महत्वाची सूचना
1. ज्या जिल्ह्यातील शिक्षकांचे पोर्टल वरील तारखा चुकल्या आहेत ,
2. अथवा विद्यमान क्षेत्र दिनांक चुकली आहे,
3. अथवा कोणाचे नाव निलंबित शिक्षक म्हणून लागले असेल,
4. अथवा अजून कुठलीही माहिती चुकली असेल, किंवा यादीमध्ये नाव नसेल तर त्यांनी आपापली माहिती अद्ययावत करून घ्यावी.
5. यादयांवर आक्षेप घेण्याची कृती लवकरच चालू होईल तेव्हा शिक्षकांनी आपले आक्षेप शिक्षण अधिकारी अथवा मुख्य कार्यकरी अधिकाऱ्यांकडे नोंदवावे ,आणि आपली माहिती दुरुस्त करून घ्यावी .
आक्षेप घेण्याची मुदत चालू होईल तेव्हा गट शिक्षण अधिकारी, शिक्षण अधिकारी व नोडल अधिकारी यांनी पुढील कार्यवाही करावी.
a. काही जिल्ह्यातील शिक्षकांची प्रोफाइल पोर्टल वर अॅक्सेप्ट केलेली नाहीत त्यांची प्रोफाइल गट शिक्षण अधिकाऱ्यांनी अॅक्सेप्ट करून घ्यावीत. b. काही जिल्ह्यांमध्ये शिक्षकांच्या नावामध्ये लास्ट नेम ब्लॅंक आहे त्यांनी ते अद्ययावत करावे त्यावर सेवाज्येष्ठता अवलंबून असते.
c. काही जिल्ह्यातील शिक्षकांची Marital status चुकलेले आहेत , ते अद्ययावत करून घ्यावे.
d. काही जिल्ह्यातील शिक्षकांची विद्यमान क्षेत्र रुजू दिनांक चुकीची टाकण्यात आलेली त्यांची ही तारीख अद्ययावत करून घेणे फार आवश्यक आहे.
e. Inactive teachers,57 वर्ष असलेले टीचर यांना ही संधी मिळणार आहे तर त्यांना active karun घ्यावे
f. नवीन अद्यावत केलेले शिक्षक हे शिक्षक आहेत किंवा शिक्षण सेवक आहे ते ही चेक करून घ्यावे.
सर्वांना नम्र विनंती आहे की आक्षेप टॅब उघडले की आपापल्या जिल्ह्यातील शिक्षकांची माहिती अद्ययावत करून घ्यावी.
शिक्षण विभाग प्राथमिक जिल्हा परिषद बुलढाणा अंतर्गत दिनांक 12 मार्च 2025 ला शिक्षकांच्या जिल्हा अंतर्गत बदलांकरिता तीन याद्या प्रसिद्ध करण्यात आल्या. त्यापैकी पहिली यादी ( Eligible ) बदली पात्र शिक्षकांची , दुसरी यादी (Entitled ) बदली अधिकार पात्र शिक्षकांची आणि तिसरी यादी Random Round करिता पात्र असलेल्या शिक्षकांची यादी. यानंतर बऱ्याच शिक्षकांमध्ये आपले नाव सदर यादी मध्ये आहे / नाही त्यामुळे संभ्रम निर्माण झालाय. त्याकरिता बरेच फोन येत आहेत. त्याकरिता आपणास खालील प्रमाणे सदर याद्यांबाबत काही बाबी समजून घेणे आवश्यक आहेत.
Eligible Teacher list ( बदलीपात्र शिक्षकांची यादी )
ज्या शिक्षकांना सध्याच्या क्षेत्रातील ( सर्वसाधारण / अवघड क्षेत्र ) म्हणजेच आजरोजी कार्यरत असलेली शाळा ज्या क्षेत्रात असेल त्या क्षेत्रातील ) सलग सेवा 10 वर्ष पूर्ण व सध्याच्या शाळेवरची सलग सेवा 5 वर्ष पूर्ण झालेली असलेले शिक्षकांची यादी.
