शिक्षक अभियोग्यता व बुद्धिमत्ता चाचणी-२०२५ मुलाखतीशिवाय पदनिवडीचा विकल्प दिलेल्या संस्थांमध्ये पवित्र प्रणालीअंतर्गत शिक्षक पदभरती निवड यादीतील उमेदवारांच्या कागदपत्रांची पडताळणी व पुढील आवश्यक कार्यवाहीबाबत महाराष्ट्र राज्याच्या शिक्षणाधिकारी दिनांक 21 सप्टेंबर 2026 रोजी पुढील प्रमाणे आदेश निर्गमित केला आहे.
दि २१/०९/२०२६
जा.क्र. मरापप/पवित्र पोर्टल/पदभरती/टप्पा-१, रूपांतरित फेरी/२०२६
प्रति,
१. आयुक्त, महानगरपालिका, (सर्व)
२. मुख्य कार्यकारी अधिकारी, जिल्हा परिषदा (सर्व)
३. मुख्याधिकारी (सर्व) (नगरपालिका/नगर परिषदा)
४. अध्यक्ष/सचिव, संबंधित खाजगी शैक्षणिक संस्था (मुलाखतीशिवाय पदनिवडीचा विकल्प दिलेल्या संस्था)
विषय :- शिक्षक अभियोग्यता व बुद्धिमत्ता चाचणी-२०२५ मुलाखतीशिवाय पदनिवडीचा विकल्प दिलेल्या संस्थांमध्ये पवित्र प्रणालीअंतर्गत शिक्षक पदभरती निवड यादीतील उमेदवारांच्या कागदपत्रांची पडताळणी व पुढील आवश्यक कार्यवाहीबाबत.
संदर्भ :- १. शालेय शिक्षण व क्रीडा विभागाचा शासन निर्णय क्रमांक सीईटी-२०१५/ प्रक्र १४९/टीएनटी-१ दिनांक ०७/०२/२०१९.
२. शासन निर्णय क्रमांक क्र. संकिर्ण-२०१८/प्रक्र३११/टीएनटी-१ दिनांक १/०१/२०१९.
३. शासन निर्णय क्र संकिर्ण-२०२२/प्रक्र १०६/ टीएनटी-१ दिनांक १०/११/२०२२
४. शासन निर्णय क्र संकिर्ण-२०२३/प्रक्र१७४/ टीएनटी-१ दि.२१/०६/२०२३
५. शासन निर्णय क्र. संकिर्ण-२०१८/प्रक्र ३९७/टीएनटी-१ दि.०७/०२/२०१९, शुद्धिपत्रक दिनांक २५/०२/२०१९,दि.१६/०५/२०१९ व दि.१२/०६/२०१९
६. शासन निर्णय क्रमांक संकिर्ण-२०२३/प्रक्र ५०९/ टीएनटी-१ दि.१३/१०/२०२३
७. शालेय शिक्षण विभाग शासन निर्णय दिनांक ०१/०१/२०२६, दि.२०/०१/२०२६,.दि.३०/०३/२०२६, दि.०२/०४/२०२६ व दिनांक २४/०७/२०२६
८. आदिवासी विकास विभाग शासन निर्णय दिनांक ०९/०६/२०२६
९. पवित्र पोर्टलवर मुखपृष्ठावरील उमेदवारांसाठी/व्यवस्थापनांसाठी वेळोवेळी प्रसिद्ध केलेल्या सूचना
१०. समक्रमांकाचे पत्र दिनांक २८/०८/२०२६
११. शासन पत्र क्र संकीर्ण-२०२६/प्रक्र ९३/ई-१८२७९०६/टिएनटी-१ दि.२१/०९/२०२६
उपरोक्त शासन निर्णय व सूचना कृपया पाहाव्यात.
१. उमेदवाराने स्व-प्रमाणपत्रामध्ये नोंद केलेल्या माहितीच्या आधारे उमेदवारांची निवडीसाठी दिनांक २७/०८/२०२६ रोजी नियमित फेरीतील गुणवत्ता प्रसिद्ध केल्यानंतर रिक्त राहिलेल्या माजी सैनिक, अंशकालीन कर्मचारी या व अन्य समांतर आरक्षणातील रिक्त पदे विचारात घेवून रुपांतरित फेरीची सर्वसाधारण गुणवत्ता यादी प्रसिद्ध करण्यात आली आहे. सदर उमेदवारांची तात्पुरती शिफारस पवित्र पोर्टलमार्फत करण्यात आलेली आहे. नियुक्तीच्या अगोदर कोणत्याही टप्यावर स्व-प्रमाणपत्रात नोंद केलेली माहिती मूळ कागदपत्रांच्या/प्रमाणपत्रांच्या आधारे तपासण्यात यावी व त्याच्या आधारे पात्र आढळून आल्यानंतरच उमेदवारास नियुक्तीबाबत कार्यवाही करण्यात यावी.
२. यापुर्वी दिनांक २७/०८/२०२६ रोजी प्रसिद्ध करण्यात आलेल्या निवड यादीतील उमेदवाराच्या कागदपत्र पडताळणी व त्यानंतर नियुक्ती देण्यासाठी या कार्यालयाचे संदर्भाधिन पत्र दिनांक २८/०८/२०२६ अन्वये सविस्तर सूचना देण्यात आलेल्या आहेत, त्यानुसार या रूपांतरीत फेरीत निवड झालेल्या उमेदवारांबाबत देखील कार्यपद्धतीचा अवलंब करून पुढील कार्यवारी करण्यात यावी.
३. शिफारस झालेल्या उमेदवारांना नियुक्तीपूर्वी उमेदवारांच्या कागदपत्र पडताळणीची कार्यवाही दिनांक २४/०९/२०२६ ते २८/०९/२०२६ या कालावधीत तर पात्र असलेल्या उमेदवारांना पदस्थापनेबाबत समुपदेशनाची कार्यवाही दिनांक ०५/१०/२०२६ ते ०९/१०/२०२६ या कालावधीत करण्याचे नियोजन करण्यात यावे. तथापि, उमेदवारांची संख्या कमी असल्यास दिलेल्या वेळापत्रकापुर्वी देखील नियुक्तीची कार्यवाही पूर्ण करता येईल याचीही नोंद घेण्यात यावी.
वरीलप्रमाणे तसेच संदभांधिन पत्र दिनांक २८/०८/२०२६ मध्ये नमूद केल्याप्रमाणे कार्यवाही करून नियुक्तीस पात्र ठरत असलेल्या उमेदवारांना शालेय शिक्षण विभागाच्या शासन निर्णय दिनांक २१/०६/२०२३ मधील मुद्दा क्रमांक ७ मधील तरतुदी व इतर तरतुदी विचारात घेऊन समुपदेशन पद्धतीने पदस्थापना देण्याची कार्यवाही करावी.
(सचिन्द्र प्रताप सिंह, भा.प्र.से.)
आयुक्त (शिक्षण) म.रा.पुणे-१
प्रत माहितीस्तव सविनय सादर
मा.प्रधान सचिव, शालेय शिक्षण व क्रीडा विभाग, मंत्रालय, मुंबई-३२
मा. आयुक्त, आदिवासी विकास आयुक्तालय, म.रा. नाशिक
प्रत माहिती व आवश्यक त्या कार्यवाहीसाठी -
१. शिक्षण संचालक, माध्यमिक व उच्च माध्यमिक, शिक्षण संचालनालय, पुणे
२. शिक्षण संचालक, प्राथमिक शिक्षण संचालनालय, पुणे
३. विभागीय शिक्षण उपसंचालक सर्व
"शिक्षक अभियोग्यता व बुद्धिमत्ता चाचणी-२०२५" नुसार प्राप्त जाहिरातीतील रिक्त पदांसाठी उमेदवारांच्या निवडीसाठीच्या रूपांतरित फेरीतील शिफारशीबाबत 21 सप्टेंबर 2026 उमेदवारांसाठी सूचना.
दिनांक : २१/०९/२०२६
उमेदवारांसाठी सूचना
"शिक्षक अभियोग्यता व बुद्धिमत्ता चाचणी-२०२५" नुसार प्राप्त जाहिरातीतील रिक्त पदांसाठी उमेदवारांच्या निवडीसाठीच्या रूपांतरित फेरीतील शिफारशीबाबत.
१. दिनांक ०१/०५/२०२६ ते २०/०७/२०२६ या दरम्यान मुलाखतीशिवाय व मुलाखतीसह या दोन प्रकारातील पवित्र पोर्टलवर जाहिराती प्राप्त झाल्या आहेत.
२. दिनांक ०६/०८/२०२६ ते १६/०८/२०२६ या कालावधीमध्ये पवित्र पोर्टलमार्फत शिक्षक अभियोग्यता व बुद्धिमत्ता चाचणी-२०२५ नुसार मुलाखतीशिवाय व मुलाखतीसह या दोन प्राप्त प्रकारातील जाहिरातीसाठी उमेदवारांकडून प्राधान्यक्रम घेण्यात आलेले आहेत.
३. मुलाखतीशिवाय या निवड प्रकारात एकूण १,४६,६५० उमेदवारांनी प्राधान्यक्रम लॉक केले आहेत.
४. यापूर्वी मुलाखतीशिवाय या निवड प्रकारात स्थानिक स्वराज्य संस्थातील व मुलाखतीशिवाय हा पर्याय निवडलेल्या खाजगी व्यवस्थापनांच्या शाळांतील टप्पा-१ मधील नियमित फेरीतील १३,११९ रिक्त जागांवर सर्वसाधारण गुणवत्ता यादी दिनांक २७/०८/२०२६ रोजी प्रसिद्ध करण्यात आली होती.
५. आता मुलाखतीशिवाय या निवड प्रकारात स्थानिक स्वराज्य संस्थातील व मुलाखतीशिवाय हा पर्याय निवडलेल्या खाजगी व्यवस्थापनांच्या शाळांतील समांतर आरक्षणाच्या रिक्त राहिलेल्या जागांसाठी निवडीसाठीची टप्पा-१ मधील रूपांतरित फेरीतील ४,३९० रिक्त जागांवर ऑनलाईन शिफारस होत असलेली उमेदवारांची रूपांतरित फेरी (Converted Round) सर्वसाधारण गुणवत्ता यादी प्रसिद्ध करण्यात येत आहे.
६. उमेदवारांनी पोर्टलवर लॉक केलेले प्राधान्यक्रम, आरक्षण, समांतर आरक्षण, विषयाचा गट, विषय तसेच विविध न्यायनिवाडे, शासन आदेश इत्यादी सर्व बाबी एकत्रित विचारात घेऊन गुणवत्तेनुसार उमेदवारांच्या उच्चतम प्राधान्यक्रमावर निवडीसाठी शिफारस झाली आहे.
७. उमेदवारांची निवड होण्यासाठी आरक्षण, समांतर आरक्षणासह यातील कटऑफ व विषयाचा कटऑफ या दोन्ही मध्ये कटऑफ पेक्षा अधिक असल्यास उमेदवाराची शिफारस होते, दोन्ही कोणत्याही एका प्रकारात कटऑफ पेक्षा कमी गुण असल्यास निवडीसाठी विचार होत नाही. यासाठी त्या त्या व्यवस्थापनाच्या सर्वसाधारण गुणवत्ता यादीमध्ये आरक्षण व विषयाचा कटऑफ दिलेला आहे त्यानुसार आपल्या निवडीबाबत खात्री करता येईल.
८. उमेदवारांच्या निवडीबाबतची स्थिती उमेदवारांच्या लॉगीनवर उपलब्ध करून देण्यात आली आहे. व्यवस्थापननिहाय सर्वसाधारण गुणवत्ता यादी लवकरच होम पेजवर Download या मेनूमध्ये देण्यात आली आहे, याची उमेदवारांनी नोंद घ्यावी.
९. मुलाखतीसह निवडप्रकारातील यादी यानंतर प्रसिद्ध करण्यात येईल.
१०. प्राप्त जाहिरातींपैकी प्रशासकीय कारणास्तव मनपा अमरावती यांची सुधारित पदे विचारात घेण्यात आली आहेत, याची उमेदवारांनी नोंद घ्यावी.
११. रूपांतरित फेरीतील सर्वसाधारण गुणवत्ता यादीमध्ये दर्शविण्यात आलेली पदे विचारात घेऊन उमेदवारांच्या शिफारशी करण्यात आलेल्या आहेत.
१२. ज्या उमेदवारांनी प्राधान्यक्रम लॉक केले आहेत, त्यांना लॉगीन केल्यानंतर अप्लिकेशन फॉर्म (Application Form) या मेनू अंतर्गत अप्लिकेन्ट रिकमंडेड स्टेटस (Applicant Recommended status) यावर क्लिक केल्यावर सलेक्ट राऊंड (Select Round) या ड्रॉपडाऊन (Dropdown) मधून फेज-१ (Phase-१) यानंतर सलेक्ट इंटरव्हिव टाईप (Select Inteview Type) या ड्रॉपडाऊन (Dropdown) मधून विदाआऊट इंटरव्हिव (without Interview) मेनू निवडावा. त्यानंतर सबमिट (submit) वर क्लिक करावे. त्यानंतर व्हिव रिकमंडेड इन्स्टिट्यूट लिस्ट (View Recommended Institute list) या मध्ये आपली निवडीसाठी शिफारस झाली असल्यास, सदर व्यवस्थापनाचे नाव व शिफारस झालेले पद दिसेल. व्हिव प्रेफरेन्स वाईज स्टेटस (View Preferencewise status) यावर क्लिक केल्यानंतर आपण लॉक केलेले प्राधान्यक्रम व त्यातील शिफारस झालेला प्राधान्यक्रम हिरव्या रंगामध्ये दिसेल.
१३. तसेच View Preferencewise status यावर क्लिक केल्यानंतर उमेदवारांच्या निवडीसाठी शिफारस न झालेल्या लॉक केलेल्या सर्व प्राधान्यक्रमावरील Subject Cutoff व Roster Cutoff (विषय व आरक्षणाचा कटऑफ) पाहता येणार आहे. व्यवस्थापननिहाय सर्वसाधारण गुणवत्ता यादी लवकरच होम पेजवर Download या मेनूमध्ये देण्यात येईल, याची उमेदवारांनी नोंद घ्यावी. उमेदवारांना या सुविधेचा वापर करून आपल्या निवडीबाबत पडताळणी करता येईल.
१४. नियुक्ती प्राधिकारी/व्यवस्थापन यांनादेखील पुढील कार्यवाहीबाबत स्वतंत्रपणे सूचना देण्यात येत आहेत.
१५. निवडीसाठी शिफारस झालेल्या उमेदवारांच्या आवश्यक कागदपत्रांची पडताळणी संबंधित व्यवस्थापनाची निवड समिती करेल, याची उमेदवारांनी नोंद
घ्यावी. तसेच उमेदवार पात्रतेसंबंधीच्या कागदपत्रांची निवडीच्या कोणत्याही टप्प्यावर अपात्र आढल्यास उमेदवारांची निवड कोणत्याही टप्प्यावर रद्द होईल, तसेच अशा उमेदवारांवर योग्य ती कायदेशीर कारवाई केली जाईल.
१६. निवडीसाठी शिफारस झालेल्या उमेदवारांनी पुढील प्रक्रियेसाठी संबंधित नियुक्ती प्राधिकारी यांच्या कार्यालयाशी संपर्क साधावा.
१७. उमेदवारांच्या निवडीबाबत उमेदवारांच्या काही अडचणी असल्यास राज्यस्तरावर "तक्रार निवारण व दुरुस्ती समिती" स्थापन करण्यात आली आहे. त्यासाठी आपणास edupavitra2025grec@gmail.com या ईमेलवर सबळ पुराव्यांसहित विहित नमुन्यात अर्ज सादर करता येईल.
१८. उमेदवारांच्या निवडीसंदर्भातील तक्रारींबाबत वर दिलेल्या ई-मेल शिवाय अन्य मार्गाने आलेले अर्ज/निवेदने विचारात घेतली जाणार नाहीत, याची उमेदवारांनी नोंद घ्यावी.
१९. उमेदवारांनी आपले तक्रार अर्ज दिनांक २७/०९/२०२६ अखेर पर्यंत edupavitra2025groc@gmail.com या ई-मेल वर सादर करावेत, विहित कालावधीनंतर आलेले अर्ज विचारात घेतले जाणार नाहीत.
२०. उमेदवारांना अन्य काही अडचणी edupavitra२०२५@gmail.com या email वर संपर्क साधता येईल. आल्यास
२१. निवडीसाठी शिफारस झालेल्या सर्व उमेदवारांचे शालेय शिक्षण विभागातर्फे हार्दिक अभिनंदन व पुढील शैक्षणिक कार्यास शुभेच्छा.
(सचिन्द्रप्रताप सिंह, भा.प्र.से.)
आयुक्त (शिक्षण)
महाराष्ट्र राज्य
लिस्ट लागली आहे आपण आपले स्टेटस चेक करा.........
♦️पवित्र पोर्टल वेबसाईट लॉगिन..
https://tait2025.mahateacherrecruitment.org.in/Dashboard/DashboardCandidate.aspx
पवित्र पोर्टल वरील दिनांक १३/०९/२०२६ रोजीची अधिकृत सूचना.
न्यूज बुलेटिन
शिक्षक अभियोग्यता व बुद्धिमत्ता चाचणी-२०२५ मध्ये दुबार परीक्षा दिल्याबाबत प्रसार माध्यमांमध्ये व्हायरल होत असलेल्या बातमीबाबत.
१. पवित्र पोर्टलमार्फत TAIT-२०२५ मध्ये ६४ उमेदवारांनी एकापेक्षा अधिक वेळा परीक्षा दिली आहे व त्यांची पोर्टलमार्फत निवड झाल्याची माहिती काही प्रसार माध्यमांमध्ये व्हायरल होत असल्याचे दिसून आले, त्याबाबत पडताळणी केली असता असे दिसून येते की, या यादीत दर्शविण्यात आलेल्या ६४ उमेदवार यांच्या नावामध्ये साधर्म्य आढळून येत असल्याने प्रथम दर्शनी सदर उमेदवार एकच असल्याचे दिसून येते. परंतु त्यांच्याबाबतच्या अधिक माहितीशी उदा. आधार क्रमांक, जन्मतारीख, आईचे नाव, ई-मेल क्रमांक, मोबाईल क्रमांक इत्यादी बाबींवरून पडताळणी केली असता सदर उमेदवार वेगवेगळे असल्याचे दिसून येत आहे.
२. वरील बाबी विचारात घेऊन याबाबत TAIT-२०२५ दिलेल्या सर्व उमेदवारांनी दुबार परीक्षा दिल्याबाबत पडताळणी करण्यात आली आहे.
३. शिक्षक अभियोग्यता व बुद्धिमत्ता चाचणी-२०२५ च्या वेळी उमेदवारांनी अपूर्ण अर्ज, चुकीचे अर्ज अशा विविध कारणास्तव अनेक अर्ज केले असले तरी उमेदवारास कोणत्याही एकाच ठिकाणी परीक्षा देता येईल व उर्वरित प्रवेश पत्र जमा करण्याच्या सूचना उमेदवारांना प्रवेश पत्रावर देण्यात आलेल्या होत्या, त्यामुळे उमेदवारांना कोणत्याही परिस्थतीत दुबार परीक्षा देता येणार नाही.
४. तथापि, काही उमेदवार माहिती लपवून अथवा माहिती तफावत दाखवून दिशाभूल करून निवड प्रक्रियेत सहभागी झाल्याचे आढळून आल्यास/निदर्शनास आणून दिल्यास पडताळणी अंती अशा उमेदवाराची निवड झाली असल्यास कोणत्याही टप्प्यावर नियुक्ती प्राधिकारी यांचेकडून रद्द केली जाईल, याची संबंधितांनी नोंद घ्यावी.
शिक्षक अभियोग्यता व बुद्धिमत्ता चाचणी-२०२५ मुलाखतीशिवाय पदनिवडीचा विकल्प दिलेल्या संस्थांमध्ये पवित्र प्रणालीअंतर्गत शिक्षक पदभरती निवड यादीतील उमेदवारांच्या कागदपत्रांची पडताळणी व पुढील आवश्यक कार्यवाहीबाबत महाराष्ट्र राज्याच्या शिक्षण आयुक्तांनी दिनांक 28 ऑगस्ट 2026 रोजी पुढील प्रमाणे आदेश निर्गमित केला आहे.
दि २८/०८/२०२६
जा.क्र. मरापप/पवित्र पोर्टल/पदभरती //२०२६/
प्रति,
१. आयुक्त, महानगरपालिका, (सर्व)
२. मुख्य कार्यकारी अधिकारी, जिल्हा परिषदा (सर्व)
३. मुख्याधिकारी (सर्व)
(नगरपालिका/नगर परिषदा)
४. अध्यक्ष/सचिव,
संबंधित खाजगी शैक्षणिक संस्था (मुलाखतीशिवाय पदनिवडीचा विकल्प दिलेल्या संस्था)
विषय :
- शिक्षक अभियोग्यता व बुद्धिमत्ता चाचणी-२०२५ मुलाखतीशिवाय पदनिवडीचा विकल्प दिलेल्या संस्थांमध्ये पवित्र प्रणालीअंतर्गत शिक्षक पदभरती निवड यादीतील उमेदवारांच्या कागदपत्रांची पडताळणी व पुढील आवश्यक कार्यवाहीबाबत.
संदर्भ :- १. शालेय शिक्षण व क्रीडा विभागाचा शासन निर्णय क्रमांक सीईटी-२०१५/ प्रक्र १४९/टीएनटी-१ दिनांक ०७/०२/२०१९.
२. शासन निर्णय क्रमांक क्र. संकिर्ण-२०१८/प्रक्र३११/ टीएनटी-१ दिनांक १/०१/२०१९. ३. शासन निर्णय क्र संकिर्ण-२०२२/प्रक्र १०६/ टीएनटी-१ दिनांक १०/११/२०२२
४. शासन निर्णय क्र संकिर्ण-२०२३/प्रक्र१७४/टीएनटी-१ दि.२१/०६/२०२३
५. शासन निर्णय क्र. संकिर्ण-२०१८/प्रक्र ३९७/टीएनटी-१ दि.०७/०२/२०१९,
शुद्धिपत्रक दिनांक २५/०२/२०१९,दि.१६/०५/२०१९ व दि.१२/०६/२०१९ ६. शासन निर्णय क्रमांक संकिर्ण-२०२३/प्रक्र ५०९/ टीएनटी-१ दि.१३/१०/२०२३
७. शालेय शिक्षण विभाग शासन निर्णय दिनांक ०१/०१/२०२६, दि.२०/०१/२०२६, दि.३०/०३/२०२६, दि.०२/०४/२०२६ व दिनांक २४/०७/२०२६
८. आदिवासी विकास विभाग शासन निर्णय दिनांक ०९/०६/२०२६
९. पवित्र पोर्टलवर मुखपृष्ठावरील उमेदवारांसाठी/व्यवस्थापनांसाठी वेळोवेळी प्रसिद्ध केलेल्या सूचना
उपरोक्त शासन निर्णय व सूचना कृपया पाहाव्यात.
१. उमेदवाराने स्व-प्रमाणपत्रामध्ये नोंद केलेल्या माहितीच्या आधारे उमेदवारांची निवडीसाठी तात्पुरती शिफारस पवित्र पोर्टलमार्फत करण्यात आलेली आहे. नियुक्तीच्या अगोदर कोणत्याही टप्प्यावर स्व-प्रमाणपत्रात नोंद केलेली माहिती मूळ कागदपत्रांच्या/प्रमाणपत्रांच्या आधारे तपासण्यात यावी व त्याच्या आधारे पात्र आढळून आल्यानंतरच उमेदवारास नियुक्तीबाबत कार्यवाही करण्यात यावी.
२. या संदर्भात आपणांस खालील प्रमाणे सूचित करण्यात येत आहेत.
३. राज्यातील सर्व स्थानिक स्वराज्य संस्थांच्या/खाजगी व्यवस्थापनांच्या अनुदानित, अंशतः अनुदानित, विनाअनुदानित तसेच अनुदानास पात्र घोषित केलेल्या प्राथमिक, उच्च प्राथमिक, माध्यमिक व उच्च माध्यमिक शाळांमधील, रात्र शाळांमधील शिक्षकांच्या रिक्त पदांवर भरती करताना सर्व उमेदवारांना निवडीची समान संधी मिळावी तसेच शिक्षण सेवक पदासाठी उच्च गुणवत्ताधारक उमेदवाराची निवड होण्याच्या दृष्टीने शिक्षण सेवकांची भरती "अभियोग्यता व बुद्धिमत्ता चाचणी-२०२५" मध्ये प्राप्त गुणांच्या आधारे करण्यात येत आहे.
