शालार्थ पोर्टल वरील सेवा समाप्त, शालार्थ आयडी चे नियमन, शाळेचे एका जिल्ह्यातून दुसऱ्या जिल्ह्यात स्थलांतर प्रणालीवर बदल मार्गदर्शक सूचना.

शालार्थ पोर्टल वरील सेवा समाप्त करणे, शालार्थ आयडी चे नियमन करणे, शाळेचे एका जिल्ह्यातून दुसऱ्या जिल्ह्यात स्थलांतर झाल्यास शालार्थ प्रणालीवर बदल करणेबाबत मार्गदर्शक सूचना शिक्षण संचालनालय माध्यमिक व उच्च माध्यमिक कार्यालयाने दिनांक 12 नोव्हेंबर 2025 रोजी पुढील प्रमाणे निर्गमित केल्या आहे.

संदर्भ : १. शिक्षण विभाग (प्राथमिक) जिल्हा परिषद, सोलापूर यांचे पत्र क्र. जा.क्र/जिपसो/लेखा-१/बजेट/८०८/२०२५/सोलापूर, दिनांक ०३ नोव्हेंबर, २०२५ रोजी प्राप्त पत्र.

२. जिल्हा परिषद, बीड शिक्षण विभाग (माध्यमिक) यांचे पत्र क्र. जा.क्र. जिपबी/विद्याची/२०२५-२६/०५६५८, दिनांक ०७ ऑक्टोबर, २०२५ रोजी प्राप्त पत्र.

३. जिल्हा परिषद रत्नागिरी शिक्षण विभाग (प्राथमिक) यांचे पत्र क्र.जा.क्र.रजिप/शिक्षण/प्राथ/ई-१० /वेतन/९६६९/२०२५, दिनांक १६ ऑक्टोबर, २०२५ रोजी प्राप्त पत्र.

४. शासन निर्णय क्रमांक वेतन १२२१/प्र.क्र.४२/टीएनटी-३, दिनांक ०१ मार्च, २०२३.

उपरोक्त संदर्भीय विषयाच्या अनुषंगाने पुढीलप्रमाणे सूचना देण्यात येत आहेत.

१. कर्मचाऱ्याने राजीनामा दिल्यास शालार्थ आवडी बंद करुन सेवा समाप्त करणे व सदरील कर्मचारी इतरत्र रुजू झाल्यास शालार्थ आयडी चे नियमन करणे- 

या संदर्भात संबंधित कर्मचाऱ्याने ज्या शाळेवरुन राजीनामा दिलेला आहे त्या शाळेच्या विभागातील विभागीय शिक्षण उपसंचालक यांनी संबंधित कर्मचारी संबंधित विभागात अथवा इतर विभागात रुजू झाल्यास शालार्थ प्रणालीवरील सुविधा वापरुन त्याचा शालार्थ आयडी प्रथम पुनर्जिवित करावा. तद्नंतर ज्या शाळेतून राजीनामा देण्यात आलेला आहे त्या शाळेसंबंधित वेतन पथक अथवा गटशिक्षणाधिकारी (डीडीओ-२) यांनी संबंधित कर्मचाऱ्यास DETACH करावे, हा कर्मचारी ज्या शाळेत नव्याने रुजू झाला आहे त्या शाळेसंबंधित वेतन पथक अथवा गटशिक्षणाधिकारी (डीडीओ-२) यांनी या कर्मचाऱ्यास ATTACH करण्याची कार्यवाही करण्यात यावी. यापूर्वीचा शालार्थ असल्याने नव्याने शालार्थ आयडी तयार करु नये.

२. शाळा इतर जिल्ह्यात स्थलांतरीत झाल्यास शालार्थ प्रणालीवर करावयाच्या बदलाबाबत

या संदर्भात एखादी शाळा त्याच जिल्ह्यात / इतर जिल्ह्यात इतर विभागातील जिल्ह्यात स्थलांतरीत झाल्यास सदरील शाळा ज्या जिल्ह्यात स्थलांतरीत झालेली आहे त्या विभागातील विभागीय शिक्षण उपसंचालक यांनी सदरील शाळेचा पूर्वीचा युडायस क्रमांक वापरुन सदरील शाळा त्यांचे विभागात स्थलांतरीत ठिकाणी प्रणालीवरील सुविधेचा उपयोग करुन पुनर्जिवित करावा व स्थलांतरीत ठिकाणी हस्तांतरीत करावा, यानंतर संबंधित वेतन पथक अथवा गटशिक्षणाधिकारी (डीडीओ-२) यांनी सदरील शाळेचे स्थलांतरीत ठिकाणी शालार्थ प्रणालीवर School Configuration करुन घ्यावे. अथवा सदरील शाळा ज्या ठिकाणी स्थलांतरीत झालेली आहे त्या विभागातील विभागीय शिक्षण उपसंचालक यांनी नवीन युडायस क्रमांकाच्या आधारे सदरील शाळेचा समावेश संबंधित वेतन पथक अथवा गटशिक्षणाधिकारी (डीडीओ-२) यांनी सदरील शाळेचे स्थलांतरीत ठिकाणी शालार्थ प्रणालीवर School Configuration करुन प्यावे.

