केंद्र प्रमुखाची पदे सरळ सेवेने व मर्यादित विभागीय परीक्षा द्वारे भरण्याकरता स्पर्धा परीक्षेचा अभ्यासक्रम निश्चित करणे बाबत शासन निर्णय

pradipjadhao May 07, 2022

केंद्र प्रमुखाची पदे सरळ सेवेने व मर्यादित विभागीय परीक्षा द्वारे भरण्याकरता स्पर्धा परीक्षेचा अभ्यासक्रम निश्चित करणे बाबत. शासन निर्णय.

नुकतेच शिक्षण मंत्री यांनी ग्रामविकास मंत्री यांना पत्र लिहा विस्तार अधिकारी शिक्षण व केंद्रप्रमुख यांचे पद भरती संदर्भात विनंती केली आहे व त्यानुसार ग्राम विकास विभागाने पत्र निर्गमित करून विभागीय आयुक्तांना त्यांच्या विभागातील रिक्त पदांचा अहवाल देखील मागितला आहे व तातडीने शिक्षण विस्तार अधिकारी व केंद्रप्रमुख यांचे पदे भरण्याची कार्यवाही शासन स्तरावर सुरू झाली आहे.

केंद्रप्रमुख विस्तार अधिकारी शिक्षण यांच्या भरती संदर्भात शिक्षण मंत्री व ग्रामविकास विभागाचे पत्र.

विस्तार अधिकारी शिक्षण व केंद्रप्रमुख या पदासाठी दिनांक 19 सप्टेंबर दोन हजार एकोणीस रोजी ही पदे सरळ सेवेने व मर्यादित विभागीय परीक्षेद्वारे भरण्याकरता स्पर्धा परीक्षेचा अभ्यासक्रम शासन निर्णयाद्वारे निश्चित करण्यात आला आहे तो शासन निर्णय आपणासाठी उपलब्ध करून देण्यात येत आहे.

10 जून 2014 अधिसूचना नुसार शिक्षण विस्तार अधिकारी व केंद्रप्रमुख पात्रता

1.शिक्षण विस्तार अधिकारी

पात्रता : 1) 50% गुणासह पदवी व B.Ed.

2) अध्यापनाचा / प्रशासनाचा 3 वर्षाचा अनुभव

3) वयो मर्यादा 36 वर्ष ( प्रवर्गानुसार वयोमर्यादा शिथील असेल )

निवड : 1) सरळसेवेद्वारे 50%

2) जि.प.न.प./मा.शि. /मुख्या/ केंद्रप्रमुख यांच्यातुन विभागीय स्पर्धा परीक्षाद्वारे 25%

3) सेवाजेष्ठतेने पदोन्नती 25%

2.केंद्रप्रमुख पदासाठी

पात्रता : 1) 50% गुणासह पदवी व B.Ed.

2) अध्यापनाचा / प्रशासनाचा 3 वर्षाचा अनुभव

3) वयो मर्यादा 36 वर्ष ( प्रवर्गानुसार वयोमर्यादा शिथील असेल )

निवड : 1) सरळसेवेद्वारे 40%

2) जि.प.न.प./मा.शि. /मुख्या/ केंद्रप्रमुख यांच्यातुन विभागीय स्पर्धा परीक्षाद्वारे 30%

3) सेवाजेष्ठतेने पदोन्नती 30%

4) भाषा , गणित विज्ञान , समाजिक शास्त्र नुसार पदे भरली जातात.

केंद्र प्रमुख सविस्तर अभ्यासक्रमासाठी 9 सप्टेंबर 2019 च्या शासन निर्णयाचे अवलोकन करावे. थोडक्यात पेपर दोनचा अभ्यासक्रम व त्यास घटकनिहाय गुण पुढीलप्रमाणे आहेत.

▪️ पेपर - 2 शालेय शिक्षणातील नियम , अधिनियम , शैक्षणिक नव विचार प्रवाह.

1.भारतीय राज्यघटना शिक्षण विषयक तरतुदी , कायदे , नियम इत्यादी - 10 गुण

• शिक्षण क्षेत्रातील घडामोडी , शैक्षणिक संस्था , कार्य व माहिती इत्यादी - 10 गुण

• माहिती तंत्रज्ञान / संगणक वापर व शैक्षणिक सहसंबंध - 15 गुण

• अभ्यासक्रम व मुल्यमापन , अध्ययन अध्यापन पद्धती , शैक्षणिक विचावंत व विचार इत्यादी - 15 गुण

• माहितीचे विश्लेषण , मुल्यमापन , शैक्षणिक सहसंबंध इत्यादी - 20 गुण

• वियषज्ञान , सामान्यज्ञान , इंग्रजी विषयज्ञान इत्यादी -15 गुण

• संप्रेषण कौशल्य - 5 गुण

एकूण - 100 गुण