Free Shoes Socks For Students Update - विद्यार्थ्यांना मोफत बुट व पायमोजे वाटप योजना अंमलबजावणी MPSP प्रकल्प संचालकांच्या सूचना

 राज्य शासन योजनेंतर्गत शालेय विद्यार्थ्यांना मोफत बुट व पायमोजे वाटप योजनेच्या अंमलबजावणीबाबत महाराष्ट्र प्राथमिक शिक्षण परिषद, मुंबई  प्रकल्प संचालकांनी दिनांक 29 May 2025 रोजी पुढीलप्रमाणे निर्देश दिले आहे.

सन २०२३-२४ या शैक्षणिक वर्षापासून शासकीय तसेच स्थानिक स्वराज्य संस्थांच्या शाळांमधील इयत्ता १ ली ते ८ वी मध्ये शिक्षण घेत असलेल्या सर्व गणवेश पात्र लाभार्थी विद्यार्थ्यांना शालेय व्यवस्थापन समिती स्तरावरुन एक जोडी बुट व दोन जोडी पायमोजे यांचा लाभ देण्याच्या धोरणात्मक निर्णय शासनाने दि. ०६ जुलै, २०२३ रोजीच्या शासन निर्णयानुसार घेतला आहे. याकरिता प्रति लाभार्थी रक्कम रु.१७०/- तरतूद निश्चित केली आहे.

त्यानुसार संदर्भ क्र. २ च्या शासन निर्णयान्वये राज्य गणवेश योजनेंतर्गत सर्व गणवेशपात्र लाभार्थ्यांना वितरीत करावयाच्या एक जोडी बुट व दोन जोडी पायमोजे याकरिता उपलब्ध करून दिलेला निधी वितरीत करण्यात येत आहे.

तसेच सदर राज्य गणवेश योजनेंतर्गत दारिद्रय रेषेवरील पालकांची मुले यांना वितरीत करण्यात येणारे दोन गणवेश संच व सर्व गणवेश पात्र लाभार्थ्यांना वितरीत करण्यात येणारे बुट व पायमोजे यावर होणाऱ्या खर्चाची नोंद PFMS प्रणालीमध्ये करण्यासाठी पर्याय उपलब्ध करुन देण्यात आलेले आहे, त्याप्रमाणे PFMS प्रणालीमध्ये समग्र शिक्षा योजनेंतर्गत RTE Entitlements अंतर्गत पर्यायामध्ये खर्चाची नोंद करण्यात यावी.

State Uniform Scheme

1) General Boys (2 Set Unifom)

2) All Uniform eligible beneficiaries (1 set shoes & 2 set socks)

सन २०२३-२४ च्या यु-डायस मधील उपलब्ध जिल्हानिहाय लाभार्थी संख्येनुसार सन २०२५-२६ मध्ये समग्र शिक्षा राज्य गणवेशाचे एकूण ४२,९७,७९० लाभार्थ्यांना यांना एक जोड बुट व दोन जोडी पायमोजे वितरणाकरिता विनियोगात येणाऱ्या तरतूदीचा जिल्हानिहाय तक्ता पताका "अ" सोबत जोडण्यात येत आहे. प्रस्तावित उद्देशाकरिताच सदरचा निधी चालू आर्थिक वर्षात (२०२५-२६) विनियोगात आणावा.

रिनजितसिंह देओल, भा.प्र.से.

मा. प्रधान सचिव, 

शालेय शिक्षण विभाग तथा राज्य प्रकल्प संचालक म.प्रा.शि.प., मुंबई

महाराष्ट्र प्राथमिक शिक्षण परिषद मुंबई चे प्रकल्प संचालक यांनी दिनांक 18 जून 2024 रोजी शिक्षणाधिकारी प्राथमिक सर्व यांना बूट व सॉक्स खरेदी अनुदान विक्री करणे बाबत पुढील प्रमाणे निर्देश दिले आहेत.

बुट व सॉक्स यांची शाळा स्तरावर खरेदी करून खर्च करणे अपेक्षीत आहे. परंतु सद्यस्थितीत HDFC Bank चे Module-1 Account चालू न झाल्यामुळे सदरचे सर्व शाळा अद्यापही PFMS प्रणालीवर MAP झालेले नाही. त्यामुळे मागील वर्षाप्रमाणेच तालुकास्तरावर देयके/बिले स्विकारून पुरवठादारास प्रदान करण्यासाठी (BRC) तालुका स्तरावर Expenditure Limit देण्यात यावी. सदर निधी खर्च करण्याकरिता गट शिक्षणाधिकारी यांनी शिक्षणाधिकारी (प्राथमिक) यांच्याशी समन्वय साधून शाळानिहाय उपलब्ध करून देण्यात आलेला निधी तात्काळ खर्च करण्याची कार्यवाही करण्यात यावी.

(प्रदीपकुमार डांगे भा.प्र.से.)

 राज्य प्रकल्प संचालक, म.प्रा.शि.प., मुंबई

मुख्य कार्यकारी अधिकारी जिल्हा परिषद सर्व यांना माहिती करिता सस्नेह अग्रेषित.

वरील परिपत्रकानुसार बूट व सॉक्स साठी मिळणारे अनुदान हे तालुका स्तरावरून खर्च होणार असून ते शाळेच्या खात्यात पोहोचण्यासाठीची प्रक्रिया अजून पर्यंत पूर्ण झालेली नाही.

महत्त्वाची माहिती मिळवण्यासाठी आपल्या व्हाट्सअप/टेलिग्राम ग्रुप वर 9765486735 हा नंबर ॲड करावा.

नियमित अपडेट्स मिळवण्यासाठी गुगल सर्च करा pradipjadhao हा ब्लॉग.

व्हिडिओ स्वरूपात माहिती लाईक शेअर कमेंट करा आमच्या पुढील युट्युब चैनल ला.. 

https://youtube.com/c/pradipjadhao

Join WhatsApp Channel

Follow Telegram Chanel

नवनवीन शैक्षणिक/शिक्षक व कर्मचारी हिताची माहिती मिळवण्यासाठी खालील व्हाट्सअप ग्रुप वर जॉईन व्हा.

Join WhatsgApp Group

जॉईन टेलिग्राम ग्रुप

Thank you🙏