३. पवित्र प्रणालीमार्फत नियुक्त कर्मचाऱ्यांना शालार्थ आयडी प्रदान करणेबाबत

यासंदर्भात संबंधित शाळेच्या शालार्थ प्रणालीवर पदे नमूद नसल्यास संचमान्यते प्रमाणे विभागीय शिक्षण उपसंचालक/अध्यक्ष, विभागीय शिक्षण मंडळ यांनी त्यांचेकडील प्रणालीवरील सुविधेचा वापर करुन पदे निर्माण करावीत व अशा कर्मचाऱ्यास शालार्थ आयडी देण्याची कार्यवाही करावी.

४. अध्यापक विद्यालयातील नव्याने रुजू होणाऱ्या शिक्षकांना शालार्थ आयडी देणेबाचत

पवित्र पोर्टल मार्फत अध्यापक विद्यालयातील नव्याने रुजू झालेल्या शिक्षकांना वेतन सुरु करण्यासाठी अध्यापक विद्यालयांना युडायस क्रमांक नसल्यामुळे यापूर्वीच्या प्रचलित कार्यपध्दतीनुसार संबंधित विभागाचे विभागीय अध्यक्ष यांनी त्यांच्या ऑफलाईन पध्दतीने शालार्थ आयडी देण्याची कार्यवाही करावी.

५. दोन शाळा/शाखा/तुकडयांवर अर्धवेळ म्हणून काम करणाऱ्या कर्मचाऱ्यांचे दुसऱ्या अर्धवेळ कार्यभाराचे वेतन शालार्थ प्रणालीतून करण्याबावत.-

प्रस्तुत प्रकरणी शासन निर्णय क्रमांक चेतन १२२१/प्र.क्र.४२/टीएनटी-३ दिनांक ०१ मार्च २०२३ मधील तरतुदीनुसार कार्यवाही करण्यात यावी.

(डॉ. महेश पालकर)

शिक्षण संचालक

 (माध्यमिक व उच्च माध्यमिक) महाराष्ट्र राज्य, पुणे

शालार्थ आयडी देताना अनुसरावयाची कार्यपद्धती आणि कर्मचारी अभिलेखे डिजिटलाईज करणेबाबत  शिक्षण संचालनालय माध्यमिक उच्च माध्यमिक कार्यालतून निर्गमित दिनांक 15 सप्टेंबर 2025 रोजीच्या परिपत्रकानुसार पुढील प्रमाणे मुदतवाढ देण्यात आली आहे.

शिक्षक शिक्षकेतर कर्मचारी यांच्या नियुक्ती आदेश, वैयक्तिक मान्यता, रूज्जू अहवाल, व शालार्थ मान्यतेचे आदेश इ. कागदपत्रे शालार्थ प्रणालीमध्ये अपलोड करण्यासाठी या कार्यालयाचे पत्र दिनांक १६/७/२०२५ अन्वये सूचना निर्गमित करण्यात आलेल्या आहेत.

सद्यस्थितीत खाजगी शाळांमधील ८३ टक्के कामकाज डिडिओ-१ यांच्या स्तरावर पूर्ण झालेले आहे. संदर्भिय क्र. १ येथील पत्रान्वये दिनांक ३१/८/२०२५ पर्यंत कागदपत्रे अपलोड करण्यास मुदत देण्यात आलेली आहे. तसेच संदर्भ क्र. २ च्या पत्रान्वये दिनांक १५/९/२०२५ पर्यंत कागदपत्रे अपलोड करण्यास मुदत देण्यात आलेली आहे. याऐवजी दिनांक २०/९/२०२५ पर्यंत डिडिओ-१ तथा मुख्याध्यापक यांच्या लॉगीन मधून कागदपत्रे अपलोड करण्यास मुदतवाढ देण्यात येत आहे.

कागदपत्रे अपलोड करण्यामध्ये विलंब होणार नाही, करीता डिडिओ-१, डिडिओ-२ तसेच आपल्या स्तरावर विलंब होणार नाही याची दक्षता घेण्यात यावी. शालार्थ प्रणालीमध्ये कागदपत्रे अपलोड करण्याच्या कामकाजाकडे विशेष लक्ष्य आपल्या स्तरावर देण्यात यावे.

या निर्देशाचे काटेकोर पालन करावे.

Digitally signed by

SACHINDRA PRATAP SINGH 

आयुक्त शिक्षण 

महाराष्ट्र राज्य, पुणे

शालार्थ आयडी देताना अनुसरावयाची कार्यपद्धती आणि कर्मचारी अभिलेखे डिजिटलाईज करणेबाबत  शिक्षण आयुक्त महाराष्ट्र राज्य यांनी 26 ऑगस्ट 2025 रोजी पुढील प्रमाणे निर्देश दिले आहे.

