सरकारी नोकरी लागण्यासाठी जास्तीत जास्त वयोमर्यादेत एका वर्षांने वाढ शासन निर्णय ०५/११/२०२६

शासन सेवेत सरळसेवेने नियुक्तीसाठी कमाल वयोमर्यादेत दिनांक ३१ डिसेंबर २०२७ पर्यंत शिथिलता देणेबाबत महाराष्ट्र शासनाच्या सामान्य प्रशासन विभागाने दिनांक ५ नोव्हेंबर 2026 रोजी पुढील प्रमाणे आदेश निर्गमित केला आहे,.

शासन सेवेत सरळसेवेने नियुक्तीसाठी कमाल वयोमर्यादेत दिनांक ३१ डिसेंबर २०२७ पर्यंत शिथिलता देणेबाबत...

महाराष्ट्र शासन सामान्य प्रशासन विभाग

शासन निर्णय क्रमांकः एसआरव्ही-२०२६/प्र.क्र.६४/सेवा-१ (का. १२) मंत्रालय, मादाम कामा मार्ग, हुतात्मा राजगुरु चौक, मुंबई. पिन ४०००३२.

दिनांक : ०५ नोव्हेंबर २०२६.

संदर्भ

१) शासन निर्णय, सामान्य प्रशासन विभाग, क्र. एसआरव्ही-२०१५/प्र.क्र.४०४/का.१२, दि. २५.०४.२०१६.

२) शासन निर्णय, सामान्य प्रशासन विभाग, क्र. मलोआ-११२६/प्र.क्र.२३९/मलोआ, दि. ०४.०९.२०२६.

प्रस्तावना.

राज्यातील विद्यमान भरती परीक्षा पद्धतीचा सर्वकष अभ्यास करून आवश्यक सुधारणा सुचविण्यासाठी उच्चस्तरीय सचिव समिती स्थापन करण्यात आली आहे. या समितीने केलेल्या शिफारशींच्या अनुषंगाने विहित कमाल वयोमर्यादेत शिथिलता देण्याची बाब शासनाच्या विचाराधीन होती.

शासन निर्णय.

या शासन निर्णयाद्वारे खालीलप्रमाणे सूचना देण्यात येत आहेत:-

१) महाराष्ट्र लोकसेवा आयोगामार्फत दिनांक ०१ जानेवारी, २०२६ ते या शासन निर्णयाच्या दिनांकापर्यंत पदभरतीकरिता ज्या जाहिराती प्रसिद्ध करण्यात आलेल्या आहेत आणि ज्या जाहिरातींच्या निवड प्रक्रियेचा कोणताही टप्पा पार पडलेला नाही, अशा जाहिरातींकरिता संदर्भ क्र. (१) मधील सामान्य प्रशासन विभागाच्या दिनांक २५.०४.२०१६ च्या शासन निर्णयान्वये विहित केलेल्या कमाल वयोमर्यादेत एक वर्ष इतकी शिथिलता देण्यात येत आहे: आणि.

२) या शासन निर्णयाच्या दिनांकापासून दिनांक ३१ डिसेंबर, २०२७ पर्यंत पदभरतीकरिता ज्या जाहिराती महाराष्ट्र लोकसेवा आयोगामार्फत नव्याने प्रसिद्ध होणार आहेत, अशा जाहिरातींकरिता अर्ज केलेल्या उमेदवारांना संदर्भ क्र. (१) मधील सामान्य प्रशासन विभागाच्या दिनांक २५.०४.२०१६ च्या शासन निर्णयान्वये विहित केलेल्या कमाल वयोमर्यादेत एक वर्ष इतकी शिथिलता देण्यात येत आहे.

३) महाराष्ट्र लोकसेवा आयोगाव्यतिरिक्त भरती परीक्षा आयोजित करणाऱ्या अन्य यंत्रणांमार्फत आयोजित करण्यात येणाऱ्या परीक्षांकरिता देखील वरील अ.क्र. (१) आणि (२) येथे नमूद केलेल्या तरतुदी लागू राहतील.

शासन निर्णय क्रमांकः एसआरव्ही-२०२६/प्र.क्र.६४/सेवा-१ (का. १२)

४) ज्या पदांसाठी संबंधित पदांच्या सेवाप्रवेश नियमात विवक्षित कारणास्तव संदर्भाधीन दिनांक २५.०४.२०१६ च्या शासन निर्णयामध्ये विहित केलेल्या कमाल वयोमर्यादेपेक्षा भिन्न कमाल वयोमर्यादा विहित केली आहे, अशा पदांसाठी विहित केलेल्या कमाल वयोमर्यादेत देखील सदर एक वर्ष इतकी शिथिलता देय राहील.

५) यामुळे वरील अ.क्र. (१) अनुसार जे उमेदवार अशा जाहिरातींकरिता अर्ज करण्यास पात्र होत आहेत, त्यांना अर्ज सादर करण्यासाठी महाराष्ट्र लोकसेवा आयोगाने एक वेळची विशेष बाब म्हणून अर्ज करण्याची संधी उपलब्ध करुन देण्यासाठी विहित कार्यवाही करावी.

६) सदर शिथिलता ही केवळ एक वेळची विशेष बाब म्हणून लागू करण्यात येत असून, दिनांक १ जानेवारी, २०२८ रोजी किंवा त्यानंतर प्रसिद्ध होणाऱ्या जाहिरातींसाठी अर्ज करणाऱ्या उमेदवारांकरिता संबंधित पदांच्या सेवाप्रवेश नियमात अथवा संदर्भाधीन क्र. (१) येथील दिनांक २५.०४.२०१६ च्या शासन निर्णयात विहित केलेली कमाल वयोमर्यादाच लागू राहील.

