महागाई भत्ता अपडेट - राज्य शासकीय व इतर पात्र कर्मचाऱ्याना अनुज्ञेय महागाई भत्त्याच्या दरात 1 जुलै, 2022 पासून सुधारणा करण्याबाबत शासन निर्णय.

pradipjadhao January 10, 2023

राज्य शासकीय व इतर पात्र कर्मचाऱ्याना अनुज्ञेय महागाई भत्त्याच्या दरात 1 जुलै, 2022 पासून सुधारणा करण्याबाबत शासन निर्णय.

राज्य शासकीय कर्मचारी व इतर पात्र पूर्णवेळ कर्मचाऱ्याना अनुज्ञेय महागाई भत्त्याच्या दरात सुधारणा करण्याचा प्रश्न शासनाच्या विचाराधीन होता.

2. शासन असे आदेश देत आहे की, 1 जुलै, 2022 पासून 7 व्या वेतन आयोगानुसार सुधारित वेतन संरचनेतील मूळ वेतनावरील अनुज्ञेय महागाई भत्त्याचा दर 34 % वरुन 38% करण्यात यावा. सदर महागाई भत्ता वाढ 1 जुलै, 2022 ते 31 डिसेंबर 2022 या कालावधीतील थकबाकीसह जानेवारी, 2023 च्या वेतनासोबत रोखीने देण्यात यावी.

3. महागाई भत्त्याची रक्कम प्रदान करण्यासंदर्भतील विद्यमन तरतुदी व कार्यपद्धती आहे त्याचप्रकारे यापुढे लागू राहील.

4. यावर होणारा खर्च संबंधित शासकीय कर्मचाऱ्याचे वेतन व भत्ते ज्या लेखाशीर्षाखाली खर्ची टाकण्यात येतात, त्या लेखाशीर्षाखाली खची टाकू न त्याखालील मंजूर अनुदानातून भागवण्यात यावा. अनुदानप्राप्त संस्था व जिल्हा परिषद कर्मचाऱ्याच्या बाबतीत, संबंधित प्रमुख लेखाशीर्षाखाली ज्या उप लेखाशीर्षाखाली त्यांच्या सहाय्यक अनुदानाबाबतचा रक्कम खर्ची टाकण्यात येतो, त्या उप लेखाशीर्षाखाली हा रक्कम खर्ची टाकण्यात यावा.