४. अभियोग्यता व बुद्धिमत्ता चाचणी-२०२५ मध्ये प्रविष्ट उमेदवारांना पवित्र प्रणालीमार्फत पदभरती करण्यासाठी त्यांची आवश्यक वैयक्तिक माहिती स्वप्रमाणित करण्याची तसेच त्यांच्या शैक्षणिक, व्यावसायिक व अन्य आवश्यक कागदपत्रे अपलोड करण्याची सुविधा देण्यात आलेली होती. असे असले तरी, यास्तरावरून उमेदवारांच्या कोणत्याही कागदपत्रांची पडताळणी करण्यात आलेली नाही.
५. शिक्षण सेवक पदभरतीसाठी दिनांक ०१/०५/२०२६ ते २०/०७/२०२६ या कालावधीमध्ये व्यवस्थापनामार्फत सक्षम प्राधिकाऱ्यांनी प्रमाणित केलेली बिंदुनामावली व विषयनिहाय रिक्त पदांच्या माहितीची नोंद पवित्र पोर्टलवर जाहिरात विषयक नोंद करण्यात आलेली आहे. बिंदुनामावली, गट व विषयनिहाय रिक्त पदांच्या जाहिरातीची माहिती पोर्टलवर एकत्रित स्वरूपात डाऊनलोड या मेनुअंतर्गत उपलब्ध आहेत, तसेच व्यवस्थापनांनी वर्तमानपत्रामध्ये जाहिरातदेखील दिलेली आहे. सदर जाहिरातीस अनुसरून उमेदवारांनी स्वप्रमाणित केलेल्या माहितीच्या आधारे उमेदवारांना विविध व्यवस्थापनांमधील रिक्त पदाकरिता त्यांच्या पात्रतेनुसार मुलाखतीशिवाय व मुलाखतीसह या दोन प्रकारामध्ये स्वतंत्रपणे प्राधान्यक्रम उपलब्ध करून देण्यात आलेले आहेत.
६. काही खाजगी व्यवस्थापनांनी पवित्र पोर्टलवर शिक्षक पदभरतीसाठी मुलाखतीशिवाय पदभरती हा पर्याय निवडलेला आहे.
७. उमेदवाराची गुणवत्तेनुसार निवडीसाठी शिफारस करताना उमेदवारांस अभियोग्यता व बुद्धिमत्ता चाचणी-२०२५ मध्ये प्राप्त असलेले गुण, बिंदुनामावलीनुसार आरक्षण, जाहिरातीनुसार अध्यापनाचा विषय तसेच उमेदवाराने स्वप्रमाणपत्रामध्ये नमूद केलेली माहिती या सर्व बाबी एकत्रित विचारात घेण्यात आलेल्या आहेत.
८. निवडीसाठी शिफारस झालेल्या उमेदवारांची सर्वसाधारण गुणवत्ता यादी (General Merit List) व्यवस्थापनाच्या लॉगीनवर उपलब्ध करून देण्यात आली आहे.
९. उक्त गुणवत्ता यादीतील उमेदवारांना नियुक्ती देण्यापूर्वी त्यांच्या सदर निवडीसाठी शिफारस केलेल्या पदाकरिता उमेदवारांची पात्रता तपासून पात्र असल्यासच त्याच्या नियुक्तीबाबतची पुढील कार्यवाही करणे आवश्यक आहे. त्यासाठी पवित्र पोर्टलवरील स्व-प्रमाणपत्र व त्यासोबत अपलोड केलेली कागदपत्रे पोर्टलवर उपलब्ध करून देण्यात आली आहेत.
१०. याबाबत स्पष्ट करण्यात येते की, उमेदवारांची निवडीसाठी शिफारस करताना त्यांनी स्व-प्रमाणपत्रामध्ये नमूद केलेल्या माहितीच्या आधारावरच करण्यात आलेली आहे. परिणामी स्व-प्रमाणपत्रामध्ये नमूद केलेल्या माहितीची व आवश्यक पात्रतेच्या कागदपत्रांची काटेकोरपणे पडताळणी करणे आवश्यक आहे.
११. उमेदवारांनी स्व-प्रमाणपत्रामध्ये नमूद केलेली माहिती व त्याअनुषंगाने अपलोड केलेली कागदपत्रे/प्रमाणपत्रे मूळ प्रमाणपत्रांशी विसंगत आढळल्यास कोणत्याही परिस्थितीत उमेदवारास नियुक्तीसाठी पात्र ठरविता येणार नाही, याची कटाक्षाने नोंद घ्यावो.
१२. समांतर आरक्षणाचा (महिला आरक्षण वगळून) दावा केलेल्या उमेदवारांबाबतीत कागदपत्र पडताळणीमध्ये पात्र ठरल्यानंतर प्रत्यक्ष नियुक्ती आदेश निर्गमित करण्यापूर्वी त्यांनी केलेल्या दाव्याची पडताळणी मूळ प्रमाणपत्रांवरून सक्षम प्राधिकारी यांच्याकडून करण्यात यावी. पडताळणीनंतर पात्र ठरलेल्या उमेदवारांना नियुक्ती आदेश देण्याबाबतची कार्यवाही करावी.
१३. उमेदवाराच्या मूळ कागदपत्रांबाबत शंका/संशय असल्यास त्या बाबतची देखील खातरजमा संबंधित नियुक्ती प्राधिकारी यांनी तत्काळ करावी.
१४. महाराष्ट्र शिक्षक पात्रता परीक्षा (TET) गैरप्रकार प्रकरणी सायबर पोलीस स्टेशन पुणे शहर येथे गु.र.नं.५६/२०२१ व ५८/२०२१ अन्वये गुन्हे दाखल झालेले आहेत. सदर गुन्हयांच्या तपासादरम्यान निष्पन्न झालेल्या गैरप्रकारामध्ये समाविष्ट उमेदवारांची यादी महाराष्ट्र राज्य परीक्षा परिषद, पुणे यांनी दिनांक ०३/०८/२०२२ व दिनांक १४/१०/२०२२ रोजी परिषदेच्या संकेतस्थळावर प्रसिद्ध केली आहे. सदर यादीतील उमेदवारांची पवित्र पोर्टलमार्फत नियुक्तीसाठी शिफारस झाली असल्यास, अशा उमेदवारांची शालेय शिक्षण विभागाचे पत्र क्रमांक संकिर्ण-२०२४/प्रक्र ०३/टीएनटी -१ दिनांक १२/०१/२०२४ नुसार चारित्र्य पडताळणी केल्याशिवाय व शासन पत्र दिनांक २९/०८/२०२५ व त्यासोबतचे हमीपत्र घेतल्याशिवाय नियुक्ती देण्याबाबतची कार्यवाही करण्यात येऊ नये.
१५. उपरोक्त संदर्भीय शासन निर्णय दिनांक २१/०६/२०२३ अन्वये जिल्हा परिषदेमध्ये "शिक्षण सेवक" पदावर नव्याने नियुक्ती झालेल्या उमेदवारांस जिल्हा बदलीचा हक्क असणार नाही, असे नियुक्ती आदेशामध्ये नमूद करावे.
१६. उपरोक्त शिवाय उमेदवारांच्या कागदपत्राची पडताळणी करताना प्रामुख्याने खालील बाबी पाहाव्यात.
१६.१ उमेदवाराने त्यांची शैक्षणिक अर्हता दिनांक १४/०५/२०२५, व्यावसायिक अर्हता दिनांक २५/०९/२०२५ या दिनांकापर्यंतच धारण करणे आवश्यक आहे. उपरोक्त दिनांकानंतर प्राप्त केलेली शैक्षणिक व व्यावसायिक अर्हता पात्रतेसाठी ग्राह्य धरता येणार नाही याची नोंद घ्यावी.
१६.२ उमेदवारांचे वय "शिक्षक अभियोग्यता व बुद्धिमत्ता चाचणी-२०२५" करिता अर्ज करण्याचा शेवटचा दिनांक म्हणजेच दिनांक १४/०५/२०२५ रोजीचे वय नियुक्तीसाठी विचारात घेण्यात यावे. (सुलभ संदर्भासाठी वयाच्या सवलतीबाबतचा तक्ता जोडला आहे)
१६.३ खाजगी व्यवस्थापनाच्या माध्यमिक व उच्च माध्यमिक शाळांसाठी (इ.९ वी ते इ १२ वी) खाजगी शाळांच्या सेवा शर्ती नियमानुसार कमाल वयोमर्यादा निश्चित करण्यात आलेली नाही. त्यामुळे खाजगी शाळांतील या गटासाठी कमाल वयोमर्यादा लागू राहणार नाही.
१६.४ जन्म तारखेच्या पुराव्यासाठी शालान्त परीक्षा प्रमाणपत्र/शाळा सोडल्याचा दाखला विचारात घेण्यात यावा.
१६.५ शैक्षणिक व व्यावसायिक अर्हतेसंदर्भात शासन निर्णय दिनांक ०७/०२/२०१९ मधील तरतुदी व शासन शुद्धिपत्रक दिनांक २५/२/२०१९, १६/०५/२०१९ व १२/०६/२०१९ सुधारणेसह यामधील इ. १ ली ते इ. ५ वीसाठी परिशिष्ट-अ, इ. ६ वी ते इ. ८ वीसाठी परिशिष्ट-ब, इ. ९ वी ते इ. १० वीसाठी परिशिष्ट-क, इ. ११ वी ते इ. १२ वीसाठी परिशिष्ट-ड विचारात घेण्यात यावे. खाजगी व्यवस्थापनाच्या माध्यमिक शाळांतील इ. ९ वी ते इ. १० वी साठी पदवीस्तरावर उत्तीर्ण श्रेणी आवश्यक आहे.
१६.६ इ. १ ली ते इ. ५ वी या गटासाठी उमेदवार शिक्षक पात्रता परीक्षा (MAHATET/CTET)- Paper-1 पात्र असणे आवश्यक आहे.
१६.७ इ. ६ वी ते इ. ८ वी या गटातील गणित, विज्ञान व गणित-विज्ञान या विषयांच्या पदांसाठी शिक्षक पात्रता परीक्षा (MAHATET/CTET) - Paper-2 गणित-विज्ञान विषय घेऊन पात्र असणे आवश्यक आहे.
१६.८ इ. ६ वी ते इ. ८ वी या गटातील इतिहास, भूगोल व सामाजिकशास्त्र या विषयांच्या पदांसाठी शिक्षक पात्रता परीक्षा (MAHATET/CTET)- Paper-2 सामाजिकशास्त्र विषय घेऊन पात्र असणे आवश्यक आहे.
१६.९ इ. ६ वी ते इ. ८ वी या गटातील भाषा (मराठी, हिंदी, इंग्रजी, उर्दू, कन्नड इत्यादी) या विषयांच्या पदीसाठी शिक्षक पात्रता परीक्षा (MAHATET/CTET)- Paper-2 गणित-विज्ञान अथवा सामाजिकशास्त्र विषय घेऊन पात्र असणे आवश्यक आहे.
१६.१० खाजगी व्यवस्थापनातील इ. ९ वी ते इ. १० वी साठी पदवीस्तरावर किमान उत्तीर्ण श्रेणी व इ. ११ वी ते इ. १२ वी साठी पदव्युत्तरस्तरावर किमान द्वितीय श्रेणीत उत्तीर्ण असणे आवश्यक आहे. (१६.५ करिता सुलभ संदर्भासाठी उत्तीर्णतेच्या सवलतीबाबतचा तक्ता जोडला आहे)
१७. उमेदवाराने स्वप्रमाणित केलेली माहिती तपासण्यासाठी खालील प्रमाणे कागदपत्राची पडताळणी करावी.
१७.१ उमेदवाराने पवित्र पोर्टलवर नोंद केलेल्या स्वप्रमाणपत्राची प्रत.
१७.२ शालान्त परीक्षा गुणपत्रक व गुणपत्रक (जन्म तारखेसाठी)
१७.३ उच्च माध्यमिक परीक्षा गुणपत्रक व प्रमाणपत्र (इ. १ ली ते इ. ५ वी गटातील पदांसाठी)
१७.४ डी.एड./डी.एल.एड./डी.टी.एड./टी.सी.एच. बेळगांव गुणपत्रक व प्रमाणपत्र (इ. १ ली ते इ. ५ वी गटातील पदांसाठी)
७.५ शिक्षक पात्रता परीक्षा (टीईटी/सीटिईटी) गुणपत्रक व प्रमाणपत्र (लागू असल्यास)
१७.६ पदवी परीक्षा गुणपत्रक व पदवी प्रमाणपत्र (इ. ६ वी ते इ. ८ वी/इ. ९ वी ते इ. १० वी गटातील पदांसाठी)
१७.७ व्यावसायिक अर्हतेसाठी डी.एड./डी.एलएड./बी.ए.एलएड./बी.एस्सीएड./बी.एड./
१७.८ बी.पी.एड. (फक्त शारिरिक शिक्षण विषयासाठी)
१७.९ पदव्युत्तर पदवी परीक्षा गुणपत्रक व प्रमाणपत्र (इ. ११ वी ते इ. १२ वी गटातील पदांसाठी)
१७.१० स्थानिक स्वराज्य संस्थांतील पदांसाठी महाराष्ट्र राज्याचा रहिवासी असल्याबाबत अधिवास प्रमाणपत्र अथवा महाराष्ट्र-कर्नाटक सीमा भागातील ८६५ गावांतील रहिवासी असल्याचा दाखला.
१७.११ जातीचा दाखला/जात प्रमाणपत्र (लागू असल्यास)
१७.१२ जात वैधता प्रमाणपत्र (लागू असल्यास)
१७.१३ दिव्यांग समांतर आरक्षणातील लाभासाठी किमान ४० टक्के दिव्यांगत्व असल्याचे प्रमाणपत्र
१७.१४ समांतर आरक्षणातील लाभासाठी माजी सैनिक असल्याचे प्रमाणपत्र (या प्रवर्गातील आरक्षणाचा लाभकेवळ स्वतः माजी सैनिक उमेदवार याना व शहीद सैनिकांच्या वारसांना लाभ अनुज्ञेय आहे.)
१७.१५ समांतर आरक्षणातील लाभासाठी पदवीधर अंशकालीन असल्याचे सक्षम प्राधिकारी (तहसीलदार) प्रमाणपत्र. (या प्रवर्गातील आरक्षणाचा लाभ तहसीलदार यांचे प्रमाणपत्र असलेल्या उमेदवारांना
अनुज्ञेय राहील. तथापि, शाळा/उच्च माध्यमिक विभागामध्ये अर्धवेळ, अंशकालीन, तासिका तत्त्वावर काम केलेल्या उमेदवारांना या प्रवर्गाचा लाभ अनुज्ञेय नाही.)
१७.१६ समांतर आरक्षणातील लाभासाठी प्रकल्पग्रस्त असल्याबाबतचे प्रमाणपत्र (एकवेळ नोकरीच्या लाभासाठी पात्र)
१७.१७ समांतर आरक्षणातील लाभासाठी भूकंपग्रस्त असल्याबाबतचे प्रमाणपत्र (एकवेळ नोकरीच्या लाभासाठी पात्र)
१७.१८ समांतर आरक्षणातील लाभासाठी प्रावीण्यप्राप्त खेळाडू असल्याचा संबंधित विभागीय क्रीडा उपसंचालक यांचा पडताळणी अहवाल.
१७.१९ समांतर आरक्षणातील लाभासाठी अनाथ असल्याचे सक्षम प्राधिकारी यांचे प्रमाणपत्र
१७.२० आत्महत्याग्रस्त शेतकऱ्याचा पाल्य असल्याबाबतचे सक्षम प्राधिकारी यांचे प्रमाणपत्र
१७.२१ सन १९९१ चे जनगणना/१९९४ चे निवडणूक कर्मचारी असल्याबाबतचे प्रमाणपत्र
१७.२२ उन्नत गटात मोडत नसल्याबाबत (नॉन क्रिमी लेअर) प्रमाणपत्र
१७.२३ उमेदवाराच्या नावात बदल झाला असल्यास त्याबाबतचा पुरावा (विवाहनोंदणी प्रमाणपत्र, राजपत्र इ.) १८ शिक्षक अभियोग्यता व बुद्धिमत्ता चाचणी-२०२५ साठी प्रविष्ट होताना दिव्यांग प्रवर्गातील उमेदवारांना वेळेची सवलत, मदतनीस, प्रश्नांची संख्या कमी इत्यादी प्रकारच्या सवलतींचा लाभ देण्यात आलेला आहे. अशा उमेदवारांकडे स्वप्रमाणपत्रामध्ये नमूद केलेल्या दिव्यांगत्वाचे योग्य प्रमाणपत्र असल्याची खात्री करावी. ज्या दिव्यांग उमेदवाराची नियुक्तीसाठी शिफारस दिव्यांग प्रवर्गात न होता, त्यांच्या पात्रतेनुसार अन्य प्रवर्गातून झाली असेल, तरीही अशा दिव्यांग उमेदवाराच्या दिव्यांगत्वाच्या प्रमाणपत्राची पडताळणी करण्यात यावी. अशा उमेदवाराकडे संबंधित कागदपत्रे/प्रमाणपत्रे असणे आवश्यक आहे. कागदपत्रे/प्रमाणपत्रे नसल्यास असे उमेदवार नियुक्तीसाठी पात्र ठरणार नाही.
१९ कागदपत्र पडताळणीअंती नियुक्तीस पात्र ठरलेल्या उमेदवारांची चारित्र्यपडताळणी सक्षम प्राधिकाऱ्यामार्फत करण्यात यावी. ( पोलीस खात्यामार्फत चारित्र्यपडताळणी आवश्यक)
२० नियुक्तीस पात्र ठरलेल्या उमेदवारांची नियमानुसार शारिरिकदृष्ट्या पात्र असल्याची तपासणी सक्षम प्राधिकाऱ्यामार्फत करण्यात यावी.
२१ उमेदवारांच्या कागदपत्राची पडताळणी, पात्र/अपात्रतेची कारणे, उमेदवारांचा रुजू अहवाल इत्यादीवावत पवित्र पोर्टलवर वेळोवेळी दिलेल्या सूचनांचे पालन करून आवश्यक त्या नोंदी आपल्या लॉगीनवर कराव्यात.
२२ विविध शासन निर्णयातील तरतुदीनुसार उमेदवारांच्या कागदपत्रांची पडताळणी काटेकोरपणे करावी. अपात्र उमेदवारास नियुक्ती दिली गेल्यास त्याची सर्वस्वी जबाबदारी संबंधित व्यवस्थापनाची राहील याची नोंद घ्यावी.
२३ शिफारस झालेल्या उमेदवारांना नियुक्तीपूर्वी उमेदवारांच्या कागदपत्र पडताळणीची कार्यवाही दिनांक ०२/०९/२०२६ ते ०५/०९/२०२६ या कालावधीत तर पात्र असलेल्या उमेदवारांना पदस्थापनेबाबत समुपदेशनाची कार्यवाही दिनांक ०७/०९/२०२६ ते ११/०९/२०२६ या कालावधीत करण्याचे नियोजन करण्यात यावे. तथापि, उमेदवारांची संख्या कमी असल्यास पात्र उमेदवारांना नियुक्ती देण्याची कार्यवाही दिनांक ०५/०९/२०२६ पूर्वी करण्यात यावी.
वरीलप्रमाणे कार्यवाही करून नियुक्तीस पात्र ठरत असलेल्या उमेदवारांना शालेय शिक्षण विभागाच्या शासन निर्णय दिनांक २१/०६/२०२३ मधील मुद्दा क्रमांक ७ मधील तरतुदी व इतर तरतुदी विचारात घेऊन समुपदेशन पद्धतीने पदस्थापना देण्याची कार्यवाही करावी.
(सचिन्द्र प्रताप सिंह, भा.प्र.से.)
आयुक्त (शिक्षण) म.रा.पुणे-१
प्रत माहितीस्तव सविनय सादर
मा.प्रधान सचिव, शालेय शिक्षण व क्रीडा विभाग, मंत्रालय, मुंबई-३२
मा. आयुक्त, आदिवासी विकास आयुक्तालय, म.रा. नाशिक
प्रत माहिती व आवश्यक त्या कार्यवाहीसाठी -
१. शिक्षण संचालक, माध्यमिक व उच्च माध्यमिक, शिक्षण संचालनालय, पुणे
२. शिक्षण संचालक, प्राथमिक शिक्षण संचालनालय, पुणे
३. विभागीय शिक्षण उपसंचालक सर्व
संपूर्ण आदेश पीडीएफ स्वरूपात डाउनलोड करण्यासाठी खालील Download वर क्लिक करा
ब्रेकिंग
लिस्ट लागली आहे आपण आपले स्टेटस चेक करा.........
♦️पवित्र पोर्टल वेबसाईट लॉगिन..
https://tait2025.mahateacherrecruitment.org.in/Dashboard/DashboardCandidate.aspx
पवित्र पोर्टल वेबसाईट लॉगिन करून स्वतःचं recommended status चेक करा..
दि. २७/०८/२०२६
प्रेस नोट
पवित्र प्रणालीमार्फत शिक्षण सेवक/शिक्षक पदभरती सन २०२५ शिक्षक अभियोग्यता व बुद्धिमत्ता चाचणी-२०२५ नुसार प्राप्त जाहिरातीतील मुलाखतीशिवाय या प्रकारातील रिक्त पदांसाठी उमेदवारांच्या निवडीसाठी शिफारशीबाबत.
. महाराष्ट्र राज्यातील सर्व स्थानिक स्वराज्य संस्था व खाजगी व्यवस्थापनाच्या शाळांमध्ये पवित्र पोर्टल या संगणकीय प्रणालीद्वारे शिक्षण सेवक/शिक्षक पदभरतीसाठी "शिक्षक अभियोग्यता व बुद्धिमत्ता चाचणी-२०२५" चे ऑनलाईन पद्धतीने आयोजन करण्यात आले होते.
. सदर ऑनलाईन चाचणी दिनांक २७/०५/२०२५ ते ०५/०६/२०२५ या कालावधीमध्ये घेण्यात आली. या चाचणीसाठी एकूण २,२८,८०८ उमेदवारांनी नोंदणी केली होती, त्यापैकी २,११,३०८ उमेदवार चाचणीस प्रविष्ट झाले त्यातील उमेदवारांनी स्व प्रमाणपत्र पूर्ण केलेले १,७०,१०८ आहेत.
मुलाखतीशिवाय व मुलाखतीसह या दोन प्रकारातील पवित्र पोर्टलवर दिनांक ०१/०५/२०२६ ते २०/०८/२०२६ या दरम्यान जाहिराती प्राप्त झाल्या आहेत.
. त्यासाठी पात्र उमेदवारांकडून दिनांक ०६/०८/२०२६ ते १६/०८/२०२६ या कालावधीमध्ये प्राधान्यक्रम घेण्यात आलेले आहेत.
पदभरतीसाठी उमेदवारांची प्राधान्यक्रमाची कार्यवाही पूर्ण झाल्यानंतर आता मुलाखतीशिवाय या प्रकारातील गुणवत्ता यादी आज सायंकाळी ७.०० वाजता प्रसिद्ध करण्यात येत आहे.
. समांतर आरक्षणातील माजी सैनिक (१५ %) अंशकालीन (१०%) याप्रमाणे जाहिरातीत पदे मंजूर आहेत. त्याप्रवर्गाचे उमेदवार उपलब्ध न झाल्याने २७६० पदे व १७६० पदे रिक्त राहिली आहेत, तसेच अनुसूचित जमाती प्रवर्गातील ८०२ व पेसा क्षेत्रातील अनुसूचित जमाती प्रवर्गाची १४०८ पदे रिक्त राहिली आहेत.
. सदर समांतर आरक्षणातील उमेदवार उपलब्ध न झाल्याने Converted Round घेऊन भरण्यात येणार आहेत.
मुलाखतीशिवाय निवड प्रकारातील निवडीबाबत उमेदवारांना SMS द्वारेदेखील कळविण्यात येत आहे.
. उमेदवारांना https://tait२०२५.mahateacherrecruitment.org.in या संकेतस्थळावर भेट देऊन आपल्या निवडीची स्थिती पाहता येणार आहे.