शिक्षक शिक्षकेतर कर्मचारी यांच्या नियुक्ती आदेश, वैयक्तिक मान्यता, रूजू अहवाल, व शालार्थ मान्यतेचे आदेश इ. कागदपत्रे शालार्थ प्रणालीमध्ये अपलोड करण्यासाठी या कार्यालयाचे पत्र दिनांक १६/७/२०२५ अन्वये सूचना निर्गमित करण्यात आलेल्या आहेत.

सद्यस्थितीत खाजगी शाळांमधील ४५ टक्के कामकाज डिडिओ-१ यांच्या स्तरावर पूर्ण झालेले आहे. संदर्भिय पत्रान्वये दिनांक ३१/८/२०२५ पर्यंत कागदपत्रे अपलोड करण्यास मुदत देण्यात आलेली आहे. याऐवजी दिनांक १५/९/२०२५ पर्यंत डिडिओ-१ तथा मुख्याध्यापक यांच्या लॉगीन मधून कागदपत्रे अपलोड करण्यास मुदतवाढ देण्यात येत आहे.

कागदपत्रे अपलोड करण्यामध्ये विलंव होणार नाही, करीता डिडिओ-१, डिडिओ-२ तसेच आपल्या स्तरावर विलंब होणार नाही याची दक्षता घेण्यात यावी. शालार्थ प्रणालीमध्ये कागदपत्रे अपलोड करण्याच्या कामकाजाकडे विशेष लक्ष्य आपल्या स्तरावर देण्यात यावे.

या निर्देशाचे काटेकोर पालन करावे.

Digitally signed by

SACHINDRA PRATAP SINGH  

आयुक्त शिक्षण महाराष्ट्र राज्य, पुणे

🎯शालार्थ प्रणाली 2.0 मध्ये भरावयाची माहिती

विषय : शालार्थ वेतन प्रणालीमध्ये कर्मचारी कागदपत्रे अपलोड करणे बाबत...

मुद्दा क्र :१ 

◾ सर्व कर्मचारी यांची शालार्थ च्या टॅब मध्ये आपली ओरिजनल रंगीत कागदपत्रे अपलोड करण्याचे आहेत.

१. संस्था नियुक्ती आदेश

२. हजर रिपोर्ट

३. वैयक्तिक मान्यता जावक क्रमांक दिनांक सह 

ज्या कर्मचाऱ्यांचे नियुक्ती  : १८ / ११ / २०१६

नंतर झाली आहे त्यांनी खालील कागदपत्रे अपलोड करावीत

१. संस्था नियुक्ती आदेश

२. हजर रिपोर्ट

३. वैयक्तिक मान्यता जावक क्रमांक दिनांक सह 

४. शालार्थ डायडी मान्यता जावक क्र दिनाक सह ( ७ / ७ /२०२५ तारखे अखेर )

सदर कर्मचाऱ्यांनी आपले नियुक्तीचा प्रकार खालील प्रमाणे पर्याय निवडावा

१. कोर्टा केस

२. विना अनुदानित वरून अनुदानावर

३. टप्पा अनुदानावरुन अनुदानावर

४. अनुकंपा

५. अल्पसंख्यांक संस्था

   ६. पवित्र पोर्टल

    ७. समायोजित शिक्षक

   ८. पदभरती परवानगी घेऊन केलेले

   ९. पदभरती परवानगी न घेतलेले

( सदरची माहिती मुख्याध्यापकांच्या लॉगिन वरून पूर्ण करण्याचे आहे )

◾सदरची माहिती पूर्ण भरल्याशिवाय संबंधित शाळांचे पगार होणार नाही याची सगळ्यांनी नोंद घ्यावी.

शालार्थ आयडी देताना अनुसरावयाची कार्यपद्धती आणि कर्मचारी अभिलेखे डिजिटलाईज करणेबाबत शिक्षण संचालनालय माध्यमिक व उच्च माध्यमिक कार्यालयाने दिनांक 16 जुलै 2025 रोजी पुढीलप्रमाणे निर्देश दिले आहे. 

राज्यातील खाजगी/जिल्हा परिषद/महानगरपालिका/नगरपालिका मधील अनुदानित कर्मचा-यांचे वेतन व भत्ते शालार्थ प्रणालीमार्फत करण्याबाबत पुढीलप्रमाणे शासन आदेश/परिपत्रक निर्गमित करण्यात आलेली आहेत.

