पवित्र पोर्टल मार्फत शिक्षक पदभरतीसाठी बिंदुनामावलीच्या माहितीबाबत महाराष्ट्र राज्याच्या शिक्षणायुक्तांनी दिनांक 23 मार्च 2026 रोजी पुढील प्रमाणे आदेश निर्गमित केला आहे.
जा.क्र. मरापप/पवित्र पोर्टल/२०२६/2715935
दिनांक: 17/03/2026
प्रति,
आयुक्त (मनपा सर्व)
मुख्य कार्यकारी अधिकारी (सर्व)
विभागीय शिक्षण उपसंचालक (सर्व)
शिक्षणाधिकारी (प्राथ/माध्य)/ शिक्षण निरिक्षक (सर्व)
अध्यक्ष/सचिव खाजगी शिक्षण संस्था (सर्व)
प्रशासन अधिकारी, मनपा (सर्व)
प्रशासन अधिकारी, नपा/नप (सर्व)
विषय :- पवित्र पोर्टल मार्फत शिक्षक पदभरतीसाठी बिंदुनामावलीच्या माहितीबाबत.
संदर्भ
:- 1. या कार्यालयाचे पत्र जा.क्र. आस्था/प्राथ-106/पवित्र-पोर्टल/बिंदुनामावली/2013/7296 दि. 29.11.2023
२.या कार्यालयाचे पत्र जा.क्र. आस्था/प्राथ-106/पदभरती-दु.ट./2025/242,दि. 16.01.2025
3. या कार्यालयाचे पत्र जा.क्र. आस्था/प्राथ-106/टेट-25/बिंदु-तपा/2025/1502448, दि. 17/10/2025
4. शिक्षण संचालक माध्यमिक व उच्च माध्यमिक यांचे पत्र क्रमांक शिसंमा/2025- 26/समायोजन/टि-8/1704088 दिनांक 4/02/2026.
5. शालेय शिक्षण व क्रीडा विभाग, शासन निर्णय क्रमांकः संकिर्ण-2025/प्र.क्र.953/टीएनटी-1 दिनांक 1 जानेवारी, 2026.
6.VC दि. 6 मार्च 2026 मधील सूचना
राज्यातील शिक्षक पदभरतीसाठी माहे मे जून, 2025 मध्ये शिक्षक अभियोग्यता व बुध्दिमत्ता चाचणी -2025 चे आयोजन करण्यात आले होते. या परीक्षेचा निकाल दिनांक 18/08/2025 रोजी प्रसिध्द झाला आहे. या परीक्षेतील स्थानिक स्वराज्य संस्था तसेच मुलाखतीशिवाय या निवडाचा पर्याय निवडणाऱ्या शैक्षणिक संस्थांची मुलाखतीशिवाय या प्रकारात तर ज्या खाजगी शैक्षणिक संस्था मुलाखतीसह निवड प्रक्रिया असा पर्याय निवडतील त्या व्यवस्थापनांकरिता मुलाखतीसह निवड प्रक्रिया अशा पध्दतीने दोन निवड प्रकारात पदभरतीची गुणवत्तेनुसार कार्यवाही करण्यात येणार आहे.
शिक्षक अभियोग्यता व बुध्दिमत्ता चाचणी-2025 नुसार पदभरती सन 2025-26 च्या संचमान्यतेनुसार मंजूर, कार्यरत व रिक्त पदे विचारात घेऊन करावयाची आहे. त्यासाठी विषय व आरक्षणनिहाय रिक्त पदांची माहिती तयार असणे आवश्यक आहे. आज रोजी सन 2025-26 च्या संचमान्यतेची कार्यवाही 90 टक्क्याहून अधिक झालेली आहे. उर्वरित संचमान्यता त्रुटी पूर्तता करून प्राप्त करून घेण्यात याव्यात.
यापूर्वी संदर्भाधीन 1 व 2 या पत्रांन्वये मागील पदभरतीच्या वेळी बिदूनामावली तपासणी करण्याबाबत सविस्तर सूचना देण्यात आलेल्या आहेत. तसेच मागील पदभरतीच्या टप्पा-2 मध्ये संदर्भाधीन पत्र क्रमांक 3 अन्वये सन 2024-25 च्या संचमान्यतेनुसार रिक्त पदे विचारात घेऊन कार्यवाही करण्याबाबत निर्देश देण्यात आलेले होते. व्यवस्थापनांनी 2025-26 च्या संचमान्यतेतील मंजूर पदानुसार बिंदुनामावली तपासून शिक्षक पदभरतीसाठी तयार ठेवणे आवश्यक आहे.