. सध्या उमेदवारांच्या निवडीबाबतची स्थिती उमेदवारांच्या लॉगीनवर उपलब्ध करून देण्यात आली आहे. व्यवस्थापननिहाय सर्वसाधारण गुणवत्ता यादी लवकरच होम पेजवर Download या मेनूमध्ये देण्यात येईल.
. निवडीसाठी शिफारस झालेल्या उमेदवारांनी पुढील प्रक्रियेसाठी संबंधित नियुक्ती प्राधिकारी यांचेशी संपर्क साधावा.
. पदभरतीबाबत उमेदवारांना याद्वारे आवाहन करण्यात येते की पवित्र पोर्टलवरील मुलाखतीशिवाय निवड प्रकारातील निवडीबाबत आपले म्हणणे/मागणी इ. बाबी साठी राज्यस्तरावर "तक्रार निवारण व दुरुस्ती समिती" स्थापन करण्यात आली आहे. edupavitra२०२५grcc@gmail.com या ईमेलवर दिनांक ०६/०९/२०२६ अखेर पर्यंत पाठवाव्यात, जेणेकरून त्याची योग्य ती दखल घेतली जाईल.
. निवडीसाठी शिफारस झालेल्या सर्व उमेदवारांचे शालेय शिक्षण विभागातर्फे हार्दिक अभिनंदन व पुढील शैक्षणिक कार्यास शुभेच्छा.
दिनांक १८/०८/२०२६
उमेदवारांसाठी प्राधान्यक्रमाबाबत सर्वसाधारण सूचना (TAIT-2025)
शिक्षक अभियोग्यता व बुद्धिमत्ता चाचणी-२०२५ नुसार पवित्र पोर्टलमार्फत शिक्षक पदभरतीसाठीच्या
निवड प्रक्रियेबाबत.
१. पवित्र पोर्टलवर सध्या स्व- प्रमाणपत्र पूर्ण असलेल्या १,७०,१०८ उमेदवारांकडून प्राधान्यक्रम जनरेट करणे व लॉक करण्याची कार्यवाही सुरु आहे. खालील प्रमाणे प्राधान्यक्रम जनरेट झालेले आहे.
A) दिनांक १६/०८/२०२६ अखेर मुलाखतीशिवाय १,५१,०२०, मुलाखतीसह- १,४१,८६५ प्राधान्यक्रम पोर्टलवर जनरेट झालेले आहेत.
B) दिनांक १६/०८/२०२६ अखेर मुलाखतीशिवाय- १,४६,६५०, मुलाखतीसह- १,३१,५०५ प्राधान्यक्रम पोर्टलवर लॉक झालेले आहेत.
२. प्राधान्यक्रम जनरेट व लॉक करण्यासाठी दिनांक ०६.०८.२०२६ ते १६.०८.२०२६ असा कालावधी देण्यात आलेला होता, सदर कालावधीमध्ये उमेदवारांनी प्राध्यान्यक्रम लॉक केलेले आहेत, यासाठी पोर्टलमार्फत उमेदवारांना वेळोवेळी वैयक्तिक SMS, पोर्टलवर सूचना, बुलेटिनच्या माध्यमातून प्राधान्यक्रम लॉक करण्याबाबत अवगत करण्यात आलेले आहे.
३. काही उमेदवारांनी माहिती नोंद करताना योग्य त्या रकान्यात नोंद न करता अन्य रकान्यात नोंद केली होती त्यांना त्यांची पात्रता योग्य त्या रकान्यात असल्याचे विचारात घेऊन त्यांना देखील निवड प्रक्रियेत येण्यासाठी प्राधान्यक्रम उपलब्ध करून देण्यात आले आहेत.
४. काही उमेदवारांनी स्व प्रमाणपत्राची माहिती पूर्ण केली होती परंतु स्व प्रमाणपत्र Otp नोंद करून लॉक केलेले नव्हते त्यांना देखील त्यांनी नोंद केलेल्या माहितीच्या आधारे प्राधान्यक्रम उपलब्ध करून निवड प्रक्रियेत सहभागी करून घेण्यात आले आहे.
५. उमेदवारांनी स्व प्रमाणपत्र लॉक करताना आपली शैक्षणिक, व्यावसायिक वा अन्य अर्हताची नोंद स्व प्रमाणपत्रामध्ये केली नसल्याने त्यांना प्राधान्यक्रम जनरेट होत नसल्याचे दिसून आले. या उमेदवारांना स्व-प्रमाणपत्र लॉक करण्याच्या कालावधीमध्ये स्व-प्रमाणपत्रामध्ये दुरुस्ती करण्याची संधी असताना देखील त्यांनी योग्य त्या नोंदी केल्या नाहीत. अशा उमेदवारांना टप्पा -२ मधील पदभरतीच्या वेळी स्व-प्रमाणपत्रामध्ये योग्य त्या वैध दुरुस्ती नोंद करण्याची सुविधा देण्यात येईल.
६. निवडप्रक्रियेतील पुढील टप्पा म्हणजे सर्वसाधारण गुणवत्ता यादी प्रसिद्ध करणे हा असेल. सदर निवड प्रक्रिया पूर्णपणे ऑनलाईन पद्धतीने होत असल्याने मानवी हस्तक्षेपास कोणताही वाव नाही.
७. मुलाखतीशिवाय निवड प्रक्रियेत (१:१) उमेदवारांची स्व-प्रमाणपत्रामध्ये नोंद केलेल्या माहितीच्या आधारे थेट निवडीसाठी शिफारस होणार आहे, निवडीसाठी शिफारस झालेल्या व्यवस्थापनाकडून उमेदवारांच्या कागदपत्रांची पडताळणी करून पात्र ठरल्यानंतर नियुक्ती आदेश निर्गमित केले जाणार आहेत.
८. मुलाखतीशिवाय निवड प्रक्रियेत (१:१) निवडीसाठी शिफारस झालेला उमेदवार एकदा शिफारस झाल्यामुळे पुढील या टप्प्यातील मुलाखतीसह तसेच पुढील फेरीसाठी विचारात घेतले जाणार नाही, असे उमेदवार नव्याने TAIT देऊन निवड प्रक्रियेत पुन्हा सहभागी होऊ शकतील.
९. खाजगी अनुदानित शैक्षणिक संस्थातील निवड प्रक्रियेत मुलाखतीसह प्रकारात या पूर्वी (१:१०) उमेदवार देण्यात येत होते व ३० गुणांच्या आधारे निवड करण्यात येत होती. निवड प्रक्रियेत उमेदवारांना ० गुण देऊन निवड प्रक्रियेत बाहेर ठेवण्यात येत होते, याबाबी विचारात घेऊन निवड प्रक्रियेत अधिक पारदर्शकता आणण्यासाठी शासनाने उमेदवार प्रमाण (१:३) असे सुधारित केले आहे, गुणदानामध्ये देखील सुधारणा करण्यात आलेल्या आहेत. आता मुलाखतीसह प्रकारात उमेदवारांच्या TAIT परीक्षेतील गुण (७५ गुण), शैक्षणिक (७ गुण) व व्यावसायिक अर्हतेसाठी (८ गुण), मुलाखत व अध्यापन कौशल्य (१० गुण) असे एकूण १०० गुणांच्या आधारे अंतिम निवड होणार आहे.
१०. पवित्र पोर्टलवरील निवड प्रक्रियेत कोणी त्रयस्थ व्यक्ती निवड करून देण्याचे आश्वासन असेल अथवा खोटे प्रलोभन देत असेल तर त्यास प्रतिसाद देऊ नये व आपले नुकसान करून घेऊ नये.
११. निवड प्रक्रियेच्या कोणत्याही टप्प्यावर निवड करण्यासाठी आर्थिक गैरव्यवहार होत असल्याचे निदर्शनास येत असल्यास वा लाचेची मागणी करीत असल्यास तातडीने नजीकच्या लाचलुचपत प्रतिबंधक कार्यालयास टोल फ्री क्रमांक १०६४ यावर तातडीने संपर्क साधावा.
१२. राज्यातील ७६ अनुदानित शैक्षणिक संस्थांनी एकूण १८१९ पदांसाठी मुलाखतीशिवाय (१:१) ही विना मुलाखत निवड प्रक्रिया निवडून निवड प्रक्रिया अधिक पारदर्शक करण्याचा निर्णय घेतला आहे, त्यांना देखील स्थानिक स्वराज्य संस्थाप्रमाणे विनामुलाखत प्रक्रियेतून थेट उमेदवार उपलब्ध होणार आहेत. निवड प्रक्रियेत या अनुदानित शैक्षणिक संस्थांचे हार्दिक अभिनंदन.
१३. उमेदवारांनी देखील आपले प्राधान्यक्रम वेळेत लॉक केले आहेत, त्याबद्दल आपल्या सर्वांचे धन्यवाद.
१४. प्राधान्यक्रम नोंद केलेल्या सर्व उमेदवारांना त्यांच्या निवडीसाठी विभागातर्फे हार्दिक शुभेच्छा.
न्यूज बुलेटिन
शिक्षक अभियोग्यता व बुद्धिमत्ता चाचणी-२०२५ नुसार पवित्र पोर्टलमार्फत शिक्षक पदभरतीसाठीच्या रिक्त जागांसाठी प्राधान्यक्रम जनरेट करण्याबाबत व लॉक करण्याबाबत.
१. पवित्र पोर्टलवर सध्या स्व प्रमाणपत्र पूर्ण असलेल्या १,७०,१०८ उमेदवारांकडून प्राधान्यक्रम जनरेट करणे व लॉक करण्याची कार्यवाही सुरु आहे. खालील प्रमाणे प्राधान्यक्रम जनरेट झालेले आहे.
A) आज सकाळी ८:०० अखेर मुलाखतीशिवाय १,३४,०८२, मुलाखतीसह १,२२,३८७पोर्टलवर प्राधान्यक्रम जनरेट झालेले आहेत.
B) आज सकाळी ८:०० अखेर मुलाखतीशिवाय - ६४,९७९, मुलाखतीसह - ३९,३०८ पोर्टलवर
C) प्राधान्यक्रम लॉक झालेले आहेत.
D) आज रात्री ११:०० अखेर मुलाखतीशिवाय १,४२,५३९, मुलाखतीसह- १,३२,६०० पोर्टलवर प्राधान्यक्रम जनरेट झालेले आहेत.
E) आज रात्री ११:०० अखेर मुलाखतीशिवाय- १,०७२५४, मुलाखतीसह- ७८,७५४ पोर्टलवर प्राधान्यक्रम लॉक झालेले आहेत.
वरील प्रमाणे उमेदवारांकडून पवित्र पोर्टलवर प्राधान्यक्रम जनरेट व लॉक झालेले आहेत.
२. उमेदवारांना यापूर्वी २ वेळा वैयक्तिकरित्या देखील प्राधान्यक्रम लॉक करण्याबाबत SMS द्वारे स्वतंत्रपणे कळविण्यात आलेले आहे.
३. उमेद्वारांना Otp बाबत येणाऱ्या अडचणी सोडविण्यात आलेल्या आहेत, ज्यांचे Otp मुळे लॉगिन करणे व प्राधान्यक्रम लॉक करणे राहिले असेल त्यांनी कृपया आपले लॉगिन करून प्राधान्यक्रम लॉक करावेत.
४. उमेदवारांकडून जनरेट होत असलेले प्राधान्यक्रम व लॉक करण्यात येत असलेले प्राधान्यक्रम याबाबत संकेतस्थळावरील स्थिती सर्वाना लक्षात यावी, यासाठी पवित्र पोर्टलवरील होम पेजवर Preferences Dashboard या अंतर्गत प्राधान्यक्रम स्थिती पाहण्याची सुविधा देण्यात आली आहे.
५. उमेदवार प्राधान्यक्रम नोंद करण्यापासुन वंचित राहू नयेत यासाठी, अडचणी लक्षात घेता प्राधान्यक्रम लॉक करण्याची मुदत दिनांक १३/०८/२०२६ ऐवजी १६/०८/२०२६ पर्यंत अशी वाढविण्यात येत आहे.
६. उमेदवारांना आवाहन करण्यात येते कि, त्यांनी आपले प्राधान्यक्रम दिलेल्या वाढीव मुदतीत जनरेट करून लॉक करावेत जेणेकरून पुढील प्रक्रिया पूर्ण करता येईल.
दिनांक ०९/०८/२०२६
उमेदवारांसाठी प्राधान्यक्रमाबाबत सर्वसाधारण सूचना (TAIT-2025)
शिक्षक अभियोग्यता व बुद्धिमत्ता चाचणी-२०२५ नुसार पवित्र पोर्टलमार्फत शिक्षक पदभरतीसाठीच्या
रिक्त जागांसाठी प्राधान्यक्रम जनरेट करण्याबाबत व लॉक करण्याबाबत
१. पवित्र पोर्टलवर सध्या स्व प्रमाणपत्र पूर्ण असलेल्या १७०१०८ उमेदवारांकडून प्राधान्यक्रम जनरेट करणे व लॉक करण्याची कार्यवाही सुरु आहे. खालील प्रमाणे प्राधान्यक्रम जनरेट झालेले आहे.
A) दिनांक ०८/०८/२०२६ रोजी अखेर मुलाखतीशिवाय - ६०८१२, मुलाखतीसह - ३९६५५
B) आज दि. ०९/०८/२६ रोजी सकाळी ८:०० वा. मुलाखतीशिवाय - ६५१६३, मुलाखतीसह-४५४९०
C) आज दुपारी १२:०० वाजता मुलाखतीशिवाय-७०१९८, मुलाखतीसह - ४५४९०
D) आज दुपारी ०४:३० वाजता मुलाखतीशिवाय-७५१५०, मुलाखतीसह - ५४९०६
E) आज सायं. ०६:०० वाजता मुलाखतीशिवाय-७६३९४, मुलाखतीसह - ५६२०६ वरील प्रमाणे उमेदवारांना प्राधान्यक्रम पोर्टलवर जनरेट झालेले आहेत.
२. संकेतस्थळावरील लोड लक्षात घेता उमेदवारांना अडचणी येऊ नयेत यासाठी प्राधान्यक्रम लॉक करण्याची मुदत दिनांक ११/०८/२०२६ ऐवजी १३/०८/२०२६ अशी वाढविण्यात येत आहे. त्यामुळे उमेदवारांनी सदर वाढलेली मुदत लक्षात घेऊन प्राधान्यक्रम लॉक करावेत.
३. पोर्टलवर उमेदवारांना लॉगिन करण्यासाठी अथवा प्राधान्यक्रम लॉक करण्यासाठी Otp आवश्यक आहे, यासाठी Otp वर क्लीक केल्यानंतर Otp लगेच येतो परंतु मोट्या प्रमाणात उमेदवार लॉगिन करत असल्याने Otp लगेच येत नसल्याचे दिसून येत आहे, त्यामुळे Otp न आल्यास काही काळ otp येण्यास वाट पाहावी, लगेच Resend यावर क्लीक करू नये. Otp उशिराने आला तरी Otp स्वीकारण्यात येतो त्यामुळे घाई करण्याची आवश्यकता नाही. काही काळापर्यंत Otp न आल्यास पुन्हा Otp बटन समोरील Resend वर क्लीक करून Otp मिळवता येईल.
४. ज्या उमेदवारांना OTP मिळण्यात अडचणी येत आहेत, अशा उमेदवारांनी ते वापरत असलेल्या Browser ची History / Cache clear करावी. त्यानंतरही समस्येचे निवारण न झाल्यास Incognito Window (Private Window) चा वापर करावा.
५. आदिवासी विकास विभागाकडील उच्च माध्यमिक विभागाच्या विज्ञान शाखेचे Biology, Chemistry, Physics & Mathematics या विषयाचे प्राधान्यक्रम इंग्रजी माध्यमातील उमेदवार यांना संबंधित विभागाचे पत्र दिनांक ०८/०८/२०२६ अन्वये उपलब्ध करण्यात येत आहेत याची संबंधीत उमेदवार यांनी नोंद घ्यावी.
दिनांक ०८/०८/२०२६
उमेदवारांसाठी प्राधान्यक्रमाबाबत सर्वसाधारण सूचना (TAIT-2025)
शिक्षक अभियोग्यता व बुद्धिमत्ता चाचणी-२०२५ नुसार पवित्र पोर्टलमार्फत शिक्षक पदभरतीसाठीच्या रिक्त जागांसाठी प्राधान्यक्रम जनरेट करण्याबाबत व लॉक करण्याबाबत
१. पवित्र पोर्टलवर सध्या स्व प्रमाणपत्र पूर्ण असलेल्या उमेदवारांकडून प्राधान्यक्रम जनरेट करणे व लॉक करण्याची कार्यवाही सुरु आहे. आज दिनांक ०८/०८/२०२६ रोजी रात्री ९:०० वाजेपर्यंत मुलाखतीशिवाय या प्रकारात ५८२५१ इतक्या उमेदवारांनी तर मुलाखतीसह या प्रकारात ३८५८२ इतक्या उमेदवारांनी प्राधान्यक्रम जनरेट झालेले आहेत.
२. जाहिरातींची संख्या जास्त असल्याने उमेदवाराची पात्रता तपासून प्राधान्यक्रम जनरेट होतात, त्यामुळे एकाच वेळी अनेक उमेदवार लॉगीनवर राहत असल्याने संकेतस्थळावर भार (Load) येत आहे.
३. ज्या उमेदवारांना OTP मिळण्यात अडचणी येत आहेत, अशा उमेदवारांनी ते वापरत असलेल्या Browser ची History / Cache clear करावी. त्यानंतरही समस्येचे निवारण न झाल्यास Incognito Window (Private Window) चा वापर करावा.
४. उमेदवारांचा लॉगीन आयडी (Login ID) हा 25_xxxxxxxxxx (दहाअंकी TAIT 2025 चा रोल नंबर) या प्रमाणे असेल. Password विसरला असल्यास Forgot Password या सुविधेचा वापर करून Password नव्याने तयार करता येईल.
दिनांक ०७/०८/२०२६
उमेदवारांसाठी प्राधान्यक्रमाबाबत सर्वसाधारण सूचना (TAIT-2025)
शिक्षक अभियोग्यता व बुद्धिमत्ता चाचणी-२०२५ नुसार पवित्र पोर्टलमार्फत शिक्षक पदभरतीसाठीच्या रिक्त जागांसाठी प्राधान्यक्रम जनरेट करण्याबाबत व लॉक करण्याबाबत
१. जिल्हा परिषद, कोल्हापूर (इयत्ता १ ली ते ८ वी), जिल्हा परिषद, सांगली (इयत्ता ६ वी ते ८ वी) व जिल्हा परिषद, रत्नागिरी (इयत्ता ६ वी ते ८ वी) या व्यवस्थापनाच्या जाहिरातीतील पदांमध्ये संबंधित नियुक्ती प्राधिकारी यांनी बदल करण्याबाबत कळविल्याने जाहिरातीत बदल झाला आहे. यास्तव आज दिनांक ०७/०८/२०२६ रोजी रात्री ११:०० पर्यंत जनरेट केलेल्या प्राधान्यक्रमामध्ये बदल होऊ शकतो, त्यामुळे अशा उमेदवारांनी प्राधान्यक्रम लॉक करण्यापूर्वी प्राधान्यक्रम पुन्हा जनरेट करून लॉक करण्याची दक्षता घ्यावी.
२. मा. उच्च न्यायालय खंडपीठ औरंगाबाद येथील याचिका क्रमांक ७२७८/२०२४ मधील सिव्हिल अप्लिकेशन न. ७८२७/२०२६ मधील दिनांक ३१/०७/२०२६ रोजीच्या आदेशानुसार श्री तिरुपती शिक्षण प्रसारक मंडळ जालना जिल्हा जालना (२७१८०१८८०६३) या संस्थेतील जाहिरातीतील नियुक्तीची कार्यवाही याचिकेतील निर्णयाच्या अधीन करण्याबाबत मा. न्यायालयाचे आदेश आहेत, याबाबी सदर संस्थेचे प्राधान्यक्रम नोंद (Lock) करणाऱ्या उमेदवारांनी याची नोंद घ्यावी.
शिक्षक अभियोग्यता व बुद्धिमत्ता चाचणी-२०२५ नुसार पवित्र पोर्टलमार्फत शिक्षक पदभरतीसाठीच्या रिक्त जागांसाठी प्राधान्यक्रम जनरेट करण्याबाबत व लॉक करण्याबाबत पवित्र पोर्टलवर पुढील प्रमाणे सूचना देण्यात आल्या आहेत.
https://tait2025.mahateacherrecruitment.org.in/Public/Home.aspx
शिक्षक अभियोग्यता व बुद्धिमत्ता चाचणी-२०२५ नुसार पवित्र पोर्टलमार्फत शिक्षक पदभरतीसाठीच्या रिक्त जागांसाठी प्राधान्यक्रम जनरेट करण्याबाबत व लॉक करण्याबाबत
१. शिक्षक अभियोग्यता व बुद्धिमत्ता चाचणी-२०२५ ही दिनांक २७/०५/२०२५ ते दिनांक ३०/०५/२०२५ व दिनांक ०२/०६/२०२५ ते दिनांक ०५/०६/२०२५ या कालावधीमध्ये ऑनलाईन घेण्यात आलेली होती. सदर चाचणीस २,२८,८०८ उमेदवारांनी नोंदणी केली होती, त्यापैकी २,११,३०८ उमेदवार चाचणीस प्रविष्ट होते.
२. या चाचणीस प्रविष्ट उमेदवारांना स्व-प्रमाणपत्र तयार करण्यासाठी या पोर्टलद्वारे सुविधा देण्यात आलेली होती.
३. https://tait2025.mahateacherrecruitment.org.in या संकेतस्थळावर दिलेल्या मुदतीत स्व-प्रमाणपत्र (Self Certified copy) पूर्ण केलेल्या उमेदवारांनाच या प्रक्रियेत सहभागी होता येईल.
४. उमेदवारांना प्राधान्यक्रम Generate करण्याची सुविधा दिनांक ०६/०८/२०२६ पासून उपलब्ध करून देण्यात येत आहे.
५. उमेदवारांनी पोर्टलवर उपलब्ध करून दिलेल्या जाहिरातींचा अभ्यास करावा. सदर जाहिराती उमेदवारांना संकेतस्थळावरील Home Page वर Download या मेनूमध्ये पाहता येतील. मुलाखतीशिवाय (Without Interview) व मुलाखतीसह (With Interview) या दोन्ही प्रकारच्या जाहिराती स्वतंत्रपणे उपलब्ध आहेत.
६. उमेदवारांना लॉगिन केल्यानंतर Generate Preference या मेनूचा वापर करून मुलाखतीशिवाय (Without Interview) व मुलाखतीसह (With Interview) या दोन्ही प्रकारच्या प्राधान्यक्रमांची यादी स्वतंत्रपणे Generate करता येईल. प्राधान्यक्रम Generate केल्यानंतर Generate झालेल्या प्राधान्यक्रमाबाबत आवश्यक ती खात्री करतील.
७. मुलाखतीशिवाय (Without Interview) व मुलाखतीसह (With Interview) या दोन्ही प्रकारच्या पर्यायासाठी पात्र उमेदवारांना प्राधान्यक्रम Generate होतील. या दोन्ही प्रकारच्या नियुक्तीचे प्राधान्यक्रम उमेदवार Generate व Lock करू शकतील.
८. उमेदवारांना प्राधान्यक्रम Lock करण्यासाठी दिनांक ०६/०८/२०२६ ते ११/०८/२०२६ असा कालावधी देण्यात येत आहे.
९. उमेदवारांनी विहित मुदतीत प्राधान्यक्रम लॉक करावेत.
१०. पवित्र पोर्टलमार्फत मुलाखतीशिवाय (Without Interview) पदभरतीच्या नियमित फेरीची कार्यवाही सर्वप्रथम करण्यात येईल.
