शाळापूर्व तयारी अभियान २०२६-२७ ची यशस्वी अंमलबजावणी करणेबाबत राज्य शैक्षणिक संशोधन व प्रशिक्षण परिषदेने दिनांक 22 एप्रिल 2026 रोजी पुढील प्रमाणे आदेश निर्गमित केला आहे.
प्रति,
संचालक,
प्राथमिक शिक्षण संचालनालय, महाराष्ट्र राज्य, पुणे
विषयः- शाळापूर्व तयारी अभियान २०२६-२७ ची यशस्वी अंमलबजावणी करणेबाबत. संदर्भ : शाळापूर्व तयारी अभियान सन २०२२-२३ ते २०२४-२५.
उपरोक्त विषयान्वये राज्य शैक्षणिक संशोधन व प्रशिक्षण परिषद, महाराष्ट्र, पुणे (SCERT) यांचे मार्फत प्रथम संस्थेच्या सहकार्याने एप्रिल ते जून या दरम्यान "पहिले पाऊल" शाळापूर्व तयारी अभियान शैक्षणिक वर्ष २०२२-२३ ते २०२४-२५ ह्या शैक्षणिक वर्षात राबविण्यात आले आहे. सदर कार्यक्रमाच्या माध्यमातून असे दिसून आले की, शाळेत जाण्यापूर्वी पहिलीत दाखलपात्र मुलांची माता / पालक घरीच शाळापूर्व तयारी करून घेतात. ज्यामुळे पहिलीत दाखल होणाऱ्या विद्यार्थ्यांची आवश्यक पूर्वतयारी होते आणि विद्यार्थ्यांना पुढील अध्ययन करणे सुलभ जाते.
सर्व शाळांना या अभियानाच्या अंमलबजावणी संदर्भात व यशस्वितेचा अनुभव असल्याने शैक्षणिक वर्ष २०२६-२७ मध्ये इयत्ता पहिली मध्ये दाखल पात्र विद्यार्थ्याची शाळापूर्व तयारी करून घेण्याच्या दृष्टीने सदर उपक्रम विना अर्थ सहाय्य तत्त्वावर राज्यातील सर्व शाळांमध्ये राबविण्यात येत आहे.
शाळास्तरावर शाळापूर्व तयारी मेळावा क्र. १ माहे एप्रिल २०२६ च्या शेवटच्या आठवड्यात आणि मेळावा क्र. २ माहे जून २०२६ मध्ये आयोजित करण्यात यावे. दोन्ही मेळाव्यादरम्यान ६ ते ७ आठवडे बालकांची शाळापूर्व तयारी पालकांकडून करून घ्यावी. याकरिता शिक्षक, अंगणवाडी सेविका, स्वयंसेवक मदत करावी.
क) राज्यस्तरावरील अंमलबजावणीचे स्वरूप
उपरोक्त तक्त्यातील अ.क्र. १ मध्ये नमूद सर्वांसाठी राज्यस्तरावरून online बैठकीचे झूमच्या माध्यमातून आयोजन दि. २४ एप्रिल २०२६ रोजी सकाळी ११ वाजता करण्यात येणार आहे. राज्यस्तरीय online बैठकीची लिंक स्वतंत्रपणे whatsapp गटावर शेअर करण्यात येईल.
ब) जिल्हास्तरावरील अंमलबजावणीचे स्वरूप
१. राज्यस्तरीय online बैठकीसाठी शिक्षणाधिकारी (प्राथमिक), DIET प्राचार्य व जिल्हा नोडल अधिकारी, ICDS विभाग प्रतिनिधी यांनी वेळेत उपस्थित रहावे,
२. शिक्षणाधिकारी प्राथमिक यांनी आपल्या कार्यक्षेत्रातील सर्व प्राथमिक शाळांना शाळापूर्व तयारी अभियानाच्या अंमलबजावणी संदर्भात सविस्तर पत्र तातडीने निर्गमित करावेत,
३. आवश्यकतेनुसार क्षेत्रीय यंत्रणेची online बैठक आयोजित करून सर्वांना शाळापूर्व तयारी मेळाव्याचे उत्साहात आयोजन करणे व शाळापूर्व तयारी मेळाव्यास भेटी देण्याबाबत सूचना द्याव्यात.