२. हा शासन निर्णय महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आला असून त्याचा संकेताक २०२६११०५१४३४१२८७०७ असा आहे. हा शासन निर्णय डिजीटल स्वाक्षरीने साक्षांकित करुन काढण्यात येत आहे.

महाराष्ट्राचे राज्यपाल यांच्या आदेशानुसार व नावाने,

LEENA ASHISH SANKHE

(लिना संखे)

शासनाच्या उपसचिव.

प्रति,

१) मा. राज्यपाल यांचे सचिव, लोक भवन, मुंबई.

२) मा. मुख्यमंत्री यांचे अपर मुख्य सचिव/प्रधान सचिव, मंत्रालय, मुंबई.

३) मा. उप मुख्यमंत्री, नगरविकास, गृहनिर्माण, सार्वजनिक बांधकाम (सा.उ.) यांचे अपर मुख्य सचिव/प्रधान सचिव, मंत्रालय, मुंबई.

४) मा. उप मुख्यमंत्री, राज्य उत्पादन शुल्क, क्रीडा व युवक कल्याण, अल्पसंख्यांक विकास व औकाफ यांचे सचिव, मंत्रालय, मुंबई.

५) सर्व मा. मंत्री/ मा. राज्यमंत्री यांचे खाजगी सचिव, मंत्रालय, मुंबई.

६) सर्व मा. संसद सदस्य/विधानमंडळ सदस्य, महाराष्ट्र राज्य.

७) मा. मुख्य सचिव, मंत्रालय, मुंबई.

८) सर्व विभागांचे अपर मुख्य सचिव/प्रधान सचिव/सचिव, मंत्रालय, मुंबई.

९) सचिव, महाराष्ट्र लोकसेवा आयोग, नवी मुंबई.

प्रत-

१) प्रबंधक, मा. उच्च न्यायालय (मूळ शाखा/अपील शाखा), मुंबई.

२) ग्रंथपाल, महाराष्ट्र विधानमंडळ सचिवालय, विधान भवन, मुंबई.

३) निवड नस्ती, सेवा-१/सा.प्र. विभाग.

 सरकारी नोकरी लागण्यासाठी जास्तीत जास्त वयोमर्यादेत दोन वर्षांनी वाढ शासन निर्णय.

महाराष्ट्र शासनाच्या सामान्य प्रशासन विभागणी दिनांक 3 मार्च 2023 रोजी शासन सेवेत सर्व सेवेन नियुक्तीसाठीच्या कमाल वयोमर्यादित दिनांक 31 डिसेंबर 2023 पर्यंत शिथिलता देण्याबाबत पुढील प्रमाणे शासन निर्णय निर्गमित केला आहे.

स्वातंत्र्याच्या अमृत महोत्सवी वर्षाचे औचित्य साधून राज्य शासनाने 75000 पद भरतीची प्रक्रिया सुरू करण्याची घोषित केले असून याकरिता पदभरतीवरील निर्बंध काही कालावधी करिता शिथिल करण्यात आले आहे. त्या अनुषंगाने भरती प्रक्रिया सुरू झाली आहे दरम्यानच्या कालावधीमध्ये काही लोकप्रतिनिधींकडून निवेदने प्राप्त झाली आहेत सदर निवेदनांद्वारे अशी मागणी करण्यात आली आहे की विविध कारणांमुळे उदाहरणार्थ कोरोना सदोष मागणी पत्र मागणी पत्र न पाठवणे इत्यादी पुरेशा जाहिराती प्रसिद्ध न झाल्याने ज्या उमेदवारांना परीक्षांना बसण्याची संधी प्राप्त झालेली नाही आणि त्यांची कमाल वयोमर्यादा संपुष्टात आली आहे. अशा उमेदवारांना परीक्षांना बसण्यासाठी संधी प्राप्त व्हावी यास्तव शासनाने कमाल वयोमर्यादित सवलत देण्याबाबत सकारात्मक निर्णय घ्यावा यापासून भूमीवर उमेदवारांना कमाल वयोमर्यादित शितलता देण्याबाबत पुढील प्रमाणे निर्णय घेण्यात येत आहे.

दिनांक 31 डिसेंबर 23 पर्यंत शासकीय सेवेत सरळ सेवा प्रवेश संदर्भात वयोमर्यादित वाढ करून खुल्या प्रवर्गासाठी 38 वर्ष व मगासवर्गासाठी 43 वर्ष एवढे असलेले वय यामध्ये दोन वर्षांनी वाढ करून ती आता खुल्या प्रवर्गासाठी 40 वर्ष व मागास प्रवर्गासाठी 45 वर्ष एवढे करण्यात येत आहे

वरील शासन आदेश संपूर्ण पीडीएफ स्वरूपात डाऊनलोड करण्यासाठी खालील Download वर क्लिक करा.

Download

नियमित अपडेट्स मिळवण्यासाठी गुगल सर्च करा pradipjadhao हा ब्लॉग.

व्हिडिओ स्वरूपात माहिती लाईक शेअर कमेंट करा आमच्या पुढील युट्युब चैनल ला.. 

https://youtube.com/c/pradipjadhao

नवनवीन शैक्षणिक माहिती मिळवण्यासाठी खालील व्हाट्सअप ग्रुप वर जॉईन व्हा.

Join WhatsApp Group

जॉईन टेलिग्राम ग्रुप

Thank you🙏