राज्यातील सर्व शाळांचे Geo Tagging करण्याबाबत शिक्षण विभागाचा शासन आदेश 23/04/2025 महत्त्वपूर्ण सूचना लिंक

राज्यातील सर्व शाळांचे जिओ टॅगिंग करण्याबाबत महाराष्ट्र शासनाच्या शालेय शिक्षण व क्रीडा विभागाने दिनांक 23 एप्रिल 2025 रोजी पुढील प्रमाणे शासन निर्णय निर्गमित केला आहे.

प्रस्तावना :-

राज्यातील सर्व शाळांबाबतची विस्तृत माहिती केंद्र शासनाच्या UDISE plus या पोर्टलवर उपलब्ध असून यामध्ये शाळांबाबतची विविध माहिती जसे विद्यार्थी संख्या, शिक्षक संख्या, शाळांमध्ये उपलब्ध भौतिक सुविधा, संगणकीय सुविधा इ. माहिती या पोर्टलवर उपलब्ध असून या माहितीचा वापर शासन स्तरावर विविध धोरण/कार्यक्रमांची आखणी तसेच अंमलबजावणीचा आराखडा तयार करताना होत असतो. तथापि, धोरणांच्या आखणीकरीता व अंमलबजावणीकरीता अन्य माहिती जसे गांव, वाड्या, वस्ती यांचे ठिकाण (Location), लोकसंख्येची घनता तसेच उपलब्ध जिल्हा, राज्यमार्ग/महामार्ग, राष्ट्रीय महामार्ग, दोन शाळांमधील अंतर, शाळांच्या नजिक शासनाच्या इतर विभागांद्वारे उपलब्ध सोयीसुविधा याबाबतची माहिती विभागाकडे सद्यःस्थितीत उपलब्ध नव्हती.

२. ही कमतरता भरुन काढण्याकरीता महाराष्ट्र रिमोट सेन्सिंग अॅप्लीकेशन सेंटर (MRSAC) या संस्थेसोबत दि.०४.०२.२०२५ रोजी करारनामा करण्यात आला आहे. त्यामुळे MRSAC कडे उपलब्ध विविध विभागांची माहिती व UDISE plus या पोर्टलवरील शालेय शिक्षण विभागांची माहिती यांचे एकत्रिकरण करुन सदरहू माहिती एका स्वतंत्र Dash Board वर उपलब्ध करण्यात येणार आहे. या माहितीचा उपयोग शालेय शिक्षण विभागास संबंधित विविध योजनांच्या आखणीकरीता व अंमलबजावणीकरीता होणार आहे. त्या अनुषंगाने सदर करारनामा करण्यात आला आहे.

३. महाराष्ट्र रिमोट सेन्सिंग अॅप्लीकेशन सेंटर या संस्थेद्वारे शालेय शिक्षण विभागातील सर्व प्रकारच्या शाळांचे भौतिक ठिकाण छायाचित्रासह टॅग करुन भौगोलिक तंत्रज्ञानाद्वारे (geospatial technology) सर्व माहिती एकत्रित करण्याकरीता Mobile App: "Maha School GIS" अॅप विकसित करण्यात आले आहे. सदर अॅपचे लोकार्पण मा. मंत्रीमंडळाच्या दि.२२.४.२०२५ रोजीच्या बैठकीमध्ये मा. मुख्यमंत्री महोदय यांच्या शुभहस्ते करण्यात आले. त्यानुसार संबंधीत शाळांच्या मुख्याध्यापक यांनी यासंदर्भात करावयाच्या पुढील कार्यवाहीबाबत सुचना निर्गमित करावयाची बाब शासनाच्या विचाराधीन होती.

शासन परिपत्रकः-

महाराष्ट्र रिमोट सेन्सिंग अॅप्लीकेशन सेंटर या संस्थेने शालेय शिक्षण विभागातील सर्व प्रकारच्या शाळांचे भौतिक ठिकाण छायाचित्रासह टॅग करुन भौगोलिक तंत्रज्ञानाव्दारे (geospatial technology) सर्व माहिती एकत्रित करण्याकरीता Mobile App: "Maha School GIS" अॅप विकसित केले आहे.