४. गटशिक्षणाधिकारी व बालविकास प्रकल्प अधिकारी यांनी सर्व शिक्षण विस्तार अधिकारी, केंद्रप्रमुख तसेच अंगणवाडी पर्यवेक्षिका यांची सभा घेऊन शाळास्तरावरील मेळावा क्र. १ व २ चे नियोजन करावे.
५. विहित कालावधीत जिल्हा ते केंद्र स्तरावरील सर्व क्षेत्रीय अधिकारी आपापल्या कार्यक्षेत्रातील शाळामध्ये शाळापूर्व तयारी मेळावा क्र. १ व २ साठी उपस्थित राहतील यासाठी नियोजन करावे.
६. उपस्थित पर्यवेक्षीय यंत्रणेतील अधिकारी यांनी राज्यस्तरावरून दिलेल्या
https://gpconnect.prathaminsights.in/gp/MH/home/srm या लिंकवर
शाळास्तरावरील पहिल्या मेळावा भेटी संदर्भातील माहितीची नोंद
शाळा परिसरातील माता पालक यांचे मार्फत बालकांच्या पूर्वतयारीचा प्रत्यक्ष आढावा घेवून व त्याचे निरीक्षणाची नोंद
दुसऱ्या मेळाव्याच्या वेळी नमुना आधारित मूल्यांकन (SBA) 7-10 दाखलपात् मुलांची विकासपत्र मधील पहिल्या मेळाव्याची आणि दुसऱ्या मेळाव्याची माहितीची नोंद, अशा प्रकारे तिन्ही प्रकारच्या नोंदी भराव्यात.
५. मेळाव्या संदर्भातील फोटो, व्हिडिओ इ. माहिती समाजमाध्यमांवर प्रसारित करीत असतांना #Shalapurva Tayari Abhiyan२०२६, व #शाळापूर्वतयारीअभियान २०२६ या हॅशटॅगचा (#) उपयोग करावा. तसेच मेळाव्यासंदर्भात प्रसारित करण्यात येणाऱ्या पोस्टसाठी SCERT, महाराष्ट्रच्या http://www.facebook.com/Mahascert या फेसबुक पेजला टॅग करण्यात यावे.
६. जिल्ह्यातील शाळापूर्व तयारी अभियान २०२६-२७ पूर्ण झाल्यानंतर उपक्रमाच्या अंमलबजावणीचा सविस्तर अहवाल शिक्षणाधिकारी (प्राथमिक) यांचे मार्फत प्रस्तुत कार्यालयास सादर करण्यात यावा.
क) शाळा स्तरावरील अंमलबजावणीचे स्वरूप
मेळाव्यामध्ये इयत्ता पहिलीला दाखलपात्र सर्व बालके व त्यांचे पालक सहभागी व्हावे, याकरिता मेळावा आयोजनाच्या आधी एक दोन दिवस मेळाव्याबाबत वस्ती, गाव स्तरावर प्रभातफेरी, दवंडी देवून, समाजमाध्यमांचा उपयोग करून जनजागृती करण्यात यावी व त्यामाध्यमातून इयत्ता पहिलीतील दाखलपात्र सर्व बालकांना व त्यांच्या पालकांना मेळाव्यात सहभागी करण्यात यावे.
दैनंदिन शालेय कामकाजाच्या वेळेत मेळाव्याचे आयोजन करण्यात यावे. मेळाव्याचा कालावधी साधारणपणे ४ तासांचा असावा.
३. शाळेचे वातावरण प्रसन्न व आरोग्यदायी असावे याकरिता प्राधान्याने शालेय परिसर स्वच्छता करण्यात यावी.
शाळास्तरावर दि. २७ एप्रिल ते १ मे २०२६ दरम्यान कोणत्याही एका तारखेस शाळापूर्व तयारी मेळावा क्र. १ चे आयोजन करण्यात यावे. त्याप्रमाणे सात टेबल व आवश्यक साहित्यासह मेळाव्याचे आयोजन करण्यात यावे.