( संदर्भ शासन निर्णय दिनांक 18 जून 2024 मुद्दा क्रमांक 1.10 )
सदर यादीमधील शिक्षक हे बदलीपात्र आहेत म्हणजे त्यांचे जागेवर इतर शिक्षक बदली मागू शकतात )
याठिकाणी हे लक्षात घेणे आवश्यक आहे की , तुम्ही आजरोजी संवर्ग- 1 / संवर्ग - 2 असल्याचा व या यादीमध्ये नाव असण्याचा / नसण्याचा काहीही संबंध नाही.
सदर यादीमध्ये नाव आल्यास सर्वप्रथम आपली Current Area joining date व Current School joining Date ही तपासून बघावी. यामध्ये जर चूक असेल तर आपले पंचायत समितीमध्ये अस्थापना विभागाशी पुराव्यानिशी संपर्क करून विनंती अर्ज द्यावा.
Entitled list (बदली अधिकार पात्र शिक्षकांची यादी)
या यादीमध्ये अशा शिक्षकांची नावे आहेत ज्यांची अवघड क्षेत्रात सलग 3 वर्ष सेवा झालेली आहे.
(संदर्भ शासन निर्णय दिनांक 18 जून 2024 मुद्दा क्रमांक 1.7 )
बुलडाणा जिप अंतर्गत अवघड क्षेत्रातील 54 शाळांचे बाबतीत Current Area joining date यामध्ये अवघड क्षेत्रात रुजू दिनांक नमूद करायची आहे. म्हणजेच ती शाळा अवघड क्षेत्र म्हणून घोषित झाल्याची दिनांक व त्या शाळेवर रूजू झाल्याची दिनांक यापैकी जी नंतरची असेल ती नोंदवायची आहे.
(संदर्भ RDD पत्र दिनांक 28 फेब्रु 25)
जिल्हा परिषद बुलडाणा अंतर्गत 2022 मध्ये 28 जुलै 2022 ला अवघड क्षेत्र घोषित करण्यात आलेले आहेत. यानंतर 2025 करिता हेच अवघड क्षेत्र कायम ठेवण्यात आलेले आहे.
बऱ्याच शिक्षकांच्या यामधल्या current Area joining date चुकीच्या नमुद आहेत.
Difficult Area List ( Random Round करिता पात्र शिक्षकांची यादी.
ज्या शिक्षकांना सर्वसाधारण क्षेत्रात सलग सेवा 10 वर्ष पूर्ण झालेली असेल असे शिक्षकांची यादी.
याठिकाणी शाळेवरची सेवा विचारात घेतली जाणार नाही.
( संदर्भ शासन निर्णय दिनांक 18 जून 2024 मुद्दा क्रमांक 1.10 )
सदर यादीमधील शिक्षक हे अवघड क्षेत्रातील जागा रिक्त राहिल्यास सेवाजेष्ठते प्रमाणे जागा भरणेकरिता Random Round टप्पा क्र 7 साठी पात्र असतील )
या तिनही याद्या या बदली पोर्टलवर शिक्षकांनी प्रोफाइल डाटा भरतांना नोंदविलेल्या दिनांक वरून Software द्वारे तयार करण्यात आलेल्या आहेत. दिनांक चुकल्या मुळे यादीमध्ये नाव असणे / नसणे हे घडू शकते . त्यामुळे अशा दिनांक दुरुस्ती करिता पंचायत समिती अस्थापना विभागाशी संपर्क करावा.
माहितीस्तव
जिल्हा बदली नियंत्रण कक्ष
जिल्हा परिषद बुलडाणा
या नंतर जेव्हा पोर्टल वर नवीन याद्या येतील त्या नंतर कुठला ही बदल करू शकणार नाही याची नोंद असावी.
सर्व जिल्ह्याच्या याद्या पब्लिश झाल्या आहेत.