१. संदर्भ क्र. १ नुसार राज्यातील खाजगी अनुदानित प्राथमिक, माध्यमिक व उच्च माध्यमिक तसेच जिल्हा परिषद व महानगरपालिका व नगरपालिका मधील शिक्षक व शिक्षकेतर कर्मचा-यांचे वेतन व भत्ते 'शालार्थ' या नवीन वेतन प्रणालीद्वारे अदा करणेबाबत पुढीलप्रमाणे निर्देश देण्यात आलेले आहेत. यापुढे सर्व अनुदानित/अंशतः अनुदानित व स्थानिक स्वराज्य संस्था मधील शाळांच्या शिक्षक शिक्षकेत्तर कर्मचाऱ्यांचे वेतन व भत्ते शालार्थ प्रणालीमधून करण्यात यावेत. ऑफलाईन पध्दतीने करु नये. यानुसार त्या त्या वेळी कार्यरत शिक्षकांची नावे शालार्थ प्रणालीमध्ये समाविष्ट करण्यात आलेली आहेत.

२. संदर्भ क्र. ६ नुसार शिक्षणाधिकारी/शिक्षण निरीक्षक यांनी दिलेल्या वैयक्तिक मान्यतेबाबत विभागीय शिक्षण उपसंचालक यांनी शालार्थ प्रणालीमध्ये नाव समाविष्ट करणेबाचत निर्णय घ्यावा असे निर्देश दिलेले आहेत. तसेच विभागीय शिक्षण उपसंचालक यांनी दिलेल्या वैयक्तिक मान्यतेच्या बाबतीत विभागीय अध्यक्ष, महाराष्ट्र राज्य माध्यमिक व उच्च माध्यमिक विभागीय शिक्षण मंडळ, (सहसंचालक दर्जा) यांनी शालार्थ प्रणालीमध्ये नाव समाविष्ट करणेबाबत निर्णय घ्यावा असेही निर्देश दिलेले आहेत.

३. पवित्र पोर्टलद्वारे नियुक्त होणारे शिक्षक यांचे नाव शालार्थ प्रणालीमध्ये पवित्र पोर्टल वरुन शालार्थ प्रणालीस सरळ माहिती पाठवून शालार्थ आयडी तयार करण्यात येतो.

शालार्थ प्रणालीसंदर्भात उपरोक्त शासन आदेशासह व या परिपत्रकाद्वारे पुढीलप्रमाणे निर्देश देण्यात येत आहेत.

नव्याने वैयक्तिक मान्यता देणे व शालार्थ आयडी देतेवेळी अनुसरावयाची सुधारित कार्यपद्धती.

१. शिक्षक-शिक्षकेतर कर्मचा-यांच्या वैयक्तिक मान्यता प्रस्ताव सोबतच मुख्याध्यापक / शाळा व्यवस्थापनाने शालार्थ मान्यतेकरीता आवश्यक असणारी कागदपत्रे सोबत जोडावीत असे संबंधितांना कळविण्यात यावे. वैयक्तिक मान्यता प्रस्तावासोबतच शालार्थ मान्यतेची आवश्यक कागदपत्रे सादर करणे अनिवार्य राहील. सदरील वैयक्तिक मान्यता/शालार्थ प्रस्ताव ई- ऑफिस प्रणालीमध्ये आवक नोंदीसह स्विकारावा.

२ . विभागीय शिक्षण उपसंचालक/शिक्षणाधिकारी प्राथमिक/माध्यमिक व शिक्षण निरीक्षक (मुंबई) यांनी वैयक्तिक मान्यता प्रस्ताव मान्य झाल्यास वैयक्तिक मान्यता आदेश ई-ऑफिस जावक क्रमांकासह निर्गमित करण्यात यावेत.

३. वैयक्तिक मान्यता दिल्यानंतर सदर प्रस्ताव शालार्थ मान्यतेकरिता शिक्षणाधिकारी (प्राथमिक/माध्यमिक), शिक्षण निरीक्षक यांनी वैयक्तिक मान्यतेच्या आदेशासह विभागीय शिक्षण उपसंचालक यांचेकडे ई-ऑफिसमार्फत सादर करावा. याच ई-ऑफिसमधील प्रस्तावावर विभागीय शिक्षण उपसंचालक यांनी शिक्षक/शिक्षकेत्तर पदावरील कर्मचाऱ्यांच्या शालार्थबाबत निर्णय घेणे आवश्यक असेल. प्रस्ताव मान्य झालेनंतर शालार्थ आदेश ई-ऑफिस जावक क्रमांकासह निर्गमित करण्यात यावेत.

४ . त्याचप्रमाणे विभागीय शिक्षण उपसंचालक यांनी उच्च माध्यमिक स्तरावरील वैयक्तिक मान्यतेचा प्रस्ताव व ई-ऑफिस जावक क्रमांकासह वैयक्तिक मान्यता आदेश शालार्थ मान्यतेकरिताचा प्रस्ताव ई-ऑफिसमार्फत विभागीय अध्यक्ष, महाराष्ट्र राज्य माध्यमिक व उच्च माध्यमिक विभागीय शिक्षण मंडळ यांचेकडे सादर करावा. प्रस्ताव मान्य झाल्यास शालार्थ आयडीचे आदेश ई-ऑफिसच्या जावक क्रमांकासह निर्गमित करावेत.