शाळास्तरावरील मेळाव्यासाठी जिल्ह्यातील जिल्हाधिकारी व मुख्यकार्यकारी अधिकारी, प्राचार्य, DIET, शिक्षणाधिकारी तसेच तालुकास्तरावरील शिक्षणक्षेत्रातील अधिकारी यांना प्रत्यक्ष शाळेवर शाळापूर्व तयारी मेळाव्याच्या उद्घाटनासाठी निमंत्रित करावे.
दाखल पात्र विद्यार्थ्यांची संख्या विचारात घेऊन विकास पत्राची प्रिंट किंवा झेरोक्स काढाव्यात. प्रत्यक्ष मेळाव्याच्या वेळी दाखल पात्र बालकांची विकासपत्रातील सर्व विकासाची स्थिती नोंदवून पालकांकडे देण्यात यावे.
19. उपक्रमाच्या अनुषंगाने यापूर्वी अंमलबजावणी केल्यानुसार मेळाव्यामध्ये ७ स्टॉल्स लावले जावेत. सर्व स्टॉल्सवर बालकांच्या कृतींच्या नोंदी विकास पत्रावर मेळावा क्रमांकानुसार रकान्यात करण्यात याव्यात.
८. शाळास्तरावर व परिसरातील उपलब्ध साधनांचा मेळाव्यामधील ७ स्टॉल्ससाठी वापर करण्यात यावा.
९. पहिल्या मेळाव्यानंतर दाखलपात्र बालकांच्या मातांचे वाडी वस्तीनिहाय माता-पालक गट तयार करावेत. यासाठी यापूर्वी निपूण अंतर्गत तयार केलेल्या माता पालक गटातील सक्रीय लीडर मातांना देखील सहभागी करून घेण्यात यावे.
१०, यावर्षी शाळापूर्व तयारी अभियान बदललेले स्वरूप जाणून घेण्यासाठी सोबत व्हिडिओचा QR code देण्यात आलेला आहे. तो काळजीपूर्वक पहावा.
११. SCERT च्या संकेतस्थळावर उपलब्ध करण्यात आलेले साप्ताहिक आयडिया व्हिडिओ आणि अॅक्टिव्ह वर्कशीट या गटांना WhatsApp समूहाद्वारे आठवड्याच्या सुरुवातीला पाठविण्यात यावेत.
१२. प्रत्येक माता- पालक गटातील लीडर मातेस संबंधित गटाचे सोयीनुसार आठवड्यातून किमान एक तास एकत्र येऊन आठवड्यासाठी दिलेल्या साप्ताहिक आयडिया व्हिडिओ आणि अॅक्टिव्ह वर्कशीट पाहून गटात चर्चा करण्यात यावी.
१३. दोन्ही मेळाव्यादरम्यानच्या कालावधीत इयत्ता पहिलीत दखलपात्र असलेल्या मुलांचे पालक / माता यांनी आयडिया व्हिडिओ व अॅक्टिव्ह वर्कशीट मदतीने साप्ताहिक बैठकीतील मार्गदर्शनानुसार घरी आपल्या पाल्यांकडून करून घ्याव्यात.
१४. शाळास्तरावर दि. १५ जून ते २० जून २०२६ दरम्यान कोणत्याही एका तारखेस शाळापूर्व तयारी मेळावा क्र. २ चे आयोजन करण्यात यावे.
१५. शाळास्तरावरील पहिल्या व दुसऱ्या मेळाव्याची सांख्यिकीय माहिती संकलित करण्यासाठी बालशिक्षण विभाग व प्रथम संस्थेद्वारे तयार करण्यात आलेल्या वेबपोर्टलच्या https://gpconnect.prathaminsights.in/gp/MH/home/srm वापर करण्यात यावा.
१६. मेळाव्या संदर्भातील फोटो, व्हिडिओ इ. माहिती समाजमाध्यमांवर प्रसारित करीत असतांना #Shalapurva TayariAbhiyan२०२६, व #शाळापूर्वतयारीअभियान२०२६ या हॅशटॅगचा (#) उपयोग करावा. तसेच मेळाव्यासंदर्भात प्रसारित करण्यात येणाऱ्या पोस्टसाठी SCERT, महाराष्ट्रच्या http://www.facebook.com/Mahascert या फेसबुक पेजला टॅग करण्यात यावे.