बदली यादीबाबत अपडेट
Eligible List-
बदली पात्र शिक्षक- सर्वसाधारण क्षेत्रात 10 वर्ष व कार्यरत शाळेवर 5 वर्ष झालेले शिक्षक.🙏🏻
Entitled List -
बदली अधिकारपात्र शिक्षक - मागिल 3 वर्षापासून अवघड क्षेत्रात / शाळेत कार्यरत शिक्षक.
Difficult Area Round List-
अवघड क्षेत्रातील जागा भरण्यासाठी म्हणजेच सातव्या टप्प्यासाठी बदलीसाठी पात्र असलेले शिक्षक.या राउंडसाठी शाळेवर 5 वर्ष सेवेची अट नाही.
जिल्हाअंतर्गत बदली प्रक्रिया देखील पोर्टलवर सुरू करण्यात आली आहे!
जिल्हा अंतर्गत बदलीसाठी बदली पात्र व बदली अधिकार प्राप्त शिक्षकांच्या याद्या पोर्टलवर उपलब्ध होत आहे.
शिक्षक जिल्हा अंतर्गत बदली प्रक्रिये बाबत महत्त्वपूर्ण..!
👉 बदली प्रक्रिया 2024- 25 चे वेळापत्रक
शिक्षकांची जिल्हाअंतर्गत बदली प्रक्रिया 2024- 25 या वर्षातील वेळापत्रक पुढील प्रमाणे असेल..
बदली संवर्ग -१ :-
28 एप्रिल 2025 ते 3 मे 2025
कालावधी एकूण सात दिवस
बदली संवर्ग २ :-
4 मे 2025 ते 9 मे 2019
एकूण कालावधी सहा दिवस
बदली संवर्ग ३:-
10 मे 2025 ते 15 मे 2025
एकूण कालावधी सहा दिवस
बदली संवर्ग 4 :-
16 मे 2025 ते 21 मे 2025
एकूण कालावधी सहा दिवस
विस्थापित शिक्षकांची बदली प्रक्रिया राऊंड :-
22 मे 2025 ते 27 मे 2025
एकूण कालावधी सहा दिवस
अवघड क्षेत्रातील जागा भरणे:-
28 मे 2025 ते 31 मे 2015
एकूण कालावधी चार दिवस
उपरोक्त वेळापत्रकाप्रमाणे जिल्हांतर्गत बदली प्रक्रिया राबविण्यात येणार असल्याची माहिती ग्राम विकास विभाग स्तरावर देण्यात आलेली आहे. अनेक शिक्षकांनी जिल्हांतर्गत बदली प्रक्रियेच्या वेळापत्रक करिता सर्व शिक्षक बांधवांच्या माहितीस्तव जिल्हा अंतर्गत बदली प्रक्रियेचे वेळापत्रक देण्यात येत आहे.
जिल्हा अंतर्गत बदली महत्त्वाचे - विशेष संवर्ग शिक्षक भाग 1 व भाग 2 बदली करिता आवश्यक पुरावे यादी.
जिल्हाअंतर्गत शिक्षक संवर्ग बदली 2022 मध्ये दिनांक 7 एप्रिल 2021 च्या सुधारित धोरण शासन निर्णयानुसार शिक्षकांच्या विशेष संवर्ग भाग एक किंवा भाग दोन मधून बदली हवी असल्यास गटविकास अधिकारी, गटशिक्षणाधिकारी व तालुका आरोग्य अधिकारी यांचे त्रिस्तरीय समितीसमोर आपण संवर्ग एक किंवा संवर्ग दोन मध्ये मोडत असल्या चा सक्षम पुरावा सादर करायचा आहे.
विशेष संवर्ग शिक्षक भाग एक व भाग दोन मधील प्राधान्यक्रमानुसार आवश्यक प्रमाणपत्रांची यादी आपणासाठी उपलब्ध करून दिली जात आहे.
विशेष संवर्ग शिक्षक भाग एक बदली करिता आवश्यक पुरावे.
1) पक्षाघाताने आजारी शिक्षक Paralysis - जिल्हा शल्य चिकित्सकांचे प्रमाणपत्र.
