RTE 25% प्रवेश प्रक्रिया 2023-24 अपडेट.

RTE 25% प्रवेश प्रक्रिया 2023-24 अपडेट.


औरंगाबाद येथील स्थानिक वृत्तपत्रात आलेल्या बातमीनुसार पुढील प्रमाणे माहिती मिळाली आहे.


आरटीई अंतर्गत मोफत प्रवेश प्रक्रियेच्या वेळापत्रकाची पालकांची प्रतीक्षा कायम आहे. फेब्रुवारी संपत आला तरी शिक्षण विभागाकडून याबाबत स्पष्टता नसल्याने पालकांची चिंता वाढली आहे. औरंगाबाद जिल्ह्यात यंदा शाळांची संख्या साडेपाचशेच्या आत असून, प्रवेश क्षमतेचा टक्काही कमी झाला आहे. केंद्र सरकारच्या सूचनेनंतर प्रवेशस्तराबाबतच्या नियमावलीत सुधारणा, तांत्रिक बदल यानंतरच प्रक्रिया सुरू होईल, असे अधिकारी सुत्रांनी सांगितले.


 वेळापत्रक लांबले तर पुढील प्रक्रिया लांबते. अशा वेळी शाळांमध्ये पात्र शाळांमध्ये प्रवेश मिळणार का, असा प्रश्न पालकांना सतावतो आहे. करोनामुळे प्रवेशाचे वेळापत्रक कोलमडले होते. यंदाही प्रशासकीय गोंधळामुळे प्रक्रियेला विलंब होत असल्याचे पालकांचे म्हणणे आहे. ऑनलाइन अर्ज दाखल करण्यास पालकांना पुरेसा वेळ मिळणार का, प्रक्रिया वेळेत पूर्ण होणार का, असा प्रश्न पालकांकडून उपस्थित केला जात आहे.



आर टी इ 25 टक्के अर्ज कसा भरावा


प्रक्रियेतील बदलामुळे विलंब?

नव्या शैक्षणिक धोरणानुसार शाळा प्रवेशासाठी केंद्र सरकारने नवा नियम लागू केला. सहा वर्षे पूर्ण असलेल्या विद्यार्थ्यांनाच पहिलीमध्ये प्रवेश देण्याच्या सूचना देण्यात आल्या. नेमके वयाचे निकष कसे पाळायचे, यावर अधिकारी नियमावली तयार करत असल्याचे अधिकारी सूत्रांनी सांगितले. त्यानंतर तांत्रिक पातळीवरही याबाबतचे बदल करून पोर्टल सुरू होण्याची शक्यता आहे. अनेक शाळा आरटीईमध्ये पूर्व प्राथमिक स्तरावरही प्रवेशासाठीच्या प्रक्रियेत सहभागी होतात. नवीन बदलानसार या स्तरावरील प्रवेशाचे काय, याबाबत स्पष्टता नाही. या सुधारणा केल्या जातील असे सांगण्यात येते.

प्रक्रियेत शाळा संख्या कमी

प्रवेशासाठी राबविण्यात येणाऱ्या ऑनलाइन प्रवेश प्रक्रियेत शाळांची नोंदणी प्रक्रिया पूर्ण झाली आहे. पालकांची ऑनलाइन अर्ज भरण्याच्या वेळापत्रकाची प्रतीक्षा आहे. आरटीई प्रवेश प्रक्रियेत शाळांना १० फेब्रुवारीपर्यंत नोंदणीसाठी मुदत देण्यात आली होती. गेल्या वर्षी ५७५ शाळांमध्ये प्रवेश देण्यात आले होते. यंदा ५४५ शाळांनीच नोंदणी केली आहे. शाळांची पडताळणीची प्रक्रिया करण्यात आली. यंदा शाळा संख्या कमी झाल्याने प्रवेशाची क्षमताही घटेल असे सांगण्यात आले. याबाबतही अद्याप स्पष्टता नाही.


अर्ज भरण्यासाठी खालील लिंक वर क्लिक करा! 

Https://Student.Maharashtra.Gov.In/Adm_portal/Users/Rteindex



मोफत प्रवेश प्रक्रियेचे वेळापत्रक अद्याप आलेले नाही. आल्यानंतर त्याप्रमाणे कार्यवाही होईल. शाळांची नोंदणीची प्रक्रिया पूर्ण झाली आहे.
- जयश्री चव्हाण, प्राथमिक शिक्षणाधिकारी, औरंगाबाद

इंग्रजी शाळांच्या मुख्याधापकांची बैठक नुकतीच घेण्यात आली. नोंदणीसह इतर प्रक्रियेचा आढावा घेण्यात आला. ऑनलाइन अर्ज करण्याची प्रक्रिया अद्याप सुरू झालेली नाही. प्रक्रियेत नवीन बदल होण्याची शक्यता असल्याने वेळ लागत असेल. शासनाने शाळांचा थकलेला निधीही वेळेत वितरित करण्याकडे लक्ष द्यायला हवे.
- नागेश जोशी, उपाध्यक्ष, इंग्लिश स्कूल असोसिएशन, औरंगाबाद.


नियमित अपडेट्स मिळवण्यासाठी गुगल सर्च करा pradipjadhao हा ब्लॉग.


व्हिडिओ स्वरूपात माहिती लाईक शेअर कमेंट करा आमच्या पुढील युट्युब चैनल ला.. 


https://youtube.com/c/pradipjadhao



नवनवीन शैक्षणिक माहिती मिळवण्यासाठी खालील व्हाट्सअप ग्रुप वर जॉईन व्हा.


Join WhatsApp Group


जॉईन टेलिग्राम ग्रुप


Thank you🙏

Post a Comment

0 Comments

हि महत्वपूर्ण माहिती आपल्या इतर WhatsApp ग्रुपमध्ये नक्की पाठवा.