जाहीर सुचना
बी.ए/बी.एस्सी-बी.एड (एकात्मिक) या अभ्यासक्रमाची सीईटी २०२५
१. उच्च व तंत्र शिक्षण विभाग, मंत्रालय मुंबई यांचे क्र. सीईटी २०२५/प्र.क्र.३४/९७६५४६/मशि-२ दिनांक २३ मे २०२५ रोजीचे पत्र.
२. संचालक, उच्च शिक्षण, संचालनालय, पुणे यांचे क्र. बीएड-२४३६/प्र.क्र.०४/सीईटीसेल/११७३१२३ दिनांक २५/०५/२०२५.
राष्ट्रीय अध्यापक शिक्षा परिषद, नवी दिल्ली (NCTE) यांची पब्लिक नोटीस दि. ०६.०५.२०२५ अन्वये सन २०२५-२६ ऐवजी सन २०२६-२७ पासून चार वर्षीय बी.ए/बी.एस्सी-बी.एड (एकात्मिक) हा अभ्यासक्रम बंद करुन प्रस्तुत अभ्यासक्रम चार वर्षीय एकात्मिक शिक्षक प्रशिक्षण अभ्यासक्रम (ITEP) या अभ्यासक्रमामध्ये परिवर्तीत करण्याचे विहित केले आहे.
त्याअनुषंगाने संदर्भाकित पत्रान्वये सन २०२५-२६ मधील चार वर्षीय बी.ए/बीएस्सी-बीएड (एकात्मिक) या अभ्यासक्रमासाठी सामाईक प्रवेश परीक्षा (CET) आणि केंद्रीभूत प्रवेश प्रक्रिया (CAP) राबविण्यात यावी असे कळविण्यात आले आहे.
शैक्षणिक वर्ष २०२५-२६ साठी चार वर्षीय बी.ए/बी.एस्सी-बी.एड (एकात्मिक) अभ्यासक्रमाच्या CET व CAP चे नियोजन राज्य सामाईक प्रवेश परीक्षा कक्षामार्फत राबविण्यात येणार आहे. सदर अभ्यासक्रमाची सामाईक प्रवेश परीक्षा रविवार, दिनांक २०/०७/२०२५ रोजी घेण्यात येणार आहे. तसेच सदर अभ्यासक्रमाची केंद्रीभूत प्रवेश प्रक्रिया सीईटी निकाल घोषित झाल्यावर राबविण्यात येणार आहे. त्याबाबत स्वतंत्र वेळापत्रक संकेतस्थळावर प्रसिद्ध करण्यात येईल.
तरी शैक्षणिक वर्ष २०२५-२६ साठी चार वर्षीय बी.ए/बी.एस्सी-बी.एड (एकात्मिक) अभ्यासक्रमाच्या सीईटी करिता ऑनलाईन अर्ज नोंदणी पुढील प्रमाणे सुरु करण्यात येणार आहे.
सीईटी चे नाव
महा- बी.ए/बी.एस्सी-बी.एड-सीईटी २०२५
अर्ज नोंदणी दिनांक
दिनांक ०२/०६/२०२५ ते १५/०६/२०२५
सही/-
आयुक्त तथा सक्षम प्राधिकारी
राज्य सामाईक प्रवेश परीक्षा कक्ष, महाराष्ट्र राज्य, मुंबई.
बीए बीएड व बीएससी बीएड एकात्मिक अभ्यासक्रमासाठी प्रवेशासाठी ऑनलाइन अर्ज करण्यासाठी लिंक
महत्त्वाची माहिती मिळवण्यासाठी आपल्या व्हाट्सअप/टेलिग्राम ग्रुप वर 9765486735 हा नंबर ॲड करावा.
व्हिडिओ स्वरूपात माहिती लाईक शेअर कमेंट करा आमच्या पुढील युट्युब चैनल ला..
https://youtube.com/c/pradipjadhao
नवनवीन शैक्षणिक/शिक्षक व कर्मचारी हिताची माहिती मिळवण्यासाठी खालील व्हाट्सअप ग्रुप वर जॉईन व्हा.
0 Comments