RTE Admission 2024-25 Update - या तारखेपर्यंत भरावे लागणार आर टी इ 25% मोफत प्रवेशासाठी अर्ज! अर्ज करण्यासाठी अधिकृत लींक.

pradipjadhao May 23, 2024

प्राथमिक शिक्षण संचालक यांनी दिनांक 22 मे 2024 रोजी निर्गमित केलेल्या परिपत्रकानुसार आर टी इ प्रवेश प्रक्रिया 2024 25 बाबत अर्ज करण्याच्या मुदतीसाठी पुढील प्रमाणे सूचना दिल्या आहेत.

सन २०२४-२५ या वर्षासाठी बालकांचा मोफत व सक्तीच्या शिक्षणाचा अधिकार अधिनियम २००९ मधील कलम १२ (सी) (१) नुसार दुर्बल व वंचित घटकांतील बालकांना आरटीई २५ टक्के प्रवेश प्रक्रीया ऑनलाईन पदधतीने दिनांक १७.०५.२०२४ पासून सुरु करण्यात आलेली आहे.

आरटीई २५ टक्के प्रवेश प्रक्रीयेच्या कामकाजासाटी गठित केलेल्या पडताळणी समितीने प्रवेश पात्र बालकाचे प्रवेशाकरिता आवश्यक त्या सर्व कागदपत्रांची पडताळणी करण्यात येणार असलयाने पडताळणी समितीस पुरेसा वेळ देणे आवश्यक असल्याने ऑनलाईन प्रवेश अर्ज भरण्याची अंतिम दिनांक ३१.०५.२०२४ असून पालकांनी मुदतीत अर्ज भरणे आवश्यक आहे. शैक्षणिक वर्ष २०२४-२५ प्रवेश प्रक्रीया जूनमध्ये सुरु होत असल्याने आरटीई २५ टक्के प्रवेश प्रक्रीयेस दिनांक ३१.०५.२०२४ नंतर मुदतवाढ देण्यात येणार नाही.

तरी पालकांना याव्दारे आवाहन करण्यात येते की, ऑनलाईन प्रवेश अर्ज मुदतीपूर्वी भरण्याची कृपया काळजी घ्यावी, तसेच स्थानिक स्तरावर व्यापक प्रमाणात याबाबत प्रसिध्दी देण्यात यावी.

नोंदणी व प्रवेश अर्ज करण्यासाठी लिंक पुढीलप्रमाणे.

https://student.maharashtra.gov.in/adm_portal/users/login

https://student.maharashtra.gov.in/adm_portal/Users/rte_index_new

(शरद गोसावी)

शिक्षण संचालक (प्राथमिक)

शिक्षण संचालनालय, पुणे-१

प्रत माहिती व उचित कार्यवाहीस्तवः तांत्रिक संचालक, एन.आय.सी.पुणे

प्रत माहितीस्तव सविनय सादर :-

१. मा. प्रधान सचिव, शालेय शिक्षण व क्रिडा विभाग, मंत्रालय, मुंबई.