आदिवासीबहुल संबंधित 8 जिल्ह्यातील (नाशिक, धुळे, नंदुरबार, पालघर, यवतमाळ, रायगड, चंद्रपुर व गडचिरोली) सुधारित आरक्षण व बिंदुनामावली विहित करण्याबाबत शासन निर्णय दि. 29/07/2025 निर्गमित झाला आहे. तसेच मा. सर्वोच्च न्यायालयाने पेसा क्षेत्रातील संदभांतील याचिकांवर दिनांक 6/10/2025 व दिनांक 17/11/2025 रोजी दिलेल्या निर्णयांच्या अनुषंगाने पेसा क्षेत्रातील 17 संवर्गातील पदभरतीबाबत शासन निर्णय दिनांक 11/02/2026 अन्वये मार्गदर्शक सूचना देण्यात आलेल्या आहेत. या सर्व व प्रचलित तरतुदी विचारात घेऊन बिंदुनामावली तपासून घेण्यात यावी. या बाबत संदर्भाधीन (6) व्कौसी मध्ये सविस्तर सूचना देण्यात आलेल्या आहेत.
संदर्भाधीन शासन निर्णय दिनांक 01 जानेवारी, 2026 नुसार राज्यातील स्थानिक स्वराज्य संस्थांच्या प्राथमिक, उच्च प्राथमिक व उच्च माध्यमिक शाळांतील त्या शाळांच्या संचमान्यतेनुसार शैक्षणिक वर्ष 2025-26 अखेर म्हणजे में 2026 अखेर संभाव्य रिक्त होणारी पदे विचारात घेऊन शासन निर्णय दिनांक 21/06/2023 मध्ये नमूद मर्यादेत शिक्षक अभियोग्यता व बुध्दिमत्ता चाचणी 2025 मधील गुर्णांकनाच्या आधारे शिक्षक संवर्गातील पदभरतीकरिता शासनाने मान्यता प्रदान केली आहे.
बिंदुनामावलीबाबत तक्रारी प्राप्त असल्यास तक्रारींची शहानिशा करूनच पदभरतीसाठी पवित्र पोर्टलवर जाहिरात देण्याची कार्यवाही करण्यात यावी. तत्पूर्वी संचमान्यतेसंबंचित कार्यवाही 100% पूर्ण करणे व बिंदुनामावली मागासवर्ग कक्षाकडुन तपासून घेणे याबाबत योग्य ती कार्यवाही तात्काळ करावी, तसेच संचमान्यतेची कार्यवाही पूर्ण झाल्यानंतर संदर्भाधीन पत्र क्रमांक 4 अन्वये कळवाल्यानुसार सन 2025-26 च्या संचमान्यतेनुसार अतिरिक्त शिक्षक समायोजनाची कार्यवाही करावी.
कोणत्याही प्रवर्गतील उमेदवारांवर अन्याय होऊ नये, यासाठी सामान्य प्रशासन विभागाच्या बिंदुनामावलीबाबत प्रचलित तरतुदी विचारात घेऊन बिंदुनामावलीची कार्यवाही पूर्ण करण्यात यावी. अशी कार्यवाही करत असताना कार्यरत कर्मचाऱ्यांचा नियुक्तीचा प्रवर्ग योग्य असल्याची खात्री जबाबदार अधिकाऱ्यांनी करावी. कामाचा अनुभव असलेले कर्मचारी अन्य विभागात कार्यरत असतील तर अशा कर्मचाऱ्यांच्या सेवा तात्पुरत्या कालावधीसाठी या कामी घेण्यात याव्यात. तसेच अनुभवी सेवानिवृत्त कर्मचारी यांची देखील आवश्यक तेथे मदत घ्यावी.
शासन निर्णय दिनांक 05/11/2009 मधील तरतुदीनुसार खाजगी शाळांच्या बाबतीत शिक्षणाधिकारी (प्राथमिक) (माध्यमिक) यांची प्रथम तपासणी अधिकारी म्हणून वेळीच संस्थांच्या बिंदुनामावलीची तपासणी करून देण्यात यावी.