२. सदर अॅप मध्ये शाळांना त्यांचा युडायस कोड किंवा युडयस प्लस मधील संबंधीत शाळांच्या मुख्याध्यापक यांनी नोंदविलेला मोबाईल क्रमांक टाकून लॉगिन करावयाचे आहे. त्यानंतर शाळेची युडयस प्लस मध्ये भरलेली माहिती या अॅपमध्ये दिसेल. त्यानंतर शाळेचे GIS Location (Latitude & Longitude with time stamp) Capture करुन शाळेचे नाव, शाळेची संपूर्ण इमारत, किचन शेड, मुलांचे व मुलींचे स्वच्छतागृह सुविधा, पिण्याच्या पाण्याची सुविधा असे एकूण ५ फोटो समाविष्ट करुन शाळेने माहिती भरावयाची आहे.

३. सदर माहिती संबंधीत अॅप वर भरतांना संबंधीत मुख्याध्यापक यांनी शाळेच्या आवारात उपस्थित राहून फोटो/ माहिती अद्ययावत करण्याची खबरदारी घेण्यात यावी.

सदर माहिती संबंधीत अॅपवर दि. ३० एप्रिल, २०२५ पुर्वी अद्ययावत करण्यात यावी.

४. ५. सर्व शाळांकडून ही माहिती भरून घेण्यात येत असल्याची खातरजमा संबंधीत शिक्षणाधिकारी यांनी करावी.

६. विहीत मुदतीत ही कार्यवाही पूर्ण होण्याच्या अनुषंगाने आवश्यक प्रशासकीय सूचना आयुक्त, शिक्षण, महाराष्ट्र राज्य, पुणे यांनी निर्गमित कराव्यात.

७. सदर शासन परिपत्रक महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आला असून त्याचा संकेताक २०२५०४२३११५१००१०२१ असा आहे. हा आदेश डिजीटल स्वाक्षरीने साक्षांकित करुन काढण्यात येत आहे.

महाराष्ट्राचे राज्यपाल यांच्या आदेशानुसार व नावाने.

(समीर सावंत)

उप सचिव महाराष्ट्र शासन

वरील संपूर्ण शासन निर्णय पीडीएफ स्वरूपात डाउनलोड करण्यासाठी खालील Download वर क्लिक करा

Download

दिनांक 17/4/2025 रोजी माननीय शिक्षण आयुक्त यांनी ऑनलाइन बैठकीमध्ये दिलेल्या सूचनेनुसार दिनांक 19.4.2025 रोजी या एकाच दिवसात राज्यातील सर्व शाळांचे जीआयएस मॅपिंग करावयाचे आहे.

📮 *Maha School App* 📮

*अँप इन्स्टॉल करण्यापुर्वी Play store वर गूगल अकाउंट ला click करा.*

👇👇

*Play protect*

👇👇

*Genral Setting*

👇👇

*Permission off करा.*

👇👇

*नंतर Maha School App इन्स्टॉल करा.*

👇👇

*App ला udise code ने लॉगिन करा.*

👇👇

*आपला जिल्हा, तालुका, udise निवडा*

👇👇

*Permision Allow करा.*

*डॅशबोर्ड ला शाळा दिसू लागेल.*

👇👇

*सांगितले प्रमाणे कार्यवाही करा.*

*Edu Tech*

*Harsh Curiosity World*

*9657608354*

सर्व मुख्याध्यापक यांनी स्कूल मॅपिंग युजर मॅन्युअल वाचून त्याप्रमाणे उपरोक्त महा स्कूल जीआयएस एपीके फाईल इन्स्टॉल करावे व स्वतःच्या शाळेचे मॅपिंग करून फोटो अपलोड करावे. सदर मॅपिंग शनिवारी सर्व मुख्याध्यापकांनी पूर्ण करावे एकूण पाच ते सहा फोटो अपलोड करावयाचे आहे.

