सेवार्थ प्रणालीतील अधिकारी/कर्मचारी यांची ई-केवायसी पूर्ण करण्यास मुदतवाढ देणेबाबत महाराष्ट्र शासनाच्या वित्त विभागाने दिनांक 23 एप्रिल 2026 रोजी पुढील प्रमाणे शासन निर्णय निर्गमित केला आहे.
महाराष्ट्र शासन
वित्त विभाग
शासन परिपत्रक क्रमांक संकीर्ण-२०२२/प्र.क्र.२९/कोषा प्रशा-४
दालन क्रमांक ३३९, ३ रा मजला, मादाम कामा मार्ग
हुतात्मा राजगुरु चौक, मुंबई ४०००३२
दिनांक: २३ एप्रिल, २०२६
वाचा:-१. शासन परिपत्रक क्रमांक संकीर्ण-२०२२/प्र.क्र.२९/कोषा प्रशा-४, दि.२७ मार्च, २०२६
शासन परिपत्रक :-
"वाचा-१" येथील परिपत्रकान्वये, सर्व प्रशासकीय विभागातील सर्व आहरण व संवितरण अधिकाऱ्यांच्या अधिनस्त असलेल्या अधिकारी / कर्मचारी यांनी माहे एप्रिल, २०२६ देय मे, २०२६ या वेतन देयकाअगोदर ई-केवायसी पूर्ण करण्याबाबत सूचना देण्यात आल्या होत्या.
तथापि, अद्यापि काही प्रशासकीय विभागांकडून सदरची कार्यवाही पूर्ण न झाल्याचे निदर्शनास आल्यामुळे सेवार्थ प्रणालीत वेतन घेणाऱ्या सर्व आहरण व संवितरण अधिकाऱ्यांच्या अधिनस्त असलेल्या अधिकारी /कर्मचारी यांनी माहे मे, २०२६ देय जून, २०२६ या वेतन देयकाअगोदर ई-केवायसी पूर्ण करण्यास मुदतवाढ देण्यात येत आहे. मात्र यापुढे अशी कोणतीही मुदतवाढ देण्यात येणार नाही, याची सर्व संबंधितांनी गांभिर्याने नोंद घ्यावी.
२. सदरची मुदतवाढ ही सर्व जिल्हा परिषदा, मान्यता प्राप्त व अनुदानित अशासकीय प्राथमिक व माध्यमिक शाळा, शालेय शिक्षण विभाग (शालार्थ प्रणाली), महाराष्ट्र पशु व मत्स्य विज्ञान विद्यापीठ, कृषितर विद्यापीठे व त्यांच्याशी संलग्लित मान्यता प्राप्त व अनुदानित अशासकीय महाविद्यालये, कृषि विद्यापीठे व त्यांच्याशी संलग्लित मान्यता प्राप्त व अनुदानित महाविद्यालये/संस्था, आदिवासी विकास विभागांतर्गत असलेल्या मान्यताप्राप्त व अनुदानित आश्रमशाळा व संस्था, वैद्यकीय विद्यापीठ उच्च व तंत्र शिक्षण/कौशल्य विकास विभागाच्या अधिनस्त संस्था, सामाजिक न्याय व विशेष सहाय्य विभागाकडील संस्था यांनादेखील लागू राहील.
३. सदर शासन परिपत्रक महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आले असून त्याचा संगणक सांकेतांक क्र. २०२६०४२३१८०७१७३५०५ असा आहे. हे शासन परिपत्रक डिजीटल स्वाक्षरीने साक्षांकित करुन काढण्यात येत आहे.
महाराष्ट्राचे राज्यपाल यांच्या आदेशानुसार व नांवाने,
ASHOK GULAB CHAUDHARI
(अशोक चौधरी)
कार्यासन अधिकारी, महाराष्ट्र शासन
प्रति,
१. सर्व आहरण व संवितरण अधिकारी (सेवार्थ) / सर्व आहरण व संवितरण अधिकारी (कस्टमाईज्ड सेवार्थ)
२. सर्व मंत्रालयीन प्रशासकीय विभाग
३. अधिदान व लेखा अधिकारी, अधिदान व लेखा कार्यालय, मुंबई.
४. सर्व जिल्हा कोषागार अधिकारी.
५. सर्व उप कोषागार अधिकारी.
* प्रत कार्यवाहीस्तव-
मे. महाआयटी, तिसरा मजला, ओपीजे हाऊस, चर्चगेट, मुंबई-४०००२०
यांनी त्यांच्या अधिनस्त असलेल्या सर्व कस्टमाईज्ड सेवार्थ प्रणालीतील वापरकर्त्यांकरीता उपरोक्तप्रमाणे केवायसी केल्यानंतर प्रणालीमध्ये केवायसी नोंद करण्यासाठी सुविधा निर्माण करुन देण्याची कार्यवाही करावी.