११. शासन निर्णय दिनांक ०२/०४/२०२६ मधील तरतुदीनुसार उमेदवाराचे टेट २०२५ (TAIT 2025) चाचणी परीक्षेतील गुण मुलाखतीशिवाय (Without Interview) व मुलाखतीसह (With Interview) या निवडीच्या प्रकारासाठी मिळून केवळ एकवेळ निवडीच्या शिफारशीसाठीच लागू राहतील. म्हणजेच पवित्र पोर्टल मार्फत एकदा निवड झाल्यास त्या चाचणीतील गुणाआधारे
१२. उमेदवाराना मुलाखतीशिवाय (Without Interview) व मुलाखतीसह (With Interview) या दोन्ही प्रक्रियेत सहभागी व्हावयाचे असल्यास दोन्ही प्रकारचे प्राधान्यक्रम जनरेट करून लॉक करणे बंधनकारक आहे. मुलाखतीशिवाय (Without Interview) या निवडीच्या प्रकारासाठी उमेदवारास त्याच्या सोयीनुसार उपलब्ध प्राधान्यक्रमांपैकी जास्तीतजास्त १०० प्राधान्यक्रम लॉक करता येतील. तसेच मुलाखतीसह (With Interview) या निवडीच्या प्रकारासाठी उमेदवारास त्याच्या सोयीनुसार उपलब्ध प्राधान्यक्रमांपैकी जास्तीतजास्त ५० प्राधान्यक्रम लॉक करता येतील.
१३. उमेदवारांनी पोर्टलवरील स्व-प्रमाणपत्रामध्ये नमूद केलेल्या माहितीनुसार त्यांना प्राधान्यक्रम Generate होतील.
१४. जे उमेदवार प्राधान्यक्रम Generate करून Lock करणार नाहीत, ते उमेदवार निवडीच्या कोणत्याही टप्प्यावर विचारात घेतले जाणार नाहीत.
१५. प्राधान्यक्रम जनरेट करून लॉक करण्यापूर्वी उमेदवारांनी आपल्या शैक्षणिक, व्यावसायिक व इतर अर्हतेनुसार प्राध्यान्यक्रम जनरेट झाले असल्याची खात्री करावी. काही तांत्रिक बाबींमुळे अपवादात्मक प्रकरणी अथवा स्वप्रमाणपत्रामध्ये चुकीची माहिती नोंद केल्यामुळे जनरेट झालेले प्राधान्यक्रम उमेदवारांच्या शैक्षणिक व व्यावसायिक अर्हतेशी, अन्य पात्रतेशी सुसंगत नसतील, तर असे प्राधान्यक्रम उमेदवारांनी लॉक करू नयेत. असे केल्यास व परिणामी उमेदवाराची चुकीच्या पदावर नियुक्तीसाठी/मुलाखतीसाठी शिफारस झाल्यास उमेदवार स्वतः जबाबदार राहील.
१६. शिक्षक अभियोग्यता व बुद्धिमत्ता चाचणी २०२५ या परीक्षेसाठी ऑनलाईन अर्ज सादर करण्याचा अंतिम दिनांक १४/०५/२०२५ असा होता, त्यामुळे या चाचणीसाठी सर्व संबंधित उमेदवारांनी आवश्यक शैक्षणिक अर्हता दिनांक १४/०५/२०२५ अखेरपर्यंत धारण करणे अनिवार्य आहे. शासन शुद्धिपत्रक क्रमांक संकिर्ण-२०२२/प्र.क्र. १०६ / टीएनटी-१ दिनांक ०२/०५/२०२५ नुसार शैक्षणिक अर्हता प्राप्त केल्यानंतर व्यावसायिक अर्हता अभ्यासक्रमाच्या शेवटच्या सत्रात प्रविष्ट असणारे अथवा शेवटच्या सत्राच्या अंतिम परीक्षेस प्रविष्ट असणारे उमेदवारदेखील शिक्षक अभियोग्यता व बुद्धिमत्ता चाचणी २०२५ या चाचणीस प्रविष्ट होण्यास पात्र राहतील. याबाबत महाराष्ट्र राज्य परीक्षा परिषद, पुणे यांनी दिनांक २५/०९/२०२५ पर्यंत व्यावसायिक अर्हता प्राप्त केलेल्या उमेदवारांना विचारात घेण्यात आलेले आहे.
१७. उमेदवारांची दिनांक १४/०५/२०२५ अखेरपर्यंत धारण केलेली शैक्षणिक अर्हता व दिनांक २५/०९/२०२५ अखेरपर्यंत धारण केलेली व्यावसायिक अर्हता विचारात घेऊन जाहिरातीतील आरक्षण, इयत्तांचा गट व विषय यांचा एकत्रित विचार करून उमेदवारास त्याच्या लॉगीनवर प्राधान्यक्रम देण्यासाठी रिक्त पदांची व्यवस्थापननिहाय यादी उपलब्ध होईल. सदर रिक्त पदांच्या यादीतून उमेदवाराने Lock केलेले प्राधान्यक्रम (Locked Preferences) निवडप्रक्रियेत गुणवत्तेनुसार विचारात घेतले जातील.
Generate झाल्यास त्यांनी असे प्राधान्यक्रम लांक करू नयेत अन्यथा असे उमेदवार नियुक्तीसाठी कोणत्याही टप्प्यावर अपात्र ठरतील. याबाबत उमेदवार स्वतः जबाबदार राहतील.
१९. उमेदवारांनी प्राधान्यक्रम Generate करून लॉक केल्यानंतर त्यांना प्राधान्यक्रमात बदल करावयाचा असल्यास पूर्वी Generate केलेले प्राधान्यक्रम Delete करून विहित मुदतीत प्राधान्यक्रम पुन्हा Generate करून लॉक करता येतील. सबब उमेदवारांनी आपली अर्हता विचारात घेऊन काळजीपूर्वक प्राधान्यक्रम लॉक करावेत.
२०. उमेदवारांने ज्या क्रमाने प्राधान्यक्रम लॉक केले आहेत, त्या क्रमाने शिक्षक अभियोग्यता व बुद्धिमत्ता चाचणी - २०२५ (TAIT 2025) परीक्षेतील गुणवत्तेनुसार प्राधान्यक्रम विचारात घेतले जातील. उमेदवाराची गुणवत्तेनुसार प्राधान्यक्रमावर नियुक्तीसाठी / मुलाखतीसाठी शिफारस झाल्यानंतर, उर्वरित प्राधान्यक्रमांचा विचार केला जाणार नाही.
२१. उमेदवारांचे लॉगिन हे OTP Base असल्याने त्यांनी नोंद केलेल्या मोबाईल क्रमांकावर OTP येणार आहेत. यास्तव ज्या उमेदवारांना लॉगिन करण्यासाठी त्यांचा मोबाईल क्रमांक बदल करून घ्यावयाचा आहे, त्यांनी नजीकच्या शिक्षणाधिकारी (प्राथमिक/माध्यमिक), शिक्षण निरीक्षक (पश्चिम/दक्षिण/उत्तर) यांच्या कार्यालयामध्ये विनंती अर्ज व ओळखीच्या पुराव्यासह संपर्क साधावा.
२२. उमेदवारांनी पोर्टलवर अपलोड केलेली शैक्षणिक व व्यावसायिक अर्हतेची प्रमाणपत्रे, जात प्रवर्गाची प्रमाणपत्रे / समांतर आरक्षणाची प्रमाणपत्रे, इतर सवलती संबंधीची प्रमाणपत्रे जरी अपलोड केली असली, तरी त्यांपैकी कोणत्याही प्रमाणपत्राची पडताळणी किंवा सत्यता पोर्टलमार्फत तपासण्यात आलेली नाही. उमेदवारांनी केलेल्या कोणत्याही दाव्याच्या पुष्ट्यर्थ सादर केलेल्या कागदपत्रांची पडताळणी व्यवस्थापनाकडून केली जाईल. त्यामध्ये कोणतीही तफावत आढळून आल्यास कोणत्याही टप्प्यावर संबंधितांची उमेदवारी रद्द केली जाईल. यास्तव उमेदवारांनी प्राधान्यक्रम लॉक करतेवेळी आवश्यक ती खबरदारी घ्यावी.
२३. उमेदवाराने स्वतःचा हेतू साध्य करण्यासाठी पवित्र पोर्टलवर खोटी, चुकीची किंवा अपूर्ण माहिती नमूद केली असेल, तसेच खरी माहिती लपवून ठेवली असेल, किंवा त्यात बदल केला असेल, किंवा कागदपत्र पडताळणीच्यावेळी सादर केलेल्या कागदपत्रांमध्ये कुठल्याही प्रकारची खाडाखोड केल्याचे दिसून आल्यास किंवा ते प्रमाणपत्र बनावट असल्याचे निदर्शनास आल्यास, असा उमेदवार गैरवर्तणुकीबद्दल कोणत्याही टप्प्यावर अपात्र ठरेल तसेच तो योग्य त्या शिक्षेस पात्र राहील.
२४. चारित्र्य / पूर्वचारित्र्य पडताळणीअंती आक्षेपार्ह बाबी आढळून आल्यास संबंधित उमेदवार नियुक्तीसाठी / सेवेसाठी पात्र राहणार नाही. तसेच असे उमेदवार निवडीच्या कोणत्याही टप्प्यावर अपात्र ठरतील.
२५. उमेदवारांनी प्राधान्यक्रम लॉक केल्यानंतर त्याची प्रिंट घेण्यासाठी लॉगिन केल्यानंतर Reports या मेनूमध्ये मुलाखतीशिवाय यासाठी View Locked Preferences (Without
२६. उमेदवार एकाच व्यवस्थापनातील एकापेक्षा अधिक गट/विषयासाठी शैक्षणिक व व्यावसायिक इत्यादी अर्हता धारण करीत असल्यास त्यास त्या व्यवस्थापनाचे असे एकापेक्षा अधिक प्राधान्यक्रम उपलब्ध होतील.
२७. प्राधान्यक्रम जनरेट करणे, लॉक करणे इत्यादीबाबत काही तांत्रिक अडचणी उद्भवल्यास उमेदवारांनी edupavitra25@gmail.com या इमेलवर संपर्क साधावा. याबाबत उमेदवारांना प्राधान्यक्रमाबाबत येणाऱ्या संभाव्य अडचणींबाबत मार्गदर्शन करण्यात येत आहे.
अ. ज्या उमेदवारांना OTP मिळण्यात अडचणी येत आहेत, अशा उमेदवारांनी ते वापरत असलेल्या Browser ची History / Cache clear करावी. त्यानंतरही समस्येचे निवारण न झाल्यास Incognito Window (Private Window) चा वापर करावा.
आ. पवित्र पोर्टलवर प्रसिद्ध झालेल्या जाहिरातींमध्ये रिक्त असलेली पदे, इयत्तांचा गट (उदाहरणार्थ, इयत्ता १ ते ५, ६ ते ८, ९ ते १०, ११ ते १२ व डी.एड कॉलेज शिक्षक) अध्यापनाचे विषय, अध्यापनाचे माध्यम, आरक्षण (समांतर आरक्षणासह) इत्यादी बाबी एकत्रितपणे विचारात घेऊन उमेदवारांना प्राधान्यक्रम Generate होत आहेत. उदेवारांनी पवित्र पोर्टलच्या Home Page वरील Download अंतर्गत प्रसिद्ध करण्यात आलेल्या जाहिरातींचे अवलोकन करावे. त्यामधील आरक्षण व विषय यांसह वरील सर्व बाबींचा एकत्रित विचार करून आपण पात्र असूनही काही तांत्रिक बाबींमुळे प्राधान्यक्रम Generate होत नसल्यास उमेदवारांनी यापूर्वी जनरेट केलेले प्राधान्यक्रम डिलीट करून प्राधान्यक्रम नव्याने Generate करावेत. Generate केलेले प्राधान्यक्रम Delete करून नव्याने प्राधान्यक्रम Generate करण्यासाठी संधींची मर्यादा असणार नाही. मात्र नव्याने Generate केलेले प्राधान्यक्रम Lock करणे आवश्यक आहे.
२८. पोर्टलवर प्रसिद्ध झालेल्या जाहिरातीतील पदांच्या / विषयांच्या संख्येत कोणत्याही कारणास्तव बदल होऊ शकतो. अशा बदल झालेल्या पदांसाठी / विषयांसाठी उमेदवारांनी प्राधान्यक्रम Generate करून Lock केले असल्यास त्यांचा नियुक्तीसाठी / मुलाखतीसाठी विचार केला जाणार नाही, याची उमेदवारांनी नोंद घ्यावी.
२९. उमेदवारांचा लॉगीन आयडी (Login ID) हा 25_xxxxxxxxxx (दहाअंकी TAIT 2025 चा रोल नंबर) या प्रमाणे असेल. Password विसरला असल्यास Forgot Password या सुविधेचा वापर करून Password नव्याने तयार करता येईल.
३०. स्थानिक स्वराज्य संस्था (जिप/मनपा/नप), शासकीय विद्या निकेतन तसेच आदिवासी विकास विभाग अंतर्गत शासकीय शाळांतील रिक्त पदांच्या भरतीबाबत देण्यात येणाऱ्या जाहिराती या मुलाखतीशिवाय या प्रकारातील असतील. यासाठी एका रिक्त पदासाठी एका उमेदवाराची (१:१ या प्रमाणात) पोर्टलमार्फत नियुक्तीसाठी शिफारस करण्यात येईल.
३१. बृहन्मुंबई महानगर पालिकेतील (MNP MUMBAI SUB PRIMARY (२७२२MCP०१) अंतर्गत शिक्षण खात्याच्या आस्थापनेवरील गट-क मधील शिक्षण सेवक या संवर्गातील एकूण ४ जाहिराती प्रसिद्ध केलेलया आहेत. बृहन्मुंबई महानगर पालिकेच्या
मार्गदर्शक सूचनाचे काटेकोरपणे पालन करणं आवश्यक राहील. जाहिरातीत नमूद पात्रताविषयक अटी व शर्ती यांचे तंतोतंत पालन होत असेल तरच उमेदवारांनी बृहन्मुंबई महानगर पालिकेचे प्राधान्यक्रम लॉक करावेत. जाहिरातीत नमूद संबंधित पदांसाठीची पात्रता धारण न करणाऱ्या उमेदवारांनी प्राधान्यक्रम लॉक केल्यास व अशा उमेदवारांची निवडीसाठी शिफारस होऊन कागदपत्र पडताळणीच्या वेळी अपात्र ठरल्यास असे उमेदवार त्यास स्वतः जबाबदार राहतील.
३२. खाजगी शैक्षणिक संस्थांकडून रिक्त पदांच्या भरतीबाबत देण्यात येणाऱ्या जाहिराती या मुलाखतीशिवाय व मुलाखतीसह या दोन प्रकारातील असतील.
३३. मुलाखतीशिवाय या पर्यायासाठी एका रिक्त पदासाठी एका उमेदवाराची (१ १ या प्रमाणात) पोर्टलमार्फत नियुक्तीसाठी शिफारस करण्यात येईल.
३४. मुलाखतीसह या पर्यायासाठी एका रिक्त पदासाठी तीन उमेदवारांची (१ : ३ या प्रमाणात) पोर्टलमार्फत मुलाखतीसाठी शिफारस करण्यात येईल. शासन निर्णय दिनांक २/०४/२०२६ मध्ये नमूद केलेल्या मानक कार्यपद्धतीनुसार उमेदवाराच्या निवडीची कार्यवाही व्यवस्थापनाकडून पूर्ण होईल.
३५. मा. सर्वोच्च न्यायालयातील विशेष अनुज्ञा याचिका क्रमांक १४५१७-१४५३९/२०२५ मधील दिनांक २३/०३/२०२६ रोजीच्या आदेशाअन्वये TAIT-२०२५ नुसार होणाऱ्या पदभरतीसाठी शिक्षक पात्रता परीक्षेत (CTET/TET) त्यांच्या आरक्षणानुसार सवलतीचे गुण घेऊन पात्र ठरलेले उमेदवार गुणवत्तेनुसार खुल्या प्रवर्गातील रिक्त पदांसाठी पात्र ठरतील.
३६. मा. उच्च न्यायालयातील विविध याचिकेतील निर्णयाच्या अधीन राहून प्राधान्यक्रम घेण्यात येत आहेत. याची उमेदवारांनी नोंद घ्यावी.
३७. प्राधान्यक्रम Generate, Save, Assign, Re-arrange, Lock इत्यादी बाबीची कार्यवाही करण्यासाठी सन २०२२ मधील पदभरतीसाठी संकेतस्थळावर उपलब्ध असलेले User Manual उमेदवारांना विचारात घेता येईल.
३८. प्राधान्यक्रम Generate करणे, lock करणे इत्यादीबाबत उमेदवारां काही तांत्रिक अडचणी उद्भवल्यास उमेदवारांना edupavitra25@gmail.com या ई-मेल वर संपर्क साधता येईल.
दिनांक : २१/०७/२०२६
व्यवस्थापनांसाठी सूचना
स्थानिक स्वराज्य संस्था व खाजगी शैक्षणिक संस्थांमधील शिक्षकांची रिक्त पदे भरण्यासाठी पवित्र पोर्टलवरील जाहिरातविषयक सूचना
१. स्थानिक स्वराज संस्था तसेच खाजगी शैक्षणिक व्यवस्थापनांना त्यांच्या व्यवस्थापनातील शिक्षकांची रिक्त पदे भरण्यासाठी पवित्र पोर्टलवर आरक्षणानुसार विषयनिहाय रिक्त पदे नोंद करण्याची सुविधा दिनांक ०१/०५/२०२६ पासून ते ३१/०५/२०२६ पर्यंत देण्यात आली होती. यानंतर जास्तीतजास्त रिक्त पदांचा समावेश जाहिरातीत व्हावा या हेतूने ही मुदत दिनांक २०/०७/२०२६ पर्यंत वाढविण्यात आली होती. व्यवस्थापनांनी पोर्टलवर नोंदणी करून जाहिरातीतील आरक्षणविषयक माहितीची नोंद करण्याची मुदत आता संपुष्टात आली आहे.
२. वरील कालावधीमध्ये पोर्टलवर नोंदणी केलेल्या सर्व व्यवस्थापनांना त्यांच्या जाहिराती पोर्टलवर प्रकाशित करण्याची उर्वरित प्रक्रिया लवकरच करण्यात पूर्ण येईल.
३. तथापि, काही व्यवस्थापनाच्या जाहिराती पोर्टलवर अद्यापही अपूर्ण आहेत, त्यांना आज दिनांक २१/०७/२०२६ रोजी दिवसभरात पूर्ण करता येतील त्या संबंधित व्यवस्थापनांनी दिलेल्या मुदतीत पूर्ण कराव्यात, अन्यथा आपली अपूर्ण जाहिरात निवड प्रक्रियेत पुढे विचारात घेता येणार नाही याची नोंद घ्यावी.
४. विहित मुदतीत पोर्टलवर जाहिराती पूर्ण झाल्यानंतर आलेल्या सर्व जाहिराती पात्र उमेदवारांना एकत्रित पाहण्याची सुविधा देण्यात येईल.
५. पोर्टलवर प्रसिद्ध झालेल्या जाहिरातीतील अर्हतेनुसार पात्र उमेदवारांना तदनंतर यथाशीघ्र प्राधान्यक्रम उपलब्ध करून दिले जातील. त्याबाबतच्या सूचना स्वतंत्रपणे प्रसिद्ध करण्यात येतील.
दि. १०/०७/२०२६
पवित्र प्रणालीमार्फत शिक्षणसेवक / शिक्षक पदभरती जाहिरातीच्या कार्यवाहीस मुदतवाढीबाबत
पवित्र प्रणालीमार्फत शिक्षणसेवक / शिक्षक पदभरती जाहिरातीच्या नोंदी करण्यासाठी दि.०१/०५/२०२६ रोजी पासून व्यवस्थापनास सुविधा देण्यात आली आहे .
बहुतांशी स्थानिक स्वराज्य संस्था व खाजगी व्यवस्थापनांच्या जाहिरात नोंदीची कार्यवाही पूर्ण झालेली आहे. तथापि काही व्यवस्थापनास जाहिरात नोंद करण्यास कालावधीची आवश्यकता असल्याने पवित्र पोर्टलवर जाहिरात प्रसिद्ध करण्यासाठी दि. २०/०७/२०२६ अखेर मुदतवाढ देण्यात येत आहे.
राज्यातील सर्व शैक्षणिक व्यवस्थापनांना आवाहन करण्यात येते की, आपल्या अधिनस्त शाळातील शिक्षकांची रिक्त पदे भरण्यासाठी पवित्रपोर्टलवर जाहिरात https://tait2025.mahateacherrecruitment.org.in/ संकेतस्थळावर भेट द्यावी. देण्यासाठी या
शैक्षणिक व्यवस्थापनांना पदभरतीसाठी जाहिरात देण्यासाठी काही अडचणी असल्यास edupavitra25@gmail.com या इमेलवर संपर्क साधता येईल .
दि. ३०/०६/२०२६
पवित्र प्रणालीमार्फत शिक्षणसेवक / शिक्षक पदभरती जाहिरातीच्या कार्यवाहीस मुदतवाढीबाबत
पवित्र प्रणालीमार्फत शिक्षणसेवक / शिक्षक पदभरती जाहिरातीच्या नोंदी करण्यासाठी दि. ०१/०५/२०२६ रोजी पासून व्यवस्थापनास सुविधा देण्यात आली आहे.
बहुतांशी स्थानिक स्वराज्य संस्था व खाजगी व्यवस्थापणांच्या जाहिराती अंतिम टप्प्यात आहेत. व्यवस्थापनास जाहिरात देण्यास काही कालावधीची आवश्यकता असल्याने पवित्र पोर्टलवर जाहिरात प्रसिद्ध करण्यासाठी दि. १०/०७/२०२६ अखेर मुदतवाढ देण्यात येत आहे.
राज्यातील सर्व शैक्षणिक व्यवस्थापनांना आवाहन करण्यात येते की, आपल्या अधिनस्त शाळातील शिक्षकांची रिक्त पदे भरण्यासाठी पवित्रपोर्टलवर जाहिरात https://tait2025.mahateacherrecruitment.org.in/ संकेतस्थळावर भेट द्यावी. देण्यासाठी या
शैक्षणिक व्यवस्थापनांना पदभरती साठी जारात देण्यासाठी काही अडचणी असल्यास edupavitra25@gmail.com या इमेलवर संपर्क साधता येईल
पवित्र प्रणालीमार्फत शिक्षणसेवक / शिक्षक पदभरती जाहिरातीच्या कार्यवाहीस मुदतवाढीबाबत
पवित्र प्रणालीमार्फत शिक्षणसेवक / शिक्षक पदभरती जाहिरातीच्या नोंदी करण्यासाठी दि. ०१/०५/२०२६ रोजी पासून व्यवस्थापनास सुविधा देण्यात आली आहे .
अद्यापिही व्यवस्थापनास जाहिरात देण्यास काही कालावधीची आवश्यकता असल्याने पवित्र पोर्टलवर जाहिरात प्रसिद्ध करण्यासाठी दि. ३०/०६/२०२६ अखेर मुदतवाढ देण्यात येत आहे.
राज्यातील सर्व शैक्षणिक व्यवस्थापनांना आवाहन करण्यात येते की, आपल्या अधिनस्त शाळातील शिक्षकांची रिक्त पदे भरण्यासाठी पवित्रपोर्टलवर जाहिरात https://tait2025.mahateacherrecruitment.org.in/ संकेतस्थळावर भेट द्यावी. देण्यासाठी या शैक्षणिक व्यवस्थापनांना पदभरती साठी जारात देण्यासाठी काही अडचणी असल्यास edupavitra25@gmail.com या इमेलवर संपर्क साधता येईल
पवित्र पोर्टलमार्फत शिक्षक पदभरतीसाठी बिंदुनामावली तपासणी करण्याबाबत.
महाराष्ट्र शासन
शिक्षण आयुक्तालय
मध्यवर्ती इमारत, डॉ. अॅनी बेझंटा पुणे ४११००१
सचिन्द्र प्रताप सिंह भा.प्र.से.
आयुक्त (शिक्षण)
दूरध्वनी क्र. : ०२० २६१२०४४१
आयुक्त (शिक्षण) महाराष्ट्र राज्य
अ.शा.प्र.क्र./आशिका/वि.आ./शि. पदभरती / 2619
दि. 2.6 में. २०२६,
विषय : पवित्र पोर्टलमार्फत शिक्षक पदभरतीसाठी बिंदुनामावली तपासणी करण्याबाबत.
आदरणीय सर,
आपणांस विदित आहेच की, राज्यातील शिक्षक पदभरतीची कार्यवाही राज्यस्तरावरुन "पवित्र प्रणाली" मार्फत करण्यात येते. त्यानुसार सन २०२५-२६ च्या संचमान्यतेनुसार मंजूर, कार्यरत व रिक्त पदे विचारात घेऊन शिक्षक अभियोग्यता व बुद्धीमत्ता चाचणी-२०२५ नुसार राज्यातील शिक्षक पदभरतीची कार्यवाही करण्यात येत आहे. याकरिता सर्व व्यवस्थापनांना त्यांच्या रिक्त पदांच्या जाहिराती पोर्टलवर नोंद करण्यासाठी दिनांक ०१ मे, २०२६ ते ३१ मे, २०२६ या कालावधीत सुविधा देण्यात आली आहे.
