सेवानिवृत्त झालेल्या व सेवानिवृत्तीच्या उंबरठयावर असलेल्या (सेवा निवृत्तीस १ वर्ष राहिलेल्या) वर्ग ३ व ४ कर्मचा-यांच्या प्रकरणामध्ये अतिप्रदानाची वसुली करण्यात येवू नये शासन निर्णय

pradipjadhao January 02, 2024

ग्राम विकास विभागाच्या दि. १० ऑगस्ट २०२० रोजीच्या शासन निर्णयानुसार सेवानिवृत्त झालेल्या व सेवानिवृत्तीच्या उंबरठयावर असलेल्या (सेवा निवृत्तीस १ वर्ष राहिलेल्या) वर्ग ३ व ४ कर्मचा-यांच्या प्रकरणामध्ये अतिप्रदानाची वसुली करण्यात येवू नये असे निर्देश दिले आहेत.

उपरोक्त विषयाच्या अनुसरून कळविण्यात येते की, सेवानिवृत्त झालेल्या व सेवानिवृत्तीच्या उंबरठ्यावर असलेल्या (सेवा निवृत्तीस १ वर्ष राहिलेल्या) वर्ग ३ व ४ कर्मचा- यांच्या प्रकरणामध्ये अतिप्रदानाची वसुली खालील दिलेल्या अभिप्रायानुसार करण्यात येवू नये.

अ) सेवानिवृत्त वर्ग ३ व वर्ग ४ च्या कर्मचा-यांना करण्यात आलेल्या अतिप्रदानाची वसूली करण्यात येवू नये.

ब) निवृत्तीच्या उंबरठयांवर असणा-या वर्ग- ३ व वर्ग-४ च्या कर्मचा-यांकडून अतिप्रदानाची वसूली करण्यात येवू नये.

क) पाच वर्षापेक्षा अधिक कालावधीसाठी अतिप्रदान करण्यात आले असल्यास वसूली करण्यात येवू नये.

ड चूकीने लाभ देण्यात आले असल्यास चूकीची दुरूस्ती करता येईल.

इ दि. २८ जुलै, २०१४ चे परिपत्रक भावी (prospective) प्रभावाने लागू करणे योग्य व न्यायोचित होणार नाही.

वरील अ ते इ बाबत यापूर्वीच विधी व न्यार विभाग ने दिलेल्या सूचनांनुसार आस्थापना- १० कार्यासनाने परिपत्रक क्र. डब्ल्यूपीटी-२०१४/प्र.क्र.३२९ 'आस्था-१०, दि. १९ डिसेंबर, २०१५ च्या परिपत्रकान्वये सर्व जिल्हा परिषदांना स्वयंस्पष्ट सूचना दिलेल्या आहेत. परंतु काही जिल्हा परिषदा शासनाच्या स्वयंस्पष्ट परिपत्रकानुसार कार्यवाही न करता शासनाकडे विनाकारण पत्रव्यवहार करत आहेत. या पत्राव्दारे सर्व जिल्हा परिषदांना कळविण्यात येते की शासनाच्या दि. १९.१२.२०१५ च्या परिपत्रकान्वये तसेच या पत्रात नमूद केलेल्या अ ते इ मुदयांनुसार तात्काळ कार्यवाही करावी. शासनाकडे अनावश्यक पत्रव्यवहार टाळावा.

कात्र (र.ई. गिरी)

अवर सचिव, महाराष्ट्र शासन