१७. दुसरा मेळावा झाल्यावर पहिलीत दाखलपात्र बालकांच्या मातांना निपुण महाराष्ट्र कार्यक्रम अंतर्गत कार्यरत माता पालक गटांमध्ये समावेश करून माता गटांची पुनर्बाधणी जुलै महिन्याच्या पहिल्या आठवड्यात करावी करण्यात यावी.
करिता आपल्या स्तरावरून आपले अधिनस्त कार्यालयास या अभियानाची वरीलप्रमाणे अंमलबजावणी करण्याविषयी सूचित करण्यात यावे.
शाळापूर्व तयारी अभियान बदललेले स्वरूप स्पष्ट करणारा व्हिडिओ पाहण्यासाठी सोबतचा QR code स्कॅन करावा.
Digitally signed by
Nandkumar Chaitram Bedse Date: 22-04-2026 16:06:32
नंदकुमार बेडसे (भा.प्र.से.)
संचालक
राज्य शैक्षणिक संशोधन व प्रशिक्षण परिषद, महाराष्ट्र राज्य, पुणे
प्रत माहितीस्तव सविनय सादर :
१. मा. प्रधान सचिव, शालेय शिक्षण विभाग, मंत्रालय, मुंबई.
२. मा. राज्य प्रकल्प संचालक, महाराष्ट्र प्राथमिक शिक्षण परिषद, मुंबई
३. मा. आयुक्त (शिक्षण), महाराष्ट्र राज्य, पुणे
४. मा. आयुक्त, एकात्मिक बाल विकास विभाग, बेलापूर, मुंबई
प्रत माहितीस्तव तथा कार्यवाहीस्तव :
उपसंचालक, प्रादेशिक विद्या प्राधिकरण, (सर्व) व प्राचार्य, जिल्हा शिक्षण व प्रशिक्षण संस्था, (सर्व) आपण आपल्या स्तरावरून शाळापूर्व तयारी मेळाव्यांना भेटी देण्याचे नियोजन करावे. शाळांना हे शाळापूर्व तयारी अभियान अंमलबजावणी करणे दरम्यान आवश्यकतेनुसार मार्गदर्शन करावे.
संपूर्ण परिपत्रक स्वरूपात डाउनलोड करण्यासाठी खालील Download वर क्लिक करा
महाराष्ट्र शासन
प्राथमिक शिक्षण संचालनालय..
दिनांक- १५-६-२०२५
जाहिर प्रकटन
"शाळा प्रवेशोत्सव" २०२५-२६
दरवर्षीप्रमाणे शालेय शिक्षण विभागाने यावर्षीही मोठ्या प्रमाणात "शाळा प्रवेशोत्सव" साजरा करण्याचा निर्णय घेतला आहे. "शाळा प्रवेशोत्सव" हा उपक्रम स्थानिक स्वराज्य संस्थांच्या शाळांमधील पट वाढविण्यासाठी व शालेय गुणवत्तेच्या वाढीसाठी राबविण्यात येत आहे. शैक्षणिक वर्ष २०२५-२६ मधील शाळा (विदर्भ वगळता) दि.१६/६/२०२५ पासून तर विदर्भातील शाळा दि.२३/६/२०२५ पासून सुरू होणार आहेत. या उपक्रमांतर्गत मा. श्री. देवेंद्र फडणवीस. मुख्यमंत्री, मा. श्री. एकनाथ शिंदे. उपमुख्यमंत्री, मा. श्री. अजित पवार उपमुख्यमंत्री सर्व मा. मंत्री, मा. खासदार, मा. आमदार, मा. सर्व लोकाप्रतिनिधी तसेच अधिकारी हे स्थानिक स्वराज्य संस्थाच्या शाळांना शाळा सुरू होण्याच्या पहिल्या दिवशी विदयार्थ्यांचे शालेय प्रवेश प्रसंगी स्वागत करणेसाठी शाळेत उपस्थित राहणार आहेत.