यापूर्वी शिक्षक पदभरतीसाठी आवश्यक विंदुनामावलीची माहिती तयार ठेवण्याबाबत या कार्यालयाकडून दिनांक १७.१०.२०२५, २६.०३.२०२६ व ०८.०५.२०२६ रोजी सविस्तर सूचना देण्यात आल्या आहेत. तथापि, बहुतांश व्यवस्थापनांकडून अद्यापही बिंदुनामावली तपासणी अपूर्ण असल्यामुळे पोर्टलवर जाहिराती नोंदविण्यात आलेल्या नाहीत, असे निदर्शनास येत आहे.
शिक्षक पदभरतीची कार्यवाही शैक्षणिक वर्ष २०२६-२७ करिता कालमर्यादेत पूर्ण होणे आवश्यक असल्याने, सर्व व्यवस्थापनांनी तातडीने बिंदुनामावलीची तपासणी करून पोर्टलवर जाहिरात नोंदविणे आवश्यक आहे. तरी, पुढील शैक्षणिक वर्ष सुरु होण्यापूर्वी जास्तीत जास्त व्यवस्थापनांची बिंदुनामावली तपासणी होऊन पोर्टलवर जाहिरात नोंदविण्यासाठी दि. १५ जून, २०२६ पर्यंत मुदतवाढ देण्यात येत आहे.
त्यानुषंगाने आपल्या विभागातील शैक्षणिक संस्थांच्या बिंदुनामावली तपासणीची कार्यवाही दि.१५ जून, २०२६ पूर्वी पूर्ण करण्यासाठी आपल्या अधिनस्त सहायक आयुक्त (मागासवर्ग कक्ष) यांना आपल्यास्तरावरुन सूचना दिल्यास मी आपला आभारी राहील.
आपला विश्वासू
सचिन्द्र प्रताप सिंह, भा.प्र.से.
प्रति,
डॉ. प्रवीण गेडाम, भा.प्र.से.
विभागीय आयुक्त, नाशिक विभाग
पवित्र पोर्टल मार्फत शिक्षक पदभरतीसाठी जाहिरातीची कार्यवाही करण्याबाबत शिक्षण आयुक्त यांनी दिनांक 8 मे २०२६ रोजी आयुक्त महानगरपालिका सर्व मुख्य कार्यकारी अधिकारी जिल्हा परिषद सर्व तसेच अध्यक्ष सचिव खाजगी शैक्षणिक संस्था यांना पुढील प्रमाणे निर्देश दिले आहेत.
जा.क्र. मरापप/पवित्र पोर्टल/जाहिरात/टेट २०२५/२०२६/२८१२५९६
दि. स्वाक्षरीखाली नमूद प्रमाणे
प्रति,
१. मा.आयुक्त, महानगरपालिका (सर्व)
२. मुख्य कार्यकारी अधिकारी, जिल्हा परिषदा, सर्व
३. अध्यक्ष/सचिव, खाजगी शैक्षणिक संस्था
विषय :- पवित्र पोर्टल मार्फत शिक्षक पदभरतीसाठी जाहिरातीची कार्यवाही करण्याबाबत..
संदर्भ :
१. या कार्यालयाचे पत्र जा.क्र. आस्था/प्राथ-१०६/पवित्र-पोर्टल/बिंदुनामावली/२०२३/७२९६, दि.२९.११.२०२३
२. या कार्यालयाचे पत्र जा.क्र.आस्था/प्राथ-१०६/टेट-२५/बिंदु-तपा/२०२५/१५०२४४८, दि.१७.१०.२०२५
३. शिक्षण संचालक माध्यमिक व उच्च माध्यमिक यांचे पत्र क्रमांक शिसंमा / २०२५-२६/समायोजन/टी-८ब/१७०४०८८, दि. ०४.०२.२०२६
४. शालेय शिक्षण व क्रीडा विभाग, शासन निर्णय क्रमांक संकिर्ण-२०२५/प्र.क्र.९५३/टीएनटी-१, दि.०१.०१.२०२६
५. सामान्य प्रशासन विभाग शासन निर्णय क्र. बीसीसी-२०२३/प्र.क्र.५४/आरक्षण-५, दि. ११.०२.२०२६
६. सामान्य प्रशासन विभाग शासन निर्णय क्र. बीसीसी-२०२६/प्र.क्र.७/आरक्षण-५, दि. ०६.०४.२०२६
७. शासन निर्णय क्रमांक संकीर्ण-२०२६/प्रक्र १६५/टीएनटी-१ दिनांक ३०/०३/२०२६
८. या कार्यालयाचे पत्र क्रमांक मरापप/पवित्र पोर्टल/२०२६/२७१५९३५ दिनांक १७/०३/२०२६.
राज्यातील सर्व स्थानिक स्वराज्य संस्थांच्या / खाजगी शैक्षणिक व्यवस्थापनाच्या अनुदानित, अंशतः अनुदानित, विना अनुदानित तसेच अनुदानास पात्र घोषित केलेल्या प्राथमिक, उच्च प्राथमिक माध्यमिक व उच्च माध्यमिक, रात्र शाळांतील शिक्षकांच्या रिक्त पदांवर भरती करताना सर्व उमेदवारांना निवडीची समान संधी मिळावी, तसेच शिक्षण सेवक पदासाठी उच्च गुणवत्ताधारक उमेदवारांची निवड होण्याच्यादृष्टीने शिक्षण सेवक भरती अभियोग्यता व बुद्धिमत्ता चाचणी २०२५ मध्ये प्राप्त गुणांच्या आधारे व शासन तरतुदी/विविध न्यायालये यांनी वेळोवेळी दिलेल्या निर्देशानुसार करण्यात येत आहे.
शिक्षक पदभरतीसाठी "शिक्षक अभियोग्यता व बुद्धीमत्ता चाचणी-२०२५" चे आयोजन दिनांक २७/०५/२०२५ ते ०५/०६/२०२५ या कालावधीमध्ये करण्यात आले होते, त्याचा निकाल दिनांक १८/०८/२०२५ रोजी प्रसिद्ध करण्यात आलेला आहे. एकूण २,२८,८०८ उमेदवारांनी चाचणीसाठी नोंदणी केली असून प्रत्यक्षात २,११,३०८ उमेदवारांनी परीक्षा दिली आहे. दिनांक १५/१२/२०२५ ते १५/०१/२०२६ या कालावधीमध्ये उमेदवारांकडून पवित्र पोर्टल वर स्व-प्रमाणपत्र पूर्ण करण्यात आलेले आहेत. एकूण १,७०,१०८ उमेदवारांनी त्यांचे स्वप्रमाणपत्र पूर्ण केले आहे.
शिक्षक अभियोग्यता व बुद्धीमत्ता चाचणी-२०२५ नुसार पदभरतीसाठी आवश्यक बिंदुनामावलीची माहिती तयार ठेवण्याबाबत या कार्यालयाकडून यापूर्वी दिनांक १७/१०/२०२५ व दिनांक १७/०३/२०२६ अन्वये सविस्तर सूचना देण्यात आलेल्या आहेत. शिक्षक पदभरतीसाठी बिंदू नामावली व शैक्षणिक वर्ष २०२५-२६ च्या संचमान्यतेनुसार गटनिहाय व विषयनिहाय रिक्त पदांची माहिती आवश्यक आहे.
संचमान्यता सन २०२५-२६ ची कार्यवाही पूर्ण झाली असून त्यानुसार अतिरिक्त शिक्षकांच्या समायोजनाची कार्यवाही दिनांक ३१/०३/२०२६ पूर्वी करण्याचेही शिक्षण संचालक कार्यालयाचे स्तरावरुन क्षेत्रिय कार्यालयांना कळविण्यात आले आहे.
संदर्भाधीन शासन निर्णय दिनांक ०१ जानेवारी, २०२६ नुसार राज्यातील स्थानिक स्वराज्य संस्थांच्या प्राथमिक, उच्च प्राथमिक, माध्यमिक व उच्च माध्यमिक शाळांतील त्या शाळांच्या संचमान्यतेनुसार शैक्षणिक वर्ष २०२५-२६ अखेर म्हणजे मे २०२६ अखेर संभाव्य रिक्त होणारी पदे विचारात घेऊन पदभरतीस मान्यता देण्यात आलेली आहे. सदर पदभरतीची कार्यवाही करताना शासन निर्णय दिनांक २१/०६/२०२३ मधील तरतुदीनुसार रिक्त पदांच्या ८०% च्या मर्यादेत मागणी नोंद करावी.
पवित्र पोर्टलवर सदर नोंदणी करण्यासाठी दिनांक ०१/०५/२०२६ ते दिनांक ३१/०५/२०२६ असा कालावधी देण्यात येत आहे, नियुक्ती प्राधिकारी यांनी सदर कालावधीमध्ये जाहिराती देण्याची कार्यवाही पूर्ण करावी. याबाबत सविस्तर सूचना पवित्र पोर्टल वर प्रसिद्ध करण्यात आलेल्या आहेत.
आपल्या अधिनस्त शाळांतील शिक्षक पदभरती वेळेत पूर्ण होण्यासाठी वरील प्रमाणे कार्यवाही पूर्ण करण्याची दक्षता घ्यावी.
Digitally signed by
SACHINDRA PRATAP SINGH Date: 08-05-2026 09:29:53
(सचिन्द्र प्रताप सिंह, भा.प्र.से.)
आयुक्त (शिक्षण)
महाराष्ट्र राज्य, पुणे
प्रत माहितीस्तव सविनय सादर :
१. मा. प्रधान सचिव, शालेय शिक्षण व क्रीडा विभाग, मंत्रालय, मुंबई यांचे स्वीय सहायक
२. मा. प्रधान सचिव, ग्राम विकास व पंचायती राज, मंत्रालय, मुंबई यांचे स्वीय सहायक
प्रत पुढील आवश्यक कार्यवाहीस्तव :
१. शिक्षण संचालक माध्यमिक व उच्च माध्यमिक शिक्षण संचालनालय, पुणे
२. शिक्षण संचालक प्राथमिक शिक्षण संचालनालय, पुणे
३. सहायक आयुक्त (मा.व.क.), मा. विभागीय आयुक्त कार्यालय, सर्व विभाग
४. विभागीय शिक्षण उपसंचालक, सर्व यांना आवश्यक त्या कार्यवाहीस्तव
५. शिक्षणाधिकारी (प्राथमिक/माध्यमिक), जिल्हा परिषदा (सर्व)
६. शिक्षण निरिक्षक (पश्चिम/उत्तर/दक्षिण), बृहन्मुंबई
७. प्रशासन अधिकारी, म.न.पा./न.पा. (संबंधित)
संपूर्ण आदेश पीडीएफ स्वरूपात डाऊनलोड करण्यासाठी खालील Download वर क्लिक करा
दिनांक : ०१/०५/२०२६
व्यवस्थापनांसाठी सूचना
स्थानिक स्वराज्य संस्था व खाजगी शैक्षणिक संस्थांच्या शाळांमधील शिक्षकांची रिक्त पदे भरण्यासाठी पवित्र पोर्टलवरील जाहिरातविषयक सूचना
१. शिक्षक अभियोग्यता व बुद्धिमत्ता चाचणी-२०२५ ही दिनांक २७/०५/२०२५ ते दिनांक ०५/०६/२०२५ या कालावधीमध्ये ऑनलाईन पद्धतीने घेण्यात आलेली आहे. सदर चाचणीस २२८८०८ उमेदवारांनी नोंदणी केली होती, त्यापैकी २११३०८ उमेदवार प्रत्यक्ष चाचणीस उपस्थित होते. या चाचणीस उपस्थित उमेदवारांकडून शिक्षक पदभरतीसाठी आवश्यक असणारी उमेदवारांची स्व-प्रमाणपत्रे पूर्ण करण्यासाठी दिनांक १५/१२/२०२५ ते दिनांक १५/०१/२०२६ एवढा कालावधी देण्यात आला होता. त्यामध्ये १७०१०८ उमेदवारांनी त्यांची स्व-प्रमाणपत्रे पूर्ण केलेली आहेत.
पोर्टलवर नोंद केलेल्या उमेदवारांमधून पात्र उमेदवारांच्या नियुक्तीच्या शिफारशीसाठी संबंधित व्यवस्थापनाकडून पोर्टलवर आरक्षणनिहाय व विषयनिहाय रिक्त पदांसाठी माध्यमनिहाय जाहिरात देणे आवश्यक आहे.
२. स्थानिक स्वराज्य संस्था व खाजगी शैक्षणिक संस्थांच्या शाळांमधील शिक्षकांची रिक्त पदे भरण्यासाठी पवित्र पोर्टलवर दिनांक ०१ मे, २०२६ ते दिनांक ३१ मे, २०२६ या कालावधीत जाहिरात नोंद करण्यासाठी सुविधा देण्यात येत आहे.
४. व्यवस्थापनास जाहिरात देण्यापूर्वी त्यांच्या व्यवस्थापनाची बिंदुनामावलीची तपासणी संस्थेच्या मुख्यालयाशी संबंधित विभागाच्या सहायक आयुक्त, (मावक), मा. विभागीय आयुक्त कार्यालय यांचेकडून अद्ययावत करून प्रमाणित केलेली असणे आवश्यक आहे.
५. यापूर्वी प्रमाणित केलेल्या बिंदूनामावालीनंतर SEBC चे आरक्षण, पेसा क्षेत्रातील आरक्षण यामध्ये बदल झाल्यामुळे प्रत्येक व्यवस्थापनाने बिंदुनामावली अद्ययावत करून प्रमाणित केलेली असणे आवश्यक आहे.
६. पवित्र पोर्टलवर जाहिरात देण्यासाठीच्या कार्यपद्धतीचा शासन निर्णय दिनांक ७/२/२०१९ सोबतच्या परिशिष्ट-अ मध्ये सक्षम प्राधिकारी नमूद करण्यात आलेले आहेत. त्यामध्ये बिंदुनामावली भरणारे प्राधिकारी, तपासणारे व जाहिरातीस मान्यता देणारे प्राधिकारी निश्चित करण्यात आलेले आहेत. त्यानुसार संबंधिताना लॉगीन उपलब्ध करून देण्यात आलेले आहेत.
७. बिंदुनामावली व विषयनिहाय रिक्त पदांची नोंद करणे व मान्यता देणारे सक्षम प्राधिकारी खालील प्रमाणे आहेत.
८. व्यवस्थापनाकडे एकापेक्षा जास्त माध्यमांच्या शाळा असल्यास बिंदुनामावलीची माहिती माध्यमनिहाय नोंद करावी.
९. शालेय शिक्षण विभाग, शासन निर्णय क्रमांक संकीर्ण-२०२५/प्र.क्र. ९५३/टीएनटी-1 दिनांक ०१/०१/२०२६ अनुसार राज्यातील स्थानिक स्वराज्य संस्थांच्या प्राथमिक, उच्च प्राथमिक, माध्यमिक व उच्च माध्यमिक शाळांतील त्या शाळांच्या संच मान्यतेनुसार शैक्षणिक वर्ष २०२५-२६ अखेर म्हणजे मे २०२६ अखेर रिक्त होणारी संभाव्य पदे विचारात घेऊन पद भरती करण्यास मान्यता देण्यात आली आहे.
१०. रिक्त पदांची मागणी करताना शालेय शिक्षण विभाग, शासन निर्णय क्रमांक. संकीर्ण-२०२३/प्र.क्र.१७४/टीएनटी-1 दिनांक २१/०६/२०२३ मधील तरतुदीनुसार रिक्त पदांच्या ८० टक्केच्या मर्यादेत मागणी नोंद करावी.
११. रिक्त पदापैकी एखाद्या काही पदाबाबत मा.न्यायालयात प्रकरण प्रलंबित असल्यास अथवा अन्य उचित कारणाने अशी पदे भरणे शक्य नसल्यास सदर पदे वगळून बिंदुनामावलीतील आरक्षण व विषयाची मागणी नोंदवावी.
१२. इ 1 ली ते इ 5 वी /इ ६ वी ते इ ८ वी /इ ९ वी ते इ १० वी / इ ११ वी ते इ १२ वी या गटातील रिक्त पदांसाठी व्यवस्थापनास जाहिरात देता येईल.
१३. अध्यापनाच्या विषयांची जाहिरात देताना शालेय शिक्षण विभाग, शासन निर्णय दिनांक ७/२/२०१९, २५/०२/२०१९, १२/०६/२०१९ व १३/१०/२०२३ मधील तरतुदीनुसार कार्यवाही करावी.
१४. शासन निर्णय दिनांक १३/१०/२०२३ मधील तरतुदीनुसार आवश्यक सुविधा देण्यात आली आहे.
१५. इ ६ वी ते इ ८ वी या गटातील भाषा, गणित-विज्ञान, गणित, विज्ञान व सामाजिक शास्त्रे या प्रमाणे अध्यापनाच्या विषयासाठी मागणी करता येईल.
अ) फक्त गणित विषय शिकविण्यासाठी शिक्षक पाहिजे असल्यास 'गणित' हा विषय निवडावा आ फक्त विज्ञान विषय शिकविण्यासाठी शिक्षक पाहिजे असल्यास 'विज्ञान' हा विषय निवडावा
इ) गणित व विज्ञान हे दोन्ही विषय शिकविण्यासाठी एकच शिक्षक पाहिजे असल्यास 'गणित-विज्ञान' असा विषय निवडावा.
ई) शासन निर्णय दिनांक १५/०३/२०२४ अन्वये दिलेल्या निकषानुसार कला व कार्यानुभव हि पदे मंजूर व रिक्त असलेली पदे भरण्यासाठी विशेष शिक्षक (Special Teacher) अंतर्गत नोंद करण्याची सुविधा देण्यात आलेली आहे.
१६. इ. ९ वी ते इ १० वी या गटातील भाषा विषय, गणित, विज्ञान, गणित विज्ञान, सामाजिक शास्त्र, इतिहास, भूगोल, शारीरिक शिक्षण, संरक्षण शास्त्र या प्रमाणे विषयासाठी मागणी करता येईल
अ) फक्त गणित विषय शिकविण्यासाठी शिक्षक पाहिजे असल्यास 'गणित हा विषय निवडावा.
फक्त विज्ञान विषय शिकविण्यासाठी शिक्षक पाहिजे असल्यास 'विज्ञान' हा विषय निवडावा.
इ) गणित व विज्ञान हे दोन्ही विषय शिकविण्यासाठी एकच शिक्षक पाहिजे असल्यास 'गणित विज्ञान' असा विषय निवडावा.
ई) इतिहास, भूगोल इत्यादी सामाजिक शास्त्रातील सर्व विषय शिकविण्यासाठी एकच शिक्षक पाहिजे असल्यास 'सामाजिक शास्त्र' हा विषय निवडावा.
3) फक्त इतिहास विषय शिकविण्यासाठी शिक्षक पाहिजे असल्यास 'इतिहास' हा विषय निवडावा
ऊ फक्त भूगोल विषय शिकविण्यासाठी शिक्षक पाहिजे असल्यास 'भूगोल' हा विषय निवडावा.
ऋ) शासन निर्णय दिनांक १५/०३/२०२४ अन्वये दिलेल्या निकषानुसार शारीरिक शिक्षण मंजूर व रिक्त असलेली पदे भरण्यासाठी 'शारीरिक शिक्षण' हा विषय निवडावा
१७. इ ११ वी ते इ १२ वी या गटातील विषयासाठी उच्च माध्यमिक कनिष्ठ महाविद्यालयाच्या संच मान्यतेमध्ये मंजूर असलेल्या पदांपैकी रिक्त असलेल्या पदांसाठी मागणी नोंद करता येईल.
१८. शासन निर्णय दिनांक १३/१०/२०२३ मधील तरतुदीनुसार अर्धवेळ व दोन विषयातील कार्यभारामुळे पूर्णवेळ मंजूर असलेली रिक्त पदे नोंद करण्याची सुविधा उपलब्ध करून देण्यात आलेली आहे त्यानुसारच अशा मंजूर आणि रिक्त असणाऱ्या पदांची नोंद करावी.
१९. जाहिरातीसाठी बिंदूनामावलीची माहिती भरल्यानंतर ती तपासून मान्य केल्यानंतरच विषयाचा गट व विषयाची माहिती नोंद करता येते व त्यानंतर विषयाची माहिती तपासून मान्य केल्यानंतरच जाहिरात तयार करता येईल.
२०. जाहिरात जनरेट होण्यासाठी बिंदुनामावली व विषय या दोन्ही प्रकारची माहिती संबंधित सक्षम प्राधिकारी यांच्याकडून मान्य (Approve) करून घेणे आवश्यक आहे.
२१. जाहिरात जनरेट करण्याची सुविधा ही माहिती भरणाऱ्या प्राधिकारी यांच्या लॉगीनवर उपलब्ध आहे.
२२. पोर्टलवर जाहिरात जनरेट झाल्यानंतर शासन निर्णय दिनांक ०७/०२/२०१९ मधील तरतुदीनुसार सदर जाहिरात वर्तमानपत्रांमध्ये प्रसिद्ध करावी.
२३. जाहिरात तयार करण्यासाठी TAIT 2022 पोर्टलवर प्रसिद्ध केलेल्या User Manual/Flow Chart नुसार कार्यवाही करावी
२४. शिक्षक पदभरतीशी संबंधित कामकाजाबाबत शैक्षणिक संस्थांना शिक्षणाधिकारी /विभागीय शिक्षण उपसंचालक यांच्याकडून विहित मुदतीत अपेक्षित प्रतिसाद न मिळाल्यास ही बाब आयुक्त, महाराष्ट्र राज्य परीक्षा परिषद, पुणे यांना mscepavitraportal@gmail.com या email वर कळवावी.
२५. व्यवस्थापनास अन्य काही अडचणी आल्यास edupavitra25@gmail.com या email वर संपर्क साधता येईल.
संपूर्ण सूचना पीडीएफ स्वरूपात डाउनलोड करण्यासाठी खालील Download वर क्लिक करा.
दिनांक ०९/०१/२०२६
उमेदवारांसाठी सूचना
उमेदवारांसाठी दिनांक २६/१२/२०२५ रोजी सूचना प्रसिद्ध करण्यात आलेली आहे, त्यातील खुल्या प्रवर्गातून CTET दिलेल्या ज्या उमेदवारांकडे सदर परीक्षेसाठी अर्ज करण्याच्या वेळी कोणत्याही आरक्षणाचे प्रमाणपत्र उपलब्ध असेल तर त्यांनाच त्यांच्याकडे असलेल्या आरक्षणानुसार लागू असलेली सूट / सवलत मिळेल. सदर परीक्षेसाठी अर्ज करण्याच्या वेळी आरक्षणाचे प्रमाणपत्र नसेल तर त्यांना सूट / सवलतीचा लाभ घेता येणार नाही. यामुळे काही उमेदवारांमध्ये संभ्रम निर्माण झाला आहे त्याबाबत स्पष्ट करण्यात येते की, शिक्षक पात्रता परीक्षा देण्यापूर्वी वा परीक्षेच्या वेळी कोणत्याही आरक्षणाचे प्रमाणपत्र उपलब्ध असेल तर त्यांना त्यांच्याकडे असलेल्या आरक्षणानुसार लागू असलेली गुणांची सूट/सवलत मिळेल याची उमेदवारांनी नोंद घ्यावी.
राज्यातील कोणत्याही आरक्षणाचा लाभ घ्यावयाच्या असल्यास उमेदवारांकडे राज्यात अधिवास असल्याबाबतचे अधिवास प्रमाणपत्र (Domicile Certificate) असणे आवश्यक आहे, तथापि काही उमेदवारांकडे जातीचे दाखले आहेत परंतु अधिवास प्रमाणपत्रे (Domicile Certificate) उपलब्ध नाहीत. अशा उमेदवारांनी खालील अ), ब) व क) मध्ये दर्शलल्याप्रमाणे ओळखीचा पुरावा, पत्त्याचा पुरावा व अतिरिक्त कागदपत्रे यामधील प्रत्येकी एक पुरावा एकत्रित पीडीएफ करून अपलोड करावा.