Click on APK file

⬇️

Go to Play Store

⬇️

Go to Play Store account

⬇️

Go to play protect

⬇️

Disabled both function

⬇️

Install APK file

⬇️

App is ready for mapping

Maha School GIS APK Download

Download

Download

शाळा किंवा अंगणवाडी मॅप करण्यासाठी संपूर्ण सूचना युजर मॅन्युअल पीडीएफ डाउनलोड.

Download

School Mapping बाबत माहिती

(*सदर माहिती युजर मॅन्युअल वरून तयार करण्यात आलेली आहे थोडाफार बदल असू शकतो. सतीश नांदणे, दर्यापूर.*)

🔹 सर्वप्रथम मोबाईल हा अँड्रॉइड असावा.

🔹 प्ले स्टोअर ला जाऊन उजव्या बाजूला प्रोफाइल आयकॉनवर क्लिक करून Play Protect वर क्लिक करावे.

त्यानंतर तेथील दोन्ही ऑप्शन बंद करावेत

🔹 ऑप्शन बंद केल्यानंतर Turn Off या बटनवर क्लिक करावे.

🔹 त्यानंतर सोबत पाठवलेली Schoolmapping.apk

Open करावी. Install या बटण वर क्लिक करावे. शेवटी Done वर क्लिक करावे.

🔹 आता आपल्या मोबाईल मध्ये इन्स्टॉल झालेले ॲप ओपन करावे.

त्यावेळी ॲप परमिशन मागील अशा सर्व परमिशन्स च्या वेळी Allow ( Allow All ) त्यानंतर while using the app या वर क्लिक करावे .

🔹 Allow access to manage all files हा Option On करावा.

🔹 *त्यानंतर लॉगिन पेज ओपन होईल तेथे मुख्याध्यापक यांचा मोबाईल नंबर किंवा शाळेचा यु-डायस नंबर टाकून लॉगिन या बटणावर क्लिक करावे.*

🔹 जर तुम्ही यु-डायस टाकून लॉगिन होत असाल तर स्क्रीनवर आलेली माहिती भरावी.

🔹 एक ओटीपी मुख्याध्यापक यांना प्राप्त होईल तो टाकून कन्फर्म ओटीपी या बटन वर क्लिक करावे.

🔹 Login successful असे लिहून आल्यावर ओके या बटणावर क्लिक करावे.

🔹 त्यानंतर आपल्या डोळ्यासमोर डॅशबोर्ड ओपन होईल त्यातील School mapping या बटन वर क्लिक करावे.

शाळेची माहिती आपल्या डोळ्यासमोर दिसेल.

🔹वापरकर्त्यांना Get Location बटणावर क्लिक करून location माहिती (अक्षांश आणि रेखांश, अचूकता, तारीख आणि वेळ) घ्यावी लागेल.

🔹कृपया Accuracy मजकूर बॉक्स तपासा. Accuracy १० मीटरपेक्षा कमी असावी. जर accuracy १० मीटरपेक्षा जास्त असेल, तर वापरकर्ता location information लॉक करू शकणार नाही.

हवी असलेली Accuracy मिळाल्यानंतर, वापरकर्ता कॅमेरा आयकॉनवर क्लिक करून फोटो घेऊ शकतो.

🔹 त्यानंतर शाळेतील सहा फोटो अपलोड करावयाचे आहेत. *फोटो हे मोबाईल आडवा करून काढावेत.*

🔹 पहिला फोटो हा शाळा व शाळेचे नाव असलेल्या बोर्ड सह असावा.

🔹 दुसरा फोटो हा शाळेतील जनरल व्ह्यू स्वरूपातील असावा.

🔹 तिसरा फोटो हा किचन शेड चा असावा.

🔹 चौथा फोटो हा पिण्याच्या पाण्याची व्यवस्था या स्वरूपातील असावा.