महाराष्ट्र शासनाच्या शिक्षण विषयक सर्व योजना विदयार्थ्यांना आनंददायी व गुणवत्तापूर्ण शिक्षण देण्याच्या उद्देशाने राबविण्यात येत आहेत. प्रस्तुत उपक्रमांमुळे आजचा विदयार्थी भविष्यात राष्ट्रभिमानी, आत्मनिर्भर, यशस्वी व सुसंस्कारित नागरिक घडेल, यासाठी राज्य सरकार कटिबध्द आहे.
राज्य शासनाच्या शालेय शिक्षण विभागामार्फत विदयार्थ्यांच्या सर्वांगीण विकासासाठी आणि गुणवत्तापूर्ण शिक्षणासाठी विविध योजनांची अंमलबजावणी केली जात आहे. या योजनांमुळे ग्रामीण तसेच शहरी आगातील विदयार्थ्यांना शैक्षणिक प्रगतीसाठी मोठा हातभार लागत आहे.
मोफत पाठ्यपुस्तक योजना राज्यातील इयत्ता १ ली ते ८ वी पर्यंतच्या स्थानिक स्वराज्य संस्थांच्या शाळा व अनुदानित शाळांमध्ये विदयाथ्यौना सर्व विषयाच्या माध्यमांची पुस्तके मोफत देण्यात येतात. यावर्षी राज्यात ७.२८,९६,५८५ पाठ्यपुस्तकांच्या प्रती वितरित करण्यात आल्या आहेत.
राज्यातील शासकीय/स्थानिक स्वराज्य संस्थांच्या शाळांमध्ये इ.१ ते इ.८ वी मधील शिक्षण घेत असलेल्या विदयार्थ्यांना दोन मोफत गणवेश, एक जोडी बुट, दोन पायमोजे शासनाकडून शाळा व्यवस्थापन समितीमार्फत देण्यात येतात.
प्रधानमंत्री पोषणशक्ती निर्माण योजनांतर्गत शासकीय/स्थानिक स्वराज्य संस्थांच्या शाळा व अनुदानित शाळांमध्ये शिकणा-या विदयार्थ्यांसाठी दुपारचे पौष्टीक जेवण उपलब्ध करून देण्यात येते.
निपुण महाराष्ट्र अभियानातंर्गत इ.२ री ते इ.५ वी च्या प्रत्येक वर्गातील किमान ७५ टक्के विदयार्थ्यांना प्रथम भाषा व गणित विषयातील सर्व अध्ययन क्षमता प्राप्त करण्याचे उद्दिष्टे ठरविले आहे.
शालेय आरोग्य तपासणी उपक्रमांखाली सार्वजनिक आरोग्य विभागामार्फत राज्यातील सर्व विदयार्थ्यांना आरोग्य तपासणी करिता राष्ट्रीय व बालस्वास्थ्य कार्यक्रम राबविला जातो. विदयार्थ्यांच्या आरोग्याचे नियमित मुल्यांकन करण्यासाठी दरवर्षी शाळांमध्ये आरोग्य तपासणी शिबिरे आयोजित केली जातात.
"शाळा प्रवेशोत्सव उपक्रम राबविण्यासाठी "चला शाळेत जाऊया!"
शिक्षण....... आनंददायी..... गुणवत्तापूर्ण
शिक्षण..... भाकरीचे... राष्ट्रीयत्वाचे....
अशा अशयाचे बॅनर गाव पातळीवर लावण्यात आले आहेत, शाळेच्या पहिल्या दिवसाचे स्वागत करणेसाठी राज्यातील सर्व मुख्याध्यापकांना मोबाईल वर एसएमएस पाठवून राज्य शासनामार्फत हार्दिक शुभेच्छा देण्यात आल्या आहेत.
