शासकीय व निमशासकीय कर्मचारी व त्यांचे कुटुंबिय यांचे १००% आयुष्मान कार्ड निर्माण करणे आदेश!

शासकीय व निमशासकीय कर्मचारी व त्यांचे कुटुंबिय यांचे १००% आयुष्मान कार्ड निर्माण करणे बाबत महाराष्ट्र शासनाच्या राज्य आरोग्य हमी सोसायटीचे मुख्य कार्यकारी अधिकारी यांनी जिल्हाधिकारी सर्व महानगरपालिका आयुक्त सर्व व मुख्य कार्यकारी अधिकारी जिल्हा परिषद सर्व यांना दिनांक 10 नोव्हेंबर 2025 रोजी पुढील प्रमाणे निर्देश दिले आहेत.

संदर्भ-

१. मा. सचिव २ सार्वजनिक आरोग्य विभाग यांचे पत्र क्र. PHD/३७/२०२५-MJPJAY/AB-PMJAY दि. १३.०८.२०२५

२. जिल्हा शल्य चिकित्सक, सिंधुदूर्ग यांचे पत्र क्र जिशचिसिं/ MJPJAY/आ. का/१५०९४-९७/२०२५-२६ दि. ३०.१०.२०२५

उपरोक्त विषयास अनुसरून आपणास कळविण्यात येते की, एकत्रित आयुष्मान भारत प्रधान मंत्री जन आरोग्य योजना व महात्मा ज्योतिराव फुले जन आरोग्य योजनेंतर्गत राज्यातील शासकीय कार्यालयांमध्ये कार्यरत असलेल्या शासकीय आणि निमशासकीय अधिकारी/कर्मचा-यांच्या कार्ड निर्माणाकरीता सुचना देण्यात आल्या अहेत. त्यानुसार सर्व शासकीय आणि निमशासकीय अधिकारी व कर्मचारी तसेच त्यांचे कुटुंबीय हे सुद्धा राज्याच्या महात्मा ज्योतिराव फुले जन आरोग्य योजनेअंतर्गत रुपये 5 लक्ष प्रती कुटुंब प्रतिवर्ष आरोग्य विषयक लाभ मिळण्यास पात्र आहेत. यासाठी सर्व शासकीय आणि निमशासकीय अधिकारी व कर्मचारी यांनी स्वतःचे आणि त्यांच्या कुटुंबीयांचे तसेच आप्तस्वकीयांचे आयुष्मान कार्ड Beneficiary Login मधून निश्चित कालावधीत निर्माण करावे यासाठी प्रत्येक शासकीय कार्यालयाने आदेश निर्गमित करावेत आणि त्याबाबतची माहिती स्वतंत्रपणे संकलित करून सादर करण्याबाबत कळविण्यात आले होते.

२. वरिल सूचनानुसार दि. १६ ऑगस्ट २०२५ ते ७ सप्टेंबर २०२५ या कालावधीतील विशेष मोहिमेदरम्यान शासकीय व निमशासकीय कर्मचारी आणि त्यांचे कुटुंबीय यांच्या कार्ड निर्माणाबाबतचा अहवाल या कार्यालयास प्राप्त झालेले नाहीत.

३. आता संदर्भ २ च्या पत्राने जिल्हाधिकारी सिंधुदूर्ग यांनी विशेष शिबीरांचे आयोजन करून जिल्हाधिकारी कार्यालय, जिल्हा परिषद, जिल्हा पोलिस अधिक्षक कार्यालय, जिल्हा विधी सेवा प्राधिकरण, जिल्हा समाजकल्याण कार्यालय इ. ठिकाणी शिबीरांचे आयोजन करून शासकीय आणि निमशासकीय अधिकारी/कर्मचारी यांचे आयुष्मान कार्ड तयार करण्याचे नियोजन केले आहे.

४. सिंधुदूर्ग जिल्ह्याच्या धर्तीवर इतर सर्व जिल्ह्यांत सर्व कार्यालयातील शासकीय आणि निमशासकीय अधिकारी/कर्मचारी (कंत्राटी कर्मचा-यांसह) यांचे व त्यांच्या कुटुंबीयांचे १०० टक्के आयुष्मान कार्ड निर्माण करण्याकरीता कालबद्ध कार्यक्रम निश्चित करावा तसेच याबाबत सर्व कार्यालय प्रमुख यांना लेखी सुचना निर्गमित कराव्यात. अशा कर्मचा-यांसाठी Beneficiary लॉगीनद्वारे कार्ड निर्माणाकरीता मार्गदर्शन करण्यासाठी प्रत्येक कार्यालयात आशा सेविका व आरोग्यमित्र यांच्या मदतीने शिबीरे आयोजीत करावीत व कार्ड निर्माणाचा अहवाल सोबात जोडलेल्या प्रपत १ मध्ये या कार्यालयास सादर करावा अशी विनंती आहे.

सोबत प्रपत्र १

(आण्णासाहेब चव्हाण, भा.प्र.से.) 

मुख्य कार्यकारी अधिकारी 

राज्य आरोग्य हमी सोसायटी, महाराष्ट्र शासन

वरील संपूर्ण आदेश वरील संपूर्ण आदेश पीडीएफ स्वरूपात डाउनलोड करण्यासाठी खालील Download वर क्लिक करा.

