March Ending Effect - शनिवार व रविवारी देखील शिक्षणाधिकारी व BRC कार्यालय सुरू ठेवण्याचे आदेश 27/03/2026

दि. २८/०३/२०२६, दि.२९/०३/२०२६ व दि.३१/०३/२०२६ रोजी कार्यालय सुरु ठेवणेबाबत महाराष्ट्र प्राथमिक शिक्षण परिषद मुंबई कार्यालयाने दिनांक 27 मार्च 2026 रोजी पुढील प्रमाणे आदेश निर्गमित केला आहे.

जा.क्र.मप्राशिप/समग्र शिक्षा/प्रशा/२०२५-२६/1195

दिनांक : 27 MAR 2026

प्रति,

१) शिक्षणाधिकारी (प्राथमिक), जिल्हा परिषद (सर्व).

२) शिक्षणाधिकारी/प्रशासन अधिकारी, महानगरपालिका (सर्व).

विषय :- दि. २८/०३/२०२६, दि.२९/०३/२०२६ व दि.३१/०३/२०२६ रोजी कार्यालय सुरु ठेवणेबाबत.

उपरोक्त विषयान्वये आर्थिक वर्ष सन २०२५-२६ मार्च अखेर असल्याने महाराष्ट्र प्राथमिक शिक्षण परिषद, मुंबई कार्यालयामार्फत राबविण्यात येणाऱ्या समग्र शिक्षा, STARS, PMSHRI, JANMAN, JUGA इ. कार्यक्रमांतर्गत राबविण्यात येणाऱ्या उपक्रमांशी संबंधित कामकाज प्राधान्याने कालमर्यादित व विहित मुदतीत करणे आवश्यक आहे. तसेच सदर उपक्रमांतर्गत प्राप्त होणारा निधी विहीत मुदतीत खर्च होणे आवश्यक असल्याने महाराष्ट्र प्राथमिक शिक्षण परिषद, मुंबई कार्यालय दि. २८/०३/२०२६, दि.२९/०३/२०२६ व दि.३१/०३/२०२६ रोजी सुरु ठेवण्यात येणार आहे.

त्यानुषंगाने आपणास कळविण्यात येते की, दि. २८/०३/२०२६, दि.२९/०३/२०२६ व दि.३१/०३/२०२६ रोजी आपले जिल्हा परिषद/महानगरपालिका कार्यालय व आपल्या अधिनस्त असलेल्या तालुका/गट साधन केंद्र (समग्र शिक्षा) कार्यालये सुरु ठेवण्यात यावीत.

(देविदास कुलाळ)

सहसंचालक (प्रशासन), म. प्रा. शि. प., मुंबई.

प्रत सविनय सादर

मा. प्रधान सचिव, शालेय शिक्षण विभाग, मंत्रालय, मुंबई.

प्रत माहितीस्तव सविनय सादर

१) मा. आयुक्त, महानगरपालिक, सर्व.

२) मा. मुख्य कार्यकारी अधिकारी, जिल्हा परिषद, सर्व.

३) विभागीय शिक्षण उपसंचालक, सर्व विभाग.

शनिवार व रविवारी देखील शिक्षणाधिकारी कार्यालय सुरू ठेवण्याचे शिक्षण संचालकांचे आदेश!

प्राथमिक शिक्षण संचालनालय महाराष्ट्र राज्य या कार्यालयातून निर्गमित दिनांक 24 मार्च 2023 रोजी च्या आदेशानुसार आर्थिक वर्ष 2022-23 मधील कामे दिनांक 31 मार्च 2023 पर्यंत पूर्ण करण्याकरिता दिनांक 25 व 26 मार्च 2023 रोजी सुट्टीच्या दिवशी कार्यालय सुरू ठेवणे व निर्धारित करून दिलेली कामे पूर्ण करणे बाबत पुढील प्रमाणे निर्देश दिले आहेत.

आर्थिक वर्ष सन 2022 23 मध्ये मंजूर तरतूद पूरक मागणी द्वारे मंजूर तरतूद व सुधारित अंदाजामध्ये नमूद केलेली तरतूद 100% उपलब्ध होणार आहे. आर्थिक वर्ष संपण्यास खूपच कमी कालावधी राहिला आहे सब 2022-23 या आर्थिक वर्षांमध्ये मंजूर झालेल्या तरतुदी आर्थिक वर्ष संपण्यापूर्वी शंभर टक्के खर्च करण्याच्या दृष्टीने आवश्यक ती कार्यवाही करण्याचे निर्देश माननीय आयुक्त शिक्षण महाराष्ट्र राज्य पुणे यांनी संदर्भीय पत्रा अन्वये दिलेले आहेत. दिनांक 6 फेब्रुवारी 2023 रोजीच्या शासन निर्णयानुसार नियमानुसार प्राप्त ठरणाऱ्या शाळेतील शिक्षक शिक्षकेतर कर्मचाऱ्यांना दिनांक 31 मार्च 2023 पर्यंत वेतन अदा करण्याची कार्यवाही करणे देखील आवश्यक आहे. तसेच दिनांक 14 मार्च 2023 ते 20 मार्च 2023 या कालावधीमधील कर्मचाऱ्यांच्या संपामुळे आर्थिक कामकाज ठप्प झाले होते.

उपरोक्त बाबी विचारात घेता सर्व प्रकारची देयके पारित करून संबंधितांच्या खात्यावर अनुदानाची रक्कम जमा करणे दिनांक ६ मार्च 2023 च्या शासन निर्णयाद्वारे पात्र शाळांमधील शिक्षक शिक्षकेतर कर्मचाऱ्यांना दिनांक 31 मार्च 2023 पण पूर्वी वेतन अदा करण्याकरता आवश्यक ती सर्व कामे करणे व आर्थिक आर्थिक वर्षाअखेरची इतर अनुषंगिक कामे दिनांक 31 मार्च 2023 पर्यंत पार पाडणे आवश्यक आहे त्यामुळे दिनांक 25 व 26 मार्च 2023 रोजी कार्यालय सुरू ठेवून निर्धारित करून दिलेली कामे विहित कालमर्यादेत पूर्ण करावीत.

वरील प्रमाणे निर्देश महाराष्ट्राचे शिक्षण संचालक प्राथमिक यांनी शिक्षणाधिकारी प्राथमिक जिल्हा परिषद सर्व व शिक्षण निरीक्षक पश्चिम उत्तर व दक्षिण मुंबई यांना दिले आहेत.