शैक्षणिक वर्ष २०२५-२६ च्या शाळा प्रवेशोत्वस" या उपक्रमासाठी एकूण ४७३ लोकप्रतिनिधी तर २०५ इतके अधिकारी शाळेच्या पहिल्या दिवशी भेट देणार आहेत. या भेटीचा अहवाल संकलित करण्यासाठी तालुका स्तरावर गटशिक्षणाधिकारी यांना शाळा पोर्टलवर लिंक उपलब्ध करून देण्यात आली असून सदर भेटीचा संक्षिप्त अहवाल लिंकवर नोंदविण्याच्या सूचना देण्यात आलेल्या आहेत. शाळेच्या पहिल्या दिवशी सर्व मान्यवर शाळेस भेट देणार असल्याने मान्यवरांना शालेय शिक्षण विभागाच्या विदयार्थ्यांसाठीच्या विविध योजनांची माहिती व्हावी यासाठी घडीपत्रिकाचे वितरण करण्यात आले आहे तसेच मा. मंत्री शालेय शिक्षण यांनी राज्यातील सर्व मंत्री महोदयांना पत्र लिहून शाळा भेटीचे निमत्रंण दिले आहे. त्याचबरोबर प्रधान सचिव शालेय शिक्षण विभाग व आयुक्त (शिक्षण) यांनी सुध्दा वरीष्ठ अधिका-यांनी शाळेस भेट देणेबाबत निमंत्रण पत्र दिलेले आहे.
"शाळा प्रवेशोत्सव" याउपक्रमास मा. मुख्यमंत्री, मा. उपमुख्यमंत्री सर्व मंत्री, मा. लोकप्रतिनिधी व अधिकारीगण यांच्या उपस्थितीमुळे विदयार्थी, शिक्षक, पालक व समाज यांचा शिक्षणाकडे पाहण्याचा दृष्टिकोन सकारात्मक स्थानिक स्वराज्य संस्थांच्या शाळांच्या पटसंख्येत वाढ होऊन राज्याच्या शैक्षणिक प्रगतीस मदत होईल असा विश्वास शालेय शिक्षण विभागाने व्यक्त केला आहे.
"शाळा प्रवेशोत्सव" हा उपक्रम राबविणेबाबत प्राथमिक शिक्षण संचालकांनी दिनांक 12 जून 2025 रोजी पुढील प्रमाणे निर्देश दिले आहेत.
"शाळा प्रवेशोत्सव" हा उपक्रम स्थानिक स्वराज्य संस्थेच्या शाळांची गुणवत्ता व मुलांची उपस्थिती वाढविण्यासाठी राबविण्यात येत आहे. या शैक्षणिक वर्षाची सुरुवात विदर्भ वगळता इतर विभागामध्ये दिनांक १६.०६.२०२५ पासून तर विदर्भात दिनांक २३.०६.२०२५ पासून सुरु होत आहे. सदर उपक्रमाच्या प्रभावी अंमलबजावणीबाबत संदर्भ क्र २ च्या पत्रान्वये सविस्तर सूचना दिलेल्या आहेत.
"शाळा प्रवेशोत्सव" या उपक्रमांच्या नियोजनासाठी आपल्या जिल्हयामध्ये "शाळा प्रवेशोत्सव कक्ष" स्थापन करावा. सदर कक्षामध्ये आवश्यक कर्मचारी व अधिकारी यांची नेमणूक करावी. विदर्भ वगळता इतर विभागामध्ये दिनांक १६.०६.२०२५ पासून शाळा सुरु होत असल्याने दिनांक १४ व १५ जून २०२५ रोजी व विदर्भातील शाळा दिनांक २३.०६.२०२५ रोजी सुरु होत असल्याने दिनांक २१ व २२ जून २०२५ रोजी आपल्या कार्यालयातील शाळा प्रवेशात्सव कक्ष सुरु राहील याबाबत दक्षता घ्यावी. शाळा प्रवेशोत्सवाबाबत आवश्यक पूर्वतयारी करावी. तसेच राज्यस्तरावरुन मागितलेली माहिती तात्काळ सादर करावी शाळा प्रवेशोत्सव" हया उपक्रमाबाबत गटशिक्षणाधिकारी यांच्या लॉगीनला शाला प्रणालीमध्ये (school portal) शाळा भेटीचा अहवाल नोंदविण्याची सुविधा देण्यात आली आहे. विदर्भ वगळता इतर विभागात दिनांक १६.०६.२०२५ व विदर्भामध्ये दिनांक २३.०६.२०२५ रोजी भेट देणा-या मा. लोकप्रतिनिधी व अधिकारी यांच्या शाळा भेटीच्या अहवालाची नोंद करावयाची आहे. तरी दिलेल्या सुविधेमध्ये तालुक्यांतील शाळा भेटीची ची माहिती त्याच दिवशी नोंद करण्यासाठी आपल्या स्तरावरुन गटशिक्षणाधिकारी यांना कळवावे. सदर सुविधा ही शाळा प्रवेशोत्सवाच्या दिवशी संध्याकाळी ६.०० वाजता बंद होणार असल्याने विहित मुदतीत माहिती भरणेबाबत सर्व संबंधीतांना कळवावे.
(शरद गोसावी)
शिक्षण संचालक (प्राथमिक),
महाराष्ट्र राज्य, पुणे-१
प्रत माहितीस्तव सविनय सादर मा. आयुक्त (शिक्षण), शिक्षण आयुक्तालय, महाराष्ट्र राज्य, पुणे.
शैक्षणिक वर्ष २०२५-२६ मध्ये शाळा प्रवेशोत्सव साजरा करणे व स्थानिक स्वराज्य संस्थांच्या शाळांचा पट वाढविणेसाठी उपाययोजना करणेकरीता ऑनलाईन बैठक बाबत शिक्षण संचालक प्राथमिक यांनी दिनांक 14 मे 2025 रोजी पुढील प्रमाणे निर्देश दिले आहेत.
शासन निर्णय दिनांक १२/०३/२०२५ नुसार सन २०२५-२६ या शैक्षणिक वर्षात शाळेत मुलांची उपस्थिती व शाळेची गुणवत्ता वृध्दिंगत करण्यासाठी शासनाने निर्देश दिलेले आहेत. तसेच संदर्भ क्र.२ च्या पत्रान्वये सन २०२५-२६ या शैक्षणिक वर्षात राज्य मंडळाच्या शाळा सुरु करणेबाबत विस्तृत सूचना दिलेल्या आहेत. त्यानुसार शैक्षणिक वर्ष २०२५-२६ मध्ये शाळा प्रवेशोत्सव साजरा करणे व स्थानिक स्वराज्य संस्थांच्या शाळांच्या पटामध्ये लक्षणीय वाढ करण्याच्या दृष्टीने सर्व जिल्ह्यांमध्ये उपाययोजना करणे आवश्यक आहे.
यासाठी शाळा, तालुका, जिल्हा व राज्यस्तरावर सर्व शिक्षक, अधिकारी, लोकप्रतिनिधी यांनी एकत्रिपणे उपाययोजना करणे गरजेचे आहे. या विषयाच्याअनुषंगाने शिक्षक व अधिकारी यांची मते जाणून घेऊन अंमलबजावणीचा कृती आराखडा तयार करावयाचा आहे. यासाठी दिनांक १५ मे, २०२५ रोजी दुपारी ०४:०० वाजता ऑनलाईन बैठकीचे आयोजन केले आहे. सदर बैठकीस मा. मंत्री महोदय मार्गदर्शन करणार आहेत. तरी सर्व राज्यस्तरीय संघटनांचे अध्यक्ष व सचिव (२ प्रतिनीधी) यांनी व उपरोक्त नमूद अधिकारी यांनी ऑनलाईन बैठकीस उपस्थित रहावे.
(शरद गोसावी)
शिक्षण संचालक (प्राथमिक)
महाराष्ट्र राज्य, पुणे-०१
प्रत माहितीस्तव सविनय सादर-
१. मा. मंत्री, शालेय शिक्षण व क्रीडा विभाग, यांचे खासगी सचिव, मंत्रालय मुंबई.
२. मा. प्रधान सचिव, शालेय शिक्षण व क्रीडा विभाग, मंत्रालय, मुंबई-३२.
महत्त्वाची माहिती मिळवण्यासाठी आपल्या व्हाट्सअप/टेलिग्राम ग्रुप वर 9765486735 हा नंबर ॲड करावा.
व्हिडिओ स्वरूपात माहिती लाईक शेअर कमेंट करा आमच्या पुढील युट्युब चैनल ला..
https://youtube.com/c/pradipjadhao
नवनवीन शैक्षणिक/शिक्षक व कर्मचारी हिताची माहिती मिळवण्यासाठी खालील व्हाट्सअप ग्रुप वर जॉईन व्हा.
0 Comments