विभागीय शिक्षण उपसंचालक शिक्षणाधिकारी (प्राथमिक) (माध्यमिक) यांच्या कार्यालय स्तरावर बिंदुनामावली तपासणी व पवित्र पोर्टलवरील कार्यवाहीसाठी यापूर्वी दिलेल्या सूचनांनुसार स्थापन केलेल्या विशेष कक्षाकडून कार्यवाही करण्यात यावी, सदर कक्षामध्ये अनुभवी कर्मचारी, तसेच राजपत्रित अधिकारी यांचा समावेश करण्यात यावा.
पवित्र पोर्टलवर रिक्त पदांच्या जाहिराती देण्याची सुविधा दिल्यानंतर बिदुनामावली न तपासण्याची कारणे नमूद करणे सयुंक्तीक होणार नाही. यासाठी पदे रिक्त असलेल्या सर्व व्यवस्थापनांनी गटनिहाय विषयनिहाय रिक्तपदांची माहिती तसेच बिंदूनामावली तपासल्यानंतर कोणत्या प्रवर्गाची किती रिक्त पदे आहेत इत्यादी बाबतच्या माहितीची पूर्वतयारी करून घ्यावी, यामुळे जाहिरातींसाठी जास्त कालावधी द्यावा लागणार नाही.
आपल्या अधिनस्त शाळांतील शिक्षकांच्या रिक्त पदांची पदभरती वेळेत पूर्ण होण्यासाठी वरील प्रमाणे कार्यवाही पूर्ण करण्याची दक्षता घ्यावी.
Digitally signed by
SACHINDRA PRATAP SINGH Date: 23-03-2026 14:35:09
सचिन्द्र प्रताप सिंह,
आयुक्त (शिक्षण)
महाराष्ट्र राज्य, पुणे-१
प्रत माहितीस्तव सविनय सादरः
१. मा. प्रयान सचिव, शालेय शिक्षण व क्रीडा विभाग, मंत्रालय, मुंबई
२. मा. प्रधान सचिव, ग्राम विकास व पंचायती राज मंत्रालय, मुंबई
प्रत माहितीस्तव व योग्य त्या कार्यवाहीसाठी :
१. शिक्षण संचालक, प्राथमिक शिक्षण संचालनालय, महाराष्ट्र राज्य पुणे ०१
२. शिक्षण संचालक, माध्यमिक व उच्च माध्यमिक, शिक्षण संचालनालय, महाराष्ट्र राज्य पुणे २०१
पवित्र पोर्टल मार्फत शिक्षक पदभरतीसाठी बिंदुनामावलीच्या माहितीबाबत शिक्षण आयुक्तांनी दिनांक 17 ऑक्टोबर 2025 रोजी पुढील प्रमाणे निर्देश दिले आहेत.
राज्यातील शिक्षक पदभरतीसाठी माहे मे-जून, २०२५ मध्ये शिक्षक अभियोग्यता व बुध्दिमत्ता चाचणी-२०२५ चे आयोजन करण्यात आले होते. या परीक्षेचा निकाल दिनांक १८/०८/२०२५ रोजी प्रसिद्ध झाला आहे. या परीक्षेतील स्थानिक स्वराज्य संस्था तसेच मुलाखतीशिवाय या निवडीचा पर्याय निवडणाऱ्या शैक्षणिक संस्थांची मुलाखतीशिवाय या प्रकारात तर ज्या शैक्षणिक संस्था मुलाखतीसह निवड प्रक्रिया असा पर्याय निवडतील त्या व्यवस्थाचापनांकरीता मुलखतीसह निवड प्रक्रिया अशा पद्धतीने दोन निवड प्रकारात पदभरतीची गुणवत्तेनुसार कार्यवाही करण्यात येणार आहे.
शिक्षक अभियोग्यता व बुध्दिमत्ता चाचणी २०२५ नुसार पदभरती सन २०२४-२५ च्या संच मान्यतेनुसार मंजूर, कार्यरत व रिक्त पदे विचारात घेऊन करावयाची आहे. त्यासाठी विषय व आरक्षणनिहाय रिक्त पदांची माहिती तयार असणे आवश्यक आहे.