५. विभागीय शिक्षण उपसंचालक व विभागीय अध्यक्ष, महाराष्ट्र राज्य माध्यमिक व उच्च माध्यमिक विभागीय शिक्षण मंडळ यांनी वैयक्तिक मान्यता प्रस्तावासोबत शालार्थकरिता प्राप्त झालेली कागदपत्रे व मुळ वैयक्तिक मान्यता आदेशाच्या आधारे शालार्थ मान्यतेचे/अमान्यतेचे आदेश ई-ऑफिस जावक क्रमांकासह निर्गमित करावेत. तसेच शालार्थ मान्यता आदेशाच्या दिनांकापासून ३ कामकाजाच्या दिवसांमध्ये शालार्थ प्रणालीत सदर नाव समाविष्ट करावे आणि याच प्रणालीवर अपलोड करावेत.

६. विभागीय शिक्षण उपसंचालक / विभागीय अध्यक्ष, महाराष्ट्र राज्य माध्यमिक व उच्च माध्यमिक विभागीय शिक्षण मंडळ यांना वैयक्तिक मान्यता आदेश चुकीचा असल्याचे प्रथमदर्शनी निदर्शनास आल्यास संबंधित्त शिक्षणाधिकारी/शिक्षण निरीक्षक/विभागीय शिक्षण उपसंचालक, संबंधित कर्मचारी, शाळा व्यवस्थापन सचिव/अध्यक्ष, प्राचार्य/मुख्याध्यापक व सर्व संबंधितांची विभागीय शिक्षण उपसंचालक/विभागीय अध्यक्ष, महाराष्ट्र राज्य, माध्यमिक व उच्च माध्यमिक शिक्षण मंडळ यांनी शासन निर्णय दिनांक २३/८/२०१७प्रमाणे सुनावणी घेऊन वैयक्तिक मान्यता वैध अवैध बाबत निर्णय घ्यावा.

वैयक्तिक मान्यता व शालार्थ आयडी आदेश प्राप्त झाल्यानंतर कर्मचारी अभिलेखे डिजिटलाईज करण्यासाठी करावयाची कार्यवाही.

१. दिनांक ७/७/२०२५ किंवा तदनंतर निर्गमित होणा-या शालार्थ आयडी आदेश प्रकरणात पुढीलप्रमाणे कार्यवाही करावी.

वैयक्तिक मान्यता/शालार्थ आयडी आदेश निर्गमित करण्यात आलेल्या कर्मचा-यांचे वैयक्तिक मान्यता आदेश, शालार्थ आयडी आदेश प्रत, नियुक्ती आदेश व रुजू अहवाल शालार्थ पोर्टलवर विभागीय शिक्षण उपसंचालक/विभागीय अध्यक्ष यांच्या स्तरावरून अपलोड करावेत.

२. यापूर्वीच्या प्रकरणाबाबत दिनांक ७/७/२०२५ पूर्वी निर्गमित शालार्थ आयडी आदेशाबाबत (दिनांक १८/११/२०१६ ते दिनांक ७/७/२०२५) शिक्षक शिक्षकेतर कर्मचा-यांना सक्षम प्राधिका-याने वैयक्तिक मान्यता व शालार्थ आयडी प्रदान केलेनंतर संबंधित वैयक्तिक मान्यता आदेश प्रत, शालार्थ आयडी आदेश प्रत, संबंधित खाजगी व्यवस्थापनाचा नियुक्ती आदेश व संबंधित कर्मचा-याचा रूजू अहवाल शालार्थ पोर्टलवर अपलोड करणेबाबत डिडिओ-१ तथा मुख्याध्यापक/प्राचार्य स्तरावरून कार्यवाही करणे अनिवार्य असेल. दिनांक ७/११/२०१२ ते दिनांक १८/११/२०१६ या कालावधीत शालार्थ आयडी आदेश निर्गमित केलेले नाहीत या कालावधीमधील कर्मचा-यांच्या संदर्भात संबंधित कर्मचा-याचा खाजगी व्यवस्थापनाचा नियुक्ती आदेश, रुजू अहवाल व वैयक्तिक मान्यता आदेश शालार्थ पोर्टलवर अपलोड करण्यात यावेत.

३. ज्या शिक्षक शिक्षकेतर कर्मचा-यांचे नियुक्ती आदेश, रूजू अहवाल, वैयक्तिक मान्यता व शालार्थ आयडी आदेश (लागू असल्यास) ही अभिलेखे शालार्थ प्रणालीवर दिनांक ३०/८/२०२५ पर्यंत अपलोड झालेले नसल्यास अशा कर्मचा-यांच्या बाबतीत संबंधित शिक्षणाधिकारी/शिक्षण निरीक्षक व विभागीय शिक्षण उपसंचालक यांनी वैयक्तिक मान्यता आदेश आपल्या कार्यालयाकडून निर्गमित झालेले आहेत काय याचौ खातरजमा करावी. विभागीय शिक्षण उपसंचालक व विभागीय अध्यक्ष, महाराष्ट्र राज्य, माध्यमिक व उच्च माध्यमिक शिक्षण मंडळ यांचेकडून अशा प्रकरणात सदर शालार्थ आयडीचे आदेश त्यांच्या कार्यालयाकडून निर्गमित झालेले आहेत काय याची तात्काळ खातरजमा करावी.

