PM-POSHAN Update - दैनंदिन उपस्थिती एमडीएम पोर्टलवर नियमितपणे 100% अद्यावत करणे अनिवार्य! प्राथमिक शिक्षण संचालक.

प्रधानमंत्री पोषण शक्ती निर्माण योजनेअंतर्गत प्राथमिक शिक्षण संचालनालयाने दिनांक 20 सप्टेंबर 2024 रोजी प्रधानमंत्री पोषणशक्ती निर्माण योजनेअंतर्गत शाळांच्या दैनंदिन ऑनलाईन उपस्थितीची नोंद १०० टक्के करणे बाबत पुढील प्रमाणे निर्देश दिले आहेत.

प्रधानमंत्री पोषण शक्ती निर्माण योजनेंतर्गत पात्र शाळेतील विद्यार्थ्यांना पोषण आहाराचा लाभ नियमितपणे देण्यात येतो. सदर लाभाची दैनंदिन माहिती सर्व जिल्हयातील शाळांनी सरल प्रणालीअंतर्गत विकसित केलेल्या एम. डी. एम पोर्टलवर भरणे आवश्यक आहे. याकरीता योजनेचा लाभ घेणाऱ्या सर्व शाळांचा समावेश एमडीएम पोर्टलवर असणे व सर्व शाळांनी १०० टक्के उपस्थितीची नोंद करणे अनिवार्य आहे.

माहे एप्रिल, २०२४ पासून संचालनालयामार्फत वेळोवेळी आवश्यक लेखी निर्देश देऊन तसेच ऑनलाईन बैठकांमध्ये जिल्हयातील योजनेस सर्व पात्र शाळांनी एम. डी. एम पोर्टलवर १००% दैनदिन उपस्थिती माहिती नोंदविणे आवश्यक असूनदेखील अद्यापही काही जिल्हे वगळता उर्वरित जिल्ह्यांनी समाधानकारक प्रगती केलेली दिसून येत नाही. राज्याची दैनंदिन माहिती केंद्रशासनाच्या https://pmposhan-ams.education.gov.in या संकेतस्थळावर १०० % नोंदविली जात नसल्यामुळे केंद्रशासनाने राज्यास सन २०२४-२५ करीता मंजूर करण्यात आलेल्या केंद्र हिस्स्याचा अद्यापही वितरीत केलेला नाही, यामुळे पुढील कालावधीमध्ये योजनेच्या अंमलबजावणीवर विपरीत परिणाम होण्याची शक्यता आहे. याबाबत मा. प्रधान सचिव, शालेय शिक्षण व क्रीडा विभाग, मंत्रालय, मुंबई यांनी नाराजी व्यक्त करुन याकरीता जबाबदार सर्व संबंधितांवर आवश्यक कारवाई करण्याच्या सूचना दिलेल्या आहेत.

माहे एप्रिल, २०२४ पासून ऑनलाईन उपस्थितीबाबत सर्व जिल्ह्रयांकडे पाठपुरवठा करण्यात येत आहे. तसेच वेळावेळी संचालनालयाकडून घेण्यात येणाऱ्या आढावा बैठकांमध्ये अनेक जिल्ह्यांनी विविध कारणांमुळे स्थानिक पातळीवर, जिल्हास्तरावर शाळांनी सुट्टी घेतली असल्यामुळे AMS प्रमाण कमी असल्याचे कारण नमूद करण्यात येत आहे.

त्यानुषंगाने सर्व शिक्षणाधिकारी (प्राथमिक) यांना निर्देशित करण्यात येते की, आपल्या जिल्ह्यांमध्ये मा. विभागीय आयुक्त/मा. जिल्हाधिकारी/मा.मुख्य कार्यकारी अधिकारी यांनी शाळांना कोणत्याही प्रकारच्या सुट्ट्या जाहिर केल्या असल्यास अशा प्रकारच्या सुट्ट्यांबाबत संचालनालयास लेखी स्वरुपात शाळांच्या संखेसह पुर्वसुचना देण्यात यावी तसेच स्थानिक पातळीवर कोणत्याही शाळेने अशा प्रकारची सुट्टी घेण्याचे निश्चित केले असल्यास अशा शाळांच्या संखेसह संचालनालयास लेखी स्वरुपात पूर्वसुचना देणे आवश्यक आहे, याची सर्व शिक्षणाधिकारी यांनी गांभीर्याने नोंद घ्यावी. यापुढील कालावधीमध्ये सर्व शाळांकडून एमडीएम पोर्टलवर १०० % टक्के उपस्थितीची नोंद करणेबाबतची जबाबदारी संबंधित जिल्ह्यांच्या शिक्षणाधिकारी (प्राथमिक) यांचेवर निश्चित करण्यात येत आहे.