अ) ओळखीचा पुरावा (खालीलपैकी कोणताही एक) :-
आधार कार्ड
वाहन चालविण्याचा परवाना
पासपोर्ट
पॅन कार्ड
मतदार कार्ड
ब) पत्त्याचा पुरावा (खालीलपैकी कोणताही एक) :-
टेलिफोन, गॅस, वीज देयक, मालमत्ता कर इत्यादी उपयुक्तता बिले.
बँक पासबुक
रेशन कार्ड
भाडे करार
क) अतिरिक्त कागदपत्रे :-
महाराष्ट्र राज्यात जन्म झाल्याबाबतचे जन्म प्रमाणपत्र
महाराष्ट्र राज्यात शिक्षण झाल्याबाबतचा शाळा सोडल्याचा दाखला
महाराष्ट्र राज्यातून उत्तीर्ण माध्यमिक शालान्त प्रमाणपत्र
ज्या उमेदवारांनी यापूर्वी अधिवास प्रमाणपत्र (Domicile Certificate) नाही म्हणून त्याप्रमाणे स्व-प्रमाणपत्र पूर्ण केले असेल. मात्र, त्यांच्याकडे वरील अ, ब आणि क मध्ये नमूद केलेल्या कागदपत्रांच्या यादीतील प्रत्येकी एक पुरावा उपलब्ध असेल, अशा उमेदवारांना त्यांचे स्व-प्रमाणपत्र Uncertify करून योग्य तो पुरावा अपलोड करून स्व-प्रमाणपत्र पुन्हा पूर्ण करता येईल, याची नोंद घ्यावी. मात्र, कागदपत्रे पडताळणीच्या वेळी मूळ अधिवास प्रमाणपत्र (Domicile Certificate) सादर करणे बंधनकारक राहील.
पोर्टलवर नोंदणी (Registration) करण्यासाठी व नोंदणी केलेल्या उमेदवारांना स्व-प्रमाणपत्र स्वप्रमाणित (Self Certification) करण्यासाठी दिनांक १४.०१.२०२६ पर्यंत मुदतवाढ राहील, याची संबंधित उमेदवारांनी नोंद घ्यावी.
दिनांक ०८/०१/२०२६
उमेदवारांसाठी सूचना
नोंदणी केलेल्या उमेदवारांना स्व-प्रमाणपत्र पूर्ण करण्यासाठी दिनांक ०८/०१/२०२६ पर्यंत मुदत देण्यात आलेली आहे. स्व- प्रमाणपत्र पूर्ण करणे शिल्लक असलेल्या उमेदवारांची संख्या विचारात घेता पोर्टलवर नोंदणी (Registration) करण्यासाठी व नोंदणी केलेल्या उमेदवारांना स्व प्रमाणपत्र स्वप्रमाणित (Self Certification) करण्यासाठी दिनांक १२/०१/२०२६ पर्यंत मुदतवाढ राहील, याची संबंधीत उमेदवारांनी नोंद घ्यावी.
पवित्र पोर्टल स्व प्रमाणपत्र करण्यासाठी मुदतवाढ!
दिनांक २९/१२/२०२५
उमेदवारांसाठी सूचना
उमेदवारांना स्व-प्रमाणपत्र पूर्ण करण्यासाठी दिनांक २९/१२/२०२५ पर्यंत मुदत देण्यात आलेली आहे. परंतु स्व-प्रमाणपत्र पूर्ण करण्यास मुदतवाढ देण्याबाबत उमेदवारांकडून मागणी होत आहे. तसेच स्व- प्रमाणपत्र पूर्ण करणे शिल्लक असलेल्या उमेदवारांची संख्या विचारात घेता पोर्टलवर नोंदणी (Registration) करण्यासाठी दिनांक ०६/०१/२०२६ पर्यंत मुदतवाढ तर नोंदणी केलेल्या उमेदवारांना स्व - प्रमाणपत्र स्वप्रमाणित (Self Certification) करण्यासाठी दिनांक ०८/०१/२०२६ पर्यंत मुदतवाढ राहील, यापुढे मुदत दिली जाणार नाही याचीही संबंधीत उमेदवारांनी नोंद घ्यावी.
पवित्र पोर्टल मार्फत शिक्षक पदभरतीची निवड प्रक्रिया करण्यासाठी TAIT-2025 परीक्षेस प्रविष्ठ झालेल्या उमेदवारांना स्व-प्रमाणपत्र (Self Certification) करण्याची सुविधा दिनांक १५/१२/२०२५ पासून सुरू करण्यात आली आहे.
पवित्र पोर्टल मार्फत शिक्षक पदभरतीची निवड प्रक्रिया करण्यासाठी TAIT-2025 परीक्षेस प्रविष्ठ झालेल्या उमेदवारांना स्व-प्रमाणपत्र (Self Certification) करण्यासाठी लिंक.
https://tait2025.mahateacherrecruitment.org.in/Public/Home.aspx
पवित्र प्रणालीमार्फत शिक्षणसेवक/ शिक्षक पदभरतीबाबत उमेदवारांसाठी स्व-प्रमाणपत्र पूर्ण करणेसाठीच्या सूचना (TAIT-२०२५)
(दि. १५/१२/२०२५)
अ) सर्वसाधारण माहिती व सूचना :
१ महाराष्ट्र राज्यातील सर्व स्थानिक स्वराज्य संस्था व खाजगी व्यवस्थापनाच्या शाळांमध्ये तसेच महाराट्र शासनाच्या इतर विभागांच्या शाळांमध्ये "पवित्र" या संगणकीय प्रणालीद्वारे शिक्षण सेवक/शिक्षक पदभरतीसाठी शासनामार्फत "शिक्षक अभियोग्यता व बुद्धिमत्ता चाचणी-२०२५" या परीक्षेचे ऑनलाईन पद्धतीने आयोजन करण्यात आले होते.
२ शिक्षक अभियोग्यता व बुद्धिमत्ता चाचणी-२०२५ दिनांक २७ मे २०२५ ते ३० मे २०२५ व ०२ जून २०२५ ते ०५ जून २०२५ या कालावधीमध्ये घेण्यात आली होती. या चाचणीसाठी २,२८,८०८ उमेदवारांनी नोंदणी केली होती.
३ शिक्षक अभियोग्यता व बुद्धिमत्ता चाचणी एकूण २०० गुणांची होती, त्यापैकी १२० प्रश्न अभियोग्यता व ८० प्रश्न बुद्धिमत्ता या घटकावर होते, प्रत्येक प्रश्नास १ गुण होता. चाचणीसाठी एकूण २ तासांचा कालावधी होता.
४ शिक्षक अभियोग्यता व बुद्धिमत्ता चाचणी-२०२५ मधील प्राप्त गुणांच्या आधारे राज्यातील स्थानिक स्वराज्य संस्था व खाजगी व्यवस्थापनाच्या शाळांतील तसेच महाराट्र शासनाच्या इतर विभागांच्या शाळांमध्ये शिक्षण सेवक/शिक्षक या रिक्त पदांवर भरती करण्यात येणार आहे. सदर भरती ही त्या त्या व्यवस्थापनामध्ये रिक्त असलेले इयत्तांचा गट, विषय, आरक्षण इत्यादी बाबी विचारात घेऊन गुणवत्तेनुसार करण्यात येणार आहे.
५ शिक्षक अभियोग्यता व बुद्धिमत्ता चाचणी-२०२५ साठी प्रविष्ट झालेल्यांपैकी २,०९,१०१ उमेदवारांना पवित्र पोर्टलवर पुढील प्रक्रियेत सहभागी होण्यासाठी त्यांचे स्व-प्रमाणपत्र (Self Cerfificaiton) करण्यासाठी सुविधा देण्यात आलेली आहे. त्यासाठी ज्या उमेदवारांना शिक्षण सेवक/शिक्षक या रिक्त पदांच्या भरती प्रक्रियेत सहभागी व्हायचे आहे, त्या सर्व उमेदवारांना या पवित्र पोर्टलवर स्व-प्रमाण पत्र (Self Cerfificaiton) तयार करणे बंधनकारक आहे.
६ उमेदवारांना त्यांचे स्व-प्रमाणपत्र (Self Cerfificaiton) करण्यासाठी सर्वप्रथम पोर्टल नोंदणी (Registration) करणे आवश्यक आहे. पवित्र पोर्टलवर उमेदवारांना नोंदणी करण्यासाठी TAIT-२०२५ चाचणी नोंदणी क्रमांक (Registration Number), बैठक क्रमांक (Roll Number), नोंदणीकृत मोबाईल क्रमांक इत्यादी माहिती सोबत असणे आवश्यक आहे.
७पदभरतीमध्ये सहभागी होणाऱ्या व्यवस्थापनाकडून रिक्त पदांच्या इयत्तांचा गट, विषय व आरक्षणनिहाय, व्यवस्थापननिहाय रिक्त पदांची माहिती दर्शविणारी संक्षिप्त जाहिरात पवित्र पोर्टलवर प्रसिद्ध करण्यात येईल.
८ स्थानिक स्वराज्य संस्थाकडून रिक्त पदांच्या भरतीबाबत देण्यात येणाऱ्या जाहिराती या मुलाखतीशिवाय या प्रकारातील असतील. यासाठी एका रिक्त पदासाठी एका उमेदवाराची (१:१ या प्रमाणात) नियुक्तीसाठी पोर्टल मार्फत शिफारस करण्यात येईल.
९ खाजगी शैक्षणिक संस्थांकडून रिक्त पदांच्या भरतीबाबत देण्यात येणाऱ्या जाहिराती या मुलाखतीशिवाय व मुलाखतीसह या दोन प्रकारातील असतील. यापैकी कोणताही एक प्रकार निवडण्याचे स्वातंत्र्य व्यवस्थापनास असेल. मुलाखतीशिवाय या पर्यायासाठी एका रिक्त पदासाठी एका उमेदवाराची (१:१ या प्रमाणात) पोर्टल मार्फत नियुक्तीसाठी शिफारस करण्यात येईल. मुलाखतीसह या पर्यायासाठी एका रिक्त पदासाठी तीन उमेदवारांची (१:३ या प्रमाणात) मुलाखतीसाठी पोर्टल मार्फत शिफारस करण्यात येईल.
१० शिक्षक अभियोग्यता व बुद्धिमत्ता चाचणी-२०२५ या चाचणीसाठी ऑनलाईन अर्ज सादर करण्यासाठी अंतिम दिनांक १४/०५/२०२५ असा होता, त्यामुळे या चाचणीसाठी सर्व संबंधित उमेदवारांनी आवश्यक शैक्षणिक अर्हता दिनांक १४/०५/२०२५ अखेरपर्यंत धारण करणे अनिवार्य आहे. शासन शुद्धिपत्रक क्रमांक संकीर्ण-२०२२/प्र क्र १०६/टीएनटी-१ दिनांक ०२/०५/२०२५ नुसार शैक्षणिक अर्हता प्राप्त केल्यानंतर व्यावसायिक अर्हता अभ्यासक्रमाच्या शेवटच्या सत्रात प्रविष्ट असणारे अथवा शेवटच्या सत्राच्या अंतिम परीक्षेस प्रविष्ट असणारे उमेदवारदेखील शिक्षक अभियोग्यता चाचणी परीक्षेस प्रविष्ट होण्यास पात्र राहतील. याबाबत महाराष्ट्र राज्य परीक्षा परिषद, पुणे यांनी दिनांक २५/०९/२०२५ पर्यंत व्यावसायिक अर्हता प्राप्त केलेल्या उमेदवारांना विचारात घेण्यात आलेले आहे.
११ उमेदवाराची दिनांक १४/०५/२०२५ अखेरपर्यंत धारण केलेली शैक्षणिक अर्हता व दिनांक २५/०९/२०२५ अखेरपर्यंत धारण केलेली व्यावसायिक अर्हता विचारात घेऊन जाहिरातीतील आरक्षण, इयत्तांचा गट व विषय याचा एकत्रित विचार करून उमेदवारास त्याच्या लॉगीनवर प्राधान्यक्रम देण्यासाठी रिक्त पदांची व्यवस्थापननिहाय यादी उपलब्ध होईल. सदर रिक्त पदांच्या यादीतून उमेदवाराने निवडलेले प्राधान्यक्रम (Locked preferences) निवड प्रक्रियेत गुणवत्तेनुसार विचारात घेतले जातील.
१२ जाहिरातीतील आरक्षण, इयत्तांचा गट व विषय, उमेदवारांनी निवडलेले प्राधान्यक्रम (Locked preferences) यांचा गुणवत्तेनुसार एकत्रित विचार करून त्या त्या व्यवस्थापनांची सर्वसाधारण गुणवत्ता यादी (General Merit List) पवित्र पोर्टलवर प्रसिद्ध करण्यात येईल.
१३ त्या त्या व्यवस्थापनांची सर्वसाधारण गुणवत्ता यादी (General Merit List) पवित्र पोर्टलवर प्रसिद्ध केल्यानंतर संबंधित व्यवस्थापन त्यांची स्व-प्रमाणपत्राच्या वेळी अपलोड केलेल्या सर्व कागदपत्रांच्या मूळ प्रती तपासून समुपदेशन पद्धतीने नियुक्ती आदेश देण्याबाबतची आवश्यक ती कार्यवाही करतील.
ब) स्व- प्रमाणपत्राबाबत सूचना :
अर्जात म्हणजेच स्व-प्रमाणपत्रामध्ये खोटी माहिती देणे किंवा खरी माहिती दडवून ठेवणे किंवा त्यात अनधिकृतपणे खाडाखोड करणे किंवा पाठविलेल्या दाखल्याच्या प्रतीतील नोंदींमध्ये अनधिकृतपणे खाडाखोड करणे किंवा खाडाखोड केलेले अथवा बनावट दाखले सादर करणे तसेच विहित केलेल्या अर्हतेच्या अटी पूर्ण न करणे किंवा विहित कालावधीमध्ये पूर्ण न करणे अथवा गैर वर्तणूक करणारा उमेदवार कोणत्याही टप्प्यावर निवडीसाठी शिफारस होण्यास अथवा निवड होण्यास अपात्र ठरेल आणि किंवा इत्तर योग्य अशा शिक्षेस पात्र ठरेल.
१. उमेदवारांनी स्व-प्रमाणपत्रामध्ये माहिती नमूद करण्यापूर्वी स्वतःची नोंदणी (Registration) करणे आवश्यक आहे. ही नोंदणी (Registration) करण्यासाठी Register Here येथे क्लिक करून तेथे आपला टेट २०२५ चाचणीचा रोल नंबर व रजिस्ट्रेशन क्रमांक नोंद करावा. त्यानंतर उमेदवारांनी स्वतःचा पासवर्ड तयार करावा. उमेदवारांचा लॉग इन आयडी (log in ID) हा २५_XXXXXXXXXX (दहा अंकी टेट २०२५ चा रोल नंबर) याप्रमाणे असेल.
२. पवित्र पोर्टल वरील नोंदणी (Registration) व स्व-प्रमाणपत्र (Self Certification) भरण्याची प्रक्रिया उमेदवाराने स्वतः करणे आवश्यक आहे.
३. अर्ज मराठी आणि इंग्रजीमध्ये उपलब्ध असला तरी उमेदवाराने नोंदणी (Registration) व स्व-प्रमाणपत्र (Self Certification) साठी आवश्यक माहिती इंग्रजीमध्ये Capital Letters मध्ये भरावी. संक्षिप्त (Abbrivations) अथवा आद्याक्षरे (Initials) न देता संपूर्ण नाव व संपूर्ण पत्ता नमूद करावा. उमेदवाराने स्वतःचे नाव, वडिलांचे पतीचे नाव, आडनाव यामध्ये एक स्पेस सोडावी तसेच पत्ता लिहिताना इमारतीचे नाव, रस्त्याचे नाव इत्यादींमध्ये एक स्पेस सोडावी.
४. शैक्षणिक व व्यावसायिक अर्हतेसंदर्भात स्व-प्रमाणपत्रामध्ये आवश्यक असलेली माहिती दिलेल्या क्रमाने नमूद करावी. संबंधित परीक्षेच्या गुणपत्रकावरील दिनांक हा ती शैक्षणिक व व्यावसायिक अर्हता धारण केल्याचा दिनांक मानण्यात येईल.
५. संबंधित शैक्षणिक व व्यावसायिक अर्हतेच्या सर्व परीक्षा विहित दिनांकापूर्वी म्हणजेच दिनांक १४/०५/२०२५ अखेरपर्यंत धारण केलेली शैक्षणिक अर्हता व दिनांक २५/०९/२०२५ अखेरपर्यंत धारण केलेली व्यावसायिक अर्हता विचारात घेतली जाईल.
६. ज्या उमेदवाराचा निकाल कोणत्याही कारणांमुळे राखून ठेवला असेल आणि असा राखून ठेवलेला शैक्षणिक अर्हतेचा निकाल दिनांक १४/०५/२०२५ नंतर व व्यावसायिक अर्हतेचा निकाल दिनांक २५/०९/२०२५ नंतर जाहीर झाला असेल अशावेळी उमेदवाराने विहित मुदतीत अर्हता धारण केली, असे मानण्यात येणार नाही.
७. उमेदवाराने पत्रव्यवहाराचा स्वतःचा पत्ता इंग्रजीमध्ये अचूक नमूद करावा.
८. उमेदवाराचे वय, शैक्षणिक व व्यावसायिक अर्हता, आरक्षित प्रवर्ग (असल्यास) उन्नत व प्रगत गटात मोडत नसल्याचे प्रमाणपत्र, दिव्यांग व्यक्ती, महिला, माजी सैनिक, अंशकालीन, प्रकल्पग्रस्त, भूकंपग्रस्त, खेळाडू तसेच अनाथ इत्यादी संदर्भात न चुकता निःसंदिग्धपणे / निर्विवादपणे दावा करणे आवश्यक आहे. अर्जातील संबंधित रकान्यात स्पष्टपणे दावा केला नसल्यास सबंधित दाव्याचा विचार केला जाणार नाही. तसेच उमेदवार एकापेक्षा जास्त दावे करू इच्छित असल्यास तसे स्पष्टपणे स्व-प्रमाणपत्रामध्ये नमूद करावे.
९. शिक्षक अभियोग्यता व बुद्धिमत्ता चाचणी-२०२५ यासाठी ऑनलाईन अर्जामध्ये उमेदवाराने प्रवर्ग व समांतर आरक्षण (दिव्यांग व अनाथ प्रवर्गासह) इत्यादी बाबी नमूद केल्या आहेत. महाराष्ट्र राज्य परीक्षा परिषद, पुणे यांच्याकडील सदर चाचणीची अधिसूचना दिनांक २५/०४/२०२५ व सुधारित अधिसूचना दिनांक १३/०५/२०२५ अन्वये चाचणी परीक्षेस अर्ज करण्यास शेवटचा दिनांकापर्यंत म्हणजेच दिनांक १४/०५/२०२५ पर्यंतची प्राप्त प्रमाणपत्रे ग्राह्य धरण्यात येतील. ज्या उमेदवारांनी शिक्षक अभियोग्यता व बुद्धिमत्ता चाचणी-२०२५ च्या वेळी अर्जामध्ये दिव्यांगत्वाचा दावा केला आहे, अशा उमेदवारांना त्यांच्या दिव्यांगत्वाच्या दाव्यामध्ये कोणत्याही कारणास्तव बदल करता येणार नाही.
१०. आरक्षित प्रवर्गाचा दावा करणाऱ्या उमेदवाराकडे (अनुसूचित जाती, अनुसूचित जमाती, खुल्या प्रवर्गातील महिला वगळून) उन्नत व प्रगत गटात मोडत नसल्याचे प्रमाणपत्र (Non Creamy Layer) प्राप्त असणे आवश्यक आहे.
११. प्रस्तुत पदभरतीकरिता सन २०२५-२६ या वित्तीय वर्षासाठी ग्राह्य असलेले उन्नत व प्रगत गटात मोडत नसल्याचे प्रमाणपत्र (Non Creamy Layer) उमेदवारांनी सादर करावे.
१२. आर्थिक दुर्बल घटकातील उमेदवाराकडे उन्नत व प्रगत गटात मोडत नसल्याच्या प्रमाणपत्राची आवश्यकता नाही. तथापि, या प्रवर्गातील उमेदवारांकडे सक्षम प्राधिकाऱ्यांनी निर्गमित केलेले (केवळ महाराष्ट्र राज्यासाठी लागू असलेले) आर्थिक दुर्बल घटक प्रमाणपत्र प्राप्त केलेले असणे आवश्यक आहे. केंद्रीय सेवांचा लाभ घेण्यासाठीचे आर्थिक दुर्बल घटक प्रमाणपत्र (केंद्रीय सेवांसाठी लागू असलेले) या शिक्षक पदभरतीसाठी लागू राहणार नाही.
१३. उमेदवारांनी वेळोवेळी नमूद केलेल्या माहितीच्या आधारे त्यांना निवडीसाठी तात्पुरते पात्र समजण्यात येईल, स्व-प्रमाणपत्रामध्ये पात्रतेविषयक माहिती मूळ कागदपत्र/प्रमाणपत्रांच्या आधारे संबंधित व्यवस्थापनाकडून तपासण्यात येईल व मूळ कागदपत्रांच्या आधारे पात्र आढळून आल्यानंतरच उमेदवाराची निवड निश्चित होईल. अन्यथा अपात्र उमेदवाराची निवड कोणत्याही टप्प्यावर रद्द करण्यात येईल व असा उमेदवार योग्य त्या कायदेशीर कारवाईस पात्र ठरेल.
१४. नियमानुसार नियुक्तीसाठी पात्र असणारा उमेदवार अध्यापन करण्यास शारीरिक व मानसिकदृष्ट्या पात्र असल्याचे सक्षम प्राधिकारी यांनी प्रमाणित करणे आवश्यक राहील.
१५. सदरहू शिक्षण सेवक / शिक्षक पदभरतीसाठी राज्यातील कोणत्याही कार्यालयातील अधिकारी, कर्मचारी तसेच अशासकीय व्यक्ती यांपैकी कोणाचीही अभिकर्ता/ माध्यम म्हणून नियुक्ती केलेली नाही. नोकरी मिळवून देतो, असे सांगून फसवणूक करणाऱ्या व्यक्ती / तोतया व्यक्तींपासून अर्जदारांनी सावध राहावे.
१६. उमेदवारांनी पवित्र प्रणाली व पदभरतीशी निगडित असलेल्या विविध शासन निर्णयांचे काळजीपूर्वक वाचन करून स्व-प्रमाणपत्रातील माहिती भरावी.
१७. पवित्र पोर्टलवर स्व-प्रमाणपत्रामध्ये संपूर्ण माहिती नमूद केल्यानंतर निवडप्रक्रियेसंदर्भातील पुढील कोणतीही कार्यवाही केव्हा होणार याबाबत उमेदवाराने सतर्क राहणे आवश्यक आहे. निवडप्रक्रियेसंबंधीची कार्यवाही पूर्ण झाल्यानंतर याबाबतच्या कोणत्याही तक्रारीची दखल घेतली जाणार नाही.
क) मागासवर्गीय आरक्षण
शिक्षण सेवक/शिक्षक पदभरतीकरिता आरक्षणाचे प्रकार खालीलप्रमाणे आहेत:-
1. उभे आरक्षण / सामाजिकदृष्ट्या मागास प्रवर्ग तसेच आर्थिकदृष्ट्या दुर्बल घटकांसाठीचे आरक्षण
॥. आडवे आरक्षण / समांतर आरक्षण
१. कोणत्याही प्रकारच्या आरक्षणाचा लाभ हा केवळ महाराष्ट्राचे सर्वसाधारण रहिवासी असणाऱ्या व त्याप्रमाणे अर्जात निरपवादपणे दावा करणाऱ्या उमेदवारांना अनुज्ञेय आहे. सर्वसाधारण रहिवासी या संज्ञेला भारतीय लोकप्रतिनिधित्व कायदा, १९५० च्या कलम २० नुसार जो अर्थ आहे तोच अर्थ असेल.
२. महाराष्ट्राशिवाय इतर राज्यातील/देशातील उमेदवार तसेच महाराष्ट्र-कर्नाटक सीमा भागातील ८६५ गावातील उमेदवार केवळ 'अराखीव-सर्वसाधारण पदांवरील नेमणुकीसाठी पात्र असतील.
३. अर्जामध्ये महाराष्ट्राचे सर्वसाधारण रहिवासी असल्याचा व आरक्षित प्रवर्गाचा (लागू असल्यास) स्पष्टपणे दावा केल्याशिवाय व प्रस्तुत दाव्याच्या पुष्ट्यर्थ आवश्यक ती सर्व वैध कागदपत्रे / पुरावा अपलोड केल्याशिवाय संबंधित आरक्षित पदावरील नियुक्तीकरिता उमेदवाराचा कोणत्याही परिस्थितीत विचार करण्यात येणार नाही.
४. अर्जामध्ये कोणत्याही प्रकारच्या आरक्षणासंदर्भात केलेल्या दाव्याच्या पुष्ट्यर्थ आवश्यक सर्व वैध कागदपत्रे / पुरावा अपलोड करू न शकलेल्या उमेदवाराचा विचार केवळ अराखीव सर्वसाधारण' पदांवरील निवडीकरिता होऊ शकेल.
५. आर्थिकदृष्ट्या दुर्बल घटकासाठीच्या आरक्षणासंदर्भातील राज्याच्या आर्थिक दुर्बल घटकातील ज्या व्यक्तीच्या जातींचा महाराष्ट्र राज्य लोकसेवा (अनुसुचित जाती, अनुसूचित जमाती, निरधिसूचित जमाती (विमुक्त जाती), भटक्या जमाती, विशेष मागास प्रवर्ग आणि इतर मागासवर्ग यांच्यासाठी आरक्षण) अधिनियम, २००१ अन्वये विहित करण्यात आलेल्या मागासवर्गासाठी अथवा तदनंतर शासनाकडून वेळोवेळी जारी करण्यात आलेल्या आदेशानुसार घोषित मागासवर्गीयांमध्ये समावेश नसेल अशा उमेदवारांना आर्थिकदृष्ट्या दुर्बल घटकासाठीच्या आरक्षणाचा लाभ अनुज्ञेय आहे. याबाबतीत शासनाने वेळोवेळी ठरवून दिलेले निकष लागू राहतील.
६. आर्थिकदृष्ट्या दुर्बल घटकाच्या पात्रतेसाठी सक्षम प्राधिकारी यांनी वितरित केलेले व राज्य शासकीय सेवा व शैक्षणिक संस्थांच्या प्रवेशाकरिता राज्य शासनाच्या प्रमाणपत्राचा नमुना वापरणे आवश्यक आहे. केंद्रीय सेवांचा लाभ घेण्यासाठीचे आर्थिकदृष्ट्या दुर्बल घटकांचे प्रमाणपत्र, शिक्षण सेवक / शिक्षक सेवांसाठीच्या पदभरतीकरिता वापरता येणार नाही.
७. विविध सामाजिकदृष्ट्या मागास प्रवर्गासाठींच्या आरक्षणासंदर्भात महाराष्ट्र राज्य लोकसेवा (अनुसूचित जाती, अनुसूचित जमाती, निरधिसूचित जमाती (विमुक्त जाती), भटक्या जमाती, विशेष मागास प्रवर्ग आणि इतर मागासवर्ग यांच्यासाठी आरक्षण) अधिनियम, २००१ व महाराष्ट्र राज्यातील सामाजिक आणि शैक्षणिक दृष्ट्या मागासवर्गाकरिता आरक्षण अधिनियम-२०२४ आणि तदनंतर शासनाने यासंदर्भात वेळोवेळी निर्गमित केलेल्या आदेशांनुसार मागासवर्गीयांचे आरक्षण लागू राहील.
८. जातीच्या दाव्याच्या पुष्ट्यर्थ महाराष्ट्र अनुसूचित जाती, अनुसूचित जमाती, विमुक्त जाती, भटक्या जमाती, इतर मागासवर्ग व विशेष मागासवर्ग (जातीचे प्रमाणपत्र देण्याचे व त्यांच्या पडताळणीचे विनियमन) अधिनियम-२००० आणि महाराष्ट्र अनुसूचित जाती, विमुक्त जाती, भटक्या जमाती, इतर मागासवर्ग व विशेष मागासवर्ग (जातीचे प्रमाणपत्र देण्याचे व त्यांच्या पडताळणीचे विनियमन) नियम-२०१२ मधील तरतुदी आणि यासंदर्भात शासनाकडून वेळोवेळी आदेश काढून विहित केलेल्या नमुन्यामध्ये सक्षम प्राधिकाऱ्याकडून प्रदान करण्यात आलेले जात पडताळणी प्रमाणपत्र ग्राह्य धरण्यात येईल.
९. विमुक्त जाती (अ), भटक्या जमाती (ब), भटक्या जमाती (क), भटक्या जमाती (ड), विशेष मागास प्रवर्ग, इतर मागासवर्ग तसेच सामाजिक व शैक्षणिकदृष्ट्या मागास प्रवर्गाचा दावा करणाऱ्या उमेदवारांनी ते समाजातील उन्नत व प्रगत गटामध्ये मोडत नाहीत, असे स्व-प्रमाणपत्रामध्ये स्पष्टपणे नमूद करणे व त्याबाबतच्या वैध प्रमाणपत्राच्या प्रती अपलोड करणे आवश्यक आहे.
१०. अनुसूचित जाती व अनुसूचित जमाती प्रवर्गातील उमेदवार वगळता अन्य मागास प्रवर्गातील उमेदवारांच्या बाबतीत ज्या व्यक्तींच्या नावे जातीचे प्रमाणपत्र असेल ती व्यक्ती व त्या व्यक्तीचे कुटुंब क्रिमी लेअरमध्ये मोडत नसल्याचे व धारकाच्या नावाने सर्वसाधारण रहिवास प्रमाणपत्रात प्रमाणित असणे आवश्यक आहे.
११. महाराष्ट्राचे सर्वसाधारण रहिवासी असलेल्या स्थलांतरित मागासवर्गीय उमेदवारांच्या बाबतीत शासनाकडून वेळोवेळी जारी करण्यात आलेल्या आदेशान्वये निर्गमित करण्यात आलेल्या तरतुदी लागू राहतील.
ड) समांतर आरक्षण
समांतर आरक्षणांतर्गत समांतर आरक्षणाचा प्रकार महिला ३०%, माजी सैनिक १५%, अंशकालीन १०%, प्रकल्पग्रस्त ५%, भूकंपग्रस्त २%, खेळाडू ५%, अनाथ १ % याप्रमाणे आरक्षण राहील.
१. महिलांसाठीचे आरक्षण :
महिलांसाठी समांतर आरक्षणाच्या अनुषंगाने शासनाकडून विशेष तरतुदी करण्यात आल्या असून महिलांना त्यांच्याशी संबंधित सामाजिक प्रवर्गाच्या तरतुदीव्यतिरिक्त सदरच्या तरतुदी या अतिरिक्त आहेत.
अनुसुचित जाती, अनुसूचित जमाती व अराखीव वगळता इतर सामाजिक प्रवर्गातील उन्नत व प्रगत गटातील महिलांना, महिलांकरिताचे समांतर आरक्षण अनुज्ञेय राहणार नाही. थोडक्यात अनुसूचित जाती, अनुसूचित जमाती व अराखीव प्रवर्ग वगळता इतर सामाजिक प्रवर्गातील महिलांना नॉन क्रिमी लेयर प्रमाणपत्र लागू राहील.
मागासवर्गीय व्यक्तीशी आंतरजातीय विवाह केलेल्या महिला उमेदवारांना त्यांच्या स्वतःच्या मूळ प्रवर्गानुसार सवलती देय असतील.
महिलांसाठी आरक्षित पदांवर दावा करणाऱ्या / करणारा संबंधित उमेदवार महाराष्ट्र राज्याचा सर्वसाधारणपणे रहिवासी असणे आवश्यक आहे.
अनुसूचित जाती, अनुसूचित जमाती, आर्थिकदृष्ट्या मागास प्रवर्गातील महिला व अमागास महिलांना नॉन क्रिमीलेयर प्रमाणपत्र सादर करण्याची आवश्यकता नाही.
विमुक्त जाती (अ), भटक्या जमाती (ब), भटक्या जमाती (क), भटक्या जमाती (ड). विशेष मागास प्रवर्ग, इतर मागास प्रवर्ग तसेच सामाजिक व शैक्षणिकदृष्ट्या मागास प्रवर्ग या मागास प्रवर्गातील महिलांनी त्यांच्या संबंधित प्रवर्गाच्या आरक्षणाकरिता आवश्यक असलेले त्या त्या प्रवर्गातील महिलांसाठी आरक्षणाकरिता नॉन क्रिमीलेयर प्रमाणपत्र आवश्यक आहे.
२. माजी सैनिकांसाठीचे आरक्षण :-
माजी सैनिक उमेदवारांना शासन सेवेतील सरळसेवा भरतीच्या फक्त गट-क संवर्गातील पदांकरीता १५% समांतर आरक्षण लागू आहे.
माजी सैनिकांसाठी आरक्षित पदावर राज्य शासनाच्या सेवेमध्ये गट-क मध्ये एकदा नियुक्ती झाल्यानंतर गट-क मध्ये तो धारण करीत असलेल्या पदापेक्षा उच्च श्रेणी वा अन्य संवर्ग यातील नियुक्तीसाठी माजी सैनिक म्हणून राज्य शासनाच्या सेवेत असलेल्या आरक्षणाचा फायदा मिळणार नाही.
याशिवाय शासनाच्या माजी सैनिक आरक्षण व नियुक्ती संदर्भातील सर्व तरतुदीही लागू राहतील
३. पदवीधर अंशकालीन कर्मचारी
सामान्य प्रशासन विभागाचा शासन निर्णय क्रमांक पअंक-१००९/ प्रक्र २००/२००९/१६-अ दिनांक २७/१०/२००९, क्रमांक अशंका-१९१८/प्रक्र ५०७/१६-अ दिनांक २/१/२०१९, विकाक-२२१५/प्र क्र ३३७/१६-अ दिनांक ४/११/२०१६ व रोजगार व स्वयंरोजगार विभाग शासन परिपत्रक इएसइ २००३/प्र क्र ४८/रोस्वरो-१ दिनांक ०७/०३/२००३ मधील तरतुदींनुसार उमेदवारांसाठी पदवीधर अंशकालीन कर्मचाऱ्यांसाठीचे आरक्षण लागू आहे.
पदवीधर अंशकालीन कर्मचाऱ्याकरिता शासन सेवेतील सरळसेवा भरतीच्या फक्त गट-क संवर्गातील पदांकरीता १०% समांतर आरक्षण लागू आहे. सदर आरक्षण सामाजिक प्रवर्गांतर्गत कप्पीकृत आहे.
सुशिक्षित बेरोजगारांना अर्थ साहाय्य या योजनेंतर्गत शासकीय कार्यालयामध्ये तीन वर्षापर्यंत दरमहा मानधनावर काम केलेल्या व रोजगार मार्गदर्शन केंद्रामध्ये या अनुभवाची नोंद केलेल्या पदवीधर अंशकालीन उमेदवारांना आरक्षणाचे लाभ अनुज्ञेय आहेत.
सामान्य प्रशासन विभागाचा शासन निर्णय दिनांक ०२.०१.२०१९ नुसार पदवीधर अंशकालीन कर्मचाऱ्यांसाठी उच्च वयोमर्यादा वयाच्या ५५ वर्षांपर्यंत शिथिलक्षम राहील.
४. प्रकल्पग्रस्तांचे आरक्षण
प्रकल्पग्रस्तांकरिता शासन सेवेतील सरळसेवा भरतीच्या फक्त गट क संवर्गातील पदांकरिता ५% समांतर आरक्षण लागू आहे. सदर आरक्षण सामाजिक प्रवर्गातर्गत कप्पीकृत आहे.
सामान्य प्रशासन विभागाचा शासन निर्णय क्रमांक एइएम-१०८०/३५/१६-अ दिनांक २०/०१/१९८०, क्रमांक प्रकल्प-१००६/मूस-२९६/प्रक्र ५६ / ०६/१६-अ दिनांक ०३/०२/२००७ व अन्य शासन निर्णयातील / शासन परिपत्रकातील तरतुदीनुसार प्रकल्पग्रस्त उमेदवारांसाठी आरक्षण लागू आहे.
५. भूकंपग्रस्तांचे आरक्षण :-
भूकंपग्रस्तांकरिता शासन सेवेतील सरळसेवा भरतीच्या फक्त गट क संवर्गातील पदांकरिता २% समांतर आरक्षण लागू आहे. सदर आरक्षण सामाजिक प्रवर्गांतर्गत कप्पीकृत आहे.
सामान्य प्रशासन विभागाचा शासन निर्णय क्रमांक भूकंप-१००९/प्रक्र-२०७/२००९/१६-अ दिनांक २७/०८/२००९, महसूल व वन विभागाचा शासन निर्णय क्रमांक-इक्यूआर-१०९४/प्र क्र ७६८/भूकूप-१ दिनांक ०९/८/१९९५, महसूल व वन विभागाचा मदत व पुनर्वसन क्रमांक आव्यप्र-२०२०/प्र क्र ४३/आव्याप्र-२ दिनांक २४/११/२०२२ व सामान्य प्रशासन विभागाचा शासन निर्णय क्रमांक प्रकल्प-१००६/मूस-२९६/प्रा क्र ५६/०६/१६-अ दिनांक ०३/०२/२००७ व अन्य शासन निर्णयातील / शासन परिपत्रकातील तरतुदींनुसार भूकंपग्रस्त उमेदवारांसाठी आरक्षण लागू आहे.
सामान्य प्रशासन विभागाचा शासन निर्णय क्रमांक विकाक-२२१५/प्र क्र ३३७/१६-अ दिनांक ४/११/२०१६ मधील तरतुदींनुसार भूकंपग्रस्तांकरिता आरक्षित पदावरील निवडीकरिता पात्र उमेदवार न मिळाल्यास सदर पदावर प्रकल्पग्रस्त व्यक्तींची शासन मान्यतेने गुणवत्तेनुसार निवड करण्यात येईल.
६. प्रावीण्यप्राप्त खेळाडूंचे आरक्षण :
खेळाडूंच्या आरक्षित पदांकरिता उमेदवार हा महाराष्ट्राचा सर्वसाधारण रहिवासी असावा व त्याला मराठी भाषेचे ज्ञान असणे आवश्यक आहे. खेळाडू आरक्षणाचा दावा करणाऱ्या उमेदवारांनी त्यांची प्रमाणपत्रे ते गट-क संवर्गातील दर्जासाठीची आहेत काय तसेच खेळाचा कालावधी अर्ज स्वीकारण्याच्या अंतिम दिनांकापूर्वीचा आहे काय, याची अर्ज सादर करतानाच खातरजमा करावी. अशी प्रमाणपत्रे उमेदवार, ज्या विभागातील आहे, त्या विभागातील उपसंचालक, क्रीडा व युवक सेवा, महाराष्ट्र राज्य यांच्याकडून प्रमाणित केलेली असावीत.
गट-क संवर्गातील पदासाठी शासन शुद्धिपत्रक शालेय शिक्षण व क्रीडा विभाग-राक्रीघो-२००२/प्र क्र ६८/ क्रीयुसे-२ दिनांक १/७/२०१६, दिनांक १८/०८/२०१६, दिनांक १०/१०/२०१७ दिनांक १५/११/२०१७ व अन्य शासन निर्णयातील / शासन परिपत्रकातील तरतुदींनुसार उमेदवार शिक्षक संवर्गातील पदासाठी पात्र ठरतील.
मुलाखत अथवा प्रमाणपत्र पडताळणीच्या कोणत्याही टप्प्यावर क्रीडा प्रमाणपत्राचा पडताळणी अहवाल अथवा प्रमाणपत्र पडताळणीकरिता केलेल्या अर्जाची पोचपावती सादर न केल्यास संबंधित उमेदवार खेळाडूंकरिताच्या आरक्षणासाठी अपात्र ठरेल.
७. अनाथ व्यक्तींचे आरक्षण :
अनाथ व्यक्तींसाठीच्या आरक्षणाबाबत महिला व बालविकास विभागाचा शासन निर्णय क्रमांक अमुजा-२०११/प्र क्र २१२/का-३ दिनांक २/४/२०१८, शासन परिपत्रक क्रमांक अनाथ-२०२२/प्रक्र १२२/का.०३/ दिनांक १०/०५/२०२३, क्र अनाथ-२०१८/प्रक्र ८२/ का-३ दिनांक २०/८/२०१९, क्रमांक संकीर्ण-२०१३/ प्र क्र १०९/का-३ दिनांक ०६/०६/२०१६, क्रमांक अनाथ २०२२/ प्र क्र १२२/का.०३/ दिनांक ०६/०४/२०२३ व अन्य आनुषंगिक शासन निर्णयाच्या तरतुदी लागू राहतील.
13
अनाथांच्या आरक्षणाचा लाभ घेण्याकरीता उमेदवार महाराष्ट्राचा सर्वसाधारण रहिवासी (डोमिसाईल) असणे आवश्यक आहे. महिला व बाल विकास विभागाकडून ज्या अनाथ मुलांना अनाथ प्रमाणपत्रे देण्यात आलेली आहेत, अशी बालके आरक्षणासाठी पात्र राहतील. तथापि, ज्या मुलांच्या आई-वडिलांचे निधन त्याच्या मुलाच्या वयाची १८ वर्षे पूर्ण होण्यापूर्वी झाले असेल, अशाच अनाथ बालकांना आरक्षण अनुज्ञेय राहील.
८. दिव्यांग व्यक्तीसाठीचे आरक्षण :
दिव्यांग व्यक्तींकरिता एकूण पदांच्या ४% इतकी पदे खालीलप्रमाणे आरक्षित आहेत.
अक्र दिव्यांग गट प्रकार
१
आरक्षणाचे प्रमाण
अ (a)
अस्थिव्यंगता / मेंदूचा पक्षघात (Cerebral १% Palsy) / कुष्ठरोग मुक्त (Leprosy Cured)/ शारीरिक वाढ खुंटणे (Dwarfism)/आम्ल हल्लाग्रस्त (Acid attack victims) / स्नायू विकृती (Muscular Dystrophy)
अंघ/अल्पदृष्टी
२
ब (b)
9%
३
क (c)
कर्णबधिरता अथवा ऐकू येण्यातील १% दुर्बलता
४ ड (d)
स्वमग्नता (Autism) / मंदबुद्धी किंवा आकलन क्षमतेची कमतरता (Intellectual Disability) / विशिष्ट शिक्षण अक्षमता (Specific learning disablity) / मानसिक आजार (Mental Illness)
L
१%
वरील अतेड मधील बहिरेपणा व अंधत्वासह एका पेक्षा जास्त प्रकारचे दिव्यांगत्व असणाऱ्यासाठी त्यांचेसाठी सुनिश्चित करण्यात आलेल्या पदावर
दिव्यांग अधिकार अधिनियम, २०१६ नुसार केवळ उपरोक्त दिव्यांग प्रकारांकरिता आरक्षणाचे लाभ अनुज्ञेय आहेत. दिव्यांग आरक्षणाच्या पात्रतेकरिता दिव्यांगत्वाचे प्रमाण किमान ४० % असणे आवश्यक आहे. दिव्यांग व्यक्तींकरिताचे आरक्षण हे समांतर आरक्षण आहे.
दिव्यांगासाठी आरक्षित पदावर गुणवत्तेनुसार निवड झालेल्या उमेदवारांचा समावेश, उमेदवार ज्या सामाजिक प्रवर्गाचा आहे त्या सामाजिक प्रवर्गातून करण्यात येतो. दिव्यांग उमेदवारांना त्यांच्याकरिता असलेल्या आरक्षणाचा लाभ घेण्यासाठी महाराष्ट्राचे सर्वसाधारण रहिवासी असणे बंधनकारक आहे.
दिव्यांग आरक्षणाचा लाभ घेऊ इच्छिणाऱ्या व्यक्तीने केंद्र शासनाच्या www.swavlambancard.gov.in संकेतस्थळावरून सक्षम प्राधिकाऱ्याने वितरित केलेले प्रमाणपत्र व UDID कार्ड सादर करणे आवश्यक राहील.
इ) महाराष्ट्र-कर्नाटक सीमा भागातील उमेदवारांसदर्भातील तरतुदी-
सामान्य प्रशासन विभागाचा शासन निर्णय क्रमांक मकसी-१००७/प्रक्र ३६/का-३६ दिनांक १०/०७/२००८ मधील तरतुदींनुसार उमेदवारांसाठी सवलती लागू राहतील.
महाराष्ट्र शासनाने दावा सांगितलेल्या महाराष्ट्र-कर्नाटक सीमा भागातील ८६५ गावातील मराठी भाषक उमेदवार संबंधित पदाच्या सेवा प्रवेश नियमातील सर्व अटींची पूर्तता करीत असल्यास, ते महाराष्ट्र राज्याच्या सेवेतील पदांवर नियुक्तीसाठी अर्ज करण्यास व गुणानुक्रमे निवड होत असल्यास सदर पदांवर नेमणुकीसाठी पात्र असतील.
ज्या पदांकरिता महाराष्ट्रातील किमान १५ वर्षे वास्तव्याची अट विहित करण्यात आली असेल, त्या पदांसाठी महाराष्ट्र शासनाने दावा सांगितलेल्या ८६५ गावातील वास्तव्यही विचारात घेण्यात येईल. तथापि, उमेदवार सदर ८६५ गावांमध्ये वास्तव्यास असल्याबाबतचा सक्षम प्राधिकाऱ्याने विहित नमुन्यात दिलेला दाखला सादर करणे अनिवार्य राहील.
सदर उमेदवार अराखीव सर्वसाधारण पदावरील निवडीकरिता पात्र असतील. अराखीव-सर्वसाधारण पदे सोडून इतर कोणत्याही आरक्षित पदावरील निवडीकरिता सदर उमेदवार पात्र ठरत नाहीत.
फ) लहान कुटुंबाचे प्रतिज्ञापत्र -
उमेदवारांच्या हयात अपत्यांची संख्या दोन पेक्षा अधिक असेल तर दि. २८ मार्च, २००६ व तदनंतर जन्माला आलेल्या अपत्यामुळे उमेदवार शासकीय सेवेतील नियुक्तीसाठी अपात्र ठरविण्यात येईल.
ग) संगणक हाताळणी/वापराबाबतचे ज्ञान-
महाराष्ट्र नागरी सेवा (संगणक हाताळणी/वापराबाबतचे ज्ञान आवश्यक ठरविण्याबाबत) नियम १९९९ मधील तरतुदीनुसार शासनाने वेळावेळी आवश्यक ठरविलेली संगणक अर्हता विहित कालावधीत धारण करणे आवश्यक राहील.
ह) प्रमाणपत्र पडताळणीच्या वेळी उमेदवारांनी पात्रतेसंदर्भात सादर करावयाची कागदपत्रे-
ऑनलाईन प्रणालीद्वारे स्वप्रमाणपत्रामध्ये माहिती नमूद करताना ज्या बाबींपुढे प्रमाणपत्रे अपलोड करण्याचे सूचित केले आहे, त्या बाबींची प्रमाणपत्रे अपलोड करणे आवश्यक आहे. स्वप्रमाणपत्रात केलेल्या दाव्यानुसार विहित टप्प्यावर संबंधित कागदपत्रांच्या आधारे पात्रता तपासण्याच्या अधीन राहून आणि उमेदवाराची गुणवत्ता, प्रवर्ग, शैक्षणिक अर्हता, वयोमर्यादा, पसंतीक्रम व अन्य पात्रतेच्या अटींच्या अधीन राहून निव्वळ तात्पुरत्या स्वरूपात नियुक्तीसाठी शिफारस करण्यात येईल.
दृष्ट्या मागासवर्गाकरिता आरक्षण अधिनियम-२०२४ आणि तदनंतर शासनाने यासंदर्भात वेळोवेळी निर्गमित केलेल्या आदेशांनुसार मागासवर्गीयांचे आरक्षण लागू राहील.
८. जातीच्या दाव्याच्या पुष्ट्यर्थ महाराष्ट्र अनुसूचित जाती, अनुसूचित जमाती, विमुक्त जाती, भटक्या जमाती, इतर मागासवर्ग व विशेष मागासवर्ग (जातीचे प्रमाणपत्र देण्याचे व त्यांच्या पडताळणीचे विनियमन) अधिनियम-२००० आणि महाराष्ट्र अनुसूचित जाती, विमुक्त जाती, भटक्या जमाती, इतर मागासवर्ग व विशेष मागासवर्ग (जातीचे प्रमाणपत्र देण्याचे व त्यांच्या पडताळणीचे विनियमन) नियम-२०१२ मधील तरतुदी आणि यासंदर्भात शासनाकडून वेळोवेळी आदेश काढून विहित केलेल्या नमुन्यामध्ये सक्षम प्राधिकाऱ्याकडून प्रदान करण्यात आलेले जात पडताळणी प्रमाणपत्र ग्राह्य धरण्यात येईल.
९. विमुक्त जाती (अ), भटक्या जमाती (ब), भटक्या जमाती (क), भटक्या जमाती (ड), विशेष मागास प्रवर्ग, इतर मागासवर्ग तसेच सामाजिक व शैक्षणिकदृष्ट्या मागास प्रवर्गाचा दावा करणाऱ्या उमेदवारांनी ते समाजातील उन्नत व प्रगत गटामध्ये मोडत नाहीत, असे स्व-प्रमाणपत्रामध्ये स्पष्टपणे नमूद करणे व त्याबाबतच्या वैध प्रमाणपत्राच्या प्रती अपलोड करणे आवश्यक आहे.
१०. अनुसूचित जाती व अनुसूचित जमाती प्रवर्गातील उमेदवार वगळता अन्य मागास प्रवर्गातील उमेदवारांच्या बाबतीत ज्या व्यक्तींच्या नावे जातीचे प्रमाणपत्र असेल ती व्यक्ती व त्या व्यक्तीचे कुटुंब क्रिमी लेअरमध्ये मोडत नसल्याचे व धारकाच्या नावाने सर्वसाधारण रहिवास प्रमाणपत्रात प्रमाणित असणे आवश्यक आहे.
११. महाराष्ट्राचे सर्वसाधारण रहिवासी असलेल्या स्थलांतरित मागासवर्गीय उमेदवारांच्या बाबतीत शासनाकडून वेळोवेळी जारी करण्यात आलेल्या आदेशान्वये निर्गमित करण्यात आलेल्या तरतुदी लागू राहतील.
ड) समांतर आरक्षण
समांतर आरक्षणांतर्गत समांतर आरक्षणाचा प्रकार महिला ३०%, माजी सैनिक १५%, अंशकालीन १०%, प्रकल्पग्रस्त ५%, भूकंपग्रस्त २%, खेळाडू ५%, अनाथ १ % याप्रमाणे आरक्षण राहील.
१. महिलांसाठीचे आरक्षण :
महिलांसाठी समांतर आरक्षणाच्या अनुषंगाने शासनाकडून विशेष तरतुदी करण्यात आल्या असून महिलांना त्यांच्याशी संबंधित सामाजिक प्रवर्गाच्या तरतुदीव्यतिरिक्त सदरच्या तरतुदी या अतिरिक्त आहेत.
अनुसुचित जाती, अनुसूचित जमाती व अराखीव वगळता इतर सामाजिक प्रवर्गातील उन्नत व प्रगत गटातील महिलांना, महिलांकरिताचे समांतर आरक्षण अनुज्ञेय राहणार नाही. थोडक्यात अनुसूचित जाती, अनुसूचित जमाती व अराखीव प्रवर्ग वगळता इतर सामाजिक प्रवर्गातील महिलांना नॉन क्रिमी लेयर प्रमाणपत्र लागू राहील.
मागासवर्गीय व्यक्तीशी आंतरजातीय विवाह केलेल्या महिला उमेदवारांना त्यांच्या स्वतःच्या मूळ प्रवर्गानुसार सवलती देय असतील.
महिलांसाठी आरक्षित पदांवर दावा करणाऱ्या / करणारा संबंधित उमेदवार महाराष्ट्र राज्याचा सर्वसाधारणपणे रहिवासी असणे आवश्यक आहे.
अनुसूचित जाती, अनुसूचित जमाती, आर्थिकदृष्ट्या मागास प्रवर्गातील महिला व अमागास महिलांना नॉन क्रिमीलेयर प्रमाणपत्र सादर करण्याची आवश्यकता नाही.
विमुक्त जाती (अ), भटक्या जमाती (ब), भटक्या जमाती (क), भटक्या जमाती (ड). विशेष मागास प्रवर्ग, इतर मागास प्रवर्ग तसेच सामाजिक व शैक्षणिकदृष्ट्या मागास प्रवर्ग या मागास प्रवर्गातील महिलांनी त्यांच्या संबंधित प्रवर्गाच्या आरक्षणाकरिता आवश्यक असलेले त्या त्या प्रवर्गातील महिलांसाठी आरक्षणाकरिता नॉन क्रिमीलेयर प्रमाणपत्र आवश्यक आहे.
उमेदवारांनी केलेल्या विविध दाव्यांच्या पुष्ट्यर्थ विविध टप्प्यांवर प्रमाणपत्र पडताळणीच्या वेळी पात्रतेसंदर्भात खालील प्रमाणे कागदपत्रे सादर करणे आवश्यक आहे.
१) वयाचा पुरावा (खालीलपैकी कोणताही एक पुरावा)
(अ) मॅट्रीकचे प्रमाणपत्र / माध्यमिक शालान्त प्रमाणपत्र.
(आ) सक्षम प्राधिकाऱ्याने प्रदान केलेले विहित नमुन्यातील वयाचे प्रमाणपत्र.
(इ) जन्मदिनांक नमूद असलेला शाळा / महाविद्यालय सोडल्याचा दाखला.
(ई) नगरपालिका / महानगरपालिका / ग्रामपंचायतीचा जन्म दाखला.
२) शैक्षणिक / व्यावसायिक अर्हता इत्यादींचा पुरावा
(अ) माध्यमिक शाळा प्रमाणपत्र (एसएससी) परीक्षेच्या किंवा एखाद्या तत्सम परीक्षेच्या बाबतीत, संबंधित मंडळाचे गुणपत्रक व प्रमाणपत्र. अशा प्रमाणपत्राऐवजी शाळेच्या किंवा महाविद्यालयाच्या प्राधिकाऱ्याने दिलेले प्रमाणपत्र स्वीकारण्यात येणार नाही.
(ब) उच्च माध्यमिक शाळा प्रमाणपत्र परीक्षा (HSC) किंवा तत्सम समकक्ष परीक्षेचे उत्तीर्णतेचे गुणपत्रक व प्रमाणपत्र.
(क) उत्तीर्ण केलेल्या पदवी परीक्षांच्या किंवा पदविका परीक्षांच्या बाबतीत प्रत्येक परीक्षेचे विद्यापीठाने / सक्षम प्राधिकाऱ्याने औपचारिकरीत्या प्रदान केलेले गुणपत्रक व प्रमाणपत्र.
(ड) उत्तीर्ण केलेल्या पदव्युत्तर परीक्षांच्या बाबतीत प्रत्येक परीक्षेचे विद्यापीठाने /सक्षम प्राधिकाऱ्याने औपचारिकरीत्या प्रदान केलेले गुणपत्रक व प्रमाणपत्र.
(इ) इयत्ता १ ते ५. इयत्ता ६ ते ८, इयत्ता ९ ते १०, व इयत्ता ११ ते१२ या अध्यापनातील विषयगटातील पदांसाठी आवश्यक असलेल्या किमान अर्हतेची प्रमाणपत्रे.
(फ) जेथे पदवीकरिता CGPA / OGPA or Letter grade देण्यात येते, तेथे संबंधित विद्यापीठ / संस्थेच्या निकषानुसार शेकडा गुण नमूद करावेत. इयत्ता १० वी,
इयत्ता १२ वी, पदवी, पदव्युत्तर पदवी तसेच व्यावसायिक अर्हतेच्या उत्तीर्ण प्रमाणपत्रावर CGPA / OGPA or Letter grade इत्यादी श्रेणी नमूद केलेल्या असतात. या श्रेणीचे प्रत्यक्ष गुणांमध्ये रूपांतर करण्याचे प्रत्येक बोर्ड / विद्यापीठ / संस्थांचे सूत्र वेगवेगळे व स्वतंत्र असते. त्यामुळे पोर्टलवर वेगवेगळे सूत्र देणे शक्य नाही. यास्तव ज्या उमेदवारांचे शैक्षणिक / व्यावसायिक अर्हतेच्या उत्तीर्ण प्रमाणपत्रावर CGPA / OGPA or Letter grade इत्यादी श्रेणी नमूद आहेत त्यांनी त्या त्या बोर्ड / विद्यापीठ / संस्थांचे असलेले गुण रूपांतराचे सूत्र विचारात घेऊन प्राप्त गुण व प्रमाण या माहितीची नोंद करावी.
(ग) राज्य व केंद्र शासनाने घेतलेल्या शिक्षक पात्रता परीक्षेचे (TET किंवा CTET) पात्र असल्याबाबतचे प्रमाणपत्र (इयत्ता १ ते ८ करिता) उमेदवाराने सादर करणे आवश्यक आहे.
(ह) अभियोग्यता व बुद्धिमत्ता चाचणीचे (TAIT) गुणपत्रक / उमेदवाराचे नाव असलेल्या निकाल यादीतील संबंधित पृष्ठांची प्रत उमेदवाराने सादर करणे आवश्यक आहे.
३) उमेदवार मागासवर्गीय असल्याबाबतचा पुरावा :
(अ) राज्य शासनाने भरती करण्याच्या प्रयोजनार्थ अनुसूचित जमाती म्हणून मान्यता दिलेल्या जमातींपैकी असल्याचा दावा करणाऱ्या अथवा अनुसूचित जातींमधील धर्मांतरित बौद्ध असल्याचा दावा केलेल्या उमेदवारांनी सक्षम प्राधिकाऱ्याने प्रदान केलेले विहित नमुन्यातील जात प्रमाणपत्र सादर करणे आवश्यक राहील.
(ब) विमुक्त जाती (अ) भटक्या जमाती (ब) भटक्या जमाती (क) भटक्या जमाती (ड), विशेष मागास प्रवर्ग, इतर मागास प्रवर्ग तसेच सामाजिक व शैक्षणिकदृष्ट्या मागास प्रवर्ग म्हणून मान्यता दिलेल्या जाती / जमातींपैकी एखाद्या गटाचा असल्याचा दावा करणाऱ्या उमेदवारांनी शासनाकडून वेळोवेळी जारी केलेल्या आदेशानुसार सक्षम प्राधिकाऱ्याने प्रदान केलेले विहित नमुन्यातील जात प्रमाणपत्राची प्रत उमेदवाराने सादर करणे आवश्यक राहील.
४) नॉन क्रिमीलेअर प्रमाणपत्र :
(अ) राज्य शासनाकडून वेळोवेळी जारी करण्यात आलेल्या आदेशानुसार सक्षम प्राधिकाऱ्याने प्रदान केलेले विहित नमुन्यातील प्रमाणपत्र सादर करणे आवश्यक आहे.
ब) अनुसूचित जाती व अनुसूचित जमाती व अराखीव महिला उमेदवारांनी नॉन-क्रिमीलेअर प्रमाणपत्र सादर करण्याची आवश्यकता नाही.
५) दिव्यांग असल्याबाबतचा पुरावा :
दिव्यांग व्यक्तींसाठी असलेल्या आरक्षणाचा वयोमर्यादेतील सवलतींच्या लाभासाठी सार्वजनिक आरोग्य विभागाचा शासन निर्णय क्र. अप्रवि २०१५/प्रक्र ४६/आरोग्य-६ दिनांक १४.०९.२०१८ अन्वये विहित करण्यात आलेल्या कार्यपद्धतीनुसार www.swavalambancard.gov.in या संगणकीय प्रणालीद्वारे वितरित करण्यात आलेले किमान ४० % कायमस्वरूपी दिव्यांगत्व असल्याबाबतचे विहित नमुन्यातील प्रमाणपत्र उमेदवारांनी सादर करणे आवश्यक आहे.
६) माजी सैनिक असल्याबाबतचा पुरावा :
माजी सैनिकांसाठी असलेल्या सवलतींचा वयोमर्यादेचा फायदा घेऊ इच्छिणाऱ्या उमेदवारांनी विहित नमुन्यात (लागू असेल त्या प्रमाणे) सक्षम प्राधिकाऱ्याने प्रदान केलेले प्रमाणपत्र सादर करणे आवश्यक आहे.
७) महिला आरक्षणासाठी पात्र असल्याबाबतचा पुरावाः
मागासप्रवर्गातील महिलांसाठी आरक्षित पदाकरिता दावा करणाऱ्या उमेदवारांनी महिला आरक्षणाचा लाभ घ्यावयाचा असल्यास त्यांनी स्वप्रमाणपत्रात न चुकता महाराष्ट्राचे अधिवासी (Domocile) असल्याबाबत तसेच नॉन क्रिमीलेअर मध्ये मोडत असल्याबाबत (अनुसुचित जाती, अनुसुचित जमाती, अराखीव महिला, खुल्या आर्थिकदृष्ट्या दुर्बल घटक वगळता) स्पष्टपणे दावा करणे आवश्यक आहे.
८) खेळाडूंसाठीच्या आरक्षणाकरिता पात्र असल्याचा पुरावाः-
प्रावीण्यप्राप्त खेळाडूंसाठी आरक्षित पदांवर दावा करणाऱ्या उमेदवारांनी सक्षम प्रधिकाऱ्यांनी प्रदान केलेले विहित नमुन्यातील प्रमाणपत्र पडताळणी अहवाल अथवा अर्जाची पोच सादर करणे आवश्यक राहील.
९) अनाथ असल्याचा पुरावा :
विभागीय उपायुक्त, महिला व बालविकास यांचेकडून वितरित करण्यात आलेले विहित नमुन्यातील अनाथ प्रमाणपत्र सादर करणे आवश्यक राहील.
१०) प्रकल्पग्रस्त असल्याबाबतचा पुरावा :
संबंधित जिल्हाधिकारी किंवा त्यांच्यावतीने संबंधित पुनर्वसन अधिकारी यांनी प्रकल्पग्रस्त व्यक्तीला अथवा प्रकल्पग्रस्त व्यक्तीच्या कुटुंबातील तिच्यावर अवलंबून असणाऱ्या व्यक्तीला नोकरीविषयक सवलतींच्या संदर्भात दिलेला दाखला सादर करणे आवश्यक आहे.
११) भूकंपग्रस्त असल्याबाबतचा पुरावा :
संबधित जिल्हाधिकारी यांनी वितरित केलेला भूकंपग्रस्त असल्याबाबतचा दाखला /प्रमाणपत्र सादर करणे आवश्यक आहे.
१२) पदवीधर अंशकालीन कर्मचारी असल्याबाबतचा पुरावाः
संबंधित तहसीलदार यांनी वितरित केलेला अनुभवाचा दाखला/प्रमाणपत्र सादर करणे आवश्यक आहे.
१३) विवाहित महिलांच्या नावांत बदल झाल्याबाबतचा पुरावाः-
विवाहित महिलांना विवाह-निबंधक किंवा सक्षम प्राधिकारी यांनी दिलेले विवाह प्रमाणपत्र किंवा नावात बदल झाल्यासंबंधी अधिसूचित केलेले राजपत्र सादर करणे आवश्यक आहे.
१४) लहान कुटुंबाचे प्रतिज्ञापत्र :
(अ) नियुक्तीच्या वेळी विहित नमुन्यानुसार साध्या कागदावर टंकलिखित करून उमेदवारांनी प्रतिज्ञापत्र सादर करावे.
(ब) प्रतिज्ञापत्रात नमूद केल्यानुसार हयात असलेल्या अपत्यांची संख्या दोनपेक्षा अधिक असेल तर दिनांक २८.०३.२००६ व तदनंतर जन्माला आलेल्या अपत्यामुळे उमेदवार शासकीय सेवेतील नियुक्तीसाठी अपात्र ठरविण्यात येईल.
१५) संगणक हाताळणी व वापराबाबतचे ज्ञान :
महाराष्ट्र नागरी सेवा (संगणक हाताळणी / वापराबाबतचे ज्ञान आवश्यक ठरविण्याबाबत) नियम १९९९ मधील तरतुदींनुसार शासनाने वेळोवेळी आवश्यक ठरविलेली संगणक हाताळणीविषयक अर्हता उमेदवाराने विहित कालावधीत धारण करणे आवश्यक आहे.
ज) गैरप्रकार / गैरप्रकाराचे प्रयत्न :
शिक्षक / शिक्षण सेवक पदभरती अनुषंगाने उमेदवार अथवा उमेदवार नसलेल्या व्यक्तींनी केलेल्या खालील कृतींना गैरप्रकार / गैरकृत्य समजण्यात येईल.
स्वप्रमाणपत्रामध्ये हेतुपुरस्सर खोटी माहिती देणे किंवा खरी माहिती दडवून ठेवणे किंवा त्यात अनधिकृतपणे बदल करणे किंवा दाखल्याच्या प्रतीतील नोंदीत अनधिकृतपणे खाडाखोड करणे किंवा खाडाखोड केलेले वा बनावट अथवा विहित पद्धतीने वितरित न करण्यात आलेले दाखले / कागदपत्रे सादर करणे.
स्वतःच्या उमेदवारीच्या अनुषंगाने स्वतः अथवा इतर व्यक्तींकडून अवैध मार्गाने निवडप्रक्रियेवर प्रभाव टाकणे अथवा प्रभाव टाकण्याचा प्रयत्न करणे.
तोतयागिरी करणे अथवा करण्याचा प्रयत्न करणे आणि अथवा कोणत्याही तोतया व्यक्तीची मदत घेणे अथवा मदत घेण्याचा प्रयत्न करणे.
उमेदवाराची कोणतीही कृती जी शालेय शिक्षण विभागाच्या अथवा शासनाच्या मते भरतीप्रक्रियेच्या न्याय्य व निःपक्ष आयोजनावर प्रभाव पाडते.
एखाद्या विशिष्ट निर्णयासाठी संघटितपणे अथवा असंघटितपणे कोणत्याही माध्यमातून संबंधितांवर दबाव आणणे अथवा दबाव आणण्याचा प्रयत्न करणे.
स्व-प्रमाणपत्रातील सर्व दावे माहितीची सत्यता तपासण्यासाठी संबंधितांनी मागणी केलेल्या आवश्यक कागदपत्रांचा पुरावा संबंधितांच्या सूचनेनुसार कोणत्याही टप्प्यावर सादर न करणे.
स्व-प्रमाणपत्रातील सर्व दावे माहिती आणि निवडीच्या कोणत्याही टप्प्यावर सादर केलेल्या कागदपत्रांमधील दावा यांमध्ये फरक अथवा तफावत आढळून येणे.
शिक्षण सेवक / शिक्षक भरती प्रक्रियेशी संबंधितांशी पत्रव्यवहार करताना हेतुपुरस्सर वस्तुस्थितीदर्शक माहिती नमूद न करणे, वस्तुस्थिती दडविणे, पुराव्याविना माहिती देणे, पत्रव्यवहारामध्ये खोटे / दिशाभूल करणारे आरोप करणे.
स्व-प्रमाणपत्रामध्ये केलेला दावा अथवा नमूद केलेली कोणतीही माहिती व त्या संबंधीची कागदपत्रे / प्रमाणपत्रे निवडीच्या अथवा निवडीनंतरच्या कोणत्याही टप्प्यावर कोणत्याही कारणास्तव खोटी, बनावट, खाडाखोड केलेली, अवैध, संबंधित शासन आदेश / नियमानुसार जारी न केलेली अथवा सक्षम प्राधिकाऱ्याने प्रदान केली नसल्याचे आढळून येणे.
ल) गैरप्रकार प्रकरणी कारवाई :
या विषयाबाबत वरील नमूद मुद्द्यांमधील एक किंवा एकापेक्षा जास्त कोणत्याही प्रकारचा गैरप्रकार किंवा गैरप्रकाराचा प्रयत्न करणाऱ्या उमेदवारांवर तसेच उमेदवार नसलेल्या परंतु गैरप्रकार करण्यास साहाय्यभूत ठरणाऱ्या व्यक्तींवर प्रचलित कायदा व नियमांनुसार फौजदारी अभियोग दाखल करून कारवाई करण्यात येईल. याशिवाय सदर उमेदवारास निवडप्रक्रियेसाठी अनर्ह (Disqualify) ठरविणे आणि / अथवा गैरप्रकार / गैरप्रकाराच्या प्रयत्नाच्या आधारे नोकरी मिळविलेल्या उमेदवाराची अथवा व्यक्तीची नियुक्तीची शिफारस रद्द करणे व संबंधित व्यवस्थापनाकडून सेवासमाप्तीची कार्यवाही करणेत येईल.
सन २०१८ व सन २०१९ या वर्षी शिक्षक पात्रता परीक्षा (TET) मध्ये झालेल्या गैरप्रकारामुळे दाखल झालेल्या गुन्ह्यांच्या अनुषंगाने गैरप्रकारामध्ये समाविष्ट उमेदवारांची महाराष्ट्र राज्य परीक्षा परिषद पुणे यांच्या आदेश क्रमांक मरापप/बापवि/२०२२/३८४४दि. ०३/०८/२०२२ व मरापप / बापवि/२०२२/४८३९ दि. १४.१०.२०२२ अन्वये शिक्षक पात्रता परीक्षां (TET) संपादणूक रद्द करून व शास्ती करून उमेदवारांची यादी प्रसिद्ध करण्यात आलेली आहे. अशा उमेदवारांबाबत मा. न्यायालयाने वेळोवेळी दिलेल्या आदेशानुसार कार्यवाही करण्यात येईल. तसेच शासनाने वेळोवेळी निर्गमित केलेल्या आदेशानुसार कार्यवाही करण्यात येईल.
शिक्षक अभियोग्यता व बुद्धिमत्ता चाचणी-२०२५ ही अनेक सत्रांमध्ये आयोजित करण्यात आलेली होती. त्या सत्रांपैकी ही चाचणी केवळ एकाच सत्रात देण्याची मुभा होती. तथापि, असे निदर्शनास आले की, काही उमेदवारांनी एकापेक्षा अधिक आवेदनपत्रे सादर केली होती. अशा परिस्थितीत उमेदवारांना चाचणी परीक्षेचे प्रवेशपत्र वितरित करताना चाचणीसाठी एकापेक्षा अनेक सत्रांसाठी प्रवेशपत्रे प्राप्त झाली असली तरी केवळ एकाच प्रवेशपत्राद्वारे चाचणीस प्रविष्ट होण्याबाबत सूचित करण्यात आले होते. असे एकापेक्षा जास्त वेळा चाचणीस प्रविष्ट झालेल्या उमेदवारांना निवड प्रक्रियेच्या कोणत्याही टप्यावर सहभागी करून घेता येणार नाही. यामुळे अशा उमेदवारांनी निवडप्रक्रियेत सहभागी होऊ नये, सहभागी झाल्याचे निदर्शनास आल्यास त्यांची उमेदवारी कोणत्याही टप्प्यावर रद्द होईल, याची उमेदवारांनी नोंद घ्यावी.
महत्त्वाचेः
१. प्रसिद्ध झालेल्या जाहिरातीनुसार संबंधित पदासाठी उमेदवारांनी अर्ज करणे, ऑनलाईन पद्धतीने प्राधान्यक्रम भरणे, आवश्यक माहिती प्रणालीवर अद्ययावत करणे इत्यादी बाबतच्या सूचना पवित्र प्रणालीवर दर्शविण्यात येत आहेत. उमेदवारांनी नियमितपणे पवित्र प्रणालीवर उमेदवारांसाठी वेळोवेळी दिलेल्या सूचना विचारात घ्याव्यात.
२. शासनाच्या प्रचलित कार्यपद्धतीनुसार वरील सूचना देण्यात आलेल्या आहेत, शासन निर्णय, मा. न्यायालयाचे आदेशानुसार बदल झाल्यास सुधारित सूचना प्रणालीवर उपलब्ध करण्यात येतील, याची उमेदवारांनी नोंद घ्यावी.
वरील संपूर्ण सूचना पीडीएफ स्वरूपात डाउनलोड करण्यासाठी खालील Download वर क्लिक करा
महत्त्वाची माहिती मिळवण्यासाठी आपल्या व्हाट्सअप/टेलिग्राम ग्रुप वर 9765486735 हा नंबर ॲड करावा.
व्हिडिओ स्वरूपात माहिती लाईक शेअर कमेंट करा आमच्या पुढील युट्युब चैनल ला..
https://youtube.com/c/pradipjadhao
नवनवीन शैक्षणिक/शिक्षक व कर्मचारी हिताची माहिती मिळवण्यासाठी खालील व्हाट्सअप ग्रुप वर जॉईन व्हा.
0 टिप्पण्या