४. नियुक्ती आदेश, रुजू अहवाल, वैयक्तिक मान्यता व शालार्थ आयडी आदेश उपलब्ध नाहीत अशा प्रकरणात एकस्तर वरिष्ठ अधिकारी यांनी शासन निर्णय दिनांक २३/८/२०१७ प्रमाणे सुनावणी घेऊन निर्णय घ्यावा. या वैयक्तिक मान्यतेमध्ये अनियमितता असल्यास शिक्षणाधिकारी/शिक्षण निरीक्षक/विभागीय शिक्षण उपसंचालक यांनी शासकीय निधीचा अपहार प्रकरणी फौजदारी गुन्हा दाखल करण्याची कार्यवाही विनाविलंब करण्यात यावी.

५. शिक्षणाधिकारी/शिक्षण निरीक्षक/विभागीय शिक्षण उपसंचालक / विभागीय अध्यक्ष, महाराष्ट्र राज्य, माध्यमिक व उच्च माध्यमिक शिक्षण मंडळ यांनी त्यांच्या कार्यालयातून निर्गमित झालेल्या वैयक्तिक मान्यता आदेश व शालार्थ आयडी आदेश एकत्रित संग्रही ठेवले जातील याची दक्षता घ्यावी.

६. शाळा व्यवस्थापन/संस्था सचिव व मुख्याध्यापक यांनी आपल्या आस्थापनेवरील सर्व कर्मचा-यांचे वैयक्तिक मान्यता व शालार्थ आयडी आदेश (लागू असल्यास) संग्रही ठेवणे अनिवार्य आहे.

या निर्देशाचे काटेकोर पालन करावे.

Signed by

Sachindra Pratap Singh

Date: 16-07-2025 12:35:29

शिक्षण आयुक्त

महाराष्ट्र राज्य, पुणे

प्रत- प्रधान सचिव, शालेय शिक्षण व क्रीडा विभाग मंत्रालय मुंबई-३२ यांना माहितीस्तव सविनय सादर.

प्रत- माहितीस्तव.

१. शिक्षण संचालक, प्राथमिक शिक्षण संचालनालय, म.रा.पुणे-१

२. शिक्षण संचालक, माध्यमिक व उच्च माध्यमिक शिक्षण संचालनालय, म.रा.पुणे-१

३. संचालक, योजना संचालनालय, म.रा. पुणे-१

४. अध्यक्ष, महाराष्ट्र राज्य परीक्षा परिषद, पुणे

 महाराष्ट्र शासनाच्या शालेय शिक्षण व क्रीडा विभागाने दिनांक 6 मार्च 2024 रोजी निर्गमित केलेल्या शासन निर्णयानुसार निर्णय दिनांक 6 फेब्रुवारी 2023 चा परिणामकारक अंमलबजावणी बाबत शिक्षकेतर कर्मचाऱ्यांना शालार्थ आयडी देणे संदर्भात अनुसरावयाच्या कार्यपद्धतीबाबत पुढील प्रमाणे निर्देश दिले आहेत. 

शासन निर्णय, दि.०६.०२.२०२३ अन्वये त्रुटीपूर्तता झालेल्या शाळा/तुकड्यांना २० टक्के/४० टक्के अनुदान, यापूर्वी २० टक्के व ४० टक्के वेतन अनुदान घेत असलेल्या शाळा/तुकड्यांना २० टक्के अनुदानाचा वाढीव टप्पा मंजूर करणे, तसेच, अघोषित असलेल्या प्राथमिक, माध्यमिक व उच्च माध्यमिक शाळा/ तुकड्या, वर्ग / अतिरिक्त शाखा यांना अनुदानासाठी पात्र घोषित करुन २० टक्के अनुदान मंजूर करण्याबाबत निर्णय निर्गमित करण्यात आला आहे.

. सदर शासन निर्णयातील अटी व शर्ती मा. मंत्रीमंडळाच्या मान्यतेने विहित करण्यात आल्या आहेत.

