जिल्हा परिषदांमधील नेट सेट पात्रताधारक शिक्षकांना पदोन्नती मिळणार? ग्राम विकास विभागाने मागवली माहिती..

pradipjadhao March 03, 2025

जिल्हा परिषदांमधील नेट सेट पात्रताधारक शिक्षकांना पदोन्नती देण्याबाबत विधान परिषदेत तारांक प्रश्न श्री सत्यजित तांबे विधान परिषद सदस्य यांनी विचारला आहे.

याबाबत ग्राम विकास विभागाने दिनांक 25 फेब्रुवारी 2025 रोजी पुढील प्रमाणे माहिती मागवली आहे.

राज्यातील जिल्हा परिषदांमधील नेट सेट पात्रताधारक शिक्षकांना पदोन्नती देण्याबाबत" श्री. सत्यजित तांबे, मा.वि.प.स. यांनी तारांकित प्रश्न क्र. १८६० उपस्थित केला आहे. सदरचा प्रश्न हा स्वीकृत असून, याबाबत आपले अहवाल स्वयंस्पष्ट अभिप्रायासह व प्रश्न भाग निहाय उत्तर पुरक टिप्पणीसह शासनास तात्काळ उलट टपाली सादर करण्याची आपणास विनंती आहे.

तसेच त्यासोबतच सदर प्रश्नासंदर्भात विस्तार अधिकारी (शिक्षण) व केंद्रप्रमुख या पदांबाबतची विभागनिहाय एकत्रित माहिती खालील विवरणपत्रात भरुन शासनास सादर करण्यात यावी.

सन्माननीय ग्रामविकास मंत्री पुढील गोष्टींचा खुलासा करतील काय :-

(१) राज्यातील जिल्हा परिषदांमधील शिक्षण विभागांतर्गत पर्यवेक्षीय यंत्रणा आणि प्रशासन या गटातील विस्तार अधिकारी शिक्षण तसेच केंद्रप्रमुख आदी मंजूर पर्दामधील ५० टक्के पेक्षा जास्त पदे रिक्त असल्याने कार्यरत शिक्षण यंत्रणेवर अतिरिक्त ताण असल्याचे माहे जानेवारी, २०२५ मध्ये वा त्यासुमारास निदर्शनास आले आहे, हे खरे आहे काय,

(२) असल्यास, राज्यातील जिल्हा परिषदांमध्ये नेट सेट या उच्च शैक्षणिक पात्रताधारक शिक्षक कार्यरत असून त्यांनी विस्तार अधिकारी शिक्षण व केंद्रप्रमुख अशा वरिष्ठ पदांवर पदोन्नती देण्याची मागणी शासनाकडे केली आहे, हे ही खरे आहे काय,

(३) असल्यास, सदरील शिक्षकांना पदोन्नती दिल्यास कार्यरत असणाऱ्या शिक्षण यंत्रणेवरील ताण कमी करण्याच्या मागणीबाबत शासनाने कोणती कार्यवाही केली वा करण्यात येत आहे,

(४) नसल्यास, विलंबाची कारणे काय आहेत?

राज्यातील जिल्हा परिषद शाळेतील पीएचडी नेट सेट झालेल्या प्राथमिक शिक्षकांना वरिष्ठ अधिकाऱ्यांच्या पदामध्ये सामावून घेणे बाबत ग्रामविकास विभागाचा शासन आदेश.

ग्राम विकास विभागाने दिनांक आठ डिसेंबर 2022 रोजी निर्गमित केलेल्या परिपत्रकानुसार राज्यातील जिल्हा परिषद शाळेतील पीएचडी नेट सेट झालेल्या प्राथमिक शिक्षकांना वरिष्ठ अधिकाऱ्यांच्या पदांमध्ये सामावून घेण्याबाबत पुढील प्रमाणे निर्देश दिले आहेत.

श्री मंगेश चव्हाण चाळीसगाव व इतर विधानसभा सदस्य यांनी विधानसभेत उपस्थित केलेला तारांकित प्रश्न क्रमांक 40 हजार 220 यानुसार तारांकित प्रश्नाच्या अनुषंगाने आपला सविस्तर अहवाल आवश्यक त्या कागदपत्रांसह प्रश्नोत्तर स्वरूपात शासनाला ई-मेल दिनांक 12 डिसेंबर पर्यंत करण्याबाबत सर्व जिल्हा परिषदांच्या मुख्य कार्यकारी अधिकारी यांना अच्युत इप्पर कक्ष अधिकारी महाराष्ट्र शासन यांनी दिले आहेत.