आंतरजिल्हा बदल्या झाल्या जिल्हा अंतर्गत बदल्या देखील होणारच - ग्राम विकास मंत्री मा.गिरीश महाजन

pradipjadhao August 22, 2022

आंतरजिल्हा बदल्या झाल्या जिल्हा अंतर्गत बदल्या देखील होणारच - ग्राम विकास मंत्री मा.गिरीश महाजन.

महाराष्ट्रातील जिल्हा परिषद शाळांमधील शिक्षकांच्या आंतरजिल्हा बदली प्रक्रिया पूर्ण झाली आहे लवकरच त्यांना आदेशही प्राप्त होतील.

जिल्हाअंतर्गत बदली प्रक्रिया देखील शिक्षकांना ऑनलाईन प्रणाली द्वारे अर्ज सादर करण्याची कार्यवाही सुरू करण्यात येणार आहे.

महाराष्ट्राच्या विधान भवनात अधिवेशनादरम्यान जिल्हा परिषद शिक्षकांच्या ऑनलाईन बदली संदर्भात वेगवेगळे प्रश्न उपस्थित करण्यात आले या प्रश्नांना उत्तर देताना महाराष्ट्राचे ग्रामविकास मंत्री माननीय श्री गिरीश महाजन यांनी उत्तर दिले.

त्यांच्या उत्तरानुसार जिल्हा परिषद शिक्षकांच्या आंतरजिल्हा जिल्हा अंतर्गत बदलांसाठी दिनांक सात एप्रिल 2021 च्या दोन स्वतंत्र शासन निर्णय सुधारित धोरणवीत करण्यात आले आहे शिक्षकांची जिल्हाअंतर्गत बदली प्रक्रिया दिनांक एक ते 31 मे पर्यंत पूर्ण करण्याबाबत सदर शासन निर्णय मध्ये सुचित केले आहेत.

तथापि काही तांत्रिक अडचणीमुळे सदर ऑनलाईन द्वारे बदली प्रक्रिया विहित कालावधीत पूर्ण करणे शक्य झाली नाही सद्यस्थितीत जिल्हा परिषद शिक्षकांच्या आंतरजिल्हा बदल्यांसाठी शिक्षकांनी अर्ज सादर करण्याची कार्यवाही पूर्ण झाली असून जिल्हा अंतर्गत बदल्यांसाठी शिक्षकांनी ऑनलाईन प्रणाली द्वारे अर्ज सादर करण्याची कार्यवाही सुरू करण्यात येत आहे.

वरील उत्तर माननीय ग्राम विकास मंत्री यांनी दिलेले असल्यामुळे आंतर जिल्हा बदली प्रक्रिया पूर्ण झालेली असल्यामुळे आता जिल्हा अंतर्गत बदली प्रक्रिया सुरू करण्यास कोणतीच अडचण उरली नाही व आजच्या ग्रामविकास मंत्र्यांनी विधान भवनात दिलेल्या उत्तरानुसार जिल्हाअंतर्गत बदली प्रक्रिया देखील सुरू होणारच अशी खात्री वाटते.