या शाळेतील विद्यार्थ्यांना मिळणार शाळेतून बॅच व ओळखपत्र MPSP द्वारे प्रति विद्यार्थी १०० ₹ वितरित!

pradipjadhao June 06, 2026

महाराष्ट्र प्राथमिक शिक्षण परिषद, मुंबई. कार्यालयाने दिनांक 5 जून 2026 रोजी विद्यार्थ्यांसाठी बॅच व ओळखपत्र साठी निधी वितरणाबाबत पुढील प्रमाणे आदेश निर्गमित केला आहे.

महाराष्ट्र शासन शालेय शिक्षण व क्रीडा विभाग समग्र शिक्षा महाराष्ट्र प्राथमिक शिक्षण परिषद, मुंबई..

मप्राशिप/PM SHRI/लेखा/Badge & ID-(PM SHRI-School)/२०२६-२७/1992

05 JUN 2026

-: कार्यालयीन आदेश:-

PM SHRI योजनेतंर्गत सन २०२६-२७ मध्ये मंजूर झालेल्या कृती आराखड्यानुसार पीएमश्री ८६० शाळांना राष्ट्रीय शैक्षणिक धोरण - NEP २०२० च्या घटकांनुसार शाळांमध्ये सुलभ अंमलबजावणी करावयाची आहे. त्यानुषंगाने सन २०२६-२७ मध्ये PM SHRI योजनेतंर्गत ८६० शाळांमधील विद्यार्थ्यांसाठी बॅच व ओळखपत्र PM SHRI logo for all students like Badge and ID प्रति विद्यार्थी रू.१००/- याप्रमाणे ३०४००३ विद्यार्थ्यांसाठी रक्कम रु.३,०४,००,३००/- (रू. तीन कोटी चार लक्ष तीनशे फक्त) इतका निधी जिल्हा व महानगरपालिका स्तरावर Child Limit Recurring - GEN, SC, ST (आवर्ती) साठी Withdrawal limit SNA-SPARSH प्रणालीद्वारे वितरित करण्यात येत आहे. (सोबत विवरणपत्र)

जिल्हा परिषद व महानगरपालिका निहाय वितरित केलेल्या निधीचा तपशील सोबत जोडण्यात येत आहे. जिल्हा परिषद व महानगरपालिका यांनी देखील सदर निधीचे वितरण Withdrawal limit SNA-SPARSH प्रणालीद्वारेच करणे आवश्यक आहे. मंजूर तरतूदी नुसार वितरित केलेला निधी विचारात घेऊन खर्च दिलेल्या कार्यक्रमावरच करावयाचा आहे. प्रकल्प मंडळाच्या बैठकीतील इतिवृत्तातील सूचना, FMP Manual व इतर लागू असलेले नियम यांचे पालन करून व आवश्यक मंजूरी घेऊन खर्च करण्यात यावे. निधी प्राप्त होताच त्याची पोच या कार्यालयास तातडीने देण्यात यावी.

सोबत : विवरणपत्र.

(देविदास कुलाळ)

सह संचालक (प्रशा.) म.प्रा.शि.प., मुंबई.

प्रत माहिती व योग्य कार्यवाहीस्तव अग्रेषित :

१) मा. आयुक्त महानगरपालिका, (सर्व)

२) मा. मुख्य कार्यकारी अधिकारी, जिल्हा परिषद, (सर्व)

३) शिक्षणाधिकारी (प्राथमिक), जिल्हा परिषद, (सर्व)

४) शिक्षणाधिकारी/प्रशासन अधिकारी, महानगरपालिका, (सर्व)

प्रत माहितीस्तव :-

१) उपसंचालक (प्रशा/ प्रकल्प), मप्राशिप, मुंबई

२) समन्वयक (लिंग समभाव), मप्राशिप, मुंबई