यापूर्वी संदर्भाधीन पत्रान्वये मागील पदभरतीच्या वेळी विदुनामावली तपासणी करण्याबाबत सविस्तर सूचना देण्यात आलेल्या आहेत. तसेच मागील पदभरतीच्या टप्पा-२ मध्ये सन २०२४-२५ च्या संच मान्यतेनुसार रिक्त पदे विचारात घेऊन कार्यवाही करण्याबाबत निर्देश देण्यात आलेले होते. त्यामुळे मागील सूचनांप्रमाणे शासन निर्णय दिनांक २७/०२/२०२४ नंतर बिंदुनामावली तपासलेली असेल तर पुन्हा बिंदुनामावली तपासण्याची आवश्यकता नाही. तथापि, ज्या व्यवस्थापनांनी शासन निर्णय दिनांक २७/०२/२०२४ नंतर बिंदुनामावली तपासलेली नसेल तर ती तपासून शिक्षक पदभरतीसाठी तयार राहणे आवश्यक आहे.
तसेच आदिवासीबहुल संबंधित ८ जिल्ह्यातील (नाशिक, धुळे, नंदुरबार, पालघर, यवतमाळ, रायगड, चंद्रपूर व गडचिरोली) सुधारित आरक्षण व बिंदुनामावली विहित करण्याबाबत शासन निर्णय दि.२९/०७/२०२५ निर्गमित झाला आहे. या सर्व व प्रचलित तरतुदी विचारात घेऊन बिंदुनामावली तपसून घेण्यात यावी.
बिदुनामावलीबाबत तक्रारी प्राप्त असल्यास तक्रारीची शहानिशा करूनच पदभरतीची कार्यवाही करण्यात यावी.
कोणत्याही प्रवर्गातील उमेदवारांवर अन्याय होऊ नये, यासाठी सामान्य प्रशासन विभागाचे बिंदुनामावलीबाबत प्रचलित तरतुदी विचारात घेऊन बिंदुनामावलीची कार्यवाही पूर्ण करण्यात यावी.
अशी कार्यवाही करत असताना कार्यरत कर्मचाऱ्यांचा नियुक्तीचा प्रवर्ग योग्य असल्याची खात्री जबाबदार अधिकाऱ्यांनी करावी. कामाचा अनुभव असलेले कर्मचारी अन्य विभागात कार्यरत असतील तर अशा कर्मचाऱ्यांच्या सेवा तात्पुरत्या कालावधीसाठी या कामी घेण्यात याव्यात. तसेच अनुभवी सेवानिवृत्त कर्मचारी यांचीदेखील आवश्यक तेथे सहायता घ्यावी. शासन निर्णय दिनांक ०५/११/२००९ मधील तरतुदीनुसार खाजगी शाळांच्या बाबतीत शिक्षणाधिकारी (प्राथमिक) / (माध्यमिक) यांची प्रथम तपासणी अधिकारी म्हणून वेळीच संस्थांच्या बिंदुनामावलीची तपासणी करून देण्यात यावी.
विभागीय शिक्षण उपसंचालक/शिक्षणाधिकारी (प्राथमिक) / (माध्यमिक) यांच्या कार्यालयस्तरावर बिंदुनामावली तपासणी व पवित्र पोर्टलवरील कार्यवाहीसाठी यापूर्वी दिलेल्या सूचनांनुसार स्थापन केलेल्या विशेष कक्षाकडून कार्यवाही करण्यात यावा. सदर कक्षामध्ये अनुभवी कर्मचारी, तसेच अन्य राजपत्रित अधिकारी यांचा समावेश करण्यात यावा.
पवित्र पोर्टलवर रिक्त पदांच्या जाहिराती देण्याची सुविधा दिल्यानंतर बिंदुनामावली न तपासण्याची करणे सयुक्तिक होणार नाही. यासाठी पदे रिक्त असलेल्या सर्व व्यवस्थापनांनी गट, विषयनिहाय रिक्त पदांची माहिती तसेच बिंदुनामावली तपासल्यानंतर कोणत्या प्रवर्गाची किती रिक्त पदे आहेत इत्यादीबाबतच्या माहितीची पूर्वतयारी करून घ्यावी, यामुळे जाहिरातीसाठी जास्त कालावधी द्यावा लागणार नाही.
आपल्या अधिनस्त शाळांतील शिक्षकांच्या रिक्त पदांची पदभरती वेळेत पूर्ण होण्यासाठी वरीलप्रमाणे कार्यवाही पूर्ण करण्याची कृपया दक्षता घ्यावी.