२ सदर शासन निर्णयाची संबंधितांकडून प्रभावीपणे अंमलबजावणी करण्याच्या दृष्टीने संदर्भ क्र. २ येथील शासन परिपत्रक दि. २४.४.२०२३ अन्वये, शालार्थ आयडी देण्यासाठी अनुसरावयाची कार्यवाही विहीत करण्यात आलेली आहे. मात्र सदर शासन परिपत्रकातील नमूद १ ते १२ पुरावे हे शिक्षक कर्मचा-यांसाठी लागू आहेत. तथापि, शिक्षकेतर कर्मचाऱ्यांना सदर परिपत्रकातील टप्पा क्र. (३) मधील अ. क्र. (२) इ.१० वी १२ वी च्या परीक्षा मंडळाशी संलग्नित कामकाजाचे आदेश इ. (नियुक्ती दिनांकापासून), (५) विविध शासकीय प्रशिक्षणासाठी किमान ३ वेळा पाठविले असल्यास सदर प्रशिक्षणाचे प्रशिक्षण आदेश, प्रशिक्षणातील हजेरी पत्रक, उपस्थिती प्रमाणपत्र, कार्यमुक्ती आदेश इ. दस्तऐवज व (८) नियुक्तीच्या वर्षापासून वार्षिक निकालपत्रावर शिक्षक/वर्गशिक्षक म्हणून असलेल्या नोंदी या तीन बाबी शिक्षकेतर कर्मचाऱ्यांच्या कामकाजाशी फारसा संबंध येत नसल्याने, या तीन बाबी शिक्षकेतर कर्मचाऱ्यांसाठी पुरावा कागदपत्रे म्हणून ग्राहय धरणे अडचणीचे होणार आहे. तसेच, मा. मंत्री (शालेय शिक्षण) यांच्या अध्यक्षतेखाली दिनांक ०७.१२.२०२३ रोजी विधान भवन, नागपूर येथे बैठकीमध्ये अनुदानासाठी पात्र असलेल्या शाळांमधील शिक्षकेतर कर्मचारी यांना शालार्थ आयडी देण्याबाबत निर्देश देण्यात आले होते.

याबाबतचे इतिवृत्त संदर्भ क्र. (४) येथील पत्रान्वये निर्गमित करण्यात आले आहे. वरील बाबी विचारात घेता, अनुदानासाठी पात्र शिक्षकेतर कर्मचारी यांना अनुदान तातडीने उपलब्ध होण्याच्या दृष्टीने, संबंधित कागदपत्राची पडताळणी होण्याच्या दृष्टीने खालील प्रमाणे कार्यवाही करण्यात यावी.

(अ) शिक्षकेतर कर्मचा-यांची वैयक्तिक मान्यता तपासताना, संदर्भ क्र. (२) येथील शासन परिपत्रक, दिनांक २४.०४.२०२३ मध्ये नमूद कार्यपध्दतीनुसार प्रथम टप्पा क्र. (१) व टप्पा क्र. (२) येथील कार्यपध्दती अवलंबिण्यात यावी. तद्नंतर,

(ब) टप्पा क्र. (३) नुसार, खालील नमूद केलेल्या ८ कागदपत्रांपैकी किमान ४ कागदपत्रे उपलब्ध होत असल्यास, त्याची खात्री करुन शालार्थ आयडी देण्यात यावा:-

(१) शिक्षक / शिक्षकेतर कर्मचाऱ्यांच्या वैयक्तिक मान्यतेची पडताळणी करताना वैयक्तिक मान्यता देण्याच्या वर्षाच्या जावक नोंदवह्या उपलब्ध होत नसल्यास शिक्षक/शिक्षकेतर कर्मचाऱ्यांच्या नियुक्तीच्या वर्षाची युडायस प्रपत्रातील माहिती, तद्नंतरच्या वर्षामधील शिक्षक/शिक्षकेतर कर्मचारी नांव नोंद,

(२) नियुक्तीच्या दिनांकापासून चार वर्ष पूर्ण होण्यापूर्वी करण्यात आलेली बिंदूनामावली मधील कार्यरत कर्मचारी नोंद

(३) नियुक्तीच्या दिनांकापासूनचे हजेरीपत्रक, सदरचे हजेरीपत्रक केंद्र प्रमुख, शिक्षण विस्तार अधिकारी, गट शिक्षणाधिकारी, शिक्षणाधिकारी यांच्या भेटी दरम्यान प्रमाणित केलेले असणे आवश्यक आहे (किमान ३ वर्षाचे प्रमाणित)

(४) नियुक्ती दिनांकालगतच्या वर्षामध्ये शासकीय कामकाजासाठी नियुक्ती केलेली असल्यास उदा. जनगणना, पशुगणना, निवडणूक कार्यक्रम या शासकीय नियुक्ती केलेली असल्यास उदा. जनगणना, पशुगणना निवडणूक कार्यक्रम या शासकीय कामाकजासाठी सेवा अधिगहित केल्याबाबतचे कागदपत्रे इ. अभिलेखे 

५) शिक्षक पोर्टलवर करण्यात आलेली नोंद

(६) नियुक्ती वर्ष किंवा लगतच्या वर्षाची तसेच, तद्नंतरच्या वर्षाची सेवाजेष्ठता यादी, सदर यादी शासकीय अधिकारी यांनी प्रमाणित केलेली असणे,