Download

‘आयुष्मान भारत डिजिटल मिशन’चा (आभा) एक भाग म्हणून केंद्र सरकारने डिजिटल हेल्थ कार्ड (आभा आरोग्य खाते) हा उपक्रम सुरू केला आहे. सर्व नागरिकांनी आभा कार्डसाठी नोंदणी करावी, असे आवाहन राज्याच्या आरोग्य विभागाने केले आहे. रुग्णांची सर्व माहिती एकाच ठिकाणी आणि डिजिटल स्वरूपात मिळावी म्हणून आभा कार्ड सुरू करण्यात आले आहे. कार्डवर रुग्णांचा वैद्यकीय इतिहास, चाचण्या केलेले उपचार आदी माहिती साठविली जाणार आहे.

आपले आधार कार्ड आपण आपल्या मोबाईलवरून सहजपणे काढू शकतो. यासाठी आपल्याकडे असणे आवश्यक आहे आपले आधार कार्ड व त्याशी संलग्न असलेला मोबाईल नंबर.

आभा कार्ड काढण्यासाठी आपल्या मोबाईल मधील गुगल ओपन करून त्यामध्ये पुढील प्रमाणे  आभा कार्ड असे इंग्रजीतून सर्च करा व सर्च केल्यानंतर सर्च लिस्ट मधून पहिल्याच लिंक वर क्लिक करा! 

पहिल्या लिंक वर क्लिक केल्यानंतर आपल्याला पुढील प्रमाणे विंडो ओपन होईल. त्यामध्ये क्रिएट युवर आभा नंबर युजिंग आधार कार्ड किंवा ड्रायव्हिंग लायसन असे दोन पर्याय मिळतील आपल्याकडे आधार कार्ड उपलब्ध असते त्यामुळे युसिंग आधार कार्ड वर टिक करावे नसेल तर युजिंग ड्रायव्हिंग लायसन वर क्लिक करावे.

व शेवटी दिलेल्या काळ्या रंगाच्या नेक्स्ट बटन वर क्लिक करावे.

त्यानंतर आपल्याला पुढील प्रमाणे विंडो ओपन होईल  त्या विंडोमध्ये आपला आधार नंबर किंवा ड्रायव्हिंग लायसन्स चा नंबर अचूक नोंदवावा त्याखाली असलेल्या सूचनानंतर आय ॲग्री वर टिक करावे कॅपच्या कोड मध्ये असलेल्या अंकांची बेरीज करून त्याखाली नोंदवावी व त्याखाली असलेल्या काळ्या रंगाच्या नेक्स्ट बटन वर क्लिक करावे.

वरील नेक्स्ट बटन वर क्लिक केल्यानंतर आधार कार्ड सोबत संलग्न असलेल्या मोबाईल नंबर वर सहा अंकी ओटीपी येईल तो अचूक सहा डब्यांमध्ये नोंदवावा व नेक्स्ट बटन वर क्लिक करावे अचूक ओटीपी नोंदवल्यानंतर आपल्याला आपल्या आधार कार्ड वरील माहिती पुढील प्रमाणे दिसून येते. ज्यामध्ये आपले नाव जन्मतारीख व पत्ता आपल्याला दिसतो त्या खालील काळ्या रंगाच्या नेक्स्ट बटन वर क्लिक करावे.

वरील नेक्स्ट बटन वर क्लिक केल्यानंतर आपल्याला पुढील प्रमाणे विंडो ओपन झालेली दिसेल त्यामध्ये तुमचा दहा अंकी मोबाईल नंबर अचूक नोंदवा व त्याखाली असलेल्या काळ्या रंगाच्या नेक्स्ट बटन वर क्लिक करावे. 

आपण नोंदवलेल्या मोबाईल नंबर वर आपल्याला पुन्हा एक सहा अंकी ओटीपी मिळेल तो अचूक नोंदवून नेक्स्ट बटनवर क्लिक करा. आता आपला आभा नंबर तयार झालेला आहे.

आपल्या आभा अकाउंट चे युजर आयडी व पासवर्ड आपण तयार करू शकतो ते केलेच पाहिजे असे नाही किंवा हीच प्रोसेस आपण मोबाईल ॲप वापरून देखील करू शकतो.

किंवा पुन्हा होम पेजवर जाऊन आधार ओटीपी घेऊन आपल्याला कार्ड डाउनलोड करता येईल.

मोबाईल ॲप्लिकेशन डाऊनलोड करण्यासाठी खालील Download वर क्लिक करा.. 

Download

महत्त्वाची माहिती मिळवण्यासाठी आपल्या व्हाट्सअप/टेलिग्राम ग्रुप वर 9765486735 हा नंबर ॲड करावा.

नियमित अपडेट्स मिळवण्यासाठी गुगल सर्च करा pradipjadhao हा ब्लॉग.

व्हिडिओ स्वरूपात माहिती लाईक शेअर कमेंट करा आमच्या पुढील युट्युब चैनल ला.. 

https://youtube.com/c/pradipjadhao

Join WhatsApp Channel

नवनवीन शैक्षणिक/शिक्षक व कर्मचारी हिताची माहिती मिळवण्यासाठी खालील व्हाट्सअप ग्रुप वर जॉईन व्हा.

Join WhatsgApp Group

जॉईन टेलिग्राम ग्रुप

Thank you🙏