2) दिव्यांग शिक्षक सामाजिक न्याय विशेष सहाय्य विभागाच्या शासन निर्णय दिनांक 14 जानेवारी 2011 मधील नमूद प्रारूपाप्रमाणे सक्षम प्राधिकार्‍याचे प्रमाणपत्र आवश्यक मानसिक विकलांग मुलाचे पालक म्हणजेच आई वडील किंवा ते नसल्यास बहीण भाऊ तसेच ज्या शिक्षकांचे जोडीदार मानसिक विकलांग व दिव्यांग आहेत असे शिक्षक - ऑनलाइन अपंग प्रमाणपत्र तथा मतिमंद व अपंग मुलांचे पालक असल्यास पाल्य अठरा वर्षापेक्षा अधिक असल्यास न्यास अधिनियम 1999 अन्वय सक्षम प्राधिकारी यांचे कडील पालकत्वाचा दाखला.
3) हृदय शस्त्रक्रिया झालेले कर्मचारी - जिल्हा शल्य चिकित्सक यांच्याकडील प्रमाणपत्र.
4) जन्मापासून एकच मूत्रपिंड किडनी असलेले किंवा मूत्रपिंड रोपण केलेले शिक्षक/डायलिसिस सुरू असलेले शिक्षक - जिल्हा शल्य चिकित्सक यांच्याकडील प्रमाणपत्र.
5) यकृत प्रत्यारोपण झालेले शिक्षक - जिल्हा शल्यचिकित्सक यांच्याकडील प्रमाणपत्र.
6) कॅन्सर म्हणजेच कर्करोगाने आजारी शिक्षक - जिल्हा शल्य चिकित्सक यांच्याकडील प्रमाणपत्र.
7) मेंदूचा आजार झालेले शिक्षक - जिल्हा शल्य चिकित्सक यांच्याकडील प्रमाणपत्र.
8) थॅलेसेमिया स्वीकार ग्रस्त मुलांचे पालक जन्मजात गुणसूत्रांच्या दोषांमुळे उद्भवणारे आजार(Methyl Malonic Acidemia (MMA) Classic Type (Mutase Defiency) - जिल्हा शल्य चिकित्सक यांचे कडील प्रमाणपत्र.
9) आजी-माजी सैनिक व अर्ध सैनिक जवानांच्या पत्नी अथवा विधवा - सक्षम प्राधिकारी यांचे प्रमाणपत्र.
10) विधवा शिक्षक - पतीचे मृत्यूचे प्रमाणपत्र.
11) कुमारीका शिक्षिका - स्वयंघोषणापत्र.
12) परित्यक्ता/घटस्फोटीत महिला कर्मचारी - घटस्फोटाबाबत न्यायालयीन निर्णयाची प्रत.
13) वयाची 53 वर्षे पूर्ण झालेली शिक्षक - सेवा पुस्तकाचे पहिल्या पानाची झेरॉक्स.
14) स्वातंत्र्य सैनिकाचा मुलगा मुलगी नातू नात (स्वातंत्र्य सैनिक हयात असेपर्यंत) - सक्षम प्राधिकारी यांचे प्रमाणपत्र
खालील आजाराने ज्या शिक्षकांची जोडीदार व्याधीग्रस्त आहेत असे शिक्षक.
15) हृदय शस्त्रक्रिया झालेले - जिल्हा शल्य चिकित्सक यांच्याकडील प्रमाणपत्र.
16) जन्मापासून एकच मूत्रपिंड किडनी असलेले मूत्रपिंड रोपण केलेले कर्मचारी/डायलिसिस सुरू असलेले - जिल्हा शल्यचिकित्सक यांच्याकडील प्रमाणपत्र जोडीदार असल्याचा पुरावा.
17) यकृत प्रत्यारोपण झालेले - जिल्हा शल्य चिकित्सक यांच्याकडील प्रमाणपत्र व जोडीदार असल्याचा पुरावा.
18) कॅन्सर म्हणजेच कर्करोगाने आजारी असलेले - जिल्हा शल्य चिकित्सक यांच्याकडील प्रमाणपत्र व जोडीदार असल्याचा पुरावा.
