आता शासकीय वाचनालये देखील होणार डिजिटल आणि आधुनिक

आता शासकीय वाचनालये देखील होणार डिजिटल आणि आधुनिक - शासन निर्णय.

महाराष्ट्र शासनाच्या उच्च व तंत्र शिक्षण विभागाने काढलेल्या शासन आदेशानुसार आता शासकीय विभागीय ग्रंथालय हे आधुनिक आणि डिजिटल होणार आहे. शासकीय विभागीय ग्रंथालय मध्ये उपलब्ध ग्रंथ साहित्य पुस्तके हे मोबाईल ॲप मधून देखील वाचकांना वाचता येणार आहे. व हे सर्व करण्यासाठी या शासन निर्णयानुसार आर शासनाने निधी देखील उपलब्ध करून दिला आहे.

वाचन प्रेमींसाठी ही बाब अतिशय आनंददायी आहे त्यांना आता त्यांना पुस्तके वाचण्यासाठी प्रत्यक्ष ग्रंथालयात जाण्याची गरज नाही त्यांच्या मोबाईल, लॅपटॉप, बुक रीडर वरून ऑनलाईन कोणतेही पुस्तक केव्हाही कुठेही त्यांना वाचता येणार आहे.

अर्थात ग्रंथालयात जाऊन आपण एक किंवा दोन पुस्तके घेऊन ती सोबत बाळगून वाचत होतो परंतु आता तसे न करता अनेक पुस्तके वाचकांना केव्हाही कुठेही गरज असेल तेव्हा जेव्हा वेळ असेल तेव्हा आपल्या मोबाईलवर ऑनलाइन वाचता येणार आहेत.

राष्ट्रीय स्तरावर या अगोदरच नॅशनल डिजिटल लायब्ररी हे पोर्टल उपलब्ध आहे यावर देखील आपण अनेक पुस्तके वाचू शकतो. परंतु मराठी पुस्तके सदर पोर्टल वर पाहिजे तितक्या प्रमाणात उपलब्ध नाही जर अशाच प्रकारे महाराष्ट्रातील सर्व शासकीय लायब्ररी मधील सर्व पुस्तके डिजिटल स्वरुपात उपलब्ध झाली तर ती पुस्तके देखील चिरकाल टिकतील व वाचकांना सदर पुस्तके केव्हाही कोठेही ही डिजिटल स्वरूपात वाचता येतील.

लायब्ररीतील पुस्तके वाचतांना नियोजन करताना जतन करताना सदर पुस्तके फाटतात खराब होतात किंवा खूप वर्षाची पुस्तके सदर कागद खराब झाल्यामुळे वाचता देखील येत नाहीत परंतु डिजिटल पुस्तकांचे मात्र तसे नाही ते वाचतांना खराब होणार नाहीत फाटणार नाही आणि ते चिरकाल टिकणारे असतील.

महाराष्ट्र शासनाच्या उच्च व तंत्र शिक्षण विभाग ने दिनांक 25 मे 2022 रोजी काढलेल्या शासन आदेशानुसार शासकीय विभागीय ग्रंथालय रत्नागिरी या कार्यालयाचे आधुनिकीकरण व डिजिटलायझेशन करणे या कामास प्रशासकीय मान्यता दिली आहे.

सदर शासन निर्णयानुसार रत्नागिरी येथील विभागीय शासकीय ग्रंथालय यामध्ये ई लायब्ररी ई-बुक्स वेब व मोबाइल आधारित एप्लीकेशन की जे विंडोज अँड्रॉइड आयफोन सर्व उपकरणांमध्ये उपलब्ध होऊ शकतील. यामध्ये पाचशेपेक्षा अधिक ई-बुक्स मराठी हिंदी व इंग्रजी भाषेमध्ये असते तसेच शैक्षणिक व स्पर्धा परीक्षा विषयक ई-बुक्स असतील, ग्रंथालय वाचकांना ग्रंथालयातून व घरून अमर्याद वापराची सोय असेल.

ग्रंथालयात येऊन जर वाचकांना पुस्तके वाचायचे असतील तरीदेखील त्यासाठी ची सोय करण्यात आली आहे यास यामध्ये 10.1 इंची ई-बुक रीडर अँड्रॉइड टॅब अशी 20 टॅब सदर ग्रंथालयांमध्ये वाचकांसाठी उपलब्ध असतील.

मुलांसाठी यामध्ये डिजिटल ग्रंथालय उपलब्ध करून देण्यात आले आहे यामध्ये विज्ञान विषयक व्हिडिओज मराठी हिंदी व इंग्रजी भाषेत असतील विज्ञान व तंत्रज्ञान विषयक ई-बुक्स देखील असतील मराठी e-books असतील बालभारती व एन सी आर टी मोफत ई-बुक्स सदर ग्रंथालयांमध्ये उपलब्ध असत

तसेच शिष्यवृत्तीसाठी ई-बुक्स देखील ग्रंथालयात उपलब्ध असतील लहान मुलांसाठी देखील ई बुक्स उपलब्ध करून देण्यात येणार आहेत.

आणि हे सर्व उपलब्ध करून देण्यासाठी शासनाने रत्नागिरी येथील शासकीय ग्रंथालयाला निधी उपलब्ध करून दिला आहे.

निश्चितच शासनाचे हे पाऊल वाचकांसाठी अतिशय महत्वाचे आहे आहे व ग्रंथालय जे आज कालबाह्य वाटायला लागली होती त्यांचे नवीन स्वरूप नवीन काळानुसार नवीन पिढीला साजेसे असे उपलब्ध करून देण्यात येत आहे ही बाब पुस्तके आणि ग्रंथालय बदलत्या काळानुसार टिकून राहण्यासाठी अतिशय महत्त्वपूर्ण आहे.