1/1502448/2025
Digitally signed by
SACHINDRA PRATAP SINGH Date: 17-10-2025 18:17:26 (सचिन्द्र प्रताप सिंह,
आयुक्त (शिक्षण) म.रा.पुणे-१
प्रत माहितीस्तव सविनय सादर
१. मा. प्रधान सचिव, शालेय शिक्षण व क्रीडा विभाग, मंत्रालय, मुंबई यांचे स्वीय सहायक
२. मा. प्रधान सचिव, ग्राम विकास व पंचायती राज, मंत्रालय, मुंबई यांचे स्वीय सहायक
प्रत पुढील आवश्यक कार्यवाहीस्तव :
१. सहायक आयुक्त (मा.व.क.), मा.विभागीय आयुक्त कार्यालय, सर्व विभाग
२. विभागीय शिक्षण उपसंचालक, सर्व यांना आवश्यक त्या कार्यवाहीस्तव
३. शिक्षणाधिकारी (प्राथमिक/माध्यमिक), जिल्हा परिषदा (सर्व)
४. शिक्षण निरिक्षक (पश्चिम/उत्तर/दक्षिण), बृहन्मुंबई
५. प्रशासन अधिकारी, म.न.पा./न.पा. (संबंधित)
संपूर्ण आदेश पीडीएफ स्वरूपात डाउनलोड करण्यासाठी खालील Download वर क्लिक करा.
शिक्षक पदभरती-२०२२ शिक्षक पदभरतीसाठी बिंदुनामावली अद्ययावत करण्याबाबत आयुक्तांच्या दि. १९ November २०२३ रोजीच्या सूचना पुढीलप्रमाणे.
राज्यातील शिक्षकांची रिक्त पदे भरण्यासाठी शासनाने शिक्षक अभियोग्यता व बुध्दिमत्ता चाचणी-२०२२ चे आयोजन दिनांक २२/०२/२०२३ ते दिनांक ०३/०३/२०२३ या कालावधीमध्ये करण्यात आलेले होते, सदर परिक्षेस प्रविष्ठ झालेल्या उमेदवारांकडून पवित्र पोर्टलवर पदभरतीसाठी आवश्यक असणारे स्वप्रमाणपत्र पूर्ण करुन घेण्यात आलेले आहेत.
तदनंतर आता राज्यातील सर्वच स्थानिक स्वराज्य संस्था तसेच खाजगी शैक्षणिक संस्था यांच्यामार्फत चालविल्या जाणा-या शाळांतील रिक्त पदे भरण्यासाठी
https://tait2022.mahateacherrecruitment.org.in
या संकेतस्थळावर आरक्षण व विषय नोंद करुन जाहिरात देण्याची सुविधा दिनांक १६/१०/२०२३ पासून देण्यात आलेली आहे. त्यानुसार नियुक्ती प्राधिकारी म्हणून संबंधित शिक्षण संस्था आरक्षण विषयक बिंदुनामावली तपासणी करुन आवश्यक माहितीची नोंद पोर्टलवर करित आहेत. तथापि, शिक्षक पदभरतीसाठी आवश्यक असणारी शिक्षण संस्थाच्या बिंदूनामावली तपासणीची कार्यवाही अध्यापही पूर्ण झालेली नाही. यास्तव संदर्भाधिन शासन निर्णयातील तरतुदी विचारात घेवून पदभरतीसाठी बिदूनामावली तपासणी करणे अनिवार्य आहे.
मुलाखतीशिवाय पदभरतीसाठी स्थानिक स्वराज्य संस्थांबाबत नियोजन करुन बिंदुनामावली तपासण्याची कार्यवाही पूर्ण झाली आहे. सदर प्रक्रियेसाठी लागलेला कालावधी व आलेल्या अडचणी लक्षात घेता शिक्षणाधिकारी (प्राथमिक/माध्यमिक) यांनी खालील सूचनाप्रमाणे कार्यवाही करावी.
१. बिंदुनामावली तपासताना आलेल्या अडचणी लक्षात शासनस्तरावरुन आढावा बैठक घेवून वेळोवेळी दिलेल्या सूचनांचे पालन करुन खाजगी शिक्षण संस्थांची बिंदुनामावली तपासण्याची कार्यवाही करण्यात यावी.
२. खाजगी शिक्षण संस्थांची बिंदुनामावली तपासणी करण्यासाठी जिल्हयात नोंद असलेल्या शैक्षणिक संस्थांची सरल पोर्टलवरील यादी उपलब्ध करुन घ्यावी.
३. उक्त यादीतील खाजगी शिक्षण संस्थांच्या सद्यस्थितीत तपासलेल्या बिंदूनामावलीचा आढावा घेण्यात यावा.
४. ज्या शिक्षण संस्थांची बिंदूनामावली तपासलेली आहे परंतु ती संदर्भाधिन शासन निर्णयानुसार तपासली नसल्यास अशा सर्व खाजगी शिक्षण संस्थांची बिंदूनामावलीस अंतीम मान्यता मिळण्यासाठी प्राथमिक शाळांच्या बिंदूनामावलीची प्राथमिक तपासणी संबंधित शिक्षणाधिकारी (प्राथमिक) यांनी तर माध्यमिक व उच्च माध्यमिक शाळांच्या बिंदुनामावलीची प्राथमिक तपासणी संबंधित जिल्हयाचे शिक्षणाधिकारी (माध्यमिक) यांनी करणे आवश्यक आहे.
५. शिक्षणाधिकारी प्राथमिक/माध्यमिक व शिक्षण निरिक्षक, बृहन्मुंबई यांनी बिंदूनामावली विहित मुदतीत पूर्ण होण्यासाठी व नियमित पाठपुरावा करण्यासाठी किमान वर्ग-२ दर्जाचा अधिकारी यांची समन्वय अधिकारी म्हणून नियुक्ती करण्यात यावी व त्याचा तपशिल संचालनालयास तसेच शिक्षण आयुक्तलायास सादर करावा.
६. सदर समन्वय अधिकारी यांनी सहायक आयुक्त (माबक कक्ष), विभागीय आयुक्त कार्यालय यांचेशी संपर्क साधून बिंदूनामावलीमध्ये त्रुटी असल्यास संबंधित शिक्षण संस्थेसोबत पाठपुरावा करुन जिल्हयातील सर्व खाजगी शिक्षण संस्थांची बिंदुनामावली तपासण्याची कार्यवाही पूर्ण करावी.
७. शिक्षक पदभरतीची कार्यवाही वेळेत पूर्ण होण्यासाठी सहायक आयुक्त (मावक), विभागीय आयुक्त कार्यालय यांना मनुष्यबळाची आवश्यकता असल्यास जिल्हास्तरावरुन आवश्यक ते मनुष्यबळ उपलब्ध करुन देण्याची कार्यवाही करावी. सहायक आयुक्त, (मावक) यांनी बिंदूनामावली तपासून देण्याचे योग्य ते नियोजन करुन विहित मर्यादेत बिंदुनामावली अंतिम करुन देण्याची कार्यवाही करावी.
८. शिक्षणाधिकारी प्राथमिक/ माध्यमिक व शिक्षण निरिक्षक, बृहन्मुंबई यांनी आपल्या विभागाचे शिक्षण उपसंचालक यांना दररोज केलेल्या कार्यवाहीचा आढावा दयावा व विभागीय शिक्षण उपसंचालक यांनी संबंधित शिक्षण संचालनालयास आढावा देण्यात यावा, पवित्र पोर्टलद्वारे शिक्षक पदभरतीसाठी आपल्या अधिनस्त सर्व खाजगी शेक्षणिक संस्थांना बिंदुनामावली प्रमाणित करण्याच्या आवश्यक त्या सूचना देण्यात याव्यात तसेच वेळेत बिंदूनामावली तपासणी पूर्ण होण्याच्या दृष्टीने तात्काळ कार्यवाही करावी.
आयुक्त (शिक्षण)
महाराष्ट्र राज्य, पुणे-३१
महत्त्वाची माहिती मिळवण्यासाठी आपल्या व्हाट्सअप/टेलिग्राम ग्रुप वर 9765486735 हा नंबर ॲड करावा.
व्हिडिओ स्वरूपात माहिती लाईक शेअर कमेंट करा आमच्या पुढील युट्युब चैनल ला..
https://youtube.com/c/pradipjadhao
नवनवीन शैक्षणिक/शिक्षक व कर्मचारी हिताची माहिती मिळवण्यासाठी खालील व्हाट्सअप ग्रुप वर जॉईन व्हा.
0 Comments