19) मेंदूचा आजार झालेले - जिल्हा शल्य चिकित्सक यांच्याकडील प्रमाणपत्र व जोडीदार असल्याचा पुरावा.
20) थॅलेसेमिया विकारगस्त असलेले - जिल्हा शल्य चिकित्सक यांच्याकडील प्रमाणपत्र व जोडीदार असल्याचा पुरावा.
विशेष संवर्ग शिक्षक भाग दोन बदली करिता आवश्यक पुरावे.
विशेष संवर्ग शिक्षक भाग दोन म्हणजेच पती-पत्नी एकत्रीकरण यामध्ये जर सध्या दोघांचे नियुक्तीचे ठिकाण एकमेकांपासून 30 किलोमीटर पेक्षा जास्त अंतरावर असल्यास त्यांना विशेष संवर्ग भाग दोन शिक्षकांचा दर्जा प्राप्त होईल.
1) पती-पत्नी दोघेही जिल्हा परिषद कर्मचारी असतील तर - कार्यरत कार्यालय प्रमुख यांचे प्रमाणपत्र.
2) पती-पत्नी दोघांपैकी एक जिल्हा परिषद शिक्षक व दुसरा राज्य शासकीय कर्मचारी असेल तर - कार्यालय प्रमुख यांचे प्रमाणपत्र.
3) पती-पत्नी दोघांपैकी एक जिल्हा परिषद शिक्षक व दुसरा केंद्र शासकीय कर्मचारी असेल तर - कार्यालय प्रमुख यांचे प्रमाणपत्र.
4) पती-पत्नी दोघांपैकी एक जिल्हा परिषद शिक्षक व दुसरा राज्य शासनाच्या स्वायत्त संस्थेचा कर्मचारी असेल तर उदाहरणार्थ महानगरपालिका नगरपालिका - कार्यालय प्रमुख यांचे प्रमाणपत्र.
5) पती-पत्नी दोघांपैकी एक जिल्हा परिषद शिक्षक व दुसरा राज्य अथवा केंद्र शासनाच्या सार्वजनिक उपक्रमातील कर्मचारी असेल तर - नियुक्ती प्राधिकारी यांचे आदेशाची प्रत/दाखला.
6) पती-पत्नी दोघांपैकी एक जिल्हा परिषद शिक्षक व दुसरा शासन अनुदानित संस्थेतील शिक्षक अथवा कर्मचारी असेल तर - सक्षम प्राधिकारी यांचे वैयक्तिक मान्यता प्रत (अप्रुव्हल APPROVAL)
शासन निर्णय दिनांक 7 एप्रिल 2021 मधील मुद्दा क्रमांक 4.3.5 मध्ये नमूद केले नुसार संवर्ग दोन पती-पत्नी एकत्रीकरणासाठी 30 किलोमीटर रस्त्याच्या अंतराचा दाखला देण्यास कार्यकारी अभियंता सार्वजनिक बांधकाम विभाग कार्यकारी अभियंता जिल्हा परिषद बांधकाम हे सक्षम प्राधिकारी राहतील.
शिक्षणाधिकारी प्राथमिक जिल्हा परिषद अहमदनगर यांचे विशेष संवर्ग शिक्षक भाग एक व भाग दोन यांच्यासाठी आवश्यक पुरावे व कागदपत्रे याविषयी आदेश पीडीएफ स्वरूपात डाउनलोड करण्यासाठी खालील Download वर क्लिक करा.
व्हिडिओ स्वरूपात माहिती लाईक शेअर कमेंट करा आमच्या पुढील युट्युब चैनल ला..
https://youtube.com/c/pradipjadhao
नवनवीन शैक्षणिक माहिती मिळवण्यासाठी खालील व्हाट्सअप ग्रुप वर जॉईन व्हा.
Thank you🙏
2 Comments
यवतमाळ जि. प. दे ची जिल्हा अंतर्गत बदली याद्या पाठवा
ReplyDeleteOk
Delete