(७) नियुक्ती शैक्षणिक वर्ष व नंतरच्या शैक्षणिक वर्ष संच मान्यता प्रपत्रातील कार्यरत कर्मचारी प्रमाणित यादी प्रपत्र

(८) वैयक्तीक मान्यतेच्या प्रस्तावाची आवक शाखेतील नोंद

वरील नमूद अ.क्र. (१) ते (८) मधील किमान ४ कागदपत्रांची पुरावा म्हणून विभागीय शिक्षण उपसंचालक विभागीय अध्यक्ष यांनी संबंधित कार्यालयाकडून खात्री करण्यात यावी. तसेच, कार्यालय प्रमुख यांनी प्रमाणित केलेल्या नक्कलाचा उपयोग शालार्थ आयडी देताना करण्यात यावा, या व्यतिरिक्त शिक्षक कर्मचारी मान्यता आदेशात, जर शिक्षकेतर कर्मचारी याची नावे समाविष्ट असल्यास, असा आदेश त्या संबंधित शिक्षकेतर कर्मचाऱ्यांच्या शालार्थ आयडी करीता एक पुरावा म्हणून ग्राहय धरण्यात यावा.

तथापि, वरीलप्रमाणे कार्यवाही करताना पुढील बाब काटेकोरपणे तपासण्यात यावी. शासन निर्णय, क्र.एसएसएन-२०१५/प्र.क्र.१२/टीएनटी-२, दिनांक २८ जानेवारी, २०१९ नुसार राज्यातील मान्यताप्राप्त खाजगी अंशतः/ पूर्णतः अनुदानित माध्यमिक व उच्च माध्यमिक शाळांसाठी शिक्षकेतर कर्मचाऱ्यांसाठी सुधारीत आकृतीबंध लागू करण्यात आला असून, वरील परिपत्रकाच्या अनुषंगाने वैयक्तिक मान्यता देण्यात येणाऱ्या शिक्षकेतर कर्मचारी यांची संख्या या आकृतीबंधानुसार विहित केलेल्या अनुज्ञेय पदांच्या मर्यादेपेक्षा अधिक होणार नाही, याची दक्षता शिक्षणाधिकारी/उपसंचालक यांनी घ्यावी.

३. तसेच, जावक नोंद नसताना सादर केलेली कागदपत्रे योग्य असल्याची खातरजमा सक्षम प्राधिकाऱ्याने करावी. तद्नंतरच शालार्थ आयडी करीता सदर पुरावा ग्राह्य धरण्याची कार्यवाही करावी. या प्रत्येक प्रकरणात निर्णय घेताना एफआयआरची साक्षांकित प्रत जोडणे अनिवार्य राहील. तसेच वैयक्तिक मान्यते संदर्भात अनियमितता निदर्शनास आल्यास शासन निर्णय, दिनांक २३.०७.२०१७ मधील तरतूदीनुसार वैयक्तिक मान्यता रद्द करण्याची कार्यवाही करण्यात यावी.

४. संदर्भीय शासन निर्णयातील तरतुदीप्रमाणे शासन निधीचा विनियोग योग्य असल्याची खातरजमा सक्षम प्राधिकाऱ्यानी करावी, शासन निधीचा विनियोग योग्य असल्याची खातरजमा होत नसल्यास, यथानियम सदर शाळांची मान्यता रद्द करण्याची कार्यवाही सर्व संबंधित कार्यालयांनी करावी.

५. सदरचे परिपत्रक शासनाच्या www.maharashtra.gov.in संकेतस्थळावर उपलब्ध करण्यात आले असून त्याचा संगणक सांकेतांक क्र २०२४०३०६१७२७५३३४२१ असा आहे. सदरहू परिपत्रक डिजीटल स्वाक्षरीने साक्षांकित करुन निर्गमित करण्यात येत आहे.

महाराष्ट्राचे राज्यपाल यांच्या आदेशानुसार व नावाने,

(प्रमोद कदम)

कार्यासन अधिकारी, महाराष्ट्र शासन

वरील संपूर्ण शासन निर्णय पीडीएफ स्वरूपात डाउनलोड करण्यासाठी खालील Download वर क्लिक करा. 

Download

महत्त्वाची माहिती मिळवण्यासाठी आपल्या व्हाट्सअप/टेलिग्राम ग्रुप वर 9765486735 हा नंबर ॲड करावा.

नियमित अपडेट्स मिळवण्यासाठी गुगल सर्च करा pradipjadhao हा ब्लॉग.

व्हिडिओ स्वरूपात माहिती लाईक शेअर कमेंट करा आमच्या पुढील युट्युब चैनल ला.. 

https://youtube.com/c/pradipjadhao

Join WhatsApp Channel

Follow Telegram Chanel

नवनवीन शैक्षणिक/शिक्षक व कर्मचारी हिताची माहिती मिळवण्यासाठी खालील व्हाट्सअप ग्रुप वर जॉईन व्हा.

Join WhatsgApp Group

जॉईन टेलिग्राम ग्रुप

Thank you🙏