🔹पाचवा फोटो हा मुलांच्या टॉयलेट एरिया फॅसिलिटी चा असावा. ( Optional)

🔹 सहावा फोटो हा मुलींच्या टॉयलेट एरिया फॅसिलिटी जवळचा असावा.

🔹 सर्व सहा फोटो घेतल्यानंतर मुख्याध्यापक यांनी रिमार्क लिहावा.

सर्व प्रक्रिया झाल्यानंतर Save बटन वर क्लिक करावे व त्यानंतर send बटन वर क्लिक करावे. शेवटी successful असा मेसेज येईल.

*ज्या शाळेमध्ये इंटरनेट सुविधा उपलब्ध नसेल त्यांनी इंटरनेट किंवा रेंजमध्ये आल्यानंतर send manager या ऑप्शनवर क्लिक करून डोळ्याचे चिन्ह पहावयास मिळेल त्यावर माहिती चेक करून बाजूला असलेल्या Arrow वर क्लिक करावे.*

🔹आपण भरलेली माहिती पहावयास मिळेल.

अत्यंत महत्त्वाचे काल मर्यादित

1. सर्व व्यवस्थापनाच्या सर्व माध्यमाच्या यु-डायस नंबर असणाऱ्या सर्व शाळांचे GIS मॅपिंग करावयाचे आहे.

2. प्रत्येक मुख्याध्यापकाने Maha School GIS 1.0 हे अॅप डाऊनलोड करावयाचे आहे.

3. वरील अॅप हे प्लेस्टोर वर उपलब्ध नाही. राज्यस्तरावरून काही वेळात APK फाईल मिळेल त्यातून हे अॅप घ्यावयाचे आहे.

4. A*PK फाईल मधून अॅप डाऊनलोड करण्यासाठी सेटिंग करावी लागेल. Play store -play protect- improve harmful app detection हे डिसेबल करावे.

5. यु-डायस प्लस मध्ये जे मुख्याध्यापकांचे नंबर नोंदविलेले आहे त त्याला हे अॅप लिंक केलेले आहे.

6. अॅप डाऊनलोड केल्यावर त्यात मोबाईल नंबर टाकून त्या मोबाईल नंबर वर ओटीपी येईल मग लॉगिन करता येईल.

7. लॉगिन केल्यावर संबंधित शाळेची यु-डायस वरची माहिती स्क्रीनवर दिसेल.

8. पुढे स्क्रोल केल्यावर गेट लोकेशन या टॅबवर क्लिक करावयाचे आहे. अक्षांश रेखांशाची ऍक्युरसी 10 मीटर पेक्षा कमी आल्यावरच कॅमेरा बटन इनेबल होते.

9. अर्थातच ही सर्व कार्यवाही मुख्याध्यापक यांनी आपल्या शाळेत जाऊन शाळेतच करावयाची आहे.

10. कॅमेरा टॅब वर क्लिक केल्यानंतर फ्रंट व्ह्यू हा पहिला फोटो काढावयाचा आहे. शाळेच्या फ्रंट व्ह्यू चा म्हणजे साधारण शाळेचा नाव येईल असा फोटो काढून अपलोड करावयाचा आहे.

11. त्यानंतर जनरल व्ह्यू अशी टॅब येईल. साधारण सर्व शाळा दिसेल असा फोटो काढून तो अपलोड करावयाचा आहे.

12. त्यानंतर किचन शेड फोटो काढून तो अपलोड करावयाचा आहे. ज्या शाळांमध्ये सेंट्रलाइज किचन आहे आणि शाळेत किचन शेड नाही त्या शाळांनी आपल्याकडे शालेय पोषण आहाराचे वाटपाचे साहित्य ताट वगैरे ज्या ठिकाणी ठेवतो तेथील फोटो काढून अपलोड करावयाचा आहे. किचन सेट असेल तर किचन शेड चा फोटो अपलोड करावा.

13. त्यानंतर शाळेतील ड्रिंकिंग वॉटर फॅसिलिटी चा फोटो अपलोड करावा.

