शिक्षक दिनानिमित्त आयोजित विशेष प्रेरणादायी सुसंवाद सत्रास ऑनलाईन उपस्थित राहणे आदेश ०४/०९/२०२६

 शिक्षक दिनानिमित्त विशेष प्रेरणादायी सुसंवाद सत्र

https://www.youtube.com/live/GH4e-8HHNfE?si=o4qSLuGZKcIJbmiq

शिक्षक दिनाच्या निमित्ताने मा. शिक्षण आयुक्त महोदय तसेच राज्यातील निवडक क्रियाशील, तंत्रस्नेही व नाविन्यपूर्ण शैक्षणिक उपक्रम राबविणाऱ्या शिक्षकांशी राज्यातील सर्व शिक्षकांचा प्रेरणादायी सुसंवाद आयोजित करण्यात येत आहे.

सदर संवाद सत्रामध्ये नाविन्यपूर्ण शैक्षणिक उपक्रम, तंत्रज्ञानाचा प्रभावी वापर, अध्ययन-अध्यापनातील नवोपक्रम तसेच विद्यार्थीकेंद्रित उपक्रम याबाबत अनुभव व विचारांची देवाणघेवाण करण्यात येणार आहे.

तरी आपल्या अधिनस्त सर्व माध्यमे व सर्व व्यवस्थापनांच्या शाळांतील शिक्षक, शिक्षकेतर कर्मचारी, पालक तसेच सुजाण नागरिकांनी सदर प्रेरणादायी संवाद सत्रास जास्तीत जास्त संख्येने सहभागी व्हावे, ही विनंती.

सदर संवाद सत्रास सहभागी होण्यासाठी उपरोक्त दिलेल्या लिंकद्वारे जोडावे.

सर्वांचा सक्रिय सहभाग अपेक्षित आहे.

क्र.आशिका-२०२६/आस्था-क-माध्यमिक/

दिनांकः स्वाक्षरीखाली नमूद आहे.

प्रति,

१. विभागीय शिक्षण उपसंचालक, सर्व

२. शिक्षणाधिकारी, (प्राथमिक/माध्यमिक) सर्व

३. शिक्षण निरीक्षक/प्रशासन अधिकारी/शिक्षणाधिकारी (मनपा/नपा), सर्व

विषय : शिक्षक दिनानिमित्त आयोजित विशेष प्रेरणादायी सुसंवाद सत्रास ऑनलाईन उपस्थित राहणेबाबत...

संदर्भ : मा. आयुक्त (शिक्षण) यांच्या सूचना दि. ०३ सप्टेंबर २०२६

उपरोक्त विषयास अनुसरून आपणास सस्नेह कळविण्यात येते की, दरवर्षीप्रमाणे याही वर्षी दि. ०५ सप्टेंबर हा दिवस आपण 'शिक्षक दिन' म्हणून साजरा करत आहोत. या निमित्ताने शालेय शिक्षण विभागाच्या वतीने राज्यातील सर्व शिक्षक व संबंधितांसाठी एका विशेष प्रेरणादायी सुसंवाद सत्राचे आयोजन करण्यात आले आहे.

या कार्यक्रमात मा. सचिन्द्र प्रताप सिंह, आयुक्त (शिक्षण), महाराष्ट्र राज्य आणि राज्यातील काही निवडक क्रियाशील, नाविन्यपूर्ण शैक्षणिक उपक्रम राबविणारे शिक्षक आपले विचार मांडणार आहेत. मा. आयुक्त (शिक्षण) व सर्व संचालक महोदय हे राज्य शैक्षणिक संशोधन व प्रशिक्षण परिषद, महाराष्ट्र, पुणे या कार्यालयात प्रत्यक्ष उपस्थित राहून सदर कार्यक्रमात सहभागी होणार आहेत. तरी, सदर कार्यक्रमास आपल्या अधिनस्त सर्व क्षेत्रीय कार्यालयातील अधिकारी यांनी तसेच अधिनस्त सर्व माध्यम आणि व्यवस्थापनाच्या सर्व शाळांमधील शिक्षक-शिक्षकेतर कर्मचा-यांनी व पालकांनी खालील दिलेल्या यु-ट्युब लिंकवर क्लिक करुन उपस्थित राहण्याबाबत संबंधितांस कळविण्यात यावे.

दिनांक: ०५ सप्टेंबर २०२६

वेळ: सकाळी ११.०० ते १२.३०

लिंक: https://www.youtube.com/live/GH४e-CHHNfE?si=o8qSLuGZKclJbmiq

Digitally signed by Harun Ismail Atar Date: 04-09-2026 19:42:06

 (हारुन आतार)

 शिक्षण सहसंचालक (प्रशासन, अंदाज व नियोजन)

प्रत माहिती व पुढील आवश्यक कार्यवाहीस्तव सादर:-

१. मा. शिक्षण संचालक (माध्यमिक व उच्च माध्यमिक), शिक्षण संचालनालय, महाराष्ट्र राज्य, पुणे

२. मा. शिक्षण संचालक (प्राथमिक), शिक्षण संचालनालय, महाराष्ट्र राज्य, पुणे

सर्वांना शिक्षक दिनाच्या शुभेच्छा! 