शालार्थ प्रणालीत वेतन घेणा-या शिक्षक शिक्षकेत्तर कर्मचारी यांचे ई केवायसी पूर्ण करणे बाबत शिक्षण संचालनालय माध्यमिक व उच्च माध्यमिक कार्यालयाने दिनांक 22 एप्रिल 2026 रोजी पुढील प्रमाणे आदेश निर्गमित केला आहे.
महाराष्ट्र शासन
शिक्षण संचालनालय (माध्यमिक व उच्च माध्यमिक), महाराष्ट्र राज्य, मध्यवर्ती इमारत, डॉ. अॅनी बेझंट मार्ग, पुणे ४११००१
शिसंमापु/शिक्षक-शिक्षकेतर/टी-६-ब/२६-२७/६७५४
दि.२२/०४/२०२६
प्रति,
१ मुख्य लेखा व वित्त अधिकारी संबधित सर्व
२ शिक्षणाधिकारी (माध्यमिक/प्राथमिक) सर्व
३ अधीक्षक वेतन व भनिनि पथक (माध्यमिक) सर्व
विषय - शालार्थ प्रणालीत वेतन घेणा-या शिक्षक शिक्षकेत्तर कर्मचारी यांचे ई केवायसी पूर्ण करणे बाबत.
संदर्भ - शासन परिपत्रक वित्त विभाग क्र. संकीर्ण-२०२२/प्र.क्र-२९/कोषा-प्रशा-४/दि.२७/०३/२०२६
विषयांकित प्रकरणी शासनाचे परिपत्रक पहावे. सदर परिपत्रक महाराष्ट्र शासनाच्या www.maharashtra.gov.in संकेतस्थळावर उपलब्ध असून त्याचा संगणक संकेतांक २०२६०३२७१४४१५६७००५ असा आहे.
उपरोक्त संदर्भ परिपत्रकातील नमूद केल्यानुसार हे परिपत्रक जिल्हा परिषदा, मान्यताप्राप्त अनुदानित अशासकीय प्राथमिक व माध्यमिक / उच्च माध्यमिक शाळा, शालेय शिक्षण विभाग (शालार्थ प्रणाली) आदीनां लागू आहे.
सबब संदर्भिय परिपत्रकात नमूद केल्याप्रमाणे कार्यवाही करण्यात यावी.
(डॉ. एकनाथ आंबोकर)
शिक्षण उपसंचालक (अं. व नि) (माध्यमिक व उच्च माध्यमिक)
शिक्षण संचालनालय, म.रा., पुणे १.
प्रत माहितीस्तव सादरः-
१. मा. आयुक्त (शिक्षण), अंदाज व नियोजन शाखा पुणे-१
२. विभागीय शिक्षण उपसंचालक, सर्व
शासन निर्णय क्र. संकीर्ण २०२२/प्र.क्र.२९/कोषा प्रशा-४. दि. २७ मार्च २०२६ चे सहपत्र
ई केवायसी करण्यासाठी चा फॉर्म
सेवार्थ प्रणालीतील अधिकारी/कर्मचारी यांचे ई-केवायसी पूर्ण करणेबाबत महाराष्ट्र शासनाच्या वित्त विभागाने दिनांक 27 मार्च 2026 रोजी पुढील प्रमाणे शासन निर्णय घेतला आहे.
सेवार्थ प्रणालीतील अधिकारी/कर्मचारी यांचे ई-केवायसी पूर्ण करणेबाबत
महाराष्ट्र शासन
वित्त विभाग
शासन परिपत्रक क्रमांक संकीर्ण-२०२२/प्र.क्र.२९/कोषा प्रशा-४
दालन क्रमांक ३३९.३ रा मजला, मादाम कामा मार्ग
हुतात्मा राजगुरु चौक, मुंबई ४०००३२
दिनांक: २७ मार्च, २०२६
प्रस्तावना -
सेवार्थ प्रणालीमध्ये सर्व नियमित शासकीय अधिकारी/कर्मचारी यांची माहिती भरण्यात आलेली आहे. सदर माहितीनुसार अधिकारी/कर्मचाऱ्यांचे वेतन आहरीत होत असते. सदर माहितीमध्ये त्यांच्या बँक खात्याच्या माहितीसोबतच संबंधित कर्मचाऱ्यांचा PAN क्रमांक, आधार क्रमांक नोंदविलेला आहे. एकंदरीतच पूर्ण माहितीमध्ये कोणत्याही अधिकारी/कर्मचाऱ्यांची दुबार माहिती सेवार्थ प्रणालीत नोंद होऊ नये तसेच कोणत्याही अधिकारी/कर्मचाऱ्यास दुबार वेतन अदा होऊ नये, याकरीता शासनाने ठोस उपाययोजना करण्याचा निर्णय घेतला आहे. त्यास अनुसरुन, सर्व प्रशासकीय विभागातील सर्व आहरण व संवितरण अधिकारी यांना खालीलप्रमाणे सूचना देण्यात येत आहेत.