उक्त निर्देशाप्रमाणे सर्व जिल्ह्यांनी आवश्यक कार्यवाही व उचित सनियंत्रण करावे, यानंतर कोणत्याही जिल्ह्यांकडून उशीराने शाळांना सुट्टी असलेबाबतचे कारण स्वीकारले जाणार नाही याची नोंद घ्यावी. तसेच शाळांच्या उपस्थितीची नियमितपणे १०० टक्के नोंद न झाल्यास संबंधित शिक्षणाधिकारी (प्राथमिक) हे जबाबदार राहतील, याची गांभीर्याने नोंद घ्यावी.

(शरद गोसावी)

शिक्षण संचालक (प्राथमिक)

वरील संपूर्ण परिपत्रक पीडीएफ स्वरूपात डाउनलोड करण्यासाठी खालील Download वर क्लिक करा.

Download

PM-POSHAN Updates -

दैनंदिन उपस्थितीची माहिती एमडीएम पोर्टलवर नियमितपणे अद्यावत करणे बाबत प्राथमिक शिक्षण संचालकांची सूचना वजा ताकीद.

प्रधानमंत्री पोषण शक्ती निर्माण योजना स्वतंत्र कक्ष प्राथमिक शिक्षण संचालनालय महाराष्ट्र राज्य या कार्यालयातून दिनांक 4 नोव्हेंबर 2022 रोजी निर्मित पत्रानुसार प्राथमिक शिक्षण संचालक यांनी प्रधानमंत्री पोषण शक्ती निर्माण योजनेअंतर्गत दैनंदिन उपस्थितीची माहिती एमडीएम पोर्टलवर नियमितपणे अद्यावत करणे बाबत सूचना वजा ताकीद पुढील प्रमाणे दिले आहे.

प्रधानमंत्री पोषण शक्ती निर्माण अंतर्गत शाळांमार्फत दैनंदिन आहार घेणाऱ्या लाभार्थ्यांच्या उपस्थितीची माहिती एमडीएम पोर्टल वर मोबाईल ॲप व बॅक पोर्टलच्या माध्यमातून अद्यावत करण्यात येते. शाळांनी ऑनलाईन भरलेल्या माहितीच्या आधारे इंधन भाजीपाला तसेच इत्यादी मालांची जनरेट करण्यात येऊन शाळांच्या खात्यावर अनुदान वर्ग करण्यात येते. माही मार्च 2022 पासून शाळा स्तरावर आहार शिजून विद्यार्थ्यांना उपलब्ध करून देण्यात येत आहे तथापि अनेक शाळांचे ॲप अद्यावत नसणे शिक्षकांची नोंदणी नसणे किंवा इतर काही तांत्रिक कारणामुळे दैनंदिन उपस्थितीची माहिती भरत नसल्याचे निदर्शनास येत आहे.

मुक्त बाबत सर्व जिल्ह्यांना सुचित करण्यात येते की दिवाळीनंतर शाळांच्या कामकाजास प्रत्यक्ष सुरुवात होऊन विद्यार्थ्यांना आहार उपलब्ध करून देण्यात येत आहे. तथापि आपल्या जिल्ह्यातील योजनेस पात्र असणाऱ्या 100% शाळा दैनंदिन उपस्थितीची माहिती नियमितपणे एमडीएम पोर्टलवर अद्यावत करीत असल्याबाबतचा आढावा घेण्यात यावा. सदर बाब तालुका निहाय अधिकाऱ्यांवर जबाबदारी निश्चित करून देण्यात यावी जेणेकरून सनियंत्रण योग्य प्रकारे होईल भविष्यात शाळांनी माहिती भरली नसल्याने त्यांना अनुदान न मिळाल्यास संबंधित शाळा व क्षेत्रीय अधिकारी जबाबदार राहतील याची गांभीर्याने नोंद घ्यावी अशी ताकीद बदल सूचना शिक्षणाधिकारी जिल्हा परिषद सर्व यांना प्राथमिक शिक्षण संचालक यांनी दिली आहे.