे. हा कार्यक्रम अशा प्रकारे आयोजित केला जावा की, शाळेच्या अत्यावश्यक कामांमध्ये व्यत्यय न आणता सर्व कर्मचारी त्यात सहभागी होऊ शकतील.

हा उपक्रम, या शैक्षणिक वर्षात सर्व विद्यार्थ्यांची संभाव्य दिव्यांगत्वासाठी तपासणी करण्याकरिता हाती घेण्यात आलेल्या 'प्रशस्त-स्क्रीनिंग उपक्रमाचा एक भाग आहे, जेणेकरून लवकर उपाययोजना करता येतील. शालेय वातावरणात विशेष गरजा असलेल्या मुलांच्या (CWSN) गरजा आणि आवश्यकतांबद्दल शाळेतील कर्मचाऱ्यांचे संवेदीकरण करणे, हे प्रशस्तमध्ये समाविष्ट असलेल्या संवेदीकरण मॉड्यूलचा एक भाग आहे.

६. या उपक्रमाचा व्यापक प्रसार आणि प्रभावी अंमलबजावणी सुनिश्चित करण्यासाठी आपले सहकार्य अपेक्षित आहे, जेणेकरून विशेष गरजा असलेल्या मुलांसाठी (CwSN) एक समावेशक, सुलभ आणि सहाय्यक शालेय वातावरण अधिक मजबूत होईल.

तरी आपल्या स्तरावरून संबधितांना सुचना देण्यात याव्यात, ही विनंती.

आपला विश्वासू,

Digitally signed by Devidas Balkrishna Kulal Date: 05-10-2026 12:35:13

(देविदास कुलाळ)

सहसंचालक (प्रशा)

म.प्रा.शि.प., मुंबई

नियमित अपडेट्स मिळवण्यासाठी गुगल सर्च करा pradipjadhao हा ब्लॉग.

व्हिडिओ स्वरूपात माहिती लाईक शेअर कमेंट करा आमच्या पुढील युट्युब चैनल ला.. 

https://youtube.com/c/pradipjadhao

Join WhatsApp Channel

Follow Telegram Chanel

नवनवीन शैक्षणिक/शिक्षक व कर्मचारी हिताची माहिती मिळवण्यासाठी खालील व्हाट्सअप ग्रुप वर जॉईन व्हा.

Join WhatsgApp Group

जॉईन टेलिग्राम ग्रुप

Thank you🙏