शासन परिपत्रक :-
१. सेवार्थ प्रणालीत वेतन घेणाऱ्या सर्व आहरण व संवितरण अधिकाऱ्यांच्या अधिनस्त असलेल्या अधिकारी / कर्मचारी यांनी माहे एप्रिल, २०२६ देय मे, २०२६ या वेतन देयकाअगोदर ई-केवायसी पूर्ण करावयाची आहे. सदर ई-केवायसी पूर्ण न केल्यास संबंधित अधिकारी /कर्मचारी यांचे माहे एप्रिल, २०२६ देय माहे मे, २०२६ चे वेतन आहरीत करण्यात येणार नाही.
२. सदर ई-केवायसी पूर्ण करण्यापूर्वी अधिकारी/कर्मचारी यांच्या बँक खात्याशी आधार क्रमांक संलग्न असलेले बैंक खाते सेवार्थ प्रणालीत अद्ययावत केले असले पाहिजे. सेवार्थ प्रणालीत उपलब्ध असलेले बैंक खाते आधार क्रमांकांशी संलग्न नसेल तर असे खाते त्वरीत बदलण्यात येऊन सेवार्थ प्रणालीत आधार क्रमांकांशी संलग्न असलेले बैंक खाते अद्ययावत करण्यात यावे.
३. तसेच सेवार्थ प्रणालीत नोंदविलेला PAN क्रमांक चूकीचा असल्यास, नोंदविण्यात आलेला PAN क्रमांकाची दुरुस्ती करुन अद्ययावत करण्यात यावा.
४. सदर ई-केवायसी प्रत्येक अधिकारी/कर्मचारी यांनी व्यक्तिशः पूर्ण करुन त्याचे प्रमाणपत्र आहरण व संवितरण अधिकाऱ्यांकडे जमा करावयाचे आहे. आहरण व संवितरण अधिकाऱ्यांनी असे प्रमाणपत्र सादर केल्यानंतर सेवार्थ प्रणालीत देण्यात आलेल्या ई-केवायसी अपडेशन रिपोर्टमध्ये सदर अधिकारी / कर्मचारी यांची नोंद करावयाची आहे. सदर नोंद करतांना ई-केवायसी अन्वये पडताळणी करण्यात आलेला बँक खात्याचा तपशील व सेवार्थ प्रणालीत नोंदविण्यात आलेला बैंक तपशील या दोहोंमध्ये साम्य असल्यासच सदर नोंद घेण्यात यावी अन्यथा प्रथम ई-केवायसी केल्याप्रमाणे सेवार्थ प्रणालीत बँक खात्याचा तपशील अद्ययावत करावा.
२. तसेच सदरचे परिपत्रक हे सर्व जिल्हा परिषदा, मान्यता प्राप्त व अनुदानित अशासकीय प्राथमिक व माध्यमिक शाळा, शालेय शिक्षण विभाग (शालार्थ प्रणाली), महाराष्ट्र पशु व मत्स्य विज्ञान विद्यापीठ, कृषितर विद्यापीठे व त्यांच्याशी संलग्लित मान्यता प्राप्त व अनुदानित अशासकीय महाविद्यालये, कृषि विद्यापीठे व त्यांच्याशी संलग्लित मान्यता प्राप्त व अनुदानित महाविद्यालये/संस्था, अदिवासी विकास विभागांतर्गत असलेल्या मान्यताप्राप्त व अनुदानित आश्रमशाळा व संस्था, वैद्यकीय विद्यापीठ उच्च व तंत्र शिक्षण/कौशल्य विकास विभागाच्या अधिनस्त संस्था, सामाजिक न्याय व विशेष सहाय्य विभागाकडील संस्था यांनादेखील लागू राहील.
३. सदर शासन परिपत्रक महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आले असून त्याचा संगणक सांकेतांक क्र. २०२६०३२७१४४१५६७००५ असा आहे. हे शासन परिपत्रक डिजीटल स्वाक्षरीने साक्षांकित करुन काढण्यात येत आहे.
महाराष्ट्राचे राज्यपाल यांच्या आदेशानुसार व नांवाने,
ASHOK GULAB CHAUDHARI
(अशोक चौधरी)
कार्यासन अधिकारी, महाराष्ट्र शासन
प्रति,
१. सर्व आहरण व संवितरण अधिकारी (सेवार्थ) / सर्व आहरण व संवितरण अधिकारी (कस्टमाईज्ड सेवार्थ)
२. सर्व मंत्रालयीन प्रशासकीय विभाग
३. अधिदान व लेखा अधिकारी, अधिदान व लेखा कार्यालय, मुंबई.
४. सर्व जिल्हा कोषागार अधिकारी.
महत्त्वाची माहिती मिळवण्यासाठी आपल्या व्हाट्सअप/टेलिग्राम ग्रुप वर 9765486735 हा नंबर ॲड करावा.
व्हिडिओ स्वरूपात माहिती लाईक शेअर कमेंट करा आमच्या पुढील युट्युब चैनल ला..
https://youtube.com/c/pradipjadhao
नवनवीन शैक्षणिक/शिक्षक व कर्मचारी हिताची माहिती मिळवण्यासाठी खालील व्हाट्सअप ग्रुप वर जॉईन व्हा.
0 Comments