14. त्यानंतर बॉईज टॉयलेट हा फोटो अपलोड करावा. (फक्त मुलींची शाळा असेल तर बॉईज टॉयलेट फोटोच्या ठिकाणी कॅन्सल ही टेंब सिलेक्ट करावी)

15. त्यानंतर गर्ल्स टॉयलेट चा फोटो काढून तो अपलोड करावा (फक्त मुलांची शाळा असेल तर गर्ल्स टॉयलेट फोटोच्या ठिकाणी कॅन्सल ही टॅब सिलेक्ट करावी)

16. फोटो योग्य पद्धतीने आले आहेत की नाहीत हे तपासून मग फोटो सेंड ही टॅब क्लिक करून सेंड करावेत.

17. ज्या शाळांमध्ये इंटरनेट कनेक्टिव्हिटी नाही त्या मुख्याध्यापकांनी अॅप मध्ये वर दिलेल्या पद्धतीने एका नंतर एक फोटो काढून घ्यावेत आणि ते फोटो सेव्ह टॅब क्लिक करून सेव करावेत. त्यानंतर आपण कनेक्टिव्हिटी मध्ये आल्यानंतर अॅप ओपन करून सेंड ही टॅब क्लिक करावी.

18. लॉग इन केल्यानंतर हेल्प या टॅब वर क्लिक केल्यानंतर युजर मॅन्युअल मध्ये वरील सर्व प्रक्रिये बाबतच्या माहितीचे पीडीएफ आणि व्हिडिओ आहे. ते देखील प्रक्रिया सुरू करण्यापूर्वी पाहून घ्यावेत.

19. एका मोबाईलवर एक शाळा मॅप होईल. ज्या मुख्याध्यापकांचा मोबाईल अँड्रॉइड नाही उदाहरणार्थ आयफोन मोबाइल असेल तर दुसऱ्या एखाद्या अँड्रॉइड असलेल्या मोबाईलवर अॅप डाऊनलोड करावे. लॉग इन करण्यासाठी ओटीपी आयफोन वर जाईल. तो ओटीपी अँड्रॉइड मोबाईल मध्ये टाकून लॉगिन करता येईल.

20. अॅपचा एक्सेस राज्यस्तरावरून काही कालावधीसाठी म्हणजे राज्यातील 100% शाळा पूर्ण होईपर्यंत सुरू असणार आहे. तोपर्यंत माहिती एडिट होईल. एकदा वरिष्ठ स्तरावरून अॅकसेस बंद झाल्यानंतर कोणतीही माहिती एडिट करता येणार नाही. राज्यस्तरावरून एपीके फाईल मिळाल्याबरोबर आपल्यापर्यंत पोहोचविण्यात येईल आपण सर्व मुख्याध्यापकांनी दिनांक 19/04/2025 रोजी शाळेत प्रत्यक्ष जाऊन हे GIS मॅपिंग चे काम कोणत्याही परिस्थितीत पूर्ण करावयाचे आहे.

अधिकृत एपीके फाइल्स मिळवण्यासाठी आमच्या व्हाट्सअप ग्रुपला जॉईन व्हा!

Educational Updates

https://chat.whatsapp.com/GqI0WLNXXbLG6o18HNDI0S

https://chat.whatsapp.com/C7vvbJckb550361VzVTVxg

https://chat.whatsapp.com/EmR4trLaXRa0h4EZye5q7w

https://chat.whatsapp.com/HqkehpM3EZkJqOhUwlG2i4

https://chat.whatsapp.com/DN80S2LWNL4Kq6KTnB8FaG

https://chat.whatsapp.com/EdqFV9qJcx4ENMyZCqyRke

https://chat.whatsapp.com/C2y1BeQYgorE28fgrAcBoN

https://chat.whatsapp.com/G3f2AHCID952u7jL6zQw1r

https://chat.whatsapp.com/FaAWJLSmSPDKakiZ0ugzx9