 पाच सप्टेंबर हा भारतात शिक्षक दिन म्हणून साजरा केला जातो यावर्षी शिक्षक दिनाच्या पूर्वसंध्येला म्हणजेच 4 सप्टेंबर 2023 रोजी  राज्यातील प्राथमिक माध्यमिक उच्च माध्यमिक व अध्यापक विद्यालयातील शिक्षकांना लागू करण्यात आलेल्या क्रिस्तरीय वेतनश्रेणीच्या अनुषंगाने प्रशिक्षण पूर्ण करण्याच्या अटीतून सवलत देणे बाबत पुढील प्रमाणे निर्देश दिले आहेत.

दि. २० जुलै, २०२१ रोजीच्या शासन निर्णयान्वये राज्यातील खाजगी अनुदानित प्राथमिक/ माध्यमिक/ उच्च माध्यमिक शाळांमधील व अध्यापक विद्यालयातील शिक्षकांना लागू करण्यात आलेल्या त्रिस्तरीय वेतनश्रेणीच्या अनुषंगाने दयावयाच्या प्रशिक्षणामध्ये अंशत: बदल करुन तीन आठवडयाच्या सेवांतर्गत प्रशिक्षणाऐवजी १० दिवसांचे अथवा घडयाळी ५० तासांचे सेवांतर्गत प्रशिक्षण पूर्ण करण्याबाबत निर्णय घेण्यात आला आहे. सदर शासन निर्णयान्वये प्रशिक्षण सुरु होण्याचा कालावधी अंदाजित करुन दिनांक ३१/१०/२०२१ पर्यंत सेवानिवृत्त होणाऱ्या अथवा त्यापूर्वी सेवानिवृत्त झालेल्या वरिष्ठ व निवड श्रेणीस पात्र शिक्षकांना प्रशिक्षण पूर्ण करण्याच्या अटीमधून सवलत देण्यात आली होती. सदर निर्णय संदर्भ क्र. २ येथील शासन निर्णयान्वये शासकीय / स्थानिक स्वराज्य संस्थांमधील शिक्षकांना तसेच मुख्याध्यापकांना देखील लागू करण्यात आला आहे.

तथापि, प्रशिक्षण कार्यक्रमाचे विकसनानंतर प्रत्यक्षात दि. १ जून २०२२ पासून प्रशिक्षण सुरु करण्यात आल्याने तसेच प्रशिक्षण सुरु झाल्यानंतर, प्रशिक्षण पूर्ण करून प्रमाणपत्र मिळण्यासाठी ४५ दिवसांचा अवधी देण्यात आल्याने वरिष्ठ व निवड श्रेणीस पात्र दि. ३१/०५/२०२२ अखेर सेवानिवृत्त तसेच काही प्रकरणी दि. ३१/०७/२०२२ अखेर सेवानिवृत्त शिक्षकांना सेवांतर्गत प्रशिक्षणाची संधी उपलब्ध झालेली नाही. त्यामुळे अशा वरिष्ठ व निवड श्रेणीस पात्र शिक्षकांना सेवांतर्गत प्रशिक्षणातून सवलत देण्याची बाब शासनाच्या विचाराधिन होती.

शासन निर्णय :-

राज्यातील खाजगी अनुदानित प्राथमिक/ माध्यमिक/ उच्च माध्यमिक शाळांमधील व अध्यापक विद्यालयातील शिक्षकांना लागू करण्यात आलेल्या त्रिस्तरीय वेतनश्रेणीच्या अनुषंगाने दयावयाच्या प्रशिक्षणाबाबत निर्गमित शासन निर्णय दि. २०/०७/२०२१ मधील परिच्छेद क्र. ५ मध्ये नमूद प्रशिक्षण पूर्ण करण्याच्या अटीमधून सवलत देण्याबाबतची मुदत शासन स्तरावरून प्रशिक्षणाचे आयोजन न झाल्याने / प्रशिक्षणाची संधी उपलब्ध न झाल्याने वाढविण्यात येत असून, दि. ३१ जुलै २०२२ पर्यंत सेवानिवृत्त झालेल्या वरिष्ठ व निवड श्रेणीस पात्र शिक्षकांना/ मुख्याध्यापकांना प्रशिक्षण पूर्ण करण्याच्या अटीमधून सवलत देण्यात येत आहे.

२. सदर शासन निर्णय महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आला असून त्याचा सांकेतांक २०२३०९०४१८०८३८९५२१ असा आहे. सदर शासन निर्णय डिजीटल स्वाक्षरीने साक्षांकित करुन काढण्यात येत आहे. महाराष्ट्राचे राज्यपाल यांच्या आदेशानुसार व नावाने,

(शितल पाटील)

कक्ष अधिकारी, महाराष्ट्र शासन

वरील संपूर्ण शासन आदेश पीडीएफ स्वरूपात डाउनलोड करण्यासाठी खालील Download वर क्लिक करा.

Download

महत्त्वाची माहिती मिळवण्यासाठी आपल्या व्हाट्सअप/टेलिग्राम ग्रुप वर 9765486735 हा नंबर ॲड करावा.

नियमित अपडेट्स मिळवण्यासाठी गुगल सर्च करा pradipjadhao हा ब्लॉग.

व्हिडिओ स्वरूपात माहिती लाईक शेअर कमेंट करा आमच्या पुढील युट्युब चैनल ला.. 

https://youtube.com/c/pradipjadhao

नवनवीन शैक्षणिक/शिक्षक व कर्मचारी हिताची माहिती मिळवण्यासाठी खालील व्हाट्सअप ग्रुप वर जॉईन व्हा.

Join WhatsgApp Group

जॉईन टेलिग्राम ग्रुप

Thank you🙏