सन २०२५-२६ या वर्षामध्ये राज्यातील सर्व शाळांमधील विद्यार्थ्यांची माहिती यु-डायस प्लस प्रणालीमध्ये नोंदणीबाबत महाराष्ट्र प्राथमिक शिक्षण परिषदेने दिनांक 6 जून 2025 रोजी पुढील प्रमाणे निर्देश दिले आहेत.
राज्यातील सर्व शाळांमधील विद्यार्थ्यांची माहिती यु-डायस प्लस प्रणालीत दि. ३० सप्टेंबर, २०२५ पर्यंत पूर्ण करण्यासाठी केंद्र शासनाकडून कळविण्यात आले आहे. त्यानुसार पुढील प्रमाणे कार्यवाही होणे आवश्यक आहे.
दि. ०१ मे, २०२५ पासून सर्व राज्यांकरिता यु-डायस प्लस २०२५-२६ करिता विद्यार्थ्यांची माहिती अद्ययावत करण्याची सुविधा सुरू झाली आहे.
महाराष्ट्र राज्याची सन २०२४-२५ या वर्षाची अंतिम माहिती केंद्र शासनाला दि. १५ मे, २०२५ रोजी पाठविण्यात आली आहे. त्यानुसार महाराष्ट्र राज्यातील विद्यार्थ्यांची माहिती अद्ययावत करण्याची सुविधा दि. २१ मे, २०२५ पासून सुरू झाली आहे.
जिल्हा स्तरावरील संगणक प्रोग्रामर यांनी जिल्ह्याचे शिक्षणाधिकारी (प्राथमिक व माध्यमिक) यांच्या उपस्थितीमध्ये सभा आयोजित करून सदर सभामध्ये तालुक्याचे गटशिक्षणाधिकारी, MIS-Coordinator, Data Entry Operator, Civil Engineering, Civil Engineer, IED-Coordinator यांना विद्यार्थ्यांचे प्रमोशनबाबत प्रशिक्षण देण्यात यावे. त्याचप्रमाणे गटशिक्षणाधिकारी यांनी आपल्या स्तरावरून विस्तार अधिकारी, केंद्र प्रमुख आणि शाळेचे मुख्याध्यापक यांचे प्रशिक्षण आयोजित करावे.
जिल्हा स्तरावरील संगणक प्रोग्रामर व MIS-Coordinator यांना विद्यार्थ्यांचे प्रमोशन करताना शाळेच्या मुख्याध्यापकांकडून काही त्रुटी (Repeater, Over age, Under age) राहिल्याचे निदर्शनास आल्यास शाळेच्या मुख्याध्यापकांकडून त्रुटींची पूर्तता करून घेणेबाबत सूचना दयावी.
विद्यार्थ्यांची नोंदणी पूर्ण करण्यासाठी शाळेच्या मुख्याध्यापकांना शिक्षण घेणारे एक ही मूल Dropbox मध्ये / शाळाबाह्य राहणार नाही, याची खात्री करण्यासाठी सूचना देण्यात याव्यात. शाळेमध्ये विद्यार्थी Import करित असतांना तांत्रिक अडचणी आल्यास तालुक्याचे MIS-Coordinator यांच्याशी मुख्याध्यापकांनी संपर्क साधवा.
सर्व शाळांमधील विद्यार्थ्यांचे प्रमोशन दि. ३० जून, २०२५ पर्यंत पूर्ण करणे आवश्यक आहे. प्रमोशन पूर्ण झाल्यानंतर पूर्व प्राथमिक व इयत्ता १ली च्या विद्यार्थ्यांची नोंद करण्यासाठी सुविधा सुरू करण्यात येईल.
तरी कृपया सन २०२५-२६ यु-डायस प्लस प्रणालीतील माहिती विहित मुदतीत नोंदविली जाईल यासाठी आपल्या स्तरावरून पुढील कार्यवाही होणेस विनंती.
(गोविंद कांबळे) 6/6/2025
राज्य प्रकल्प समन्वयक तथा सह संचालक (प्रशा.) म.प्रा.शि.प., मुंबई.
युडायस प्रणालीमध्ये विद्यार्थी प्रवेश व वर्गोन्नतीबाबत प्राथमिक शिक्षण संचालनालयाने दिनांक 3 जून 2025 रोजी पुढील प्रमाणे निर्देश दिले आहेत.
दिनांक ३०.०५.२०२५ रोजीची आढावा बैठकीमध्ये मा. प्रधान सचिव, शालेय शिक्षण विभाग यांनी दिलेल्या निर्देशानुसार सुचित करण्यात येते की, युडायस प्रणालीमध्ये शैक्षणिक वर्ष सन २०२५-२६ सुरु करण्यात आलेले आहे. तरी सन २०२५-२६ मध्ये विद्यार्थी वर्गोन्नत व नवीन प्रवेशित विद्यार्थ्यांची नोंद प्रणालीमध्ये करणे आवश्यक आहे. त्यानुसार सन २०२४-२५ मधील ऑनलाईन युडायस प्रणालीमध्ये नोंद असलेल्या सर्व विद्यार्थ्याचे नियमानुसार पुढील वर्गात वर्गोन्नती करणे आवश्यक आहे. सदरची कार्यवाही तातडीने होणे आवश्यक आहे.
त्यामुळे सन २०२४-२५ मध्ये प्रणालीमध्ये नोंद असलेल्या विद्यार्थ्यांचे सन २०२५-२६ युडायस प्रणाली मध्ये वर्गोन्नती करण्याची सुविधा देण्यात आलेली आहे. त्यानुसार सदरची कार्यवाही दिनांक १०.०६.२०२५ पुर्वी पुर्ण करुन घेण्यात येण्यासाठी आपल्या स्तरावरुन सर्व संबंधित प्राधिका-यांना सुचना निर्गमित कराव्यात व त्यानुसार झालेल्या कार्यवाहीचा अहवाल संचालनालयास सादर करावा.
(श्रीराम पानझाडे)
शिक्षण संचालक
माध्यमिक व उच्च माध्यमिक शिक्षण संचालनालय महाराष्ट्र राज्य, पुणे
(शरद गोसावी)
शिक्षण संचालक प्राथमिक शिक्षण संचालनालय, महाराष्ट्र राज्य, पुणे
यु डायस २०२५-२६ प्रणालीबाबत महत्त्वाची सूचना
सर्वांना कळविण्यात येते की, सन 2025 26 या वर्षांमध्ये विद्यार्थ्यांचे प्रमोशन करण्यासाठी शाळा स्तरावर ती टॅब ओपन करण्यात आला आहे, तरी सर्वांनी 30 जून 2025 पर्यंत सर्व विद्यार्थ्यांचे प्रमोशन पूर्ण करून घेण्यात यावे
प्रमोशन पूर्ण झाल्यानंतर दिनांक 30 सप्टेंबर 2025 पर्यंत राज्यातील सर्व विद्यार्थ्यांची माहिती यु डायस प्रणालीमध्ये अद्यावत करण्यात यावी
यु-डायस प्लस पोर्टलवर 2024 25 सत्र मधील विद्यार्थी पुढील वर्गात प्रमोशन करण्याची सुविधा पोर्टलवर उपलब्ध झालेली आहे त्यासाठी आपल्याला कुठेही जाण्याची गरज नाही आपल्या मोबाईलवरून देखील आपण आपला वर्ग प्रमोट करू शकतो त्यासाठी पुढील लिंक वर क्लिक करा.
https://sdms.udiseplus.gov.in/
लिंक वर क्लिक केल्यानंतर ओपन झालेल्या विंडोमध्ये राज्य निवडून त्यासमोरील गो बटन वर क्लिक करा.
आपल्याला शाळेचे लॉगिन करण्यासाठी युजर आयडी व पासवर्ड टाकून त्याखाली सिक्युरिटी कोड टाकल्यानंतर लॉगिन करायचे आहे लॉगिन यशस्वी झाल्यानंतर.
वरील प्रमाणे विंडो ओपन होते त्यामधील करंट अकॅडमी इयर 2024 25 वर क्लिक करा आपल्याला पुढील प्रमाणे विंडो ओपन होईल.
प्रोग्रेशन ऍक्टिव्हिटी मध्ये जाऊन प्रोग्रेशन मॉडेलवर GO बटनावर क्लिक करावे
वर्ग आणि तुकडी निवडून GO बटनावर क्लिक करावे
नंतर आपल्याला शाळेतील सर्व विद्यार्थ्यांची यादी दिसेल यामध्ये प्रोग्रेशन स्टेटस मध्ये योग्य पर्याय निवडून व 2023-24 चे %, विद्यार्थ्यांचे शाळेतील उपस्थित दिवस, शाळेत शिकत असल्यास Study in Same School निवडावे किंवा TC दिली असल्यास ते ऑप्शन निवडावे. याप्रमाणे शाळेतील सर्व विद्यार्थ्यांची, ही प्रमोशनची प्रक्रीया पूर्ण करावी.
याच प्रमाणे इयत्ता 1 ली मध्ये सर्व नवीन प्रवेशित विदयार्थाना प्रवेश शाळांमध्ये दयावयाचे आहे. या नवीन प्रवेश घेणाऱ्या विदयार्थ्यांना त्यांच्या इतर कागदपत्रासोबतच विदयार्थ्यांचे आधारकार्ड बाबत विचारणा करावी. कारण सुरवातीलाच आधारकार्ड असेल तर पुढे सरल व युडायस मध्ये याची नोंद घेणे सोयीचे होईल. ज्या विदयार्थ्यांजवळ आधार नसेल त्यांना तात्काळ काढण्याच्या सूचना द्याव्यात. याच प्रमाणे शाळा सुरु होतच, विदयार्थांचे आधार पेंडिंग असल्यास ते काम तात्काळ पूर्ण करावे, कोणत्याही विदयार्थीचे आधार व्हॅलीडेशन पेंडीग राहणार नाही याची दक्षता घ्यावी.
तसेच UDISE + मध्ये काही दुरुस्ती असल्यास त्या A1 Form मध्ये BEO यांच्या मार्कीग व आवश्यक पुराव्यासह, जिल्हा कार्यालयास सादर करावे.
महत्त्वाची माहिती मिळवण्यासाठी आपल्या व्हाट्सअप/टेलिग्राम ग्रुप वर 9765486735 हा नंबर ॲड करावा.
व्हिडिओ स्वरूपात माहिती लाईक शेअर कमेंट करा आमच्या पुढील युट्युब चैनल ला..
https://youtube.com/c/pradipjadhao
नवनवीन शैक्षणिक/शिक्षक व कर्मचारी हिताची माहिती मिळवण्यासाठी खालील व्हाट्सअप ग्रुप वर